Matthai 23
23
Zingsuv Ta A Raaringna A Pi Yi
(Mar 12:38-39; Luk 11:43, 46; 20:45-46)
1Zingsuv ta cawsaazaapuv hne ziytuv tie kha, 2“Phungbie saya tie hne Farasi tie hing Moses thude lie a tupa tana ama cuo. 3Cacuonakawta aca pacuvpa bangkhuo yi kha tue ungla ziy tie ung. Cuorasala iema ama tuepa kha ca tue ra kha ung, tahematapakieca ama pacuvna haata tue vayi. 4A riysapa hmang, a phya ruvsapa#23:4 Hluo vie caa-uv lieca a phya ruvsapa tapa hing aw vyi. kha cawsaa ke cunglie khang yite, cuorasala iema ta ca ama kuvdaw tahmuo hrie khing vayi. 5Hmangting kha cawsaa hmung the riypata dyi ama tue. Ama caapathepa baw luvrina hne buorina kha pale yite ama pangpe kha ama pasyi. 6Pyi chunglie kha pa-uvsathyipa tie a tuna thude lie a tu khing yite apungna-ing lie zaw kha thude phacepa lie amaa tu khing. 7Chadaw tluo lie cawsaa ta pa-uvsathyina hne bie a chang pata saya, saya ta riypa kha ama tlechuo. 8Cuorasala niema ca, ‘saya’ tapata ca u'a vayi, tahematapakieca Saya pakha dyi hnyi ung cate nama palang ta siengaachie ta nama cuo. 9Cakhutaa ta chuelyicung lie hing ahunghmuo i Paa tapata ku'a va ungciy, tahematapakieca vuoruo lie Paa pakha dyina nama hnyi. 10Cawpatuv tapata zaw ca u kha yi se, tahematapakieca cawpatuv Messiah pakha dyina nama hnyi. 11Niema hrawlie a lecepa ca nama changtaapa a cuo riypatana a cuo. 12Ama hne ama a palepa ca pachungpa ta cuo'a te cawsaa raw a canawpa ca cyicalangpa ta a cuo aa.
13“Cuorasala, niema, phungbie saya tie hne Farasi tie ca thluechiylipa tana nama cuo! Phahruocuo tie! Tahematapakieca Vuoruo Pena chiypakaa ca cawsaa kha nama khaa khuo, niema zaw a ngie lipa ung cata, a ngie khingpa tie zaw kha luo nama khuo. 14Phungbie saya tie hne Farasi tie, niema ca thluechiylipa tana nama cuo! Phahruocuo tie! Nunghlyi kha ese ung cate, dung ung cate ama ing te nama chuv; cakhutaa cawsaa hmung riypata thlaa kha a syisa ta namaa pachuo sa. Capa nakawcata nama duotena ca a pasa hringhruo aa!#23:14 Hluo vie caa-uv lieca rina tluo 14 hing aw vyi. 15Phungbie saya tie hne Farasi tie, niema ca thluechiylipa tana nama cuo. Phahruocuo tie! Cawsaa pakha palung pathle sa riypata riyliy kha te ung cate ruo ting ta nama si. Nama hmung tlakuopa kha hell#23:15 Gk Gehenna luo tla pata niema laata lehning ang riypata nama tue.
16Mingcue luochiytuv tie, niema ca thluechiylipa tana nama cuo! ‘Cawsaa pakha ta hmangpathepa ming ri pata chie aa sa kieca chie aa sapa cata ama kha patuv'a vyi, cuorasala hmangpathepa chunglie a awpa siyy ta chie aa sa kieca chie aa sapa cata a patuv aa,’ tapata nama pacuv. 17Mingcue a ngaapa tie, khaapama a biepuv vie? Siyy cama a cuo li kie siyy a pathesatuv hmangpathepa ma? 18Thukhyi pakhaa ung cate, cawsaa pakha ta hriykhungrina tluophie ta chie aa sa kieca chie aa sapa ta patuv'a vyi, cuorasala hriykhungrina tluophie cunglie pipa lasaw ta chie aa sa kieca chie aa sapa ta a patuv aa nama ta. 19Nama ming hing a cue suesaa ing! Pipa lasaw ma a biepuv vie pipa lasaw a pathe sapa hriykhungrina tluophie cama? 20Cacuonakawta hriykhungrina tluophie ming ri pata chie aa sapa ca a cunglie a awpa yalya hne tana chie aa sa. 21Hmangpathepa ming ri pata chie aa sa kieca ama ca a chunglie a awpa Khazing hne tana chie aa sa. 22Vuoruo ming ri pata chie aa sa kieca Khazing byithude hne a cunglie a tupa hneta chie aa sa pata a cuo.
23Phungbie saya tie hne Farasi tie niema ca thluechiylipa tana nama cuo! Phahruocuo tie! Tiyhuo ca-ienapa putinan, hruohmie hne iesing zaw hmuota chehraachekha nama pi, cuorasala phungbie chunglie a biepuvsapa adangna, cawsaa ngiechi thena hne zangtluo a tlana ca siysaa ri tlung va ungciy. Capa zaw cana nama ziy riypata a cuo, a hrangpa zaw kha dyathlaa li pata. 24Mingcue luochiytuv tie! Macing sakhata hmuo namaa thliy, cuorasala kala-uv ca nama paluo puo!
25Phungbie saya tie hne Farasi tie niema ca thluechiylipa tana nama cuo! Phahruocuo tie! Nama panuo hne pakaa ca ale luo kha pathe paalaa khata nama pasiy, a chung luo ca karuo-awna hne malie nama chuvpa chechiy ta a bi. 26Mingcue Farasi tie! Panuo#23:26 Hluo vie caa-uv lieca panuo hne pakaa a ta. chung luo kha pasiy taa ungla muo, ale luo zaw kha a pathe ra'a ta.
27Phungbie saya tie hne Farasi tie niema ca thluechiylipa tana nama cuo! Phahruocuo tie! Niema ca thungruopa ama thuvpa thluo, ale taa mang pata a puvthesapa, a chung luo ca a thiypa ruv hne athuv-ahniepa riy ta a bi. 28Cahaa cata, niema zaw ale luo taata ca cawsaa mekaa cuota nama pha, cuorasala nama chung luo ca phahruo a cuo pakhina hne suena ta a bi.
29Phungbie saya tie hne Farasi tie niema ca thluechiylipa tana nama cuo! Phahruocuo tie! Profet tie cuota thluo phasapa sapa ung cate cawsaa aa dangpa tie thluolung ca nama pangi nama pasuo. 30“Ma mingchingmingvuo tie chuo lie hing za aw se pala, profet tie thiena lie hing zaa te ra hrahring'a va puv,’ nama ta. 31Cacuonakawta niema hrahring ta profet tie zaa thiepa samingsahlaa nama cuopa kha nama paluo sa. 32Nama mingchingmingvuo tie zaw ta ama za patha cie tlipa hmang ca palang lalue tie ung. 33Pariy zaw, pariy saa zaw! Tuokhaatama hell luo tla riypa biechina taata nama law the aa? 34Cacuonakawta profet tie hne mingsing tie hne pacuvtuv zaw kha niema'a luo i vya pathlie'a yi; chekha nama thie aa, chekha ca vieluo lie thie'a ung cate, chekha ca apungna-ing lie kha tuv'a ung cate khykha taata khykha luo namaa cadele aa. 35Cacuonakawta suena a hnyi lipa Abel thiena taata hmangpathepa hne hriykhungrina tluophie a lala lie nama thiepa Berekhiah saacapaapa Zekhariah thiyse te ta, alyi lie lyipa, aa dangpa bangkhuo tie thiyse kawlieta duotena ca nama cunglie a tlung aa. 36Biehmisi tana ica chang yi: Khapa lienawna bangkhuo kawlieta duotena ca ata chuo saa zaw cunglie hingna a tlung aa!
Zingsuv Jerusalem Cuota A Ngie A Chi
(Luk 13:34-35)
37Vya Jerusalem, Jerusalem, profet zaw a thiepa hne Khazing ta nama'a luo a vya pathliepa tie zaw alung ta a vaapa khypuv! Yikhazaa ulu ma na cawsaa zaw bangkhuo kha aapuvnung ta a taata zaw a mathlaa rawlie a pahmya pahaayita i buo ica pazuu khuo khing, cuorasala napa tuesa khing vaciy. 38Mang tie, na ing ca hri'a te a duo aa. 39Ica chang yi: “Abyipa ming ta a vawpa ca Khazing ta thluechiy pi se,” tapata nama ri hluo li na hmung'a va tli ungciy,” a ta yi.
Tällä hetkellä valittuna:
Matthai 23: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Matthai 23
23
Zingsuv Ta A Raaringna A Pi Yi
(Mar 12:38-39; Luk 11:43, 46; 20:45-46)
1Zingsuv ta cawsaazaapuv hne ziytuv tie kha, 2“Phungbie saya tie hne Farasi tie hing Moses thude lie a tupa tana ama cuo. 3Cacuonakawta aca pacuvpa bangkhuo yi kha tue ungla ziy tie ung. Cuorasala iema ama tuepa kha ca tue ra kha ung, tahematapakieca ama pacuvna haata tue vayi. 4A riysapa hmang, a phya ruvsapa#23:4 Hluo vie caa-uv lieca a phya ruvsapa tapa hing aw vyi. kha cawsaa ke cunglie khang yite, cuorasala iema ta ca ama kuvdaw tahmuo hrie khing vayi. 5Hmangting kha cawsaa hmung the riypata dyi ama tue. Ama caapathepa baw luvrina hne buorina kha pale yite ama pangpe kha ama pasyi. 6Pyi chunglie kha pa-uvsathyipa tie a tuna thude lie a tu khing yite apungna-ing lie zaw kha thude phacepa lie amaa tu khing. 7Chadaw tluo lie cawsaa ta pa-uvsathyina hne bie a chang pata saya, saya ta riypa kha ama tlechuo. 8Cuorasala niema ca, ‘saya’ tapata ca u'a vayi, tahematapakieca Saya pakha dyi hnyi ung cate nama palang ta siengaachie ta nama cuo. 9Cakhutaa ta chuelyicung lie hing ahunghmuo i Paa tapata ku'a va ungciy, tahematapakieca vuoruo lie Paa pakha dyina nama hnyi. 10Cawpatuv tapata zaw ca u kha yi se, tahematapakieca cawpatuv Messiah pakha dyina nama hnyi. 11Niema hrawlie a lecepa ca nama changtaapa a cuo riypatana a cuo. 12Ama hne ama a palepa ca pachungpa ta cuo'a te cawsaa raw a canawpa ca cyicalangpa ta a cuo aa.
13“Cuorasala, niema, phungbie saya tie hne Farasi tie ca thluechiylipa tana nama cuo! Phahruocuo tie! Tahematapakieca Vuoruo Pena chiypakaa ca cawsaa kha nama khaa khuo, niema zaw a ngie lipa ung cata, a ngie khingpa tie zaw kha luo nama khuo. 14Phungbie saya tie hne Farasi tie, niema ca thluechiylipa tana nama cuo! Phahruocuo tie! Nunghlyi kha ese ung cate, dung ung cate ama ing te nama chuv; cakhutaa cawsaa hmung riypata thlaa kha a syisa ta namaa pachuo sa. Capa nakawcata nama duotena ca a pasa hringhruo aa!#23:14 Hluo vie caa-uv lieca rina tluo 14 hing aw vyi. 15Phungbie saya tie hne Farasi tie, niema ca thluechiylipa tana nama cuo. Phahruocuo tie! Cawsaa pakha palung pathle sa riypata riyliy kha te ung cate ruo ting ta nama si. Nama hmung tlakuopa kha hell#23:15 Gk Gehenna luo tla pata niema laata lehning ang riypata nama tue.
16Mingcue luochiytuv tie, niema ca thluechiylipa tana nama cuo! ‘Cawsaa pakha ta hmangpathepa ming ri pata chie aa sa kieca chie aa sapa cata ama kha patuv'a vyi, cuorasala hmangpathepa chunglie a awpa siyy ta chie aa sa kieca chie aa sapa cata a patuv aa,’ tapata nama pacuv. 17Mingcue a ngaapa tie, khaapama a biepuv vie? Siyy cama a cuo li kie siyy a pathesatuv hmangpathepa ma? 18Thukhyi pakhaa ung cate, cawsaa pakha ta hriykhungrina tluophie ta chie aa sa kieca chie aa sapa ta patuv'a vyi, cuorasala hriykhungrina tluophie cunglie pipa lasaw ta chie aa sa kieca chie aa sapa ta a patuv aa nama ta. 19Nama ming hing a cue suesaa ing! Pipa lasaw ma a biepuv vie pipa lasaw a pathe sapa hriykhungrina tluophie cama? 20Cacuonakawta hriykhungrina tluophie ming ri pata chie aa sapa ca a cunglie a awpa yalya hne tana chie aa sa. 21Hmangpathepa ming ri pata chie aa sa kieca ama ca a chunglie a awpa Khazing hne tana chie aa sa. 22Vuoruo ming ri pata chie aa sa kieca Khazing byithude hne a cunglie a tupa hneta chie aa sa pata a cuo.
23Phungbie saya tie hne Farasi tie niema ca thluechiylipa tana nama cuo! Phahruocuo tie! Tiyhuo ca-ienapa putinan, hruohmie hne iesing zaw hmuota chehraachekha nama pi, cuorasala phungbie chunglie a biepuvsapa adangna, cawsaa ngiechi thena hne zangtluo a tlana ca siysaa ri tlung va ungciy. Capa zaw cana nama ziy riypata a cuo, a hrangpa zaw kha dyathlaa li pata. 24Mingcue luochiytuv tie! Macing sakhata hmuo namaa thliy, cuorasala kala-uv ca nama paluo puo!
25Phungbie saya tie hne Farasi tie niema ca thluechiylipa tana nama cuo! Phahruocuo tie! Nama panuo hne pakaa ca ale luo kha pathe paalaa khata nama pasiy, a chung luo ca karuo-awna hne malie nama chuvpa chechiy ta a bi. 26Mingcue Farasi tie! Panuo#23:26 Hluo vie caa-uv lieca panuo hne pakaa a ta. chung luo kha pasiy taa ungla muo, ale luo zaw kha a pathe ra'a ta.
27Phungbie saya tie hne Farasi tie niema ca thluechiylipa tana nama cuo! Phahruocuo tie! Niema ca thungruopa ama thuvpa thluo, ale taa mang pata a puvthesapa, a chung luo ca a thiypa ruv hne athuv-ahniepa riy ta a bi. 28Cahaa cata, niema zaw ale luo taata ca cawsaa mekaa cuota nama pha, cuorasala nama chung luo ca phahruo a cuo pakhina hne suena ta a bi.
29Phungbie saya tie hne Farasi tie niema ca thluechiylipa tana nama cuo! Phahruocuo tie! Profet tie cuota thluo phasapa sapa ung cate cawsaa aa dangpa tie thluolung ca nama pangi nama pasuo. 30“Ma mingchingmingvuo tie chuo lie hing za aw se pala, profet tie thiena lie hing zaa te ra hrahring'a va puv,’ nama ta. 31Cacuonakawta niema hrahring ta profet tie zaa thiepa samingsahlaa nama cuopa kha nama paluo sa. 32Nama mingchingmingvuo tie zaw ta ama za patha cie tlipa hmang ca palang lalue tie ung. 33Pariy zaw, pariy saa zaw! Tuokhaatama hell luo tla riypa biechina taata nama law the aa? 34Cacuonakawta profet tie hne mingsing tie hne pacuvtuv zaw kha niema'a luo i vya pathlie'a yi; chekha nama thie aa, chekha ca vieluo lie thie'a ung cate, chekha ca apungna-ing lie kha tuv'a ung cate khykha taata khykha luo namaa cadele aa. 35Cacuonakawta suena a hnyi lipa Abel thiena taata hmangpathepa hne hriykhungrina tluophie a lala lie nama thiepa Berekhiah saacapaapa Zekhariah thiyse te ta, alyi lie lyipa, aa dangpa bangkhuo tie thiyse kawlieta duotena ca nama cunglie a tlung aa. 36Biehmisi tana ica chang yi: Khapa lienawna bangkhuo kawlieta duotena ca ata chuo saa zaw cunglie hingna a tlung aa!
Zingsuv Jerusalem Cuota A Ngie A Chi
(Luk 13:34-35)
37Vya Jerusalem, Jerusalem, profet zaw a thiepa hne Khazing ta nama'a luo a vya pathliepa tie zaw alung ta a vaapa khypuv! Yikhazaa ulu ma na cawsaa zaw bangkhuo kha aapuvnung ta a taata zaw a mathlaa rawlie a pahmya pahaayita i buo ica pazuu khuo khing, cuorasala napa tuesa khing vaciy. 38Mang tie, na ing ca hri'a te a duo aa. 39Ica chang yi: “Abyipa ming ta a vawpa ca Khazing ta thluechiy pi se,” tapata nama ri hluo li na hmung'a va tli ungciy,” a ta yi.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.