Suosittuja jakeita Raamatun kirjasta Kutangisa 6

Jaa

Yahwe bakazwisola kube bakathama nthu mu shango, ngono bakahwa zogwadza.

Yahwe bakabona kuti mbipo ye nthu yakula mu shango ne kuti zwabanokumbula mu moyo yabo i mbipo zwibaka zose.

Koga Nuwa kahwigwa ngoni ndi Yahwe.

Edzi i thawu ngekwa Nuwa. Nuwa wakabe ali nthu wakalulwama, asina nlandu pakati kwe bathu be tjibaka tjitje, wakabe eyenda ne Ndzimu.

Ndizo Yahwe bakabe beti, “Ndowolobesa bathu bandakabumba ndibadusa mu shango, bathu ne phuka ne zwibumbiwa zwinokambayila mu shango ne nyuni dzinowuluka, ngoti ndozwisola kube ndakabathama.”

Kwakati bathu betangisa kuwanda mu shango, bezwala bakololokadzi, bakololo be Ndzimu bakabona kuti bakololokadzi be bathu bakanaka, ngono bakashalula babakada bakabalobola. Ipapo Yahwe bakabe beti, “Meya yangu aingagale mu nthu nge kusingapele, ngoti nthu unofa. Mazhuba awe anowobe makole ali zana ling'ompela lina makole ali makumi mabili (120).” Mu misi iyeyo kwakabe kuna bathu balefu, bakasima mu shango ne mu misi yakaitobela, pakati bakololo be Ndzimu bakawalilana ne bakololokadzi be bathu ngono bakathama bana nabo. Bakabe bali balume be babhayani bakulu ba ntolo, balume bakabe bezibika.

Nuwa kakuthama ikoku, kathama kose Ndzimu kwawakandwa.

Ndizo Ndzimu ukati kuna Nuwa, “Ndazwimisila kuzhisa bheledzo le bathu bose, ngoti shango izhele kumukilana nge kwabo. Ndowobalobesa kose ne shango.

Ndizo uzwithamigwe araka nge makwasayile akasima, uthame ng'umbana dzakathubukana muili, uidzile nge ikontiri mukati na kuzhe.

Ndzimu ukalinga shango ngono ukabona yakabola nge jinyo, ngoti mipanga ye bathu bose yakabodziwa nge jinyo.

Ungine ne bubili gwe zwitjili zose mu araka, tjilume ne tjikadzi mu ludzi gumwe ne gumwe kuti zwitjile nawe.