Suosittuja jakeita Raamatun kirjasta Maatoosa 7

Jaa

«Woossoytta yinttis ingginttoda, kozhoytta yi demmada, bale yi7ii xeegoytta yinttis dooyinttoda.

Woossiza ooskka ingginttoda, koyiz ooskka benttoda, bale yi7ii xeegiz ooskka dooyinttoda.

«Yikee, yha ta qaala si7ii oothiza oonkka fa keetha zaallal afa keexxeez wozinaama as garkke.

Yhankkitay yinttis oothod garkk yi kozhiz baz ubba yinttikka hara asis oothoytta. Abis giiko, Muse higgaynnee nabittay tamaarssizay yhaya.

Zin de7oko kanggiz ogaynnee pengay un7a; ezayir geliza asaykka xiqqa.

«Un7a penger geloytta; dhabo kanggiz ogay damma, pengaykka dalgge. Ezayir geliza asaykka gaame.

Yeezin yi iititay yi na7itayis lo77o baz imo eriko, salo yez yi aday fana woossizittays lo77o baz wayizii gaanthii inggaamo?

«Yinttal afa pirddinttaamay garkk hara asal afa pirddippate. Abis giiko, hara asal afa yi pirddizay garkk yinttal afa pirddoda; yi hara asis makkeez bazar yinttis mahii makinttoda.

Yha ta qaala si7ii oothowa oonkka fa keetha shafel afa keexxeez boozo athay garkke.

Ne aafe yez tuussa be7ekkazar ne ishay aafe yez buuxa abis be7ee? Ne aafe tuussi yezin ne ishay aafe yez buuxa kesso goddayis wayizii danda7ee?

«Afa baggar dure aazii ganccer fuge maaqqii bonqqodayis yi gancce geliza wordo nabitaypp naaginttoytta. Yi unttan, u aafayir eroda; angguthapp woynnee, gijjepp balase maxinttoya.

Yey garkk lo77o mithii ubbay lo77o aafe aafiza; iita mithii iita aafe aafiza.

Lo77o mithii iita aafe aafooya, ma iita mithii lo77o aafe aafodayis danda7ooya.

Lo77o aafe aafowa mithii ubbitay gachchinttii tama gancce olinttoda.