JOHN 9
9
Apian apat mittaw khat suhdamna
1Huleh Jesu’n a paikawmin a pian apat mittaw khat a mu a. 2A nungjuite’n a kawmah, Houtupa, hipa mittaw a, a pian, kua’n ahiai sil sual bawl, hipa’n ahiai, ahihlouhleh a nulepa’n? chi'n a dong va. 3Jesu’n a dawng a, Hipa lah a sual sih a, a nulepa lah a sual sih uh; hizongleh Pathian natohte amah a, a kilattheih na diingin ahi zaw hi. 4Suun ahihlaiin ahung sawlpa nna ka toh ngeingei diing ahi; jan hung tung diing ahita, hu hun chiangin koima’n nna a tong thei sih diing uh. 5Khovel a ka um sung teng khovel vaah ka hi, a chi a. 6Huchia a soi zohin leiah chil a siat a, hu chilin tungman a bawl a, huleh hu tungman chu mittawpa mit ah a nuh a. 7Huleh a kawmah, Chiah inla, Siloam diilah va sil in, a chi a. (Siloam chu, Sawl chihna ahi). Hujiahin a chiah a, a sil a, huleh muthei in a hungta hi. 8Hujiahin a innveengte leh ma a, a mittawt lai musate’n, Hipa hi khutdoh a tou veupa hilou ahiai mah? a chi va. 9Khenkhatte’n, Amah ahi, a chi va a dangte’n, A kibatpih ahi, a chi uh; hizongleh ama’n, Amah chu ka hi, a chi a. 10Hujiahin amahun a kawmah, Bangchi'n ahiai na mit ahung vaah? a chi va. 11Ama’n a dawng a, Jesu kichi mi khat in tungman a bawl a, ka mit ahung nuhsah a, huleh ka kawmah, Siloam diilah chiah inla, va sil in, ahung chi a. Huchi'n ka chiah a, ka sil a, huleh ka mutheita hi, a chi a. 12Huin amahun, a kawmah, Amah khoiah a um ei? a chi va. Ama’n, Ka he sih, a chi a. 13Huleh a ma a mittawpa chu Pharisaite kawmah ahung pui va. 14Jesu’n tungman bawl a, a mit a suhvaah ni chu khawlni ahi a. 15Pharisaite’n zong a mit hung vaah daan a kawmah a dong kiit va. Ama’n a kawmvah, Ka mit ah tungman a nuh a, ka va sil a, huleh ka muta hi, a chi a. 16Hujiahin Pharisaite khenkhat in, Hipa Pathian a hung kuan ahi sih; ajiahchu khawlni a tang sih hi, a chi va a dangte’n, Bangchi'n misualin hitobang silmah a bawl thei diai? a chi va. Huin a lahvah kikhen na a umta hi. 17Huin amahun mittawpa kawmah, Na mit hung suhvaahsahpa, amah tungtaang nang bang na chi ngaihtuah ei? a chi kiit va. Ama’n, zawlnei ahi, a chi a. 18Hizongleh Judate’n chu a mit hung vaahpa nulepa a kouh masiah uh, mittaw ana hia, ahung vaahta ahi chih a tungtaang thu a gingta sih uhi. 19Huleh amahun a nulepa kawmah, Hipa, na tapa uh mittaw a piang na chih uh ahi maw? bangchi'n ahiai tua ahung muhtheih taah? a chi va. 20A nulepate’n amahuh a dawng va, Hi ka tapa uh ahi a, huleh mittawin a piang chih ka he uh, 21Hizongleh bangchidan a tu a ahung muhtheih taah ka he sih uh; huleh kua’n a mit a suhvaahsah zong ka he sih uh; Mi piching ahi na, amah dong un; amah tungtaang ama’n a kisoi mai diing, a chi va. 22Hi thute a nulepate’n Judate a lau jiahun a soi uhi; ajiahchu Judate’n ma apat in, Amah chu Khrist ahi, chia phuang a umleh kikhopna inn apat nohdoh diing chi'n thu ana lemsahta uhi. 23Hujiahin ahi a nulepate’n, Mi piching ahi na, amah dong un, a chi uh. 24Huin amahun mittawpa chu a kou kiit va, a kawmah, Pathian paahtawi in, hipa zaw misual ahi chih ka he uh, a chi va. 25Ama’n a dawng a, Misual ahihleh hih louh ka he sih; sil khat ka he hi, mittaw kana hi a, tuin chu ka mutheita hi, a chi a. 26Huin amahun a kawmah, Ama’n na tungah bang ahiai a bawl? na mit bang ahung chi suhvaahsah ei? a chi kiit va. 27Ama’n, Ka hung hilhta a, hizongleh na ja nuam sih uh; bang diinga ja nuam kiit na hi viai? nanguh zong a nungjui hih na ut u'maw? chi'n a dawng a. 28Huin amah a tai va, Nang amah nungjui na hi a; kei u’chu Mosi nungjuite ka hi uh. 29Pathian in Mosi kawmah thu a soi chih ka he uh; hipa ahihleh khoi a kipana hung ahih ka he sih uh, a chi va. 30Amahpa’n a dawng a a kawmvah, Hikhutah ahi a thumah na, Khoi a kipana hung ahih na heet louh uh, ama’n lah ka mit a hungsuh vaahsah ngal hi. 31Pathian in misualte thu a ngaikhe ngei sih chih i he uh; hizongleh mi koipouh Pathian ngaihsah a, a deihzawng bawl chu Pathian in a ngaikhe veu hi. 32Khovel um tuung a kipan koima’n mittaw a piang mit a suhvaahsah chih a kija ngei sih. 33Hipa Pathian a hung kuan ahih louh inchu bangmah a bawl, thei sih diing, a chi a. 34Amahun a dawng va, a kawmah, Nang sual lumleta piangin keiuh na hung hilh vial maw? a chi va. Huin amah chu a nohdohta uhi. 35Jesu’n amah a nohdoh uh chih a jah in, huleh amah a muh in a kawmah, Pathian Tapa na gingta ei? a chi a. 36Ama’n a dawng a, a kawmah, Lalpa, amah’ koi ahiai? ka gintaat theihna diing in, a chi a. 37Jesu’n a kawmah, Amah na muta a, huleh nang hung houpihpa ahi, a chi a. 38Huin ama’n, Lalpa, ka gingta hi, a chi a. Huleh amah a beta hi. 39Huin Jesu’n, Muthei loute’n ahung muhtheihna diing uleh, mit vaahte mit ahung tawt theihna diing in vaihawm diing in khovel ah ka hung ahi, a chi a. 40A kawm a um Pharisai khenkhatte’n hi thute a jah un, a kawmah, Kei u’zong mittaw ka hi viai mah? a chi va. 41Jesu’n a kawmvah, Mittaw hile u’chin sualna nei lou diing hi u’chin a; hizongleh tuin, Ka muthei uh, na chi va; hujiahin na sualna uh a um zing hi, a chi hi.
Tällä hetkellä valittuna:
JOHN 9: SIMTBSI
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
