MATTHAI 1
1
Jesu pianna khanggui
1Abraham tapa, David tapa, Jesu Khrist khanggui thu bu. 2Abraham in Isaak a hing a; Isaak in Jakob a hing a; Jakob in Juda leh a sanggamte a hing a; 3Huleh Juda in Tamar lahah Phares leh Zara a hing a; Phares in Esrom a hing a; Esrom in Aram a hing a; 4Huleh Aram in Aminadab a hing a; Aminadab in Naasson a hing a; Naasson in Salmon a hing a; 5Huleh Salmon in Rahab lahah Boaz a hing a; Boaz in Ruth lahah Obed a hing a; Obed in Jesse a hing a; 6Jesse in kumpipa David a hing a, Kumpipa David in Uria ji lahah Solomon a hing a. 7Huleh Solomon in Rehoboam a hing a; Rehoboam in Abia a hing a; Abia in Asa a hing a; 8Huleh Asa in Jehosaphat a hing a; Jehosaphat in Joram a hing a; Joram in Ujia a hing a; 9Huleh Ujia in Joatham a hing a; Joatham in Achaz a hing a; Achaz in Ezekia a hing a; 10Huleh Ezekia in Manasseh a hing a; Manasseh in Amon a hing a; Amon in Josia a hing a; 11Huleh Josia in Babylon gama a puimang laiun Jekonia leh a sanggamte a hing a; 12Huleh Babylon lama a puimang nungun Jekonia in Salathiel a hing a; Salathiel in Zerubbabel a hing a; 13Huleh Zerubbabel in Abiud a hing a; Abiud in Eliakim a hing a; Eliakim in Azor a hing a; 14Huleh Azor in Sadok a hing a; Sadok in Akim a hing a; Akim in Eliud a hing a; 15Huleh Eliud in Eleazar a hing a; Eleazar in Matthan a hing a; Matthan in Jakob a hing a; 16Huleh Jakob in Mari pasal Joseph a hing a; hu Mari apatin Khrist kichi Jesu chu ahung piangta hi. 17Huchi'n khang zousiah chu Abraham apat David chiang khang sawmleli; huleh David apat Babylon gam a, a puimang chiang uh khang sawmleli; huleh Babylon gama, a puimang vapat Khrist chiang khang sawmleli ahi.
Jesu pianna
18Huchi'n Jesu Khrist hung piandan chu hichi ahi; A nu Mari chu Joseph toh a kikhaam laiun, a umkhawm ma un, Hagau Siangthou apat gaai chih a kihedohta a. 19Huin a pasal Joseph chu midihtah ahi a, zapi heet a um diing ut louin a guuha khul a tumta a. 20Hizongleh ama’n hi thute a ngaihtuah laiin, a mang in Lalpa angel a kawmah ahung kilaah a, "Joseph, nang David tapa, na ji Mari kiteenpih diing lau sin; ajiahchu a naupaai hi Hagau Siangthou apat ahi. 21Tapa ahung nei diing a, a min Jesu na sa diing hi ajiahchu Ama’n a mite a sualna vapat a hundam diing hi," a chi hi. 22"Huleh hi sil zousiah chu Lalpa’n zawlnei kama ana soite a taangtunna diing a hung um ahi. 23Ngai un, nungaah siangthou a gaai diing a, tapa a nei diing a, a min Immanuel a chi diing uh, huchu i kawmah Pathian a um chihna ahi." 24Huin Joseph chu ihmu a thou a, Lalpa angel in thu a piah bangin a bawl a, a ji chu a kiteenpihta hi. 25Hizongleh amahnu in a tapa masapen ahung neihkhiah masiah a luppih sih; huleh a min Jesu a sata hi.
Tällä hetkellä valittuna:
MATTHAI 1: SIMTBSI
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.