MATAYO 2
2
Vantu vecheishe vefika Yerusalemu
1Yesu ekinamoghwe uko Betlehemu ya Yudea, he misi ya Mfumwa Herode, vantu vecheishe vefuma kibuka izuva vakafika Yerusalemu, vekiti, 2“Uo mfumwa wa Vayuda emoghiwe eho hio? ambu twevonie ntondo yakwe kula kibuka izuva, na uswi tukaza kumdunkutia.” 3Mfumwa Herode ekisikia huvo akaituka hantu hamwe na Yerusalemu yose. 4Akavunganya vabaha va vatasi vose na vaandiki va vantu, akavahereja iti Kristo emoghiwa hio. 5Navo vakamti, “Ni Betlehemu ya Yudea; ambu nivwo vuntu cheandikwe ni mroti, iti,
6‘Nawe Betlehemu wa he isanga la Yuda,
Neri tumdori hena vifumwa vya Yuda,
Ambu hako henefuma mfumwa,
Eye enerisha vantu vangu Israeli.’”
7Ingeri Herode akavatika vala vecheishe njama, akakonesha hevo igheri ila ntondo yevoneke. 8Akavaazera uko Betlehemu, akati, “Tongeni murevwija nezo mburi ya uo mwana, mwekinamvona munihunduie momo, nesa nami nitonge niremdunkutia.” 9Vekinasikie viteto vya mfumwa vakatonga; niho ila ntondo veivonie kula kibuka izuva ikavarongorira, ikatonga ikaimuka wanga ya hala hantu ula mwana eho. 10Vekinavone ila ntondo vakaizihirwa kuizihirwa kubahisha. 11Vakaingia he ila nyumba, vakamvona ula mwana ne Maria mlala wavo, vakagwa si vakamdunkutia; navo vekinachungue ntanu javo, vakamunka vintu vyedi: dhahabu, uvumba na manemane. 12Navo vekinavonyeshwe ni Mrungu he ndoto iti vasimhundukie Herode, niho vakagura nzia ingi, vakaghotoka na havo.
Kuaha noko Misri
13Vekinatonge malaika wa Mfumwa akamzia Yosefu he ndoto, akati, “Vuka umtike uo mwana na mlala wavo, uahe noko Misri, uikae ho mhaka nekinekuvwira, ambu Herode emwenda uo mwana iti amkome.” 14Akavuka na kio, akamtika ula mwana na mlala wavo, akatonga noko Misri. 15Akaikaa uko mhaka Herode ekikenja kufwa; nesa kikoloke kila chetetiwe ni Mfumwa he momo wa mroti, ekiti,
“Nemwitange mwanangu kufuma Misri.”
Herode ekoma vana va Betlehemu
16Niho Herode ekinavone iti vala vecheishe vamwisha, akasikia oro haiwa, akatuma vantu kukoma vana vose va kibwange va Betlehemu na vala veho mondo hose, vala vekenjije miaka miri na vesikenjije, sa vuntu ekoneshe igheri he vala vecheishe. 17Niho kila chetetiwe ni mroti Yeremia kikakuloka, sa vuntu etetie,
18Izii lesekiwe uko Rama,
Kiio na kululuma kubaha,
Raheli ekivaiia vanawe,
Asikunde kutujwa ambu teveho.
Kuhunduka kufuma Misri
19Ingeri Herode ekinafwe, malaika wa Mfumwa akamzia Yosefu he ndoto uko Misri, 20akamti, “Vuka umtike uo mwana na mlala wavo, utonge na he isanga la Israeli, ambu vala vekienda ngoro ya uo mwana vafwa. 21Akavuka, akamtika ula mwana na mlala wavo, akafika he isanga la Israeli. 22Mira ekinasikie iti Arkelao niye etetia isanga la Yudea hantu ha vavee eye Herode, akafoleka kutonga uko; naye ekinavonyeshwe he ndoto, akatonga modo wa Galilaya. 23Akatonga akatua he muzi weitangwa Nazareti; nesa kila chetetiwe ni mroti kikoloke, iti, “Eneitangwa Mnazareti.”
Tällä hetkellä valittuna:
MATAYO 2: CHSUNT67
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Chasu New Testament © Bible Society of Tanzania, 1967.