Suosittuja jakeita Raamatun kirjasta SAN JUAN 6

Jaa

Jesús caj ya'araj ti'ob: ―An ten bic cu cuxriquechex ti' a wo'och wajex. Baxuc a teno' iren waj quir a cuxtarex munt q'uin. A mac a cu tar tin wicnʌn tan yacsic tu yor ten. Aro' irej wa mʌ' u yuc'chʌjʌr baxuc irej wa mʌ' ju wi'chʌjʌr xan.

Quire' a pixamex je' u cuxtarex munt q'uin quire' a winquirirex mʌ' neno'ji'. Mʌ' ja wirej, in t'ʌn a tin wa'araj techex, raji' ti' a pixamex quir u cuxtarex munt q'uin.

Mʌ' rajra' ca tucriquex a wochex quire' cu xupur aro'. Ca' a cʌxtex a wochex ti' a pixamex quire' munt q'uin ti' yʌn a pixamex. Je' in ts'ic techex a teno' a mac tuchi'ta'b ten C'uj. Quire' baxuc caj u ts'aj in beyaj in Tet C'uj.

Baxuc u c'at in Tet xan tu cotor mac a cu ya'aric: “U pararech C'uj” ti' ten. A mac a cu quibic in t'ʌn je' in taquic soc u cuxtar munt q'uin. Wa cu quimin je' in ric'sic ca' bin c'uchuc tu q'uinin u xur t'ʌne'.

Jesús caj u nuncaj ti'ob tan ya'aric: ―Ra' u beyaj C'uj quir a wacsiquex ta worex ten quire' tu tuchi'ten C'uj.

Tu cotor mac a cu ts'abʌr ti' ten C'uj. Je' u tar tin wicnʌn. A mac a cu tar tin wicnʌn ten qui' in wor in ts'ic ti'ob u cuxtar munt q'uin. Mʌ' biq'uin quin bin in joc'sic.

Simón Pedro caj u nuncaj ti' Jesús tan ya'aric: ―Mʌna' mac quir ic bin ic tsicbar ti' u t'ʌn C'uj. Chen a techo' yʌn a t'ʌn quir ij cuxtarex munt q'uin.

A teno' taren ich ca'anan, iren a woch wajenex quir a cutarex munt q'uin. Tu cotor mac a cu jantic yoch waj a quin tsicbar ti' techex, je' u cuxtar munt q'uine'. A woch wajex a quin ts'ic techex raji' in winquirir. Je' in ts'ic ti' soc tu cotor mac cu bin u cuxtar munt q'uin.

Mʌna' mac cu bin tar tin wicnʌn quir u yacsic tu yor wa mʌ' teta'b ten C'uj a mac tu tuchi'tajen. A mac cu tar tin wicnʌn quir u yacsic tu yor wa cu quimin je' in ca' ric'sique' ca' binin c'uchuc u q'uinin cu xur t'ʌne'.

A C'ujo' cu ts'ic yo'och a jach jaj cu tar ti' ca'anan. A je' ocha' quir a cuxtarex munt q'uin a mac a ti' yʌnob ich yoc'ocab.

A teno' iren a woch wajenex ―quij Jesús―, quir in ts'ic a cuxtarex munt q'uin.

Jesús caj u chucaj pan a cincojo' caj u ya'araj ti': ―Bayo' C'uj. Caj ts'oqui' caj u ts'aja ti' u camsʌwinicob quir u jʌsicob ti' a pimo', a ti' cura'anob. Baxuc caj u betaj xan yejer yoch cʌy, tan u rʌc jʌsic ti'ob a mun u c'at. Caj nachʌjob. Jesús caj ya'araj ti' u camsʌwinicob: ―Marex u xet'er tu' mʌ' ju rʌc jantob soc mʌ' u sa'atʌr.

Caj nachijob tan u binob yejer chem. Yʌn cinco kilómetros caj yirob Jesús. Tan u ximbar ich yoc'o ja', tan u c'ʌs nats'ʌr ich chem caj u ch'aj sajquirob u camsʌwinicob caj yirob u tar Jesús. Chen Jesús caj ya'araj ti'ob: ―Ten ca wiriquenex ―quij―, mʌ' a ch'iquex sajquir.