Suosittuja jakeita Raamatun kirjasta Matiyew 5

Jaa

Kendzey a kam waw ka lalam na, ma da hwarkwafa 'uwaŋ kakay seŋgey, ama na a padama na tsaŋ ka slam ma luwey lalam, ma ka nəkatar dey a ndaw na da 'ay ana hay tabiya ha. Andza ha satsa na, waw a kwar ka wuɗey ka slam dey ma ndaw hay, ma ka nəkadama tek a kwar hayna hay ma kam ana na, ka hasəkadəmara bəzay a Baba kwar na da 'ərlam ana.

Kuray na waw me nəkey dey ma bəla hay. Wuraw ma kaha tsaŋ ka 'ar ma mamba na, a kəzley kakay.

Ndaw na ta mevel tsəzlakka na hay na, taya da wuiya zləna, a da nəkadama Bay ma Bəla ta dey ta.

Ndaw may ma tsatar, ma harta hiya ta dzerey ana hay na, taya da wuiya zləna, a da rəham.

Ama yah ekəɗey i ləvakwar: wuɗəmata ndaw dugwan a kwar hay, ɗulafəmata mey ka ndaw ma kadəmakwar tatakoy ana hay

«Ndaw ta mevel ma ndaw mbarga na hay na taya da wuiya zləna, Slala ma 'ərlam ma vəlaha ma ta.

Ndaw na ma kam mber ma zozoy hay na, taya da wuiya zləna, a da zəlamata na bəzey ma Bay ma Bəla ahiya.

Ndaw ləfeɗeɗe ana hay na, taya da wuiya zləna, a da ndzafama dala. andza na ma Bay'ərlam ma ləvatara na.

Ndaw ma kadəmata tatakway hərway ma dzerey ana hay na, taya da wuiya zləna, Slala ma 'ərlam ma vəla ha ma ta.

Ndaw na ndaw hay ma kəmatar da vaw ana hay na taya ta wuiya zləna, hərway a da kam da vaw tey.

Ka da ndzam da wuiya, kendzey andza a tsaɗəmakwar, kwa andza a kadəmakwar tatakoy, a tsafəmakwar so ha ka tek haya kakay ana hay tabiyaha hərway ɗaw na. Ayaw, ndzam da wuiya, ndzam perkeke, hərway masa kwar da 'ərlam ma paha ɗuhwa ha, zləna, akwa a kadəmatərawa tatakoy ta ndaw sek ana hay, ma da husawa ka kuray ana na, andza ha.»

Ndaw ma tuway ana hay na taya da wuiya zləna, a da bədadəmata.

Kuray na mandaŋ ma dala hay. Kendzey andza mandaŋ a vəɗey sakay na, a da təradama ka vəɗey na ta mey sa mey? Tsoy a nefey sakay, seŋgey; sey a batəkwadama na a bəla, ndaw hay a halam ta 'arra.

Kuray tok na, ka da təram na kərem kokwoɗ a hiya, andza Baba kwar da 'ərlam, ŋga na kərem kokwoɗ aha na.»

Kendzey ka tsam guma na, ləvam: 'Ayaw na, ‹ayaw›, a'ay na, ‹a'ay›; sa na tabiyaha, a sawa na da ndaw wewer.»

«Kuray ka tsənadama ba, a tsəmawa na tsosl dey na, tsosl tey! Tsoy sler na, tsoy tey! Ama yah ekəɗey, i ləvakwar: ka da madəmatara gandaf ma ndaw seweɗ zlay. Dzadzak haɗaw ndaw ka kəlaka marawa ba, ka tsakay sləmay ma har zəmay na, ɓadara naŋgar sa.

Haɗaw dey ma har zəmay ɗek a vahaka ba a meŋgəsey na, tsursla, kəlada ba dəreŋ ta kah, hərway ŋgama mezəvey ma vaw ɗek asləta ka zəɗey, ta neney kah ma da daw ta 'ar eɗek adzay kərem, a waw ma laɓa ha na na. Haɗaw har zəmay ɗek a vahaka ba a meŋgəsey na, rətsa, kəlada ba dəreŋ ta kah; hərway ŋgama mezəvey ma vaw ɗek asləta ka zəɗey, ta neney kah ma da daway ta 'ar eɗek adzay kərem, a waw ma laɓa ha na na.