Suosittuja jakeita Raamatun kirjasta رُومیا 3

Jaa

چراکه پگ گُناه کده و از بُزُرگی-و-جلالِ خُدا دُور مَنده، مگم دَ وسِیلِه فَیضِ خُدا مُفت-و-رایگان عادِل حِساب مُوشه، دَ واسِطِه فِدیِه که دَ مسیح عیسیٰ وجُود دَره.

و عدالتِ خُدا دَ وسِیلِه ایمان دَ عیسیٰ مسیح بَلدِه تمامِ کسای اَسته که ایمان میره. چُون دَ بَینِ اِنسان ها هیچ فرق وجُود نَدره،

خُدا اُو ره بحَیثِ کِفارِه گُناه پیش کد که خُون شی ریخته شُنه و از طرِیقِ ایمان دَزُو بخشِشِ گُناه حاصِل شُنه تا خُدا عدالت خُو ره نِشو بِدیه. اُو بخاطرِ بُردباری اِلٰهی خُو از گُناه های که سابِق انجام شُده بُود، تیر شُد تا عدالت خُو ره دَ زمانِ حاضِر نِشو بِدیه و ثابِت کُنه که اُو عادِل اَسته و کسای ره که دَ عیسیٰ ایمان میره، ام عادِل حِساب مُونه.

چُون هیچ اِنسان قد اِجرا کدونِ کارای شریعت دَ نظرِ خُدا عادِل حِساب نَمُوشه، چراکه دَ وسِیلِه شریعت شِناختِ گُناه حاصِل مُوشه.

امُو رقم که نوِشته یَه: ”هیچ کس عادِل نِیَسته، حتیٰ یگ نفر ام نَه. هیچ کس نِییه که بُفامه و هیچ کس نِیَسته که دَ طلبِ خُدا بَشه. پگ گُمراه شُده، اُونا قتی بےاَرزِش شُده؛ هیچ کس نِیَسته که کارِ نیک انجام بِدیه، حتیٰ یگ نفر ام نَه.“

چُون مو دَزی عقِیده اَستی که یگ اِنسان دَ وسِیلِه ایمان، جدا از کارای شریعت عادِل حِساب مُوشه.

هرگِز نَه! بَلکِه خُدا راستگوی اَسته، ولے پگِ اِنسانا دروغگوی؛ امُو رقم که نوِشته شُده: ”تاکه تُو دَ توره های خُو بَرحق ثابِت شُنی و دَ قضاوَت خُو پیروز شُنی.“