Yaya 2
2
Ɛnza ŋé jí ó yɛ́ɛman la lɛ́zɛnnji le Kana
2.5-10
1Tée sawaɲɔn ló ŋó, kwɛ́ɛnyako lɔ́ é kɛ́ Kana, Galile mala ó lɔ́. Ɛnza wóobhaa tɛ́ɛ yé. 2Ii Ɛnza ni a yɛ́ kaamɔɔndhye ŋólu kíi kɛ táa o kwɛ́ɛnyako ywáa o lɔ́. 3Lɛ́zɛnnji óo wɛ́ɛ mínngɛ, Ɛnza wóobhaa é táa fɔ a yɛ́ kó: «Lɛ́zɛnnji tɛ́ í bhóo bhée.» 4Waa Ɛnza ŋé a yawi kó: «Maan! I kɛ́nan hánmin o lá. Né ta wáati ó man sé bhá.» 5A wóobhaa é fɔ bháalakɛdhye ŋólu yɛ́ kó: «A kɛ fé ŋóo fé nvɔ a yɛ́, aa ó kɛ.»
6Káwalaa wɔ́ɔlɔ tɛ́ɛ o ywáa ó lɔ, olu bhyáanin ndɛ́ɛ Yawudhyaa ólu gbú yɛ́ sɛ́nnɛnyali ó le kósɔn kɛ́ kéeɲan ní í yɛ́ laanan ó le, o bɛ́ kée ngée ŋé litili kɛnmɛn ɲɔ́ɔnnɔn bhɔ́la. 7Ɛnza ŋé fɔ i yɛ́ kó: «Aa láa míinnu lafa jí o la.» Íi ólu lafa. 8Ɛnza ŋé fɔ i yɛ́ kó: «Áa a lɔ́ tá sísan kɛ́ táa a dí kwɛ́ɛnyako o ɲɛnmɔɔn ó mán.» Íi a lɔ́ tá kɛ́ táa o dí o mán. 9Kwɛ́ɛnyako o ɲɛnmɔɔn ó jí ó mánfɛɛ mínngɛ, jí óo yɛ́ɛmannin ndɛ́ɛ kɛ́ kɛ lɛ́zɛnnji lé. Cɛ ó mán ó lɛ́zɛnnji ó bhɔ́laa o lɔ. Waa bháalakɛdhye ŋólu kwɛ́nnin ndɛ́ɛ lɛ́zɛnnji ó bhɔ́laa o lɔ, kɛ mansɔɔ i gbúlu a jí o tálaa o lɔ. Ɲɛnmɔɔn óo musocɛtii ó kíi 10kɛ́ fɔ a yɛ́ kó: «O ɲán ó man, mɔɔn bɛ́ɛ lɛ́zɛnnji dhyáanin ne díla jónan. Ni mɔɔn kíinin ŋólu kɛ́ shɛ́ɛman min wáati mínnɔn, ii tó lɛ́zɛnnji kúunnin ŋó díla. Waa íle kwɛ́nnin wɛ́ɛ lɛ́zɛnnji dhyáanin ó mala fɔ wáati míin nɔn!»
11Ɛnza ŋé a yɛ́ káwako jónan ó kɛ́ céne Kana, Galile mala ó lɔ. Aa a yɛ́ nɔ́lɔya ó yáa céne a yɛ́ kaamɔɔndhye ŋólu la, íi lá a lá.
12O kwɔ́, aa táa Kapɛnamu ni a wóobhaa lé, óni a lɔ́ɔnin ŋólu óni a yɛ́ kaamɔɔndhye ŋólu lé. Waa íi tée láman gbóto lé kɛ́ yé.
Ɛnza ŋé feekɛbhaa ólu gbɛnan Ala bhatobhomba ó kɔ́ɔnnɔn
Matiyu 21.12-13; Maki 11.15-17; Luka 19.45-46
13Yawudhyaa ólu yɛ́ Hɔ́lɔɲanli o ɲánlagbɛ ó tɛ́ wɛ́ɛ sunɲan, Ɛnza ŋé táa Yeluzalɛmu. 14Ɛnza ŋé nisi felebhaa ólu ní saa felebhaa ólu ní biinin nvelebhaa ólu, ní wɛ́ɛfɛɛmaa ólu sɔ́ɔ Ala bhatobhomba ó kɔ́ɔnnɔn. 15Ɛnza é yúu lɔ́lu tá kɛ kɛ bísa né kɛ í bɛ́ gbɛ́ kɛ í lábhɔ Ala bhatobhomba ó kɔ́ɔnnɔn, nisi ólu óni saa ólu bɛ́. Aa wɛ́ɛfɛɛmaa ólu yɛ́ wɛ́ɛ ólu ɲɛ́nnzɛn kɛ í yɛ́ tabɛli ólu bé bé kɛ í gbɛ́! 16Aa fɔ biinin nvelebhaa ólu yɛ́ kó: «Áa míin bɛ́ tá kɛ́ bhɔ́ ya! A kɛ́nan Nvá yɛ́ bhó ŋó kɛ féekɛlaa lé.»
17O lɔ, a yɛ́ kaamɔɔndhye ŋólu miliya é yíi a ka kó a fɔnin ŋé Ala yɛ́ kóman ó lɔ kó: I yɛ́ bhó ŋó dhyáaɲɔɔnya óo súla né yóso ó la koyoongɛ o yóo tá. 18Oo kɛ́ mínngɛ, Yawudhyaa ólu a mánɲaankɛ kó: «I wɛ́ɛ ko min ngɛ́ nín, ii sé kɛ́ káwako lɔ kɛ́ min ngáa a yáa án nan kó i kákan kɛ́ ó kɛ a?» 19Ɛnza ŋé í yawi kó: «Áa Ala bhatobhomba míin njé, Né yáa a lɔ tée sawa kɔ́ɔnnɔn.» 20Yawudhyaa ólu a yawi kó: «I kó díi? Ala bhatobhomba míin ŋé lɔ́ sánɲin bínaannin ni wɔ́ɔlɔ lé kɔ́ɔnnɔn, i kó ile yáa ó lɔ tée sawa kɔ́ɔnnɔn kɛ́ɛ?»
21Ɛnza ngan ndɛ́ɛ Ala bhatobhomba min man, o tɛ́ɛ a gbú Fási o lé lé. 22Ɛnza ŋé sayakɛ kɛ́ kúun mínngɛ, a yɛ́ kaamɔɔndhye ŋólu miliya é tó yíila a yɛ́ kóman fɔnin ŋó ka. Óo kɛ mínngɛ, íi lá Ala yɛ́ kóman ó la, kɛ́ la Ɛnza ɲɛ́n kóman fɔnin ŋólu lá.
Ɛnza ŋan Adamandhye ŋó kɔ́ɔnnɔnko ó lɔ
23Kɛ́ Ɛnza ndó Yeluzalɛmu Hɔ́lɔɲanli o ɲánlagbɛ ó mán, aa káwako mínnu kɛ́ mɔɔn ólu ɲánla, shɛ́ɛman ŋé lá a lá olu kósɔn. 24Waa Ɛnza ngwɛ́nnin man lá i lá, kɛ mansɔɔ a tɛ́ɛ i bɛ́ kɔ́ɔnnɔnko ólu lɔ. 25Kɛ mansɔɔ a manko tɛ́ tɛ a lá ké mɔɔn ólu yɛ kó ó ɲánfɔ a yɛ́, kɛ mansɔɔ aa Adamandhye óni a kɔ́ɔnnɔnko ó bɛ́ lɔ.
Tällä hetkellä valittuna:
Yaya 2: MXX
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© (Active), Wycliffe Bible Translators, Inc. All rights reserved.
