Matai 1
1
Ɨkɨkolo kya Jesu Kɨlɨsiti
(Lʉʉka 3:23-38)
1Ɨsi syo ngamu sya bandʉ abaa nkɨkolo kya Jesu ʉjʉ jo Meesija,#1:1 Meesija Kokʉtɨ Kɨlɨsiti. Bala iisyʉ Kɨlɨsiti kʉ Ɨsyakʉlɨngaania. ʉgwa nkɨkolo kya malafyale Ndaabɨti na Abulahamu.
2Abulahamu aalɨmpaapile Isaka,
Isaka aalɨmpaapile Jaakobo,
Jaakobo aalɨmpaapile Juuta na baamyabo.
3Juuta aalɨmpaapile Pelesi na Sela kwa Tamali.
Pelesi aalɨmpaapile Esoloni,
Esoloni aalɨmpaapile Alamu,
4Alamu aalɨmpaapile Aminatabu,
Aminatabu aalɨmpaapile Nasoni,
Nasoni aalɨmpaapile Salimoni,
5Salimoni aalɨmpaapile Boasi kʉ nkasi Lahabu,
Boasi aalɨmpaapile Obeti kʉ nkasi Lʉtɨ,
Obeti aalɨmpaapile Jese,
6na Jese aalɨmpaapile ʉmalafyale Ndaabɨti.
Ndaabɨti aalɨmpaapile Solomoni kʉ nkiikʉlʉ ʉjʉ aalɨ nkasi gwa Ulija,#1:6 Ʉnkasi gwa Ulija Ɨngamu jaake jo Batiseba. Bala kalata gwa 2 Samweli 12:24-25.
7Solomoni aalɨmpaapile Lehobwamu,
Lehobwamu aalɨmpaapile Abija,
Abija aalɨmpaapile Asa,
8Asa aalɨmpaapile Jehosafati,
Jehosafati aalɨmpaapile Jolamu,
Jolamu aalɨmpaapile Usija,
9Usija aalɨmpaapile Jotamu,
Jotamu aalɨmpaapile Ahasi,
Ahasi aalɨmpaapile Esekija,
10Esekija aalɨmpaapile Manasi,
Manasi aalɨmpaapile Amoni,
na Amoni aalɨmpaapile Josija,
11Josija aalɨmpaapile Jekonija na baamyabo.
Akabalɨlo ako aBanyaisilaɨli baasaamikɨsiigwe mbʉtʉmwa kʉ Babeli.
12Bo basaamikɨsiigwe kʉ Babeli,
Jekonija aalɨmpaapile Salatyeli,
Salatyeli aalɨmpaapile Selubabeli,
13Selubabeli aalɨmpaapile Abihuti,
Abihuti aalɨmpaapile Elyakimu,
Elyakimu aalɨmpaapile Asoli,
14Asoli aalɨmpaapile Satoki,
Satoki aalɨmpaapile Akimu,
Akimu aalɨmpaapile Elihuti,
15Elihuti aalɨmpaapile Elyasali,
Elyasali aalɨmpaapile Matani,
na Matani aalɨmpaapile Jaakobo.
16Jaakobo aalɨmpaapile Joosefu ʉndʉme gwa Malija.
Malija aalɨmpaapile Jesu ʉjʉ jo Meesija.
17Po leelo, ɨsopelo ʉkʉfuma kwa Abulahamu mpaka kwa Ndaabɨti syalɨ kalongo na ina. Ʉkʉfuma kwa Ndaabɨti mpaka ʉkʉfika akabalɨlo aka abandʉ baasaamikɨsiigwe mbʉtʉmwa kʉ Babeli, ɨsopelo syalɨ kalongo na ina. Ʉkʉfuma bo basaamikɨsiigwe kʉ Babeli mpaka ʉkʉpaapigwa kwa Kɨlɨsiti, ɨsopelo syalɨ kalongo na ina.
Ʉkʉpaapigwa kwa Jesu Kɨlɨsiti
(Lʉʉka 2:1-7)
18Ʉkʉpaapigwa kwa Jesu Kɨlɨsiti kwalɨ bo ʉlʉ, Malija ʉnna gwa Jesu aasingɨliigwe na Joosefu. Leelo bo bakaalɨ ʉkwegana, Malija alɨnkʉboneka alɨ nɨ kɨfuba. Ɨkɨfuba ɨkɨ aakabile kʉ maka agaa Mbepo Mwikemo. 19Joosefu ʉjʉ aalɨnsingiile Malija aalɨ mundʉ ngolofu, looli akaalondaga ʉkʉnnjwelʉla Malija. Po alɨnkʉtumula ʉkʉnndeka kɨsita kʉnsitaaka pabwelu.#1:19 Ʉkʉkongana nɨ nyiiho sya Bajuuta, ʉndʉmyana lɨnga ansingiile ʉndɨndwana, baatɨgɨ beegeene. Looli baajaga na kabalɨlo akaa kyɨnja kyosa ʉkʉguulɨla ʉkwegana. Akabalɨlo koosa ako bakiitɨkɨsigwaga ʉkʉtʉʉgala pamopeene mpaka bo beegeene. Ʉkʉnndeka ʉjʉ bansingiile kwafwene nʉ kʉmpapo kalata ʉgwa kʉnndeka.
20Bo atumwile ɨsyo, ʉgwandʉmi gwa Ntwa alɨnkʉmmwisɨla mu njosi. Ʉgwandʉmi jʉla aalɨmmbʉʉlile aatile, “Joosefu, gwe gwa nkɨkolo kya malafyale Ndaabɨti,#1:20 Ndaabɨti Bala kʉ Ɨsyakʉlɨngaania. ʉlɨngatiilaga ʉkʉmmwega Malija ʉkʉja nkasigo, paapo ɨkɨfuba ɨkɨ alɨ nakyo akabile kʉ maka agaa Mbepo Mwikemo. 21Aikʉpaapa ʉmwana ʉndʉmyana. Gwise gʉmpe ɨngamu ɨjaa Jesu, paapo ikwisa kʉbapoka abandʉ baake ʉkʉfuma mbʉtʉlanongwa bwabo.”#1:21 Ɨngamu jaa Jesu kokʉtɨ Kyala ikʉpoka. Bala kalata gwa Ɨsabʉli 130:8.
22Syosa ɨsi syabombiigwe bo ʉlo ʉkʉtɨ, iisyʉ lɨla lɨboneke ɨlɨ ʉNtwa Kyala aalɨjobile kʉ njɨla jaa nkunguluka ʉkʉtɨ, 23“Keeta! Ʉndɨndwana ʉjʉ akammanyamo sikʉ ʉnnyambala, ikʉja nɨ kɨfuba. Kangɨ aikʉpaapa ʉmwana ʉnnyambala! Po aabikʉmpapo ʉmwana ʉjo ɨngamu ɨjaa Imanweli.”#1:23 Bala kalata gwa Jeesaja 7:14. Ɨngamu ɨjo kokʉtɨ, “Kyala alɨ na nuuswe.”
24Joosefu bo alembwike, alɨnkʉbomba bo muno ʉgwandʉmi gwa Ntwa aalɨnndagiile, alɨnkʉmmwega Malija ʉkʉja nkasi. 25Looli akaalɨmmeenyemo sikʉ mpaka bo Malija apaapile ʉmwana ʉnnyambala. Po Joosefu alɨnkʉmpa ʉmwana ʉjo ɨngamu ɨjaa Jesu.
Tällä hetkellä valittuna:
Matai 1: NYAK
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Wycliffe Bible Translators, Inc. All rights reserved.