Ɛksadɔso 5
5
Mose ne Aarɔn gyi Faro nyunu
1Nziɛ ye, Mose ne Aarɔn hɔle Faro berɛ beesele ye kyɛ, “AWURADE Yisrael Nyameɛ nwa: ‘Ma me mmenia nemɔ bɛhɔ, ná beeli aluolue bɛma me wɔ ɛserɛ so.’ ” 2Nakoso Faro buale kyɛ, “AWURADE ne ole nwa bɔ ɔsɛ kyɛ metie ye ná mema Yisraelfoɛ bɛkɔ ɔ? Menze sɔ AWURADE ne, yeɛ Yisraelfoɛ koso mengɔma bɛngɔhɔ!” 3Na besele kyɛ, “Hebrifoɛ Nyameɛ ne ɔne yɛ ayia, yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne; na anyɔ a né wafa ewue anwonyerɛ anaa ngrandɛ wawa yɛ so.” 4Nakoso Misraim hene sele bɛ kyɛ, “Mose ne Aarɔn, nzu ati yeɛ ɛmɔpena kyɛ bɛma mmenia ne yakyi b’adwuma bɔ bɛyɔ ne ɔ? Ɛmɔhɔ bɛɛtoa ɛmɔ adwuma serɛ ne aso!” 5Na Faro sá sele kyɛ, “Ɛ́mɔtie, afei bɔ maen ne anu mmenia#5.5: MAEN NE ANU MMENIA: Anaakyɛ: basone pee batra maen ye anu mmenia. asone pee ne yeɛ ɛmɔmaa bɛyakyi adwumayɔlɛ ɔ!”
6Sɔ kyẽa ne ala, Faro hyɛle maen adwumayɔlɛfoɛ mɔ so mbanyi, yeɛ adwumayɔlɛfoɛ mɔ so neafoɛ mɔ kyɛ, 7“Nnɛmɔma mmenia nemɔ ɛserɛ ko maa bɛpɛ mmerekese kyɛbɔ daa ne ɛmɔyɔle ne, na mmom ɛ́mɔma bɛ bɔbɔ bɛɛpena ɛserɛ ne. 8Mmerekese somaa bɔ né bɛpɛ ye daa ne, ɛ́mɔma bɛ́pɛ sɔ ala. Nnɛma ɛmɔte so, ofikyɛ bɛte foen, na ɛhe ati yeɛ ɔmaa besu kyɛ, ‘Maa yɛhɔ yɛɛbɔ afɔleɛ yɛma yɛ Nyameɛ ne.’ 9Ɛ́mɔma mmenia nemɔ adwuma bɔ ɔyɛ se paa ma bɛyɔ, amaa bandie nnakannaka dwirɛ biala.
10Yiti maen adwumayɔlɛfoɛ mɔ so mbanyi, yeɛ adwumayɔlɛfoɛ mɔ so neafoɛ mɔ hɔle beesele mmenia ne kyɛ, “Faro nwa: ‘Mengɔma ɛmɔ ɛserɛ ko.’ 11Ɛmɔ bɔbɔ bɛɛpena ɛserɛ wɔ nekaa biala bɔ ɛmɔkonya bie ɔ; nakoso ɛmɔ adwuma ne de, yɛngɔte so kaala. 12Yiti mmenia ne tele bɛ nwo guale Misraim aseɛ so amukoraa bɛɛboaboale atokoɔ mmakaa wuruwaa noa bɛfa bɛkakyili ɛserɛ. 13Adwumayɔlɛfoɛ so mbanyi nemɔ hane bɛ bo kyɛ, “Odi kyɛ ɛmɔyie ɛmɔ daa daa adwuma ne, kyɛbɔ ɛserɛ wɔ berɛ ne ɛmɔyɔle ne ala!” 14Bɛbole Yisrael mbanyi bɔ Faro adwumayɔlɛfoɛ mɔ so mbanyi afa adwuma ne awura bɛ sa ne, na bebisale bɛ kyɛ, “Mmerekese somaa bɔ ɔsɛ kyɛ ɛmɔpɛ ye anoma ne ɛnɛ ne, nzu ati yeɛ ɛmɔambɛ ye mu, kyɛbɔ dáa ɛmɔpɛ ne?”
15Afei Yisrael mbanyi bɔ bafa adwuma ne bawura bɛ sa ne wale Faro berɛ beesuni behyirele ye kyɛ, “Nzu ati yeɛ ɛfa sɔ dwirɛ he di wɔ ngoaa ɔ? 16Bɛmma wɔ ngoaa ɛserɛ biala, nakoso bese yɛ kyɛ, ‘Ɛ́mɔpɛ mmerekese!’ Bɛbo wɔ ngoaa, nakoso mvomsoɛ ne fi wɔ mmenia ne.” 17Na Faro buale kyɛ, “Ɛmɔte foen, ɛmɔte foen soma! Sɔ ati yeɛ ɛmɔnwa: ‘Ma yɛ ate ma yɛɛbɔ afɔleɛ yɛma AWURADE’ ne. 18Ɛmɔhã bɛ nwo bɛɛyɔ adwuma! Bɛngɔma ɛmɔ ɛserɛ biala, nakoso mmerekese somaa bɔ ɔsɛ kyɛ ɛmɔpɛ ne ala yeɛ ɛmɔkɔpɛ ɔ.” 19Yisrael mbanyi bɔ adwuma ne wura bɛ sa nwuni kyɛ edwirɛ ato bɛ, wɔ mmerɛ bɔ bɛha behyirele bɛ kyɛ, “Mmerekese somaa bɔ ɛlɛho biala ɛmɔpɛ ne, ɛmɔngɔte so.” 20Befili Faro berɛ bɛ́ba nen, bɛɛtole Mose ne Aarɔn kyɛ bɛnwondɛ bɛ. 21Na besele bɛ kyɛ, “Nyameɛ ɔ́nea ɛmɔ na óbua ɛmɔ ndɛen, ofikyɛ ɛmɔamaa yayɛ tɛɛ wɔ Faro ne ye mbanyi nyunu, na ɛmɔafa ngrandɛ bawura bɛ sa nu kyɛ behũ yɛ.”
Mose bɔ Nyameɛ somoɛ
22Afei Mose sá sele AWURADE kyɛ, “Oo AWURADE, nzu ati yeɛ ama edwirɛ sɔaa ato mmenia ye mɔ ɔ? Nzu ati yeɛ ɛsomane me ɔ? 23Ofi mmerɛ bɔ mmale Faro berɛ, ná ndwudwole wɔ dumaa nu ɔ, ɛhalɛ alaa yeɛ ɔha mmenia ye mɔ ɔ, nakoso ɛyyɔle wɔ mmenia ye mɔ bɛ lelɛ nwo hwee.”
Tällä hetkellä valittuna:
Ɛksadɔso 5: EBP
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.