Suosittuja jakeita Raamatun kirjasta لُوقا 9

Jaa

اوخته اُو دَ پگِ مردُم گُفت: ”اگه کسی میخایه که از مه پَیرَوی کنه اُو باید خود خُو ره اِنکار کُنه و صلِیب خُو ره باله کده از پُشتِ ازمه بییه.

چُون هر کسی که بِخایه جان خُو ره نِجات بِدیه، اُو ره از دِست مِیدیه، مگم هر کسی که بخاطرِ ازمه جان خُو ره از دِست بِدیه، اُو ره نِجات مِیدیه.

مگم عیسیٰ دَزُو گُفت: ”کسی که دِست شی دَ قُلبه بَشه و پُشتِ سر خُو توخ کُنه، اُو دَ پادشاهی خُدا سَم نَمییه.“

چُون بَلدِه اِنسان چی فایده دَره که تمامِ دُنیا ره دَ دِست بیره، مگم جان خُو ره از دِست بِدیه یا تَلَف کُنه؟

پس هر کسی که از مه و از تورای مه نَنگ دَشته بَشه، «باچِه اِنسان» ام وختِیکه دَ بُزُرگی-و-جلالِ خود خُو و دَ جلالِ آتِه آسمانی و ملایکه های مُقَدَّس مییه، ازُو نَنگ مُونه.

ولے عیسیٰ دَزُو گُفت: ”روباه ها غار دَره و مُرغَکوی آسمو وور دَره، مگم «باچِه اِنسان» جای سر ایشتو ام نَدره.“

و دَزوا گُفت: ”هر کسی که امی بچکِیچه ره دَ نامِ ازمه قبُول کُنه، مَره قبُول کده و هر کسی که مَره قبُول کُنه، امُو ره قبُول کده که مَره رَیی کده. پس کسی که دَ مینکل شُمو از پگ کده ریزه‌تَر بَشه، بُزُرگتَرِین اَسته.“