Matthai 22
22
Achiyhie Saduona Pakhingpuonabie
(Luk 14:15-20)
1Zingsuv ta zaapuv kha pa-khingpuonabie hmuo te bie a chang pakhaa yi. 2“Vuoruo pena ca a saacapaa cuota achiyhie saduona a tuepa siepahruo pakha hne tana aa lu. 3A sii zaw kha pathlie yite kupa tie bangkhuo kha a chiyhie saduona luo chiy riypata a pachang sa yi, cuorasala vya chiy khing vayi. 4A hrangpa sii zaw kha pathlie pakhaa yite, ‘Saduona ca ting ciepa ta a cuo tli. I cuetungpa hne sahring a thusapa zaw thie tli pate, zezaw bangkhuo ting ciepa ta a cuo tli. A chiyhie saduona luo ca a vaw tie ung, nama va ta aa,’ a ta yi. 5Cuorasala siysaa ri lipa yi ta chekha ca lu luo ama si, chekha ca chadaw luo cakuo yite, 6a hrangpa tie ta a sii zaw kha patuv yite, tuv yite ama thie. 7Siepahruopa ca a hihaa hringhruo te a rieka kha pathlie yite capa lie a nawpa tie ca thie yite ama khy kha myi ta ama rue. 8Cakhutaata a sii zaw kha, ‘Achiyhie saduona ca ting ciepa ta a cuo tli, cuorasala i kupa tie ta ca aphuv-asiy vayi. 9Ata hingta a zaa luopuv luo kha vaa ungla, nama hmungpa bangkhuo kha va ku tie ung,’ a ta yi. 10Cacuonakawta a sii zaw ca azaa luopuv luo kha vaa yite, ama hmungpa bangkhuo kha achie-apha ta li pata pakiy yite cawsaa ca achiyhie saduona ing ta pangkha ama ta.
11Cuorasala Siepahruopa ca ama kupa tie mang riypata a vya ngie tiyta achiyhiena caw a tue lipa pakha kha a hmung. 12‘Liechung, khaapanakawma achiyhiena caw a tue li pata hingpa saduona chung luo naa ngie the?’ a ta. Cuorasala khaahmuo palie vyi. 13Cakhutaa siepahruopa ta a sii zaw kha, ‘A kuv hne a phyi kha ciy ungla khungthing khy zingna hmang, caana hne haa riena hmang luo kha thaw tie ung,” a ta. 14Tahematapakieca, “Kupa ca hluvsa yite, a tlawpa ca ama caw,” a ta.
Ngukhyi Pina Kaw
(Mar 12:13-17; Luk 20:20-26)
15Farasi tie ca vaa yite Zingsuv kha a bie ripa taata a suena patuv the riypata khue ama khuo. 16Cacuonakawta iema ziytuv chekha hne Herod cawsaa chekha kha pathlie yite, “Saya, nama ca aa dangpa na cuopa maca pachang. Khazing khingna biedangpa kha cawsaa hmie mang li pata na pacuv yi, cawsaa cuona mang pata pahlyipalena tue vaciy. 17Cacuonakawta na ruenapa malie chang tie. Rom siepahruopa ngukhyi pi riypa hing ma phungbie ta a thlu ma a pa-aw ma?” ama ta. 18Zingsuv ta atingna pha lipa ama hnyi pakha pachang te, “Phahruocuo tie! Khaapanakawma ina dyapasya ungciy? 19Ngukhyi pi riypa tuokaa ca na pahmung tie ung,” a ta. Ngu tuokaa phiekha kha ama vya pi. 20“Ahung hmiechang hne ahung ming ma a taa?” a ta yi. 21“Siepahruopa hmiechang hne siepahruo ming,” ama ta. Cacuonakaw, Zingsuv ta, “Cacuokieca siepahruo huopa kha siepahruo pi ungla, Khazing huopa kha Khazing pi tie ung,” a ta yi. 22Capaca ama thyi tiyta ama nang uo te ama kha thuse yite ama cakuo.
Thupakhaana Kaw
(Mar 12:18-27; Luk 20:27-40)
23Capa ning ngiethie cata thu-pakhaana aw vyi a tapa Sadusi ming chekha ca Zingsuv'a luo kha a vaw yite bie ama hiehriy. 24Iema ta, “Saya, Moses ta, ‘cawsaa pakha ca saata hnyi li pata a thiy kieca a napuvnung kha a nuta tah aa hlaw'a te, a uvta cuo khata saata ama hnyi aa,’#22:24 Judah phung ta ca ma hnyipa saata kha a thiypa a uvta saata tah ruepa ama cuo. tapata malie a pacuv. 25Hingpa lie a zaa aw buopa uvcanu pasariy ama za aw. A uvthyicepa ta napuv chiy te saata hnyi li pata a thiyse, cacuonakaw nunghlyinung ca a nuta tah aa hlaw. 26Cahaa ngiethie cata a pahningnapapaa zaw ca thiy te, a pathungnapapaa zaw a thiy ra ngiethie, ama pasariy yalya ta cahaa cata ama thiy. 27A hnangcawce ta nunghlyinung ca a thiy. 28Ama pasariy yalya ta amaa zaa hlaw nakawta thupakhaana ning thueta ahung napuv tama a cuo aa?” ama ta.
29Zingsuv ta, “Nama hla karue de! Hinghaahingta nama hlapa hing Caa Pathepa hne Khazing cahrana nama pachang li nakaw na a cuo. 30Athiypa tie ama thupakhaa thue hing vuoruo lie a awpa avuoming#22:30 Hluo vie caa-uv lieca Khazing avuoming a ta. lu'a yite a chiy a hie'a va tli yi. 31Athiypa thupakhaana kawlie Khazing ta aca chang payi ri buo va ung cama? 32‘Kama ca Abraham Khazing, Isak Khazing, Jakob Khazing tana i cuo. Ama ca a hringpa tie Khazing tana a cuo, a thiypa tie Khazing ta cuo vyi,” a ta yi. 33Cawsaazaapuv ta a pacuvnapa kha ama thyi tiyta ama nang ta a uo.
Nawbie Lecepa
(Mar 12:28-34; Luk 10:25-28)
34Zingsuv na Sadusi ming kha ama ri riy aw li nate ta a tue yi tapa kha Farasi ming ta ama thyi tiyta a tawpakhaw yite, 35iema hraw taata phungbiesaya pakha ta a suena patuv riypata bie a hiehriy. 36“Saya, nawbie hrawlie hing khaapa nawbie hingma a lece?” a ta. 37Zingsuv ta, “Na Byipaapa na Khazing ca na pathiy na palung yalya, na hringna yalya hne na ruena na pacuona yalya ta due tie,” 38tapa hingna a lecepa hne a biepuvcepa nawbie ta a cuo. 39A suohningnapa nawbie ca ‘Nama hne nama naa due pahaata na ingpaa kha due ra tie,’ tapata a cuo. 40Moses phungbie bangkhuo hne profet tie pacuvna bangkhuo hing hingpa nawbie suohning lie hingna aa khung diy,” a ta.
Messiah Kaw
(Mar 12:35-37; Luk 20:41-44)
41Farasi tie amaa hmyana lie kha, Zingsuv ta,” 42Messiah#22:42 Or Khrih hing tuokhaatama nama rue? Ahung ciypathla tama a cuo?” a ta yi. “David ciypathla,” ama ta. 43Zingsuv ta, “Khaapanakawma Thlaapa ta David kha, ‘Messiah hing ‘Abyipa,’ a pata sa? David ta,
44‘Abyipa ta i Byipaapa kha
Na carie tie kha na phyipazaa rawlie i chi hluo li,
I cacuo luo hingta a tu tie,’ a ta.
45David ta Messiah ca i Byipaapa a ta kieca, tuokhaatama Messiah ca David ciypathla ta a cuo the aa?” a ta. 46Zingsuv bie kha ahungtahmuo palie khu vayi, ama ning taacata ama kha ahungtahmuo bie hiehriy nguo va tli yi.
Tällä hetkellä valittuna:
Matthai 22: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Matthai 22
22
Achiyhie Saduona Pakhingpuonabie
(Luk 14:15-20)
1Zingsuv ta zaapuv kha pa-khingpuonabie hmuo te bie a chang pakhaa yi. 2“Vuoruo pena ca a saacapaa cuota achiyhie saduona a tuepa siepahruo pakha hne tana aa lu. 3A sii zaw kha pathlie yite kupa tie bangkhuo kha a chiyhie saduona luo chiy riypata a pachang sa yi, cuorasala vya chiy khing vayi. 4A hrangpa sii zaw kha pathlie pakhaa yite, ‘Saduona ca ting ciepa ta a cuo tli. I cuetungpa hne sahring a thusapa zaw thie tli pate, zezaw bangkhuo ting ciepa ta a cuo tli. A chiyhie saduona luo ca a vaw tie ung, nama va ta aa,’ a ta yi. 5Cuorasala siysaa ri lipa yi ta chekha ca lu luo ama si, chekha ca chadaw luo cakuo yite, 6a hrangpa tie ta a sii zaw kha patuv yite, tuv yite ama thie. 7Siepahruopa ca a hihaa hringhruo te a rieka kha pathlie yite capa lie a nawpa tie ca thie yite ama khy kha myi ta ama rue. 8Cakhutaata a sii zaw kha, ‘Achiyhie saduona ca ting ciepa ta a cuo tli, cuorasala i kupa tie ta ca aphuv-asiy vayi. 9Ata hingta a zaa luopuv luo kha vaa ungla, nama hmungpa bangkhuo kha va ku tie ung,’ a ta yi. 10Cacuonakawta a sii zaw ca azaa luopuv luo kha vaa yite, ama hmungpa bangkhuo kha achie-apha ta li pata pakiy yite cawsaa ca achiyhie saduona ing ta pangkha ama ta.
11Cuorasala Siepahruopa ca ama kupa tie mang riypata a vya ngie tiyta achiyhiena caw a tue lipa pakha kha a hmung. 12‘Liechung, khaapanakawma achiyhiena caw a tue li pata hingpa saduona chung luo naa ngie the?’ a ta. Cuorasala khaahmuo palie vyi. 13Cakhutaa siepahruopa ta a sii zaw kha, ‘A kuv hne a phyi kha ciy ungla khungthing khy zingna hmang, caana hne haa riena hmang luo kha thaw tie ung,” a ta. 14Tahematapakieca, “Kupa ca hluvsa yite, a tlawpa ca ama caw,” a ta.
Ngukhyi Pina Kaw
(Mar 12:13-17; Luk 20:20-26)
15Farasi tie ca vaa yite Zingsuv kha a bie ripa taata a suena patuv the riypata khue ama khuo. 16Cacuonakawta iema ziytuv chekha hne Herod cawsaa chekha kha pathlie yite, “Saya, nama ca aa dangpa na cuopa maca pachang. Khazing khingna biedangpa kha cawsaa hmie mang li pata na pacuv yi, cawsaa cuona mang pata pahlyipalena tue vaciy. 17Cacuonakawta na ruenapa malie chang tie. Rom siepahruopa ngukhyi pi riypa hing ma phungbie ta a thlu ma a pa-aw ma?” ama ta. 18Zingsuv ta atingna pha lipa ama hnyi pakha pachang te, “Phahruocuo tie! Khaapanakawma ina dyapasya ungciy? 19Ngukhyi pi riypa tuokaa ca na pahmung tie ung,” a ta. Ngu tuokaa phiekha kha ama vya pi. 20“Ahung hmiechang hne ahung ming ma a taa?” a ta yi. 21“Siepahruopa hmiechang hne siepahruo ming,” ama ta. Cacuonakaw, Zingsuv ta, “Cacuokieca siepahruo huopa kha siepahruo pi ungla, Khazing huopa kha Khazing pi tie ung,” a ta yi. 22Capaca ama thyi tiyta ama nang uo te ama kha thuse yite ama cakuo.
Thupakhaana Kaw
(Mar 12:18-27; Luk 20:27-40)
23Capa ning ngiethie cata thu-pakhaana aw vyi a tapa Sadusi ming chekha ca Zingsuv'a luo kha a vaw yite bie ama hiehriy. 24Iema ta, “Saya, Moses ta, ‘cawsaa pakha ca saata hnyi li pata a thiy kieca a napuvnung kha a nuta tah aa hlaw'a te, a uvta cuo khata saata ama hnyi aa,’#22:24 Judah phung ta ca ma hnyipa saata kha a thiypa a uvta saata tah ruepa ama cuo. tapata malie a pacuv. 25Hingpa lie a zaa aw buopa uvcanu pasariy ama za aw. A uvthyicepa ta napuv chiy te saata hnyi li pata a thiyse, cacuonakaw nunghlyinung ca a nuta tah aa hlaw. 26Cahaa ngiethie cata a pahningnapapaa zaw ca thiy te, a pathungnapapaa zaw a thiy ra ngiethie, ama pasariy yalya ta cahaa cata ama thiy. 27A hnangcawce ta nunghlyinung ca a thiy. 28Ama pasariy yalya ta amaa zaa hlaw nakawta thupakhaana ning thueta ahung napuv tama a cuo aa?” ama ta.
29Zingsuv ta, “Nama hla karue de! Hinghaahingta nama hlapa hing Caa Pathepa hne Khazing cahrana nama pachang li nakaw na a cuo. 30Athiypa tie ama thupakhaa thue hing vuoruo lie a awpa avuoming#22:30 Hluo vie caa-uv lieca Khazing avuoming a ta. lu'a yite a chiy a hie'a va tli yi. 31Athiypa thupakhaana kawlie Khazing ta aca chang payi ri buo va ung cama? 32‘Kama ca Abraham Khazing, Isak Khazing, Jakob Khazing tana i cuo. Ama ca a hringpa tie Khazing tana a cuo, a thiypa tie Khazing ta cuo vyi,” a ta yi. 33Cawsaazaapuv ta a pacuvnapa kha ama thyi tiyta ama nang ta a uo.
Nawbie Lecepa
(Mar 12:28-34; Luk 10:25-28)
34Zingsuv na Sadusi ming kha ama ri riy aw li nate ta a tue yi tapa kha Farasi ming ta ama thyi tiyta a tawpakhaw yite, 35iema hraw taata phungbiesaya pakha ta a suena patuv riypata bie a hiehriy. 36“Saya, nawbie hrawlie hing khaapa nawbie hingma a lece?” a ta. 37Zingsuv ta, “Na Byipaapa na Khazing ca na pathiy na palung yalya, na hringna yalya hne na ruena na pacuona yalya ta due tie,” 38tapa hingna a lecepa hne a biepuvcepa nawbie ta a cuo. 39A suohningnapa nawbie ca ‘Nama hne nama naa due pahaata na ingpaa kha due ra tie,’ tapata a cuo. 40Moses phungbie bangkhuo hne profet tie pacuvna bangkhuo hing hingpa nawbie suohning lie hingna aa khung diy,” a ta.
Messiah Kaw
(Mar 12:35-37; Luk 20:41-44)
41Farasi tie amaa hmyana lie kha, Zingsuv ta,” 42Messiah#22:42 Or Khrih hing tuokhaatama nama rue? Ahung ciypathla tama a cuo?” a ta yi. “David ciypathla,” ama ta. 43Zingsuv ta, “Khaapanakawma Thlaapa ta David kha, ‘Messiah hing ‘Abyipa,’ a pata sa? David ta,
44‘Abyipa ta i Byipaapa kha
Na carie tie kha na phyipazaa rawlie i chi hluo li,
I cacuo luo hingta a tu tie,’ a ta.
45David ta Messiah ca i Byipaapa a ta kieca, tuokhaatama Messiah ca David ciypathla ta a cuo the aa?” a ta. 46Zingsuv bie kha ahungtahmuo palie khu vayi, ama ning taacata ama kha ahungtahmuo bie hiehriy nguo va tli yi.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.