SILBAWLTE 24
24
Paul gamoptu Felix ma ah
1Huleh ni ngaa nungin siampulal Anania toh, upate leh a min Tertulla thusoi siam toh a hungsuh va, Paul tunga thubuai chu gamoptu kawmah a soi uh.
A heehna uh
2Huleh Paul a kouhdoh tahun, Tertulla in amah a heehpanta a, Felix zahumpen, Nangmah vangin lungmuangtahin ka um va, huleh, na kepna jiaha hi namte a diinga giitlouhna khap hoih a, a um jiahin, 3Bang chihtanin khoimun pouhah lungkimtahin ka kipaah zing uhi. 4Ahihvangin, nang diing a chimtahhuai talua hih ka ut sih, na migiitna a ka thu uh themkhat hung ngaihkhiahsah diingin ka hung ngen ahi. 5Ajiahchu, kei un hi mi huathuaitah, khovel a Judate zousiah tohbuaitu leh Nazareth mite pawla a makaipen uh khat ahih ka he uhi; 6Pathian biahinn suhbuah zong a tum a; amah chu man ung a, ka daan bang va vaihawmsah ka tup uh ahi; 7Hizongleh, sepaih houtu lianpen Lisia ka kawmvah ahung kuana, huleh, ka khut va kipatin ngongtattahin a lamangta hi, 8A tunga thubuai neite na kawma hung diing thu pia in; nang ngei in amah dongchian in, ka heehna thute uh na he thei diing hi, a chi a. 9Huleh Judate’n zong hu thu chu huchibang ahi chi'n a panpih uhi.
Felix ma a Paul in a dihna a soi
10Huin gam-optu’n thusoi diing a khut a, a jap tahin, Paul in, Nang chu kum tamtah hi namte vaihawmsahtu na hih ka heet jiahin kipaahtahin ka dihna thu ka soi diing hi. 11Jerusalem a Pathian be diing a ka chiahtouh nung ni sawmlehnih val ahi nai sih diing chih na he thei diing. 12Huleh, Pathian biahinn a mi toh ka kinial aha, ahihlouhleh kikhopna inn leh khosunga mipi ka chiilsiatna bangmah a mu sih uhi; 13Huin zong ahung heehnate uh kichiantahin a bul a suikhe thei sih uhi. 14Hizongleh, hi thu chu na kawmah ka soidoh hi, amahun biahdan tuam a chih uh lam juiin ka pulepate uh Pathian ka bia a, daan leh zawlneite lehkhabu a kigial zousiah gingta in; 15Huleh, mi dihtatte leh dihtatloute thohkiitna a um diing chi a amahun zong a gintaat uh, huchu ke’n Pathian lamah ka kineppih ahi. 16Hujiahin, Pathian lam leh mihing lama a sia a pha heetkhenna nei a, suhkhial beia um diingin bangchihtanin ka kihahbawl hi. 17Tuin, kum tampi nungin ka namte uh kawma silpiah diing leh ganthah diing hung kengin ka hung a. 18Hu sil ka piah laiin, Asia gam a hung kipan Judami kuate aha in, mipi tellou leh buai louin Pathian biahinn a ka kihihsiang thou chu ahung mu uhi. 19Hutein ka tunga thubuai nei hileh uh hi ah na ma ah um in ahung heeh diing uhi. 20Ahihlouhleh, hi mite ngei in vaihawmtute ma a ka din laiin, ka suhkhelh muh a neih uleh, soi u’heh. 21Hi thu kam khat jiah houh ahih ngal louhleh a lahva ding a, Misi thohkiitna thu ah tuni’n na ma vah salh in ka um ahi, ka chih khuh, chi'n a dawng hi.
Felix in a thu ngaihtuah kiit diingin a umsah
22Huleh Felix in hi thute a jahin hu lam thu chu a hechian deuh a, amahah kawmah, Sepaih houtu lianpen Lisia ahung tunsuh chiangin na thu uh ka ngaihtuah veh diing chi'n a khongaisah phot hi. 23Huleh ama’n Paul chu veenga, thuthawl deuh a umsah a, huleh a lawite’n a nna a tohsah uh khap lou diingin sepaih zahoutu khat kawmah thu a pia hi. 24Huleh ni bangzah aha nungin, Felix chu a ji Juda numei Drusilla toh a hung va, Paul a kousah a, Khrist a ginna thu a ngaikhia hi. 25Huleh Paul in dihtatna thute, kideehna thute leh, vaihawmna hung tung diingte a soi leh, Felix chu lauin a kithing a, Tuin chiah kiit photin; hun lem ka neih tahchiangin ka hung kou diing, a chi a. 26Huleh a hahkhiahna diing a Paul in sum a piah bang a kinem a; a kousah mun sim a, a houpih thimthem hi. 27Hizongleh kum nih nungin Porsia Festa in Felix ahung hengta a; huleh, Felix in Judate kipaahsah a ut a, Paul chu kaansa in a nuseta hi.
Tällä hetkellä valittuna:
SILBAWLTE 24: SIMTBSI
Korostus
Jaa
Vertaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.