Matthai 24
24
Zingsuv Ta Biena-ing Rana Riypa Kaw A Rilu
(Mar 13:1-2; Luk 21:5-6)
1Zingsuv ca Biena-ing taakhata pya te a cakuole pa khata ziytuv tie kha a thaa luo a vaw yite, Biena-ing a phana zya kha ama rikhyi. Zingsuv ta, 2“Hingpa hing nama hmung kaluo cuo vama? Biehmisi tana ica chang yi: Hing alung suokha hing hmuo a pacangcang pata aw'a va tli, a palang ta pacing diypa tana a cuo aa,” a ta.
Cuo Chuona Riypa Pachangsana
(Mar 13:3-13; Luk 21:7-19)
3Zingsuv Oliv Tluocung lie a tu nguoluo pata, ziytuv tie kha iema se ta ama'a luo a vaw yite, “Malie chang tie, hing hmang hing khatiy tama a cuo aa? Naa vaw pakhaa na cuo hne cuo chuona riypa pamangsana ta khaapa hmang ma a aw aa,” ama ta. 4Zingsuv ta, “A raaring ung, ahunghmuo a padung sa kha ung. 5Cawsaa hluvpuv i ming ta a vaw'a yite, ‘Messiah#24:5 Or Khrih tana i cuo,’ ta'a yite cawsaa hluvpuv kha ama dung aa. 6Rie amaa tuvna thuohlaa hne rie amaa tuv'a nangpa thuohlaa kha nama thyi aa, cuorasala nama thlaa zang kha se. Cahaapa hmang ca ama aw aa, cuorasala a chuona ta cuo valie. 7Mingphang phangkha hne phangkha, ruokha hne ruokha amaa tuv aa. Hmangting lieta cakuo#24:7 Hluo vie caa-uv lieca cakuo hne puvtlung pasana a ta. tlung'a te, aling a siy aa. 8Hingpa hmang bangkhuo hing nu pazipa hne na a lu aa.
Hrisaathieruena Kaw A Rilu
9Cakhutaata niema kha hrisaa riypa hne thie riypata malie kuv luo aca pi'a yi. Kama kawlieta mingphang ting ta aca hue'a yi. 10Cawsaa hluvpuv ca ama zangna kha thuse'a yite, pakha hne pakha kha a lyi'a yite amaa hue aa. 11Cakhutaata profetpakhipa hluvpuv kha vya pya'a yite cawsaa hluvpuv kha ama dung aa. 12Phalina kha a pungzaale nakawta duena a cakingle aa. 13Cuorasala a chuona te a ang khupa ca khuona a hmung aa. 14Cakhutaa mingphang bangkhuo cuota tehte cuo riypata pena thuophaabie ca chuelyi khyzaa ta phupa a cuo aa; cakhutaa dyi tana a chuona ca a cuo aa.
Ciy Aa Chiypa Duvsamakhiepa
(Mar 13:14-23; Luk 21:20-24)
15“Profet Daniel ta a ripa, ‘Ciy aa chiypa duvsamakhiepa,” hmang pathepa lie a daa pakha nama hmung aa.” (Hingpa caa a ripa hingta thyi the se). 16Judea ruo lie a awpa ta tluocung luo kha a ruo se. 17A ing cunglie a awpa ca a ing chunglie a awpa hmang la riypata cung kha se. 18Lu lie a awpa ta a buohryicungle la riypata kaa kha se. 19Capa ning hne cuo ningta nu a phyapa canung hne haaseta a hnyipa canung ca thluechiylipa tana ama cuo. 20Namaa ruona cuo hing thlasiy chung hne Sabbath ning aa chuo li riypata thlaa chuo tie ung. 21Tahematapakieca chuelyi hruothu baataata a ta cuo te ta a tlung buo lipa, hmie luo cuo thue zaw a tlung li riy'apa, ruvnaana na a tlung aa. 22Capa cuo ca pachang sa vie pata a cuo li kieca ahunghmuota hyazang'a vayi, cuorasala a tlawpa zaw cuota a cuo ca pachang sa vie pata a cuo aa. 23Cakhutaa, pakhakha ta, ‘Mang tie, Messiah ca lie hing a aw hing,’ a cuo li kie, ‘lie hue a aw hue,’ aca ta kie zaw yima zang kha ung. 24Messiah pakhipa tie hne profetpakhipa tie kha vya pya'a yite, a cuo khu kietaca Khazing a tlaw ciepa zaw khahmuo dung riypata kharuehaa hmang lesapa hne pamangsana zaw kha ama tue aa. 25Maw khya ung, a cuo a tling hluo ta tlihing ica changlu yi. 26Cacuonakawta cawsaa ta, ‘Mang tie! ama ca ruochung lie na a aw,’ aca ta kie zaw yima vaa kha ung. ‘Mang tie! ingkhuo chunglie na a aw,’ aca ta kie zaw yima va zang kha ung. 27Ningchiy taata thinghlaa a vya cakang te ningtla te a khepahlipa haatana Cawsaa Saacapaa ca a vaw aa. 28“Athiypa riy a awnapa hmang lie luotaa amaa hmyasuele aa.”
Cawsaa Saacapaa Aa Vawna Riypa
(Mar 13:24-27; Luk 21:25-28)
29Capa ruvnaana cuo a chuo khu pahne ta,
ning ca zing'a te,
thlaa ca vaa'a va tli;
aasiy zaw vuoruo taa za tla'a te,
vuoruo lie a awpa cahrana zaw ca
amaa cahang aa.
30Cakhutaata Cawsaa Saacapaa pamangsana ca avuo lie aa luo aa. Cawsaa Saacapaa ca vuoruo amyi cung taata lesyi rungnaana hneta aa zuvpa kha chuelyi mingphang bangkhuo ta hmung'a yite ama caa aa. 31Aa vuoming kha chuelyi kiy paliy luo pathlie'a yite, hmyakaa kha thaapuv ta tung'a yite, aa tlawpa cawsaa zaw kha chuelyi kiy paliy, avuo dena kuo kha taata kuo kha te ta ama pakiy aa.
Thyikuvkung'a Taata A Cuv Riypa
(Mar 13:28-31; Luk 21:29-33)
32“Thyikuvkung'a taahingta a cuv tie ung. A daw kya pakiy te a hnaa a thue tiyta cuovuo na a ngie tli tapa kha nama pachang. 33Cahaa cata, hingpa hmang bangkhuo nama hmung tiyta, ama ca thlake thabaw te a vya chiy tli tapa kha pachang tie ung. 34Biehmisi tana ica chang yi: ata chuo cawsaa zaw ama thiy diy hluo hingta hingpa hmang bangkhuo a vya cuo aa tapa kha maw kha ung. 35Vuoruo hne alyi ca ama ra aa, cuorasala kama bie ca khatiy tahmuo ra'a vyi.
Ahungtahmuo A Ning Hne A Cuo Pachang Vayi.
(Mar 13:32-37; Luk 17:26-30, 34-36)
36Cuorasala, ahungtahmuo capa ning hne cuo ca khatiy tama a cuo aa tapa kha pachang vayi; avuoming cuose, Saacapaa cuose,#24:36 Hluo vie caa-uv lieca Saacapaa cuose tapa hing aw vyi. pachang vayi; Paa kyalya dyina a pachang. 37Cawsaa Saacapaa a vaw riypa ca Noah chuo ning hmang a cuopa haa khatana a cuo aa. 38Tiypa-aa a tlung hluo, Noah palaw chung luo a ngiena te ta, cawsaa zaw ca ning dang yite, canung hne capaa zaw amaa chiy amaa hie, 39tiypa-aa vya tlung te a phya diy hluo te yi ta khaama a vya tlung tapa kha pachang vayi. Cawsaa Saacapaa aa vaw thueta ca cahaacatana a cuo aa. 40Cakhutaa, lu lie a awpa pahning lie kha pakha la pata cuo'a te, pakha ca thuse pata a cuo aa. 41Sung a suv hnepa canung pahning lie kha pakha la pata cuo'a te, pakha ca thuse pata a cuo aa. 42Cacuonakawta singvaasa pata aw tie ung, tahematapakieca khatiy ningcuo lieta ma nama Byipaapa a vaw aa tapa kha pachang va ungciy. 43Ing a hnyituvpa ta a paruvpa khatiy tama a vaw aa tapa kha a pachang kieca a hmung li pata huo'a te a ing kha caphi pata paruv sa khu'a vyi tapa ca nama pachang. 44Cacuonakaw, niema zaw a raaring tie ung, tahematapakieca Cawsaa Saacapaa ca nama mangkhuo lina cuo lie tana aa vaw aa.
Zang Tluo Aa Tlapa Hne Aa Tla Lipa Sii
(Luk 12:41-48)
45Cakhutaata ahung cama zangtluo aa tlapa hne a singpa sii, a byipaapa ta a sii hrangpa tie uv riypa hne a cuo a hmuota tah sa a pi riypata re a pipapaa ta a cuo? 46Re a hrie nguoluo ningta a byipaapa ta a vya chiyhnuepa sii ca thluechiypa tana a cuo. 47Biehmisi tana ica chang yi: Capapaa ca a byipaapa ta a hnyipa bangkhuo a mangchiytuv ta a chi aa. 48Cuorasala sii pha lipa pakha ta, ‘i byipaapa ca a vaw'a valie, a vya haa kalie aa ta te, 49sii hrangpa tie kha tuvde yite, a pariypa tie hne khata ning dang yite a aw kieca, 50a mangkhuo li cuo ning hne a pachang li cuo ning khata a byipaapa ca a vaw aa. 51A diykariy pata a cepachung diy'a te, caana hne haa cariena a awna hmang lie kha phahruocuo tie hneta a chihne aa.
Tällä hetkellä valittuna:
Matthai 24: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Matthai 24
24
Zingsuv Ta Biena-ing Rana Riypa Kaw A Rilu
(Mar 13:1-2; Luk 21:5-6)
1Zingsuv ca Biena-ing taakhata pya te a cakuole pa khata ziytuv tie kha a thaa luo a vaw yite, Biena-ing a phana zya kha ama rikhyi. Zingsuv ta, 2“Hingpa hing nama hmung kaluo cuo vama? Biehmisi tana ica chang yi: Hing alung suokha hing hmuo a pacangcang pata aw'a va tli, a palang ta pacing diypa tana a cuo aa,” a ta.
Cuo Chuona Riypa Pachangsana
(Mar 13:3-13; Luk 21:7-19)
3Zingsuv Oliv Tluocung lie a tu nguoluo pata, ziytuv tie kha iema se ta ama'a luo a vaw yite, “Malie chang tie, hing hmang hing khatiy tama a cuo aa? Naa vaw pakhaa na cuo hne cuo chuona riypa pamangsana ta khaapa hmang ma a aw aa,” ama ta. 4Zingsuv ta, “A raaring ung, ahunghmuo a padung sa kha ung. 5Cawsaa hluvpuv i ming ta a vaw'a yite, ‘Messiah#24:5 Or Khrih tana i cuo,’ ta'a yite cawsaa hluvpuv kha ama dung aa. 6Rie amaa tuvna thuohlaa hne rie amaa tuv'a nangpa thuohlaa kha nama thyi aa, cuorasala nama thlaa zang kha se. Cahaapa hmang ca ama aw aa, cuorasala a chuona ta cuo valie. 7Mingphang phangkha hne phangkha, ruokha hne ruokha amaa tuv aa. Hmangting lieta cakuo#24:7 Hluo vie caa-uv lieca cakuo hne puvtlung pasana a ta. tlung'a te, aling a siy aa. 8Hingpa hmang bangkhuo hing nu pazipa hne na a lu aa.
Hrisaathieruena Kaw A Rilu
9Cakhutaata niema kha hrisaa riypa hne thie riypata malie kuv luo aca pi'a yi. Kama kawlieta mingphang ting ta aca hue'a yi. 10Cawsaa hluvpuv ca ama zangna kha thuse'a yite, pakha hne pakha kha a lyi'a yite amaa hue aa. 11Cakhutaata profetpakhipa hluvpuv kha vya pya'a yite cawsaa hluvpuv kha ama dung aa. 12Phalina kha a pungzaale nakawta duena a cakingle aa. 13Cuorasala a chuona te a ang khupa ca khuona a hmung aa. 14Cakhutaa mingphang bangkhuo cuota tehte cuo riypata pena thuophaabie ca chuelyi khyzaa ta phupa a cuo aa; cakhutaa dyi tana a chuona ca a cuo aa.
Ciy Aa Chiypa Duvsamakhiepa
(Mar 13:14-23; Luk 21:20-24)
15“Profet Daniel ta a ripa, ‘Ciy aa chiypa duvsamakhiepa,” hmang pathepa lie a daa pakha nama hmung aa.” (Hingpa caa a ripa hingta thyi the se). 16Judea ruo lie a awpa ta tluocung luo kha a ruo se. 17A ing cunglie a awpa ca a ing chunglie a awpa hmang la riypata cung kha se. 18Lu lie a awpa ta a buohryicungle la riypata kaa kha se. 19Capa ning hne cuo ningta nu a phyapa canung hne haaseta a hnyipa canung ca thluechiylipa tana ama cuo. 20Namaa ruona cuo hing thlasiy chung hne Sabbath ning aa chuo li riypata thlaa chuo tie ung. 21Tahematapakieca chuelyi hruothu baataata a ta cuo te ta a tlung buo lipa, hmie luo cuo thue zaw a tlung li riy'apa, ruvnaana na a tlung aa. 22Capa cuo ca pachang sa vie pata a cuo li kieca ahunghmuota hyazang'a vayi, cuorasala a tlawpa zaw cuota a cuo ca pachang sa vie pata a cuo aa. 23Cakhutaa, pakhakha ta, ‘Mang tie, Messiah ca lie hing a aw hing,’ a cuo li kie, ‘lie hue a aw hue,’ aca ta kie zaw yima zang kha ung. 24Messiah pakhipa tie hne profetpakhipa tie kha vya pya'a yite, a cuo khu kietaca Khazing a tlaw ciepa zaw khahmuo dung riypata kharuehaa hmang lesapa hne pamangsana zaw kha ama tue aa. 25Maw khya ung, a cuo a tling hluo ta tlihing ica changlu yi. 26Cacuonakawta cawsaa ta, ‘Mang tie! ama ca ruochung lie na a aw,’ aca ta kie zaw yima vaa kha ung. ‘Mang tie! ingkhuo chunglie na a aw,’ aca ta kie zaw yima va zang kha ung. 27Ningchiy taata thinghlaa a vya cakang te ningtla te a khepahlipa haatana Cawsaa Saacapaa ca a vaw aa. 28“Athiypa riy a awnapa hmang lie luotaa amaa hmyasuele aa.”
Cawsaa Saacapaa Aa Vawna Riypa
(Mar 13:24-27; Luk 21:25-28)
29Capa ruvnaana cuo a chuo khu pahne ta,
ning ca zing'a te,
thlaa ca vaa'a va tli;
aasiy zaw vuoruo taa za tla'a te,
vuoruo lie a awpa cahrana zaw ca
amaa cahang aa.
30Cakhutaata Cawsaa Saacapaa pamangsana ca avuo lie aa luo aa. Cawsaa Saacapaa ca vuoruo amyi cung taata lesyi rungnaana hneta aa zuvpa kha chuelyi mingphang bangkhuo ta hmung'a yite ama caa aa. 31Aa vuoming kha chuelyi kiy paliy luo pathlie'a yite, hmyakaa kha thaapuv ta tung'a yite, aa tlawpa cawsaa zaw kha chuelyi kiy paliy, avuo dena kuo kha taata kuo kha te ta ama pakiy aa.
Thyikuvkung'a Taata A Cuv Riypa
(Mar 13:28-31; Luk 21:29-33)
32“Thyikuvkung'a taahingta a cuv tie ung. A daw kya pakiy te a hnaa a thue tiyta cuovuo na a ngie tli tapa kha nama pachang. 33Cahaa cata, hingpa hmang bangkhuo nama hmung tiyta, ama ca thlake thabaw te a vya chiy tli tapa kha pachang tie ung. 34Biehmisi tana ica chang yi: ata chuo cawsaa zaw ama thiy diy hluo hingta hingpa hmang bangkhuo a vya cuo aa tapa kha maw kha ung. 35Vuoruo hne alyi ca ama ra aa, cuorasala kama bie ca khatiy tahmuo ra'a vyi.
Ahungtahmuo A Ning Hne A Cuo Pachang Vayi.
(Mar 13:32-37; Luk 17:26-30, 34-36)
36Cuorasala, ahungtahmuo capa ning hne cuo ca khatiy tama a cuo aa tapa kha pachang vayi; avuoming cuose, Saacapaa cuose,#24:36 Hluo vie caa-uv lieca Saacapaa cuose tapa hing aw vyi. pachang vayi; Paa kyalya dyina a pachang. 37Cawsaa Saacapaa a vaw riypa ca Noah chuo ning hmang a cuopa haa khatana a cuo aa. 38Tiypa-aa a tlung hluo, Noah palaw chung luo a ngiena te ta, cawsaa zaw ca ning dang yite, canung hne capaa zaw amaa chiy amaa hie, 39tiypa-aa vya tlung te a phya diy hluo te yi ta khaama a vya tlung tapa kha pachang vayi. Cawsaa Saacapaa aa vaw thueta ca cahaacatana a cuo aa. 40Cakhutaa, lu lie a awpa pahning lie kha pakha la pata cuo'a te, pakha ca thuse pata a cuo aa. 41Sung a suv hnepa canung pahning lie kha pakha la pata cuo'a te, pakha ca thuse pata a cuo aa. 42Cacuonakawta singvaasa pata aw tie ung, tahematapakieca khatiy ningcuo lieta ma nama Byipaapa a vaw aa tapa kha pachang va ungciy. 43Ing a hnyituvpa ta a paruvpa khatiy tama a vaw aa tapa kha a pachang kieca a hmung li pata huo'a te a ing kha caphi pata paruv sa khu'a vyi tapa ca nama pachang. 44Cacuonakaw, niema zaw a raaring tie ung, tahematapakieca Cawsaa Saacapaa ca nama mangkhuo lina cuo lie tana aa vaw aa.
Zang Tluo Aa Tlapa Hne Aa Tla Lipa Sii
(Luk 12:41-48)
45Cakhutaata ahung cama zangtluo aa tlapa hne a singpa sii, a byipaapa ta a sii hrangpa tie uv riypa hne a cuo a hmuota tah sa a pi riypata re a pipapaa ta a cuo? 46Re a hrie nguoluo ningta a byipaapa ta a vya chiyhnuepa sii ca thluechiypa tana a cuo. 47Biehmisi tana ica chang yi: Capapaa ca a byipaapa ta a hnyipa bangkhuo a mangchiytuv ta a chi aa. 48Cuorasala sii pha lipa pakha ta, ‘i byipaapa ca a vaw'a valie, a vya haa kalie aa ta te, 49sii hrangpa tie kha tuvde yite, a pariypa tie hne khata ning dang yite a aw kieca, 50a mangkhuo li cuo ning hne a pachang li cuo ning khata a byipaapa ca a vaw aa. 51A diykariy pata a cepachung diy'a te, caana hne haa cariena a awna hmang lie kha phahruocuo tie hneta a chihne aa.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.