Macce 1
1
Faseehiŋ Yeesu Kiristaa
1Cii ceɗ tiik ciŋ caacuuciŋ Yeesu Kiristaa#1:1 Kiristaa : marka ini fiisu ŋ ini kaɗ ŋ Mucɗohi Gapohse ŋ aaya 16., setiŋ Dawuuda, setiŋ Ibrahiima.
2Ibrahiima a yi rim Isaahha,#Camba 21:1-3
Isaahha rimmba Yaŋhooɓa,#Camba 25:21-26
Yaŋhooɓa rimmba Yudaa na taambɗoh ciŋ ɗe#1:2 Israayel ci raakeen cuuɓ ndaŋkiyaah na cuuɓ kanak (12). Yudaa, na taambɗoh ciŋ ɗe ƴaar ci, ɓeɗ caac ciŋ cuuɓ ceem..#Camba 29:31–30:24; 35:16-18
3Yudaa rimmba Seerah na Peeres, a rim ɓa na Tamaar.#Camba 38
Peeres rimmba Hesroon,#Camba 46:12
Hesroon rimmba Raam.#Riit 4:19
4Raam rimmba Aminadaab,#Riit 4:19
Aminadaab rimmba Nahson,#Kind ci 1:7
Nahson rimmba Salmon.#Riit 4:20
5Salmon rimmba Boos, a rim ɗe na Rahab,#Riit 4:21; Yosuwe 2
Boos rimmba Obed, a rim ɗe na Riit,#Riit 4:13-17
Obed rimmba Yesay.
6Yesay rimmba Dawuuda buuri,#Riit 4:22; 1 Samuwel 16:11-13
Dawuuda rimmba Suleymaan, a rim ɗe na ɓiti Uri#1:6 Dawuuda faankeen na ɓiti ƴaari na woyse Uri, ɓitɓeem taambohha nga ammba rook. Dawuuda appa ƴaar ce, a tokka ɗe ɓitiɓ. Wa nikee bakaaɗ yakiɗ. Wa kuɓka rimuk, Kooh tummba a pesɗi, waaye kuɓkiŋ ɓa kanakɗoh Kooh teyɗukiɗ ɗe, a yi tumsee buur wi baab ɓa Dawuuda kuruk nga. Kuɓkeem a yi Suleymaan (marka teerndiŋ 2 Samuwel 11:2–12:24)..
7Suleymaan rimmba Robowaam#1:7 Tiik ci amboh Suleymaan po ŋ Sorobabel, ini uup ŋ tiik ceem, ca ɗi ŋ teerndiŋ 1 Nguur ci 3:10-19.,
Robowaam rimmba Abiya,
Abiya rimmba Asaf.
8Asaf rimmba Yosafat,
Yosafat rimmba Yoram,
Yoram rimmba Osiyas
9Osiyas rimmba Yotam,
Yotam rimmba Ahas,
Ahas rimmba Esekiyaas
10Esekiyaas rimmba Manasse,
Manasse rimmba Amon,
Amon rimmba Yosiyaas
11Yosiyaas rimmba Yekoñas na taambɗoh ciŋ ɗe ŋ jamanoona Israayel ci toorsee Babilon.
12Ŋ finho tooruukaŋ ɓa Babilon, Yekoñas rimmba Salacel,
Salacel rimmba Sorobabel
13Sorobabel rimmba Abiyud,
Abiyud rimmba Eliyakim,
Eliyakim rimmba Asoor
14Asoor rimmba Sadok,
Sadok rimmba Ahiim,
Ahiim rimmba Eliyud
15Eliyud rimmba Eleyasaar,
Eleyasaar rimmba Mattaan,
Mattaan rimmba Yakob,
16Yakob rimmba Suseef yi ƴaar Maryaama yi rim Yeesu, Yeesu yi na woyse Mucɗohi Gapohse#1:16 Mucɗohi Gapohse : "Masiyah" ŋ heber, weɗ toksu ndii "Mucɗohi Gapohse". Farañse toksoha "Messie", waar, "Almasi bi", weɗ ɓoyi kooɗu, ɓoyi yiifu diw ŋ hafiŋ ɗe ne a tufkiɗu findi buur wala seeƴkiɗoh wuu Kooh wala woosuuɗ ŋ Israayel (marka teerndiŋ Pula 40:12-15; 1 Samuwel 16:1-13; 1 Buur ci 19:16). Ɓi woosuuɗ, findi Esayi (Esayi 61:1) na Dañeel (Dañeel 9:26), woyeen ne "ɓo' yiifuuɗ" - yii hay, a hey mucɗe ɓooɓiŋ Kooh, waaye ɓa woyeeɗi andi a na hee nike buur wala seeƴkiɗoh wala woosuuɗ wala in wiiriis. Ɓi uup ŋ Israayel ci kosee ne ɓoyeem na hee ɓa mucɗe ŋ yaah ciŋ ɓi Rom, te ɓa nikee sekeeɗa ɗe keeh-keeh. Fiis ciŋ Ambtiɗohi Asi teeɓoh ne e Yeesu Mucɗohi Gapohse, yi woosuuɗ ci woye, waaye muci a haytoh mandɗi na wa ɓooɓa liiɓe. Ŋ gerek, "ɓo' yiifuuɗ" na woyse "Kiristaa" te wa kaɗta po haa ne wa tiik nga ɗe. Kaɗta po wa nikka tiik ɗah, ɓoo na toksoheeɗi wa "Mucɗohi Gapohse", ɓoo na faɗe tiiki "Kiristaani" nga..
17Fu marak ɗah, ca gomal ndaŋkiyaah na gomal nikiis (14) ŋ ini amboh ŋ Ibrahiima po ŋ Dawuuda. Ini nam kooɗoh ŋ Dawuuda po ŋ tooruukaŋ ɓooɓa ŋ Babilon ca gomal ndaŋkiyaah na gomal nikiis (14). Te ŋ tooruukaŋ ɓooɓa ŋ Babilon po ŋ Mucɗohi Gapohse ca gomal ndaŋkiyaah na gomal nikiis (14).
Raakuukaŋ Yeesu
18Ŋ ini kaɗ ŋ Yeesu Kiristaa, a raakohu an : Maryaama yi yaay ɓa, a Suseef nguɗee cakiim nga ɗe ; waaye bala a tokan ɗe ɗah, wa nikka ne a rook ŋ tumohaaɗ ciŋ Fuuɗsi Hoolohngaani, Fuuɗsiŋ Kooh#1:18 Fuuɗsiŋ Kooh : ngaŋ heber na gerek, feruuɗ ci na hotkeeɗi, na puuɗsi, na liiɓ ɓo', ceɗ ɓaah tiik. Ŋ heber wa nikka "ruwah", ŋ gerek, wa nikka "pnewma". Kon, ɓa woo "ruwahiŋ Kooh wala pnewmaaniŋ Kooh ɗah, wa yooɓɗi tokis. A mand na liiɓi nik ŋ ɗooƴ Kooh, a mand na in ci na hotkeeɗi. Ngaŋ teerndiŋ Tum ci 2:2-4 "pnewmaaniŋ" Kooh hayiɗ findi puuɗsi. A yi ɓoo teek "Fuuɗsi Hoolohngaani" wala "Fuuɗsiŋ Kooh" ŋ saafi-saafi, waaye in ci kaahay ceem jen, ca ɗii ŋ ɗooƴi..
19Suseef yi fiir ce nikee ɓo' yurhiɗ. Ŋ ineem a waaɗɗi ɗe wiñ, a tufukka ne a reehiɗ harmban ɓa, ɓa daka ŋ kehƴi. 20Wa a na liiɓsiɗohe ŋ ineem, malaaka Heɗ ɓoo teeɓukka ɗe ŋ heeƴ, woosa ɗe ne : « Suseef, setiŋ Dawuuda, kina neƴƴoh ɓay Maryaama ɓitiɓ, laam kuɓki nik ŋ rookiŋ ɗe a puloh ŋ Fuuɗsi Hoolohngaani. 21A hey raake kuɓu ƴaar, teekaa ɗe Yeesu#1:21 Tiikiŋ "Yeesu" tokis "Nikiɗi, a yi na mucɗohe". laam a yi na hee mucɗe cuuɓiŋ ɗe ŋ bakaaɗ ciŋ ɓa. »
22Ineem raakohha ɗaa, ne woo kiŋ Heɗ ɓoo, wi a taambɗee ŋ nguɓ woosuuɗ, raak an :
23« Cafƴi inahɗi ƴaar,
hey ambe rook ;
a raak kuɓu ƴaar,
yi teeksan Emanuwel »#Esayi 7:14
wi tokis : "Kooh yii na ɓoo".
24Wa Suseef yunuk, a haɓiɗta ini malaakaaniŋ Heɗ ɓoo nakee ɗe ; a ɓayya Maryaama ɓitiɓ. 25Waaye a hunɗi na ɗe po findi yeem raakoh kuɓu ƴaar, a teekka ɗe Yeesu.
Tällä hetkellä valittuna:
Macce 1: YM
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Wycliffe Bible Translators, Inc