Suosittuja jakeita Raamatun kirjasta لُوقا 6

Jaa

بِدِید تا دَز شُمو دَده شُنه. یگ مَنَکِ خُوب فِشار دَده شُده، تکان دَده شُده و سرریزی کده دَ بَغل شُمو ایشته مُوشه، چُون دَ مَنَکی که مِیدِید، دَ امزُو مَنَک دَز شُمو دَده مُوشه.“

آدمِ خُوب از خزانِه خُوبِ دِل خُو چِیزای خُوب بُر مُونه و آدمِ شرِیر از خزانِه بَد خُو چِیزای بَد بُر مُونه، چُون دانِ اِنسان از چِیزی که دَ دِلِ اِنسان پِرَیمو اَسته، توره مُوگیه.

لیکِن شُمو دُشمَنای خُو ره دوست دَشته بَشِید و قد ازوا خُوبی کُنِید. قرض بِدِید و هیچ اُمِیدِ پس گِرِفتون شی ره نَدَشته بَشِید. اوخته اَجر شُمو غَدر کَلو مُوبَشه و شُمو بچکِیچای حضرتِ اعلیٰ مُوشِید، چُون اُو حتیٰ دَ حقِ ناشُکرا و بَدکارا ام مِهربو اَسته.

پس رَحم‌دِل بَشِید امُو رقم که آتِه آسمانی شُمو رَحِیم اَسته.

دَ بارِه دِیگرو قضاوَت نَکُنِید تا قضاوَت نَشُنِید؛ دِیگرو ره محکُوم نَکنِید تا محکُوم نَشُنِید؛ بُبخشِید تا بخشِیده شُنِید.

مگم شُمو کسای که گوش مِیگِیرِید، دَز شُمو مُوگُم که دُشمَنای خُو ره دوست دَشته بَشِید و کسای که از شُمو نفرَت دَره قد شی خُوبی کُنِید؛ کسای که شُمو ره نالَت مُونه بَلدِه ازوا خَیر-و-بَرکت طلب کُنِید و کسای که شُمو ره آزار-و-اَذیَت مُونه بَلدِه ازوا دُعا کُنِید.

پس امُو رقم که شُمو میخاهِید مردُم قد شُمو رفتار کُنه، شُمو ام امُو رقم رفتار کُنِید.

اگه یَگو کس دَ کومِه راست تُو قد چپات مِیزَنه، کومِه دِیگِه خُو ره ام سُون ازُو دَور بِدی. و اگه یَگو کس چَپَن تُو ره مِیگِیره، پیرون خُو ره ام ازُو دِریغ نَکُو. هر کس که از تُو یَگو چِیز طلب مُونه دَزُو بِدی و کسی که یَگو چِیز تُو ره مُوبره از شی پس طلب نَکُو.

هیچ دِرختِ خُوب میوِه بَد نَمِیدیه و دِرختِ بَد ام میوِه خُوب نَمِیدیه.

امی رقم هر دِرخت از میوِه خُو شِنَخته مُوشه، چراکه مردُم انجِیر ره از قدِ خار جم نَمُونه و انگُور ره از بُوٹِه خار نَمِیچِینه.