Suosittuja jakeita Raamatun kirjasta Matewsà 27

Jaa

Kokonye ehtoko, nàrwonàmye hatà, Txesusu, teryewrye ro hatà. Erye, erye, ryema sakmahtane, kekon hatà. Àro wyaro katxho rma, onà wyaro katxho me rma naha. Rohoryenà y, rohoryenà y, àsok tawro uro màhnànkan harha katxho me rma naha.

Àro wyaro Txesus wayehnàtoko, Khoryenkom màn yawonotho newaraxkay hatà. Thoko rma newaraxkay hatà, wom yatxarakaxahotho, Khoryenkom màn yawonotho. Eryehtyero newaraxkay hatà, txomo na hama. Nosowusày xarha tà, yukryeka. Nerakay xarha tà, tohu ymo. Àro wyaro tahoxetà yonyhoy hamà, Khoryenkomo, Txesus wayehnàtoko. Nasanàmtxownà xarha tà, toto heno komo, àwayehxemo kom waye. Natahurmakay hatà, enamàthàyamotho, tohu ymo, ahusahotho ymo. Thenyehra nasanàmtxownà hatà, àwayehxemotho komo, Khoryenkomo mryenon heno komo rma.

Kowontay haxa hatà, Txesusu, teryewrye ro hatà. Àro wyaro tkowontatxhe rma, wayehye hatà. Tano me ro rma wayehye hatà.

Yukryeka yosowusnàrà yonyey hatà, horykomo, arymano ynye ro komo yohà rma, 100 komo yohà rma. Akoron komo xarha, arymano ynye ro komo rma, nenytxownà hatà. Txesusu yonyàr hoko ehxemo rma mokyam nehxatxkon hatà, nyamoro ha. Khoryenkom yahoxetà hutwamohsotho yonytxownà hatà, thenyehra hatà. Àro ke noseryehyatxkonà rma haxa mak hatà. Khoryenkom muru me nahko hamà, moson heno, ketxkon hatà.

Kamàmà thataw ehtoko, nawanay harha tà. Ràà kay hatà, yukryeka yamtar horye, omeroro hatà. 3 oras nenatày hatà, tawanye rma hatà. Kokonyehra rma hak ehtoko, tawanye rma hak nehxakon hatà.

Àsoke ryhe Txesusu weryano, kekon hatà, Peratusu, àwyanye. Kryestu rma noro hatà. Àsoke ryhe weryano, owyanye, kekon hatà. Amoyathohoko, yahkotohen hona, ketxkon hatà, omeroro. Àsok ehtxoho hoye ro wamoyathoheno, kekon hatà, Peratusu. Àsoke ryhe naye, anhànà, owyanye, kekon hatà, toto komo wya. Thenyehra rma haxa kowontetxkon hatà, nyamoro, teryewrye ro rma haxa mak hatà. Amoyathohoko, yahkotohen hona, ketxkon hatà.