Matthai 27
27
Zingsuv Pilat Hmie Luo Ama Chiykhyi
(Mar 15:1; Luk 23:1-2; Jhn 18:28-32)
1Mawdiychie ta tluobyilepa tie hne uvthyi tie ca a hmya yite Zingsuv thie riypa kha khue ama khuo. 2Ama kha pa-uo yite ama ciy khu taata muokiy byi Pilat kuv luo kha ama pi.
Judas Amata Tah Aa Thiena
(Lu 1:18-19)
3Zingsuv a lyituv Judas ta Zingsuv ca thie riypatana bie ama chi tapa kha a pachang tiyta ngu tuokaa sawthung kha la te tluobyilepa tie hne uvthyi tie kha a va pi pakhaa yi. 4“Suena a hnyi lipapaa#27:4 Hluo vie caa-uv lieca aa dangpapaa a ta. lyi ang te thiyna luo i papha sapa ca i sue,” a ta. Kiema hne khaapama aa se, nama re tana a cuo,” ama ta. 5Tuokaa sawthung kha Biena-ing chunglie ca thaw siy te a pya, cakuo te a vaa pa-uosa. 6Tluobyi lepa tie ta tuokaa kha a haa yite, “Hingpa tuokaa hingca thiyse tuokaa tana a cuo, Biena-ing tuokaa china lieta chi riypa ca ma phung ta cuo vyi,” ama ta. 7Ama ripakhaw khu taata bi vytuvpapaa lu kha ruohrang ming thluohmang riypata ama calyi. 8Capanakaw cata capa lu ca ata ning te pata Thiyse Lu tapata ama u. 9Cahaa cata profet Jeremiah#27:9 Hluo vie caa-uv lieca Zekhariah a cuo li kie Isaiah a tapa ama aw. ta a za ri siypa bie ca a tling: “Israel ming ta capapaa calyina riypata bie ama chi ciepa muo ngu tuokaa sawthung kha la yite, 10Abyipa ta bie ina pipa haata bi vytuvpapaa lu calyina ta ama hmuo,” a za ta.
Pilat Ta Zingsuv Bie A Hiehriy
(Mar 15:2-5; Luk 23:3-5; Jhn 18:33-38)
11Zingsuv ca muokiy byipa hmie-kunglie kha a daa te, muokiy byipa cata, “Judah ming siepahruo cata na cuo ma? tapata a hiehriy. Zingsuv ta, “Nama ta na ri cahaw,” a ta. 12Cuorasala tluobyilepa tie hne uvthyi tie ta sue ama phawpa kha suokha hmuo palie vayi. 13Cacuonakaw Pilat ta, “Khatluv ta ma sue aca phaw yi tapa hing thyi va cama?” a ta. 14Cuorasala Zingsuv ta kaakha hmuo a palie li nakawta muokiy byipa ca a nang ta a uo.
Barabbas Ma Zingsuv?
(Mar 15:6-15; Luk 23:13-25; Jhn 18:39—19:16)
15Lawsena Pyi kyry ta muokiy byipa ta, cawsaazaapuv ta pya se tapata ama hiepa thaw a tlapa pakha kha a papyapa taw yi. 16Capa cuo ning ca zaapuv ta pachangpa thaw a tlapa pakha aw te, a ming ca Zingsuv#27:16 Hluo vie caa-uv lieca Zingsuv tapa hing aw vyi. Bar-Abbas a cuo. 17Cacuonakaw zaapuv kha amaa vya hmya ca Pilat ta, “Ahung hing pathlie se tapa ma ina khing ungciy? Zingsuv Barabbas ma a cuo li kie Messiah#27:17 Or Khrih tapa Zingsuv ma?” a ta yi. 18Pilat ta, i-aw ama hnyi nakawtana i kuv luo ina vya pi yi tapa kha a phasa pata a pachang. 19Pilat ca bierina thude lie a tu nguoluo ning kha a napuvnung ta bie kya taa te, “Suena khaahmuo a hnyi lipapaa kha a cunglie khaahmuo za tue khya, tahematapakieca ama kawlie tana azuohnie i muo ta riethyina a hluvsa i ang,” a ta. 20Tluobyilepa tie hne uvthyi tie ta cawsaazaapuv kha Bar-Abbas kha pathlie pata Zingsuv thie riypa kha ama pahie sa. 21Muokiy byipa ta cawsaazaapuv kha, “Iema pahning lieta a ahung hingma pathlie se tapata ina khing ungciy?” a ta pakhaa yi. Iema ta, “Barabbas!” ama ta. 22Pilat ta, “Cacuokieca Messiah tapa Zingsuv hing tuokhaatama i tue aa?” a ta. Ama bangkhuo ta, “Vieluo lie thie tie!” ama ta. 23Ama ta, “Khaapa suena ma a tue? a ta yi. Cakhupahne ama ue a aw zawdya ta khi yite, “Vieluo lie thie tie!” ama ta.
Pilat Ta Zingsuv Kha Vieluo Lie Taa Riypata A Pi Yi
24Pilat ta ri tyly pata a thlahnenapa aw vyi tapa hne cawsaazaapuv ta hnaahnawnapa tlaku kha chiykhyi'a kie yi a ta nakawta, tiy kha a la te cawsaazaapuv hmielie kha a kuv a siy te, “Hingpa suena a hnyi lipa#27:24 Hluo vie caa-uv lieca hingpa aa dangpapaa thiyse a ta. thiyse kawlie hing kama ca i pathe, niema tuepa tana a cuo,” a ta. 25Cawsaazaapuv palang ta, “Hingpapaa thiyse ca kiema hne ma saming sahlaa cunglie tlung mangsue!” ama ta. 26Cakhutaa Pilat ta Barabbas kha pathliepa yite, Zingsuv ca a tuv khu taata vieluo lie thie riypata a pi yi.
Rieka Tie Ta Zingsuv Ama Tue Hyalya
(Mar 15:16-20; Jhn 19:2-3)
27Cakhutaa muokiy byipa rieka tie ta Zingsuv ca muokiy byipa ing luo ca a ngiekhyi yite ama yalya ta ama cadung. 28A pang kha hlepa yite pangsepa ama pabuv. 29Cakhutaa ahling ta ama phiepa lakhuv kha ama pakhuv. A cacuo kuv lie kha asung pahrie yite, a hmiekung lie ama pakhuv pane yite ama tue hyalya. “Judah siepahruo ca a hring a taa pasiy se! ama ta. 30Ama paciy ta pacha yite, asung kha chuv yite a luv lie amaa hluo. 31Ama tue hyalya khu taata pangsepa kha hlepa yite ama pang kha ama pabuv pakhaa. Cakhutaata vieluo lie thie riypata ama kha ama pya khyi.
Zingsuv Vieluo Lie Ama Thie
(Mar 15:21-32; Luk 23:26-43; Jhn 19:17-27)
32Ama cakuole pata Sairin khypa Simon ama tapa kha a taw yite, Zingsuv vieluo tung kha hripuo yite ama papuv sa. 33Golgotha (Luvruv Hmang tana siyluo tana a cuo) ama tapa hmang luo kha ama kya chiy. 34Capa lieca Zingsuv kha mangkhaa haata a khapa tiy hne ama pyapa mingsuv ama pi, a pacuo te dang khing vyi. 35Zingsuv ca vieluo lie thie yite a caw kha vyisung a da yite amaa re. 36Cakhutaa a tu yite ama kha ama huo. 37“Hingpapaa hing Judah siepahruo Zingsuv tana a cuo,” tapa, sue ama phawnapa caa kha cape yite a luv cunglie ama taa.
38Cakhutaa Zingsuv'a lieca damie pahning kha pakha a cacuo luo, pakha a cavyi luota vieluo lie ama taa ra. 39A hmungpaapa bangkhuo ta ama luv ti sue yite ama bieke ta, 40“Biena-ing puv hmuo para'a ang te ningthung chung ta i sa pakhaa ne a tapa paa, nama hne nama ca a khuo tie nie! Khazing Saacapaa ta na cuo kieca vieluo cung taakhata za cung tie! ama ta. 41Cahaa cata tluobyilepa tie, phungbie saya tie hne uvthyi tie zaw ta tue hyalya ra yite: 42“Malie ca a khuo yi, cuorasala ama hne ama ca a khuo the vyi! Israel siepahruo ta muo a cuo ta; ata bala hingta vieluo cung taa za cung sela ca ma zang'a muo. 43Ama ta Khazing kha a buchuo pata Khazing Saacapaa tana i cuo aa ta; Khazing cata a khing kie ata hingta za khuo se,” amaa ta. 44Ama hne vieluo ama taa hnepa damie tie zaw khata ama tue hyalya ra.
Zingsuv Thiyna
(Mar 15:33-41; Luk 23:44-49; Jhn 19:28-30)
45Ningchung khingkhuo taata zuoluo siymaluo pathung te ruo ting#27:45 Or alyicung kaakaapa ta ta khy a zing. 46Siymaluo pathung hrawlie kha Zingsuv ca, “Eli, Eli, lema sabachthani?” tapata khuopuv ta a khi. A siyluo ca, “I Khazing, I Khazing, khaapanakawma ina thaw ciy?” tana ta a cuo. 47A thaalie a daapa cawsaa chekha ta thyi yite, “Elijah na a ku,” ama ta. 48Iema hraw taa pakha ta vaa ruo pahraa te pangcaw kha la te mingsuv tiy chunglie a naw khu taata aarasung daw lie ciypuo te dang riypata a pi. 49Cuorasala a hrangpa tie ta, “Aw caw, ama khuo re pata Elijah aa vaw ma a vaw vama tapa kha mang'a ungpuv,” ama ta. 50Zingsuv ca khuopuv ta khi pakhaa te a huv a ci. 51Cakhutaa Biena-ing pangzu ca a luv taata a lie te a tlaa. Alyi aa cahang, alung kyi te aa che. 52Thluo zaw kha a pahaw yite Khazing cawsaa pathepa a thiy ciepa a hluvsa kha ama thupakhaa. 53Zingsuv a thupakhaa khu taata thluo chung taa kha kya pya yite khypuv pathepa chung luo kha a ngie yite cawsaa hluvpuv'a lie kha amaa luo. 54Zingsuv a huopa riebyipa hne a rieka tie ca aling aa siypa hne hmang a cuopa ting kha ama hmung tiyta ama thlaa zang hringhruo te, “Hingpapaa hing Khazing Saacapaa hmisi tana a cuo,” ama ta.
55Galilee ruo taata Zingsuv zaa ziy tawpa tie hne zaa bya tawpa tie canung a hluvpuv aw yite luopaa taakhata ama mang. 56Iema hrawlie ca Mary Magdalin, Jeim hne Josef nung Mary, hne Zebedi saacapaa tie ama nung zaw kha ama aw ra.
Zingsuv Pabyna
(Mar 15:42-47; Luk 23:50-56; Jhn 19:38-42)
57Zuoluosuo khata Arimathea khy taata Josef ama tapa, a hnyirung-sapapaa, Zingsuv ziytuv zaa cuopapaa pakha a vya chiy. 58Pilat kha vaa taw te Zingsuv riy kha aa hie. Pilat ta, Zingsuv riy kha Josef pi riypata naw a pi yi. 59Cacuonakaw Josef ta Zingsuv riy kha la te pawruo pang pathepa ta cataw te 60ama thluo riypata alung ryi te a cupa thluo thaapa lie kha a paby. Cakhutaa lungphie lesapa ta thluopakaa kha khaa te a cakuo se. 61Mary Magdalin hne Mary hrangpa pakha ca thluo luo kha a hy yite amaa tu.
Thluo A Huotuv Tie
62A mawluo, Sabbath ning kha tluobyilepa tie hne Farasi tie ta Pilat kha a taw yite, 63“Abyipa, hing a hanghiepapaa hingta a hring ningta, ‘Ningthung khutaa pathu pakhaa patana i cuo aa,’ a za tapa kha ma pachang. 64Cacuonakawta a thluo kha ningthung te huo riypata naw pi tie yi, cacuolikieca a ziytuv tie ta a riy kha paruv’ a yite cawsaazaapuv kha, ‘thiyna taana a thupakhaa tli,’ ta'a yite a hnang ta malie ama dungnapa hing tawtaa ta malie ama dungnapa laata a ruv vie aa,” ama ta. 65Pilat ta “A huotuv riypa rieka nama hnyi kha, vaa ungla a pha khu chung ta va pahuo sa tie ung,” a ta yi. 66Cacuonakawta cakuo yite thluo khaakhuvlung kha caa ama khe khu taata a phasa pata ama pahuo sa.
Tällä hetkellä valittuna:
Matthai 27: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Matthai 27
27
Zingsuv Pilat Hmie Luo Ama Chiykhyi
(Mar 15:1; Luk 23:1-2; Jhn 18:28-32)
1Mawdiychie ta tluobyilepa tie hne uvthyi tie ca a hmya yite Zingsuv thie riypa kha khue ama khuo. 2Ama kha pa-uo yite ama ciy khu taata muokiy byi Pilat kuv luo kha ama pi.
Judas Amata Tah Aa Thiena
(Lu 1:18-19)
3Zingsuv a lyituv Judas ta Zingsuv ca thie riypatana bie ama chi tapa kha a pachang tiyta ngu tuokaa sawthung kha la te tluobyilepa tie hne uvthyi tie kha a va pi pakhaa yi. 4“Suena a hnyi lipapaa#27:4 Hluo vie caa-uv lieca aa dangpapaa a ta. lyi ang te thiyna luo i papha sapa ca i sue,” a ta. Kiema hne khaapama aa se, nama re tana a cuo,” ama ta. 5Tuokaa sawthung kha Biena-ing chunglie ca thaw siy te a pya, cakuo te a vaa pa-uosa. 6Tluobyi lepa tie ta tuokaa kha a haa yite, “Hingpa tuokaa hingca thiyse tuokaa tana a cuo, Biena-ing tuokaa china lieta chi riypa ca ma phung ta cuo vyi,” ama ta. 7Ama ripakhaw khu taata bi vytuvpapaa lu kha ruohrang ming thluohmang riypata ama calyi. 8Capanakaw cata capa lu ca ata ning te pata Thiyse Lu tapata ama u. 9Cahaa cata profet Jeremiah#27:9 Hluo vie caa-uv lieca Zekhariah a cuo li kie Isaiah a tapa ama aw. ta a za ri siypa bie ca a tling: “Israel ming ta capapaa calyina riypata bie ama chi ciepa muo ngu tuokaa sawthung kha la yite, 10Abyipa ta bie ina pipa haata bi vytuvpapaa lu calyina ta ama hmuo,” a za ta.
Pilat Ta Zingsuv Bie A Hiehriy
(Mar 15:2-5; Luk 23:3-5; Jhn 18:33-38)
11Zingsuv ca muokiy byipa hmie-kunglie kha a daa te, muokiy byipa cata, “Judah ming siepahruo cata na cuo ma? tapata a hiehriy. Zingsuv ta, “Nama ta na ri cahaw,” a ta. 12Cuorasala tluobyilepa tie hne uvthyi tie ta sue ama phawpa kha suokha hmuo palie vayi. 13Cacuonakaw Pilat ta, “Khatluv ta ma sue aca phaw yi tapa hing thyi va cama?” a ta. 14Cuorasala Zingsuv ta kaakha hmuo a palie li nakawta muokiy byipa ca a nang ta a uo.
Barabbas Ma Zingsuv?
(Mar 15:6-15; Luk 23:13-25; Jhn 18:39—19:16)
15Lawsena Pyi kyry ta muokiy byipa ta, cawsaazaapuv ta pya se tapata ama hiepa thaw a tlapa pakha kha a papyapa taw yi. 16Capa cuo ning ca zaapuv ta pachangpa thaw a tlapa pakha aw te, a ming ca Zingsuv#27:16 Hluo vie caa-uv lieca Zingsuv tapa hing aw vyi. Bar-Abbas a cuo. 17Cacuonakaw zaapuv kha amaa vya hmya ca Pilat ta, “Ahung hing pathlie se tapa ma ina khing ungciy? Zingsuv Barabbas ma a cuo li kie Messiah#27:17 Or Khrih tapa Zingsuv ma?” a ta yi. 18Pilat ta, i-aw ama hnyi nakawtana i kuv luo ina vya pi yi tapa kha a phasa pata a pachang. 19Pilat ca bierina thude lie a tu nguoluo ning kha a napuvnung ta bie kya taa te, “Suena khaahmuo a hnyi lipapaa kha a cunglie khaahmuo za tue khya, tahematapakieca ama kawlie tana azuohnie i muo ta riethyina a hluvsa i ang,” a ta. 20Tluobyilepa tie hne uvthyi tie ta cawsaazaapuv kha Bar-Abbas kha pathlie pata Zingsuv thie riypa kha ama pahie sa. 21Muokiy byipa ta cawsaazaapuv kha, “Iema pahning lieta a ahung hingma pathlie se tapata ina khing ungciy?” a ta pakhaa yi. Iema ta, “Barabbas!” ama ta. 22Pilat ta, “Cacuokieca Messiah tapa Zingsuv hing tuokhaatama i tue aa?” a ta. Ama bangkhuo ta, “Vieluo lie thie tie!” ama ta. 23Ama ta, “Khaapa suena ma a tue? a ta yi. Cakhupahne ama ue a aw zawdya ta khi yite, “Vieluo lie thie tie!” ama ta.
Pilat Ta Zingsuv Kha Vieluo Lie Taa Riypata A Pi Yi
24Pilat ta ri tyly pata a thlahnenapa aw vyi tapa hne cawsaazaapuv ta hnaahnawnapa tlaku kha chiykhyi'a kie yi a ta nakawta, tiy kha a la te cawsaazaapuv hmielie kha a kuv a siy te, “Hingpa suena a hnyi lipa#27:24 Hluo vie caa-uv lieca hingpa aa dangpapaa thiyse a ta. thiyse kawlie hing kama ca i pathe, niema tuepa tana a cuo,” a ta. 25Cawsaazaapuv palang ta, “Hingpapaa thiyse ca kiema hne ma saming sahlaa cunglie tlung mangsue!” ama ta. 26Cakhutaa Pilat ta Barabbas kha pathliepa yite, Zingsuv ca a tuv khu taata vieluo lie thie riypata a pi yi.
Rieka Tie Ta Zingsuv Ama Tue Hyalya
(Mar 15:16-20; Jhn 19:2-3)
27Cakhutaa muokiy byipa rieka tie ta Zingsuv ca muokiy byipa ing luo ca a ngiekhyi yite ama yalya ta ama cadung. 28A pang kha hlepa yite pangsepa ama pabuv. 29Cakhutaa ahling ta ama phiepa lakhuv kha ama pakhuv. A cacuo kuv lie kha asung pahrie yite, a hmiekung lie ama pakhuv pane yite ama tue hyalya. “Judah siepahruo ca a hring a taa pasiy se! ama ta. 30Ama paciy ta pacha yite, asung kha chuv yite a luv lie amaa hluo. 31Ama tue hyalya khu taata pangsepa kha hlepa yite ama pang kha ama pabuv pakhaa. Cakhutaata vieluo lie thie riypata ama kha ama pya khyi.
Zingsuv Vieluo Lie Ama Thie
(Mar 15:21-32; Luk 23:26-43; Jhn 19:17-27)
32Ama cakuole pata Sairin khypa Simon ama tapa kha a taw yite, Zingsuv vieluo tung kha hripuo yite ama papuv sa. 33Golgotha (Luvruv Hmang tana siyluo tana a cuo) ama tapa hmang luo kha ama kya chiy. 34Capa lieca Zingsuv kha mangkhaa haata a khapa tiy hne ama pyapa mingsuv ama pi, a pacuo te dang khing vyi. 35Zingsuv ca vieluo lie thie yite a caw kha vyisung a da yite amaa re. 36Cakhutaa a tu yite ama kha ama huo. 37“Hingpapaa hing Judah siepahruo Zingsuv tana a cuo,” tapa, sue ama phawnapa caa kha cape yite a luv cunglie ama taa.
38Cakhutaa Zingsuv'a lieca damie pahning kha pakha a cacuo luo, pakha a cavyi luota vieluo lie ama taa ra. 39A hmungpaapa bangkhuo ta ama luv ti sue yite ama bieke ta, 40“Biena-ing puv hmuo para'a ang te ningthung chung ta i sa pakhaa ne a tapa paa, nama hne nama ca a khuo tie nie! Khazing Saacapaa ta na cuo kieca vieluo cung taakhata za cung tie! ama ta. 41Cahaa cata tluobyilepa tie, phungbie saya tie hne uvthyi tie zaw ta tue hyalya ra yite: 42“Malie ca a khuo yi, cuorasala ama hne ama ca a khuo the vyi! Israel siepahruo ta muo a cuo ta; ata bala hingta vieluo cung taa za cung sela ca ma zang'a muo. 43Ama ta Khazing kha a buchuo pata Khazing Saacapaa tana i cuo aa ta; Khazing cata a khing kie ata hingta za khuo se,” amaa ta. 44Ama hne vieluo ama taa hnepa damie tie zaw khata ama tue hyalya ra.
Zingsuv Thiyna
(Mar 15:33-41; Luk 23:44-49; Jhn 19:28-30)
45Ningchung khingkhuo taata zuoluo siymaluo pathung te ruo ting#27:45 Or alyicung kaakaapa ta ta khy a zing. 46Siymaluo pathung hrawlie kha Zingsuv ca, “Eli, Eli, lema sabachthani?” tapata khuopuv ta a khi. A siyluo ca, “I Khazing, I Khazing, khaapanakawma ina thaw ciy?” tana ta a cuo. 47A thaalie a daapa cawsaa chekha ta thyi yite, “Elijah na a ku,” ama ta. 48Iema hraw taa pakha ta vaa ruo pahraa te pangcaw kha la te mingsuv tiy chunglie a naw khu taata aarasung daw lie ciypuo te dang riypata a pi. 49Cuorasala a hrangpa tie ta, “Aw caw, ama khuo re pata Elijah aa vaw ma a vaw vama tapa kha mang'a ungpuv,” ama ta. 50Zingsuv ca khuopuv ta khi pakhaa te a huv a ci. 51Cakhutaa Biena-ing pangzu ca a luv taata a lie te a tlaa. Alyi aa cahang, alung kyi te aa che. 52Thluo zaw kha a pahaw yite Khazing cawsaa pathepa a thiy ciepa a hluvsa kha ama thupakhaa. 53Zingsuv a thupakhaa khu taata thluo chung taa kha kya pya yite khypuv pathepa chung luo kha a ngie yite cawsaa hluvpuv'a lie kha amaa luo. 54Zingsuv a huopa riebyipa hne a rieka tie ca aling aa siypa hne hmang a cuopa ting kha ama hmung tiyta ama thlaa zang hringhruo te, “Hingpapaa hing Khazing Saacapaa hmisi tana a cuo,” ama ta.
55Galilee ruo taata Zingsuv zaa ziy tawpa tie hne zaa bya tawpa tie canung a hluvpuv aw yite luopaa taakhata ama mang. 56Iema hrawlie ca Mary Magdalin, Jeim hne Josef nung Mary, hne Zebedi saacapaa tie ama nung zaw kha ama aw ra.
Zingsuv Pabyna
(Mar 15:42-47; Luk 23:50-56; Jhn 19:38-42)
57Zuoluosuo khata Arimathea khy taata Josef ama tapa, a hnyirung-sapapaa, Zingsuv ziytuv zaa cuopapaa pakha a vya chiy. 58Pilat kha vaa taw te Zingsuv riy kha aa hie. Pilat ta, Zingsuv riy kha Josef pi riypata naw a pi yi. 59Cacuonakaw Josef ta Zingsuv riy kha la te pawruo pang pathepa ta cataw te 60ama thluo riypata alung ryi te a cupa thluo thaapa lie kha a paby. Cakhutaa lungphie lesapa ta thluopakaa kha khaa te a cakuo se. 61Mary Magdalin hne Mary hrangpa pakha ca thluo luo kha a hy yite amaa tu.
Thluo A Huotuv Tie
62A mawluo, Sabbath ning kha tluobyilepa tie hne Farasi tie ta Pilat kha a taw yite, 63“Abyipa, hing a hanghiepapaa hingta a hring ningta, ‘Ningthung khutaa pathu pakhaa patana i cuo aa,’ a za tapa kha ma pachang. 64Cacuonakawta a thluo kha ningthung te huo riypata naw pi tie yi, cacuolikieca a ziytuv tie ta a riy kha paruv’ a yite cawsaazaapuv kha, ‘thiyna taana a thupakhaa tli,’ ta'a yite a hnang ta malie ama dungnapa hing tawtaa ta malie ama dungnapa laata a ruv vie aa,” ama ta. 65Pilat ta “A huotuv riypa rieka nama hnyi kha, vaa ungla a pha khu chung ta va pahuo sa tie ung,” a ta yi. 66Cacuonakawta cakuo yite thluo khaakhuvlung kha caa ama khe khu taata a phasa pata ama pahuo sa.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.