Ruti 1
1
1Lofo opi angbundro oli ledzora ba dri, abiri kemu vo aidri driaru. Madi Betelemu dri onga, omu, oloka vo Moabu dri izi baronzi ago eri anidri titro.
2Ru madi di ani Elimileki, ru izi anidri ani Naomi, ru baronzi anidri ai Maloni Kilioni titro; ai ba podru Betelemu dri. Aiotsa vo Moabu dri aikolo nale.
3Lofo Elimileki ago Naomi dri odrara anikebe ani adute baronzi anidritro.
4Aiodu oko aidri vo Moabu driga. Ru alori ani Opa, ru zii ani Ruti. Aiolo nale kinya mudri.
5Maloni ti Kilionitro odrakisa.
6Ongolo Naomi onga oko baronzi anidritro adosikoa aniole ongaka vo Moabu dri adosi aniera vo Moabu dri Rubanga ekonyi baru anidri kweka aini mugate.
7Ongolo anienga vo nai anikolo oko baronzi anidritro; aioko leti ngwika vo Yudia driga.
8Naomi odzo oko anabaronzi dri, Lososi anyingwi anyiendre dri. Ruba kaanyikonyira adosi anyede loso ba drakari mani titro.
9Kilososi Ruba ekonyi anyi ago zii esukasi. Ongolo aniodzo okodu aidri. Duba aikowo olobo returitro.
10Aiodzo Naomi dri. Lokuloku amale ngwika nyitro vo nai kolo ba nyidri.
11Naomi odzo, Anyingwi anyile emuka madri adosi? A madri kitweroko tika baronzi zii oloka anyago zii.
12Anyingwi anyidri baronzi. Diadro ma idaizi mitweroko ago zii esuka.
13Dzo mesu ago zii ini disi anyitweroko teka paka aikemu amba? Iyo baronzi. Duba mesu etsandi lokudro adosi anyesutro etsandi madri nai Ruba okwe ma.
14Aikowo vo zii olobo returitro. Ongolo Opa odzo, Asimaya, duba Ruti ebe Naominiko.
15Naomi odzo, Nyendre nyadrupi diadro ongwi vo ba anidri dri, woka Ruba aidri ndraga. Kilososi nyingwi anetro.
16Ruti odzo, Nyedzoko mangwi dini, male muka nyetro. Piri nai nyetsara mamutro; pir nai nyolo malosa; ba nyidri aikolo ba madri; Rubanga nyidri ani Rubanga madrisa.
17Piri nyi dradzori masa madra lakatro. Madzo nyini Rubandraga, Kilososi mai madra driso ebenyiko.
18Lofo Naomi endre Ruti emba aniasi kovanikoka aniolo tsiri.
19Aikasi letia paka aiotsa Betelemu. Ba podru ongakira aikonzandro aiendrekasi, aiodzo, Oko di ani Naomi‐a?
20Naomi aniengwi ofo, odzo, Diadro anyingwe mai Naomiko, anyingwe mai Mara adosikoa mesu etsandi Ruba driga.
21Menga limitro angbu duba Ruba engwi ma limi madri podru egwedri. Anyingwe ma Naomi adosi? Anyendreko Rubanga aa atsi madriga; Rubanga retundro okwe mani etsandi?
22Dinidi Naomi Ruti titro, izi Moabu dri, barangwa anidri, nai enga vo Moabu dri; aiotsara Betelemua odu aiido dukwe lwaka.
Tällä hetkellä valittuna:
Ruti 1: MHIRuth
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© British and Foreign Bible Society 1938, 2018