KUPUTUKA 4
4
1Jino uze lunga alimwene napwevo lyenyi Eve, kaha ikiye emicile lijimo, asemene Kena, ambile ngwenyi, Ngunakwate mwana walunga kuli Yehova.
2Ceka nawa asemene songo yenyi Avele. Avele apwile muka-kufunga mikoko, oloze Kena apwile muka-kulima hamavu.
3Jino omu mwahicile makumbi amavulu, Kena anehele jimbuto jakumavu, hiwana wakulemesa Yehova.
4Kaha #Hepe. 11.4.naAvele nawa anehele vatwatwa vakuutanga wenyi wavimuna vavandende, namaji avo. Yehova atalile kuli Avele nakuwana wenyi,
5oloze katalile kuli Kena nakuwana wenyiko. Xikaho Kena evwile matoto cikuma, ahombele kumeso enyi zwe.
6Yehova ambile kuli Kena ngwenyi, Ikaze uli namatoto? Kaha unahombela ika kumeso ove?
7Kaci nge naulinga mwamwaza, kaha kavexi kukwitavilako numba? Kaci nge kawexi kulinga mwamwazako, #4.7 Mokomoko ngwenyi, Wana wahaxili unautama kucikolo.xili yinautama kucikolo. Nayijika mucima wayo kuli ove, oloze ove uyononona.
8Kaha amulwezele songo yenyi Avele. Kaha casolokele, omu vapwile mucipapa, Kena amukatukilile songo yenyi Avele #Yowa. 1, 3.nakumujiha.
9Kaha Yehova amwihwile Kena ngwenyi, Songo yove Avele ali kulihi? Amwambile ngwenyi, Kangwatacikijileko. Ami ngumuka-ku-lama songo yami numba?
10Yehova amwambile ngwenyi, Unalingi ika? #Hepe. 12.24.Lizu lyamanyinga asongo yove lili nakutambakana kuli Ami oho ali hamavu.
11Kaha jino ove unapu uwakwangula kumavu, akiko anasama mukanwa kawo nakutambula manyinga asongo yove kulivoko lyove.
12Omu naulima hamavu, kawexi kukakulowela ceka ngolo jawoko. Naupwanga umuka-kucamangila, umuka-kukimbakimba hamavu.
13Kena ambile kuli Yehova ngwenyi, Kunguzangamisa kana cinaha-mbakana cikuma, kangwexi kuhasa kucimbatako.
14Kumana, likumbi lyalelo unangu-hange kwilu lyamavu, kaha navangusweka mangana meso ove ahone kungutala ceka, nangupwanga ngumuka-kucamangila, ngumuka-kukimbakimba hamavu, kaha nacikasoloka Wexowo mwakanguwana mwakangujiha.
15Yehova amwambile ngwenyi, Xikaho Wexowo mwakajiha Kena, navakamutenda katanu nakavali. Yehova amutongwelele Kena katacikijilo, kucina mutu hakumuwana mwakamujiha.
16Kena afumine kumeso aYehova, ayile nakutwama kulifuci #4.16:Nge ngwavo, lyaKukimbakimba.lyaNote lili kumusamuko kuze kuhambakana kuEtene.
17Kena alimwene napwevo lyenyi, kaha emicile lijimo, asemene Enoke. Kena atungile limbo, alukile limbo lize lijina lyamwanenyi walunga lya-Enoke.
18Enoke asemene Itale. Itale asemene Mehujele. Mehujele asemene Metuxele. Metuxele asemene Lameke.
19Lameke ambacile mapwevo vavali, umwe lijina lyenyi apwile ikiye Ata, mukwavo lijina lyenyi apwile ikiye Zela.
20Ata asemene Yavale. Ikiye ise yavaze vakutwama mujimbalaka, vaze vaheta vimuna.
21Lijina lyandumbwenyi walunga apwile ikiye Yuvale. Ikiye ise yavaka-kwimba tulyalya najipanda vosena.
22Ou Zela, naikiye nawa asemene Tuvale-kena. Ikiye apwile fuli wakufula vikungo vyakutetesa vyaunengu vyosena navyevi vyafwelu. Kaha songo yaTuvale-kena wapwevo apwile ikiye Nama.
23Jino Lameke ambile kuli mapwevo jenyi ngwenyi,
Enu vaAta naZela, ivwililenu lizu lyami,
Enu mapwevo jaLameke, ivwililenu cihande cami.
Mwomwo ngunajihi lunga mwomwo angulemekanga,
Ngunajihi mwanalunga mwomwo angukolesanga.
24Kaci nge Kena navakamutenda atanu nakavali,
Kaha Camwenemwene Lameke navakamutenda makumi atanu naavali nakatanu nakavali.
25Alama alimwene ceka napwevo lyenyi, kaha ikiye asemene mwanenyi walunga, amulukile lijina lyenyi ngwenyi, #4.25:Nge ngwenyi, Ou vatongola.Sete. Ambile ngwenyi, Mwomwo Kalunga nangutongwela mwana weka wakuxisa muli Avele, mwomwo Kena amujihile.
26Kaha naSete nawa asemene mwana walunga, amulukile lijina lyenyi ngwenyi, Enoxe. Hahaze vene vatu vaputukile kusanyika Yehova halijina lyenyi.
Vaka-tanga yaAlama
(Miji. 1, 1.1-4)
Tällä hetkellä valittuna:
KUPUTUKA 4: LUE70
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Luvale Bible © Bible Society of Zambia, 1970.