Suosittuja jakeita Raamatun kirjasta یوحَنّا 13

Jaa

ما یگ حُکمِ نَو دَز شُمو مِیدیُم تا شُمو یگدِیگِه خُو ره دوست دَشته بَشِید: امُو رقمِیکه ما شُمو ره دوست دَشتُم، شُمو ام امُو رقم یگدِیگِه خُو ره دوست دَشته بَشِید. اگه شُمو قد یگدِیگِه خُو مُحَبَت دَشته بَشِید، دَمزی رقم پگِ مردُم مِیدَنه که شُمو یارای ازمه اَستِید.“

پس اگه ما که مَولا و معلِمِ شُمو اَستُم، پایای شُمو ره شُشتُم، شُمو ام باید پایای یگدِیگِه خُو ره بُشویِید. ما دَز شُمو یگ مِثال-و-سرمَشق دَدُم تا امُو رقم که ما قد شُمو کدُم، شُمو ام امُو رقم بُکُنِید.

عیسیٰ دَ جواب شی گُفت: ”کاری ره که ما مُونُم تُو آلی نَمُوفامی؛ مگم پسان پَی موفتی.“

ما حقِیقت ره دَز شُمو مُوگُم: یگ غُلام از بادار خُو کده بُزُرگتَر نِییه و نَه ام یگ قاصِد از کسی که اُو ره رَیی کده.

آلی که امی چِیزا ره پَی بُردِید، خَیر-و-بَرکت دَز شُمو اگه دَزوا عمل کُنِید.

اُو از سرِ دِسترخو باله شُد و کالای خُو ره بُر کده یگ دِستمال ره دَ گِردِ کمر خُو بسته کد. بعد ازُو آو ره مَنِه لَگَند شیو کده دَ شُشتونِ پایای یارا شُروع کد و قد دِستمالی که دَ گِردِ کمر شی بسته بُود، پایای ازوا ره پاک کد.