Matthai 26
26
Zingsuv Ama Raw
(Mar 14:1-2; Luk 22:1-2; Jhn 11:45-53)
1Zingsuv ta hing bie bangkhuo hing a ri khu taata ziytuv tie kha, 2“Nama pachangpa haata ning hning khutaa Lawsena Pyi vya cuo'a tli te, Cawsaa Saacapaa ca vieluo lie khepuo riypata pipa a cuo aa,” a ta yi.
3Cakhutaa tluobyilepa tie hne uvthyi tie ca Tluobyilecepa Kaiafas ing lie kha a hmya pakhaw yite, 4Zingsuv kha a paruvta tah patuv pata thie riypata khue ama khuo. 5Cuorasala iema ta, “Pyi chunglie ca tue'a va ungpuv, cawsaa na hnaa a pahnaw sue'a yi,” amaa ta.
Bethani Lie Zingsuv Chiytiy Ama Thuv
(Mar 14:3-9; Jhn 12:1-8)
6Zingsuv ca Bethani khy, caahming-hmaa#26:6 Caahminghmaa tapa biesuo hing pasana phangphang tana zaw a cuo khu. zaa phya buopa Simon ing lie a aw nguoluo ning kha 7canung pakha a vaw te, alabaster ungthyi lie pangkha ta a rawpa a muo ruv ciemuopa ziyhmyi kha cabya lie a tu nguoluo pata a luv lie a bya. 8Capa ca ziytuv tie ta ama hmung tiyta ama hi haa te, “A puohrie laalaw de! 9Hingpa ziyhmyi hing tuokaa a dawsawli ta zaa pata siypasa tie pi riypa a cuo raalaa pata,” ama ta. 10Cuorasala Zingsuv ta khapa kaw kha a pachang tiyta, “Khaapanakawma hingpa nung hing hnaa nama pahnaw? I cuota hmang phapa na a tue. 11Siypasa tie ca niema'a lie ama aw pari aa, cuorasala kama ca niema'a lie aw pari'a va ang. 12Ziyhmyi ina byapa hing i riy paby riypata a tingtuopa tana a cuo. 13Biehmisi tana ica chang yi: Thuophaabie ama phu napa chuelyi hmangting lie hingpa nung a tuepa hmang hing ama maw lina ta ama ri pari aa,” a ta.
Zingsuv Lyi Riypata Judas A Naa A Tla
(Mar 14:10-11; Luk 22:3-6)
14Cakhutaa ziytuv hlyihning hraw-lie pakha a cuopa Judas Iskariot ca tluobyilepa tie'a luo kha vaa te, 15“Zingsuv hing nama kuv luo ica pi kie yi ca khaama ina pi'a ungciy?” a ta yi. Iema ta ngu tuokaa sawthung kha ama pi. 16Ama khu yalya taakhata Judas ca Zingsuv lyina riypa cuophaa dyi kha a bya.
Lawsena Pyi Sa Ama Ning
(Mar 14:12-21; Luk 22:7-13, 21-23; Jhn 13:21-30)
17Ruoriy phuv li Viechuo Pyi ning kha ziytuv tie ca Zingsuv'a luo kha a vaw yite, “Lawsena Pyi sa dung pakhawnapa ca khaapalie va pachie se pala ma na khing?” ama ta. 18Zingsuv ta, “Khy chunglie cawsaa pakhapapaa luo kha vaa ungla, ‘Saya na, I cuo na a tling tli, naa ziytuv tie hne tana na ing lie Lawsena Pyi ma tue khing, caa ta,’ va ta tie ung,” a ta yi. 19Zingsuv ta a changpa haa yi cata ziytuv tie ta Lawsena Pyi sa ca ama pachie.
20Zuoluo ca Zingsuv hne ziytuv hlyihning ca sa ning riypata amaa tu pakhaw. 21Sa ama ning nguoluo pata Zingsuv ta, “Biehmisi tana ica chang yi, niema chung taa pakha ta ina lyi'a ungciy,” a ta. 22Ziytuv tie ca ama ngie chi hringhruo te pakha hnang pakha ta, “Abyipa, kama i cuo maw?” ama ta kaluo. 23Zingsuv ta, “Kama hne lapakhue khuekha a caphaw hnepa hingna naa lyi aa,” a ta. 24Cawsaa Saacapaa ca Caapathepa lie a kaw aa capepa haakhata a thiy aa, cuorasala Cawsaa Saacapaa a lyituvpa cuo hing taca khatluv tama ciy aa chiy aa! Capapaa ca puv li pata aw sala a cuota a pha vie aa,” a ta. 25A lyituv Judas ta, “Saya, kama ta i cuo maw?” ta te a hiehriy. Zingsuv ta, “Na cuo ne,” a ta.
Abyipa Zuosa
(Mar 14:22-26; Luk 22:14-20; 1 Kor 11:23-25)
26Sa ama ning nguoluo ning kha, Zingsuv ta viechuo kha la te thlaa a chuo khu taata chechi te ziytuv tie kha a pi yi. “A la ungla ning tie ung,” hingpa hing i pangpa tana a cuo,’ a ta. 27Cakhutaata panuo kha la te, Khazing kha palungtluona bie a hluo khu taata iema kha pi yite, “Nama bangkhuo ta dang tie ung. 28Hingpa hing biekuona#26:28 Hluo vie caa-uv lieca biekuona thaapa a ta. i thiyse, cawsaa hluvpuv sue a ngiethena riypata i lyipa tana a cuo. 29Ica chang yi: I Paa Pena chunglie niema hne mingsuv tiy thaapa i dang hluo li hingpa mingsuv tiy hing dang pakhaa'a va tli ang,” a ta yi.
30Cakhutaa hlaa sa yite Oliv tluo luo kha ama si.
Piter Ta A Thawna Riypa Kaw A Rilu
(Mar 14:27-31; Luk 22:31-34; Jhn 13:36-38)
31Cakhutaa Zingsuv ta iema kha, “Caapathepa ta,
‘Khazing ta tuvkhietuv kha tuvsa'a te,
tuvrung chunglie tuv kha ama chepatlaa diy aa,’
a tapa haata, ata zuo hrahring lie hing nama bangkhuo ta ina thuse diy'a ungciy. 32Cuorasala pathu pakhaapa i cuo thueta Galilee luo kha i silu aa,” a ta yi. 33Piter ta Zingsuv kha, “A hrangpa tie bangkhuo acaa ruose zaw yi ta, kama ca caa ruose buohluo'a va ang,” a ta. 34Zingsuv ta Piter kha, “Biehmisi tana ica chang: Ata zuo aa a khang hluo ta yi thung te ina thaw'a ciy,” a ta. 35Piter ta, “Nama hne thiy ra riypa i cuo zaw ta ca thaw'a va ang,” a ta. Ziytuv tie bangkhuo ta cahaa cata ama ta kaluo.
Gethsemane Diedung Lie Zingsuv Thlaa A Chuo
(Mar 14:32-42; Luk 22:39-46)
36Cakhutaa Zingsuv ca ziytuv tie hne khata Gethsemane ama tapa hmang luo kha vaa yite iema kha, “Palie hue thlaa i va chuo chung ta hingpa lie hing zaa tu tie ung,” a ta yi. 37Piter hne Zebedi saacapaa pahning tie kha aa chiyle yi. A ngie chi te a lalilahie a chiy. 38Iema kha, “I pathiypalung lie ngiechina hing le tuv te vuotaa i thiy'a nang. Lie hing aw ungla a hmung li pata na huo mya ung,” a ta yi. 39Acawta va cakuo vie te, alyi lie kha a bu te, “I Paa, a cuo khu pata a cuo kieca hingpa te-angna panuo hingta na law thi se! Cuorasala kama khingna haata cuo kha se, nama khingna haata cuo hriy se,” tapata thlaa a chuo. 40Cakhutaata ziytuv tie'a luo kha vya kaa te amaa hmungpa kha a hmung yi ca, Piter kha, “A hmung li pata siymaluo pakha chuo hmuo na huo khu va ung cama? 41Pasupaliyna chung luo nama tla li riypata a hmung li pata thlaa chuo tie ung. Pathiypalung ta a khing raalaa pata, saapa ca a thaazuo na a caw,” a ta. 42Zingsuv ca a yihningnapa vaa pakhaa te thlaa a chuo pakhaa. “I Paa, hing panuo hing dang li pata law the a aw li kieca, na khingnapa haa cuo thluo se,” a ta. 43Ziytuv tie'a luo kha a vya kaa pakhaa ca amaa zaa hmung ngiethie, ama ming hetahmuo haw khu vayi. 44Thuse pakhaa yite, vaa te, a yi thungna thlaa a chuo pakhaa, a ri tawpa kha a ri pakhaa. 45Cakhutaa ziytuv tie'a luo kha vya kaa te, “A hmung ung cate ma namaa pahy hyalya kalie? Mang tie ung! Cawsaa Saacapaa ca a suepa tie kuv chung luo pina cuo kha a vya chiy tli. 46Thu tie ung, cakuo'a ungpuv. Mang tie ung, naa lyipapaa ca lie hing a vya chiy hing, a ta yi.
Zingsuv Ama Patuvna Kaw
(Mar 14:43-50; Luk 22:47-53; Jhn 18:3-12)
47Zingsuv ta bie a ri nguoluo ning kha ziytuv hlyihning hraw taata pakha a cuopa Judas ca tluobyilepa tie hne uvthyi tie ta ama pathliepa, zueziy hne tungbung a cyipa cawsaazaapuv hne khata ama vya chiy. 48A lyituvpapaa cata zaapuv kha pamangsana pi pacie yite, “I pahnuopapaa ca nama patuv khingpa khata cuo'a te nama patuv aa,” a ta yi. 49Zingsuv'a luo kha vaa paluo te, “Saya, na cunglie diena aw se,” ta te a pahnuo. 50Zingsuv ta, “Liechung, na tue khingpa ca tue tie,” a ta. Cakhupahne a vaw yite Zingsuv ca ama patuv. 51Zingsuv hne a aw rapa pakha ta a zueziy kha a da te tluobyilecepa sii naacakue kha a sa pathla. 52Zingsuv ta, “Na zueziy kha a kaw luo pasuo tie. Zueziy a hmuopa ca zueziy tana a thiy aa,” a ta. 53I Paa kha abyana i hie kieca yikha ta avuoming rieka phuv hlyihning laata a hluv vie ina za pathliepa khu tapa kha pachang va cama? 54Cuorasala cahaa cata a cuo kieca, tuokhaatama hinghaahingtana a cuo aa za tapa Caapathepa bie ca a tling khu aa? 55Capa cuo ning cata Zingsuv ta zaapuv kha, “Kama ca damie tama i cuo, khaapanakawma kama patuv riypata zueziy hne tungbung a vya cyi ung cate namaa vaw? a ta yi. A ning tating ta Biena-ing lie a tu ang te ica pacuv ning yi kha ahunghmuota na patuv vade ungciy. 56Cuorasala profet tie ta Caapathepa chunglie ama ripa a tlingna riypata hingpa hmang bangkhuo hing a cuopa ta a cuo,” a ta. Cakhutaa ta ziytuv tie ca ama kha thuse yite amaa ruo diy.
Tluobyilecepa Hmie Luo Zingsuv Ama Chiykhyi
(Mar 14:53-65; Luk 22:54-55, 63-71; Jhn 18:13-14, 19-24)
57Zingsuv ca a patuvpa tie khata tluobyilecepa Kaiafas ing luo kha cakuo khyi yite capa lieca phungbie saya tie hne uvthyi tie kha amaa zaa hmya. 58Piter ta tluobyilecepa inghmie te kha a hlapuo pata ziy yite tlawhmie luo kha a ngie te tuokhaatama hmang a vya cuo aa tapa pachang khing re pata rie a vepa tie'a lie kha a tu. 59Tluobyi lepa tie hne bierituv tie palang khata Zingsuv thie the riypata a suena kha huv yite, 60hanghie pata bie ri te sue a phawpa a hluvsa amaa vaw raalaa pata a suena suokha hmuo hmung khu vayi. A hnangcawce ta cawsaa pahning vya pya yite, 61“Hingpapaa hingta, Khazing Biena-ing hing phi'a ang te ningthung chunglie i sa pakhaa khu aa, a ta,” ama ta. 62Tluobyilecepa ta a daa te Zingsuv kha, “Palie riy hnyi va cama? Hingpa tie ta sue aca phawpa yi hing khaapa bie ma a cuo? a ta. 63Cuorasala Zingsuv ca a dieta tah a aw. Tluobyilecepa ta canyi pakhaa te, “A hringpa Khazing ming ta chie a sa ang te ica ta: Khazing Saacapaa, Messiah#26:63 Or Khrih ta na cuo kieca malie chang tie,” a ta. 64Zingsuv ta, “Na ri tli cahaw! Cuorasala ica chang yi:
Ata taahingta Cawsaa Saacapaa ca
Cungnungce cacuo luo khata a tu'a te
vuoruo amyi cung taata aa zuvpa kha nama hmung aa,” tapata a palie.
65Cakhupahne tluobyilecepa ca a pang kha thlaa te, “Capaca Khazing thuo-pachina tana a cuo! Pachangkhyituv hrangpa a hu va tli puv. Khazing thuopachina bie a ripa ca niema ta nama thyi tli! 66Tuokhaatama nama rue?” a ta. Iema ta, “Thiy aa phuv,” ama ta. 67Cakhutaa a hmie lie kha ama paciy ta pacha yite ama tuv; chekha ta cabe yite, 68“Messiah, ahungma caa cabe tapa kha malie chang tie,” ama ta.
Piter Ta Zingsuv A Thaw
(Mar 14:66-72; Luk 22:56-62; Jhn 18:15-18, 25-27)
69Piter ca ingle, tlawhmie lie a tu nguoluo ning kha tluobyilecepa changtaapanung kha ama'a luo a vaw te, “Nama zaw hing Galilee pa Zingsuv hne a khepa tana na cuo,’ a ta. 70Cuorasala iema bangkhuo hmielie kha a sie te, “Khaapama na ri tapa kha pachang va ang,” a ta. 71Thlake luo kha a pya ca a hrangpa changtaapanung ta ama kha hmung te a thaa lie a daapa tie kha, “Hingpapaa hing Nazareth khypa Zingsuv'a lie zaa aw rapa tana a cuo,” a ta yi. 72Piter ta, “hingpapaa hing i pachangpa cuo vyi,” ta te chie a sana hne aa sie pakhaa. 73A cawta a aw pata, capa lie a daapa tie ta Piter ca, “Nama hing iema'a lie a aw rapa tana na cuo hrahring, na uephya tana naa hnang,” ama ta. 74Cakhutaa Piter ta, “Nama ripapaa hing pachang hrahring va ang tapata chiesana hne bie i kuo,” a ta. Cakhupatahne ta aa a khang. 75Piter ca Zingsuv ta a za changpa, “Aa a khang hluo ta pachang va ang ne, ta'a cate yi thung te ina thaw'a ciy,” a tapa bie kha a kya thyi pakhaa. Ale luo kha pya te khuopuv ta a caa.
Tällä hetkellä valittuna:
Matthai 26: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Matthai 26
26
Zingsuv Ama Raw
(Mar 14:1-2; Luk 22:1-2; Jhn 11:45-53)
1Zingsuv ta hing bie bangkhuo hing a ri khu taata ziytuv tie kha, 2“Nama pachangpa haata ning hning khutaa Lawsena Pyi vya cuo'a tli te, Cawsaa Saacapaa ca vieluo lie khepuo riypata pipa a cuo aa,” a ta yi.
3Cakhutaa tluobyilepa tie hne uvthyi tie ca Tluobyilecepa Kaiafas ing lie kha a hmya pakhaw yite, 4Zingsuv kha a paruvta tah patuv pata thie riypata khue ama khuo. 5Cuorasala iema ta, “Pyi chunglie ca tue'a va ungpuv, cawsaa na hnaa a pahnaw sue'a yi,” amaa ta.
Bethani Lie Zingsuv Chiytiy Ama Thuv
(Mar 14:3-9; Jhn 12:1-8)
6Zingsuv ca Bethani khy, caahming-hmaa#26:6 Caahminghmaa tapa biesuo hing pasana phangphang tana zaw a cuo khu. zaa phya buopa Simon ing lie a aw nguoluo ning kha 7canung pakha a vaw te, alabaster ungthyi lie pangkha ta a rawpa a muo ruv ciemuopa ziyhmyi kha cabya lie a tu nguoluo pata a luv lie a bya. 8Capa ca ziytuv tie ta ama hmung tiyta ama hi haa te, “A puohrie laalaw de! 9Hingpa ziyhmyi hing tuokaa a dawsawli ta zaa pata siypasa tie pi riypa a cuo raalaa pata,” ama ta. 10Cuorasala Zingsuv ta khapa kaw kha a pachang tiyta, “Khaapanakawma hingpa nung hing hnaa nama pahnaw? I cuota hmang phapa na a tue. 11Siypasa tie ca niema'a lie ama aw pari aa, cuorasala kama ca niema'a lie aw pari'a va ang. 12Ziyhmyi ina byapa hing i riy paby riypata a tingtuopa tana a cuo. 13Biehmisi tana ica chang yi: Thuophaabie ama phu napa chuelyi hmangting lie hingpa nung a tuepa hmang hing ama maw lina ta ama ri pari aa,” a ta.
Zingsuv Lyi Riypata Judas A Naa A Tla
(Mar 14:10-11; Luk 22:3-6)
14Cakhutaa ziytuv hlyihning hraw-lie pakha a cuopa Judas Iskariot ca tluobyilepa tie'a luo kha vaa te, 15“Zingsuv hing nama kuv luo ica pi kie yi ca khaama ina pi'a ungciy?” a ta yi. Iema ta ngu tuokaa sawthung kha ama pi. 16Ama khu yalya taakhata Judas ca Zingsuv lyina riypa cuophaa dyi kha a bya.
Lawsena Pyi Sa Ama Ning
(Mar 14:12-21; Luk 22:7-13, 21-23; Jhn 13:21-30)
17Ruoriy phuv li Viechuo Pyi ning kha ziytuv tie ca Zingsuv'a luo kha a vaw yite, “Lawsena Pyi sa dung pakhawnapa ca khaapalie va pachie se pala ma na khing?” ama ta. 18Zingsuv ta, “Khy chunglie cawsaa pakhapapaa luo kha vaa ungla, ‘Saya na, I cuo na a tling tli, naa ziytuv tie hne tana na ing lie Lawsena Pyi ma tue khing, caa ta,’ va ta tie ung,” a ta yi. 19Zingsuv ta a changpa haa yi cata ziytuv tie ta Lawsena Pyi sa ca ama pachie.
20Zuoluo ca Zingsuv hne ziytuv hlyihning ca sa ning riypata amaa tu pakhaw. 21Sa ama ning nguoluo pata Zingsuv ta, “Biehmisi tana ica chang yi, niema chung taa pakha ta ina lyi'a ungciy,” a ta. 22Ziytuv tie ca ama ngie chi hringhruo te pakha hnang pakha ta, “Abyipa, kama i cuo maw?” ama ta kaluo. 23Zingsuv ta, “Kama hne lapakhue khuekha a caphaw hnepa hingna naa lyi aa,” a ta. 24Cawsaa Saacapaa ca Caapathepa lie a kaw aa capepa haakhata a thiy aa, cuorasala Cawsaa Saacapaa a lyituvpa cuo hing taca khatluv tama ciy aa chiy aa! Capapaa ca puv li pata aw sala a cuota a pha vie aa,” a ta. 25A lyituv Judas ta, “Saya, kama ta i cuo maw?” ta te a hiehriy. Zingsuv ta, “Na cuo ne,” a ta.
Abyipa Zuosa
(Mar 14:22-26; Luk 22:14-20; 1 Kor 11:23-25)
26Sa ama ning nguoluo ning kha, Zingsuv ta viechuo kha la te thlaa a chuo khu taata chechi te ziytuv tie kha a pi yi. “A la ungla ning tie ung,” hingpa hing i pangpa tana a cuo,’ a ta. 27Cakhutaata panuo kha la te, Khazing kha palungtluona bie a hluo khu taata iema kha pi yite, “Nama bangkhuo ta dang tie ung. 28Hingpa hing biekuona#26:28 Hluo vie caa-uv lieca biekuona thaapa a ta. i thiyse, cawsaa hluvpuv sue a ngiethena riypata i lyipa tana a cuo. 29Ica chang yi: I Paa Pena chunglie niema hne mingsuv tiy thaapa i dang hluo li hingpa mingsuv tiy hing dang pakhaa'a va tli ang,” a ta yi.
30Cakhutaa hlaa sa yite Oliv tluo luo kha ama si.
Piter Ta A Thawna Riypa Kaw A Rilu
(Mar 14:27-31; Luk 22:31-34; Jhn 13:36-38)
31Cakhutaa Zingsuv ta iema kha, “Caapathepa ta,
‘Khazing ta tuvkhietuv kha tuvsa'a te,
tuvrung chunglie tuv kha ama chepatlaa diy aa,’
a tapa haata, ata zuo hrahring lie hing nama bangkhuo ta ina thuse diy'a ungciy. 32Cuorasala pathu pakhaapa i cuo thueta Galilee luo kha i silu aa,” a ta yi. 33Piter ta Zingsuv kha, “A hrangpa tie bangkhuo acaa ruose zaw yi ta, kama ca caa ruose buohluo'a va ang,” a ta. 34Zingsuv ta Piter kha, “Biehmisi tana ica chang: Ata zuo aa a khang hluo ta yi thung te ina thaw'a ciy,” a ta. 35Piter ta, “Nama hne thiy ra riypa i cuo zaw ta ca thaw'a va ang,” a ta. Ziytuv tie bangkhuo ta cahaa cata ama ta kaluo.
Gethsemane Diedung Lie Zingsuv Thlaa A Chuo
(Mar 14:32-42; Luk 22:39-46)
36Cakhutaa Zingsuv ca ziytuv tie hne khata Gethsemane ama tapa hmang luo kha vaa yite iema kha, “Palie hue thlaa i va chuo chung ta hingpa lie hing zaa tu tie ung,” a ta yi. 37Piter hne Zebedi saacapaa pahning tie kha aa chiyle yi. A ngie chi te a lalilahie a chiy. 38Iema kha, “I pathiypalung lie ngiechina hing le tuv te vuotaa i thiy'a nang. Lie hing aw ungla a hmung li pata na huo mya ung,” a ta yi. 39Acawta va cakuo vie te, alyi lie kha a bu te, “I Paa, a cuo khu pata a cuo kieca hingpa te-angna panuo hingta na law thi se! Cuorasala kama khingna haata cuo kha se, nama khingna haata cuo hriy se,” tapata thlaa a chuo. 40Cakhutaata ziytuv tie'a luo kha vya kaa te amaa hmungpa kha a hmung yi ca, Piter kha, “A hmung li pata siymaluo pakha chuo hmuo na huo khu va ung cama? 41Pasupaliyna chung luo nama tla li riypata a hmung li pata thlaa chuo tie ung. Pathiypalung ta a khing raalaa pata, saapa ca a thaazuo na a caw,” a ta. 42Zingsuv ca a yihningnapa vaa pakhaa te thlaa a chuo pakhaa. “I Paa, hing panuo hing dang li pata law the a aw li kieca, na khingnapa haa cuo thluo se,” a ta. 43Ziytuv tie'a luo kha a vya kaa pakhaa ca amaa zaa hmung ngiethie, ama ming hetahmuo haw khu vayi. 44Thuse pakhaa yite, vaa te, a yi thungna thlaa a chuo pakhaa, a ri tawpa kha a ri pakhaa. 45Cakhutaa ziytuv tie'a luo kha vya kaa te, “A hmung ung cate ma namaa pahy hyalya kalie? Mang tie ung! Cawsaa Saacapaa ca a suepa tie kuv chung luo pina cuo kha a vya chiy tli. 46Thu tie ung, cakuo'a ungpuv. Mang tie ung, naa lyipapaa ca lie hing a vya chiy hing, a ta yi.
Zingsuv Ama Patuvna Kaw
(Mar 14:43-50; Luk 22:47-53; Jhn 18:3-12)
47Zingsuv ta bie a ri nguoluo ning kha ziytuv hlyihning hraw taata pakha a cuopa Judas ca tluobyilepa tie hne uvthyi tie ta ama pathliepa, zueziy hne tungbung a cyipa cawsaazaapuv hne khata ama vya chiy. 48A lyituvpapaa cata zaapuv kha pamangsana pi pacie yite, “I pahnuopapaa ca nama patuv khingpa khata cuo'a te nama patuv aa,” a ta yi. 49Zingsuv'a luo kha vaa paluo te, “Saya, na cunglie diena aw se,” ta te a pahnuo. 50Zingsuv ta, “Liechung, na tue khingpa ca tue tie,” a ta. Cakhupahne a vaw yite Zingsuv ca ama patuv. 51Zingsuv hne a aw rapa pakha ta a zueziy kha a da te tluobyilecepa sii naacakue kha a sa pathla. 52Zingsuv ta, “Na zueziy kha a kaw luo pasuo tie. Zueziy a hmuopa ca zueziy tana a thiy aa,” a ta. 53I Paa kha abyana i hie kieca yikha ta avuoming rieka phuv hlyihning laata a hluv vie ina za pathliepa khu tapa kha pachang va cama? 54Cuorasala cahaa cata a cuo kieca, tuokhaatama hinghaahingtana a cuo aa za tapa Caapathepa bie ca a tling khu aa? 55Capa cuo ning cata Zingsuv ta zaapuv kha, “Kama ca damie tama i cuo, khaapanakawma kama patuv riypata zueziy hne tungbung a vya cyi ung cate namaa vaw? a ta yi. A ning tating ta Biena-ing lie a tu ang te ica pacuv ning yi kha ahunghmuota na patuv vade ungciy. 56Cuorasala profet tie ta Caapathepa chunglie ama ripa a tlingna riypata hingpa hmang bangkhuo hing a cuopa ta a cuo,” a ta. Cakhutaa ta ziytuv tie ca ama kha thuse yite amaa ruo diy.
Tluobyilecepa Hmie Luo Zingsuv Ama Chiykhyi
(Mar 14:53-65; Luk 22:54-55, 63-71; Jhn 18:13-14, 19-24)
57Zingsuv ca a patuvpa tie khata tluobyilecepa Kaiafas ing luo kha cakuo khyi yite capa lieca phungbie saya tie hne uvthyi tie kha amaa zaa hmya. 58Piter ta tluobyilecepa inghmie te kha a hlapuo pata ziy yite tlawhmie luo kha a ngie te tuokhaatama hmang a vya cuo aa tapa pachang khing re pata rie a vepa tie'a lie kha a tu. 59Tluobyi lepa tie hne bierituv tie palang khata Zingsuv thie the riypata a suena kha huv yite, 60hanghie pata bie ri te sue a phawpa a hluvsa amaa vaw raalaa pata a suena suokha hmuo hmung khu vayi. A hnangcawce ta cawsaa pahning vya pya yite, 61“Hingpapaa hingta, Khazing Biena-ing hing phi'a ang te ningthung chunglie i sa pakhaa khu aa, a ta,” ama ta. 62Tluobyilecepa ta a daa te Zingsuv kha, “Palie riy hnyi va cama? Hingpa tie ta sue aca phawpa yi hing khaapa bie ma a cuo? a ta. 63Cuorasala Zingsuv ca a dieta tah a aw. Tluobyilecepa ta canyi pakhaa te, “A hringpa Khazing ming ta chie a sa ang te ica ta: Khazing Saacapaa, Messiah#26:63 Or Khrih ta na cuo kieca malie chang tie,” a ta. 64Zingsuv ta, “Na ri tli cahaw! Cuorasala ica chang yi:
Ata taahingta Cawsaa Saacapaa ca
Cungnungce cacuo luo khata a tu'a te
vuoruo amyi cung taata aa zuvpa kha nama hmung aa,” tapata a palie.
65Cakhupahne tluobyilecepa ca a pang kha thlaa te, “Capaca Khazing thuo-pachina tana a cuo! Pachangkhyituv hrangpa a hu va tli puv. Khazing thuopachina bie a ripa ca niema ta nama thyi tli! 66Tuokhaatama nama rue?” a ta. Iema ta, “Thiy aa phuv,” ama ta. 67Cakhutaa a hmie lie kha ama paciy ta pacha yite ama tuv; chekha ta cabe yite, 68“Messiah, ahungma caa cabe tapa kha malie chang tie,” ama ta.
Piter Ta Zingsuv A Thaw
(Mar 14:66-72; Luk 22:56-62; Jhn 18:15-18, 25-27)
69Piter ca ingle, tlawhmie lie a tu nguoluo ning kha tluobyilecepa changtaapanung kha ama'a luo a vaw te, “Nama zaw hing Galilee pa Zingsuv hne a khepa tana na cuo,’ a ta. 70Cuorasala iema bangkhuo hmielie kha a sie te, “Khaapama na ri tapa kha pachang va ang,” a ta. 71Thlake luo kha a pya ca a hrangpa changtaapanung ta ama kha hmung te a thaa lie a daapa tie kha, “Hingpapaa hing Nazareth khypa Zingsuv'a lie zaa aw rapa tana a cuo,” a ta yi. 72Piter ta, “hingpapaa hing i pachangpa cuo vyi,” ta te chie a sana hne aa sie pakhaa. 73A cawta a aw pata, capa lie a daapa tie ta Piter ca, “Nama hing iema'a lie a aw rapa tana na cuo hrahring, na uephya tana naa hnang,” ama ta. 74Cakhutaa Piter ta, “Nama ripapaa hing pachang hrahring va ang tapata chiesana hne bie i kuo,” a ta. Cakhupatahne ta aa a khang. 75Piter ca Zingsuv ta a za changpa, “Aa a khang hluo ta pachang va ang ne, ta'a cate yi thung te ina thaw'a ciy,” a tapa bie kha a kya thyi pakhaa. Ale luo kha pya te khuopuv ta a caa.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.