Maatiusiup Aglangit 22
22
Ajjiujuq Katititaujuqaqtillugu Nirivigjuaqatigiiktut
Luukasi 14:15-24
1Jiisusi amma ajjiujunik aturluni uqausiqakkanniqpuq inungnut. 2“Guutiup Ataniuvinga ajjiqarunnaqpuq, angajuqqaarjuamik nirivigjuaksaliuqtumik irninga katititaunialirmat. 3Pijini uqautivait qaiqujausimajut nirijaqtuquliqtlugit nirivigjuaqtauniaqtut atuinnaulirmata; taakkuali qaijumanngilat.
4“Tavva pijimi asinginnik tilisikkanniqpuq, imaak uqaqullugit: ‘Qaiqujausimajut uqautilauqsiuk, takugit, nirivigjuaqtaujuksat pijariirmata; angusalluqutikka nurraillu quinijut tuqutaullutik uutaujariirmata, tamarmitsiaq atuinnauliqput; atii qailirissi katititaujuqsiummut nirivigjuarnialiratta!’ 5Qaiqujausimajulli tusaqtuujanngilat pinasuaqtamingnik kajusituinnarlutik, ilangat piruqsiiviqutiminuaqpuq, ilangallu niuvirviqutiminuarluni, 6ilangitali taakkua pijit uqariaqtuqsimajut tiguvait, kanngunaqtumiitittlugit aanniqsiqpait, tuqullugillu. 7Tavva angajuqqaarjuaq ninngaktualuuvuq; unataqtuksaqutini tilivait taikkua inuaqtut tuqutauqullugit iglugasangillu ikuallaktaulutik. 8Tavva pijini uqautivait, ‘Katititaujunut nirivigjuaksaqutikka atuinnauliqput, qaiqusimajakkali tavvunngaqtuksaunngilat. 9Taimaimmat aqqutinut ailirissi, takujalimaassinnik qaiqujilirissi katititaujunut nirivigjuaqatauqullugit.’ 10Tavva pijit aqqutinuaqput takujalimaamingnik inungnik katittivut, piujunik piunngittuniglu qanuittutuinnarnik; taannalu katititauvingmi nirivigjuarvik tatatsiaqpuq inungnik.
11“Angajuqqaarjuap takujaqturami inungnik nirijatuqtunik, takuvuq angummik katititaujuqaqtillugu annuraarijauvaktutitut annuraaqsimanngittumik. 12Angajuqqaarjuap apirivaa, ‘Ilannaak, qanuq tavvunngaqpit katititaujuqsiutinik anuraaqsimanatit?’ Taannali nillinngilaq. 13Tavva angajuqqaarjuaq pijiminut uqaqpuq, ‘Aggangit itigangillu qilaksurlugit, igisiuk silamut taaqturjuamut; tavvani qianiqarumaaqpuq aglirularlunilu.’
14“Qaiqujausimajut unuqput, ununngittulli niruaqtauvut.”
Jiisusiup Apiqsuqtauninga Taaksiirutimik Akiliiqattariaqarnirmik
Maakusi 12:13-17; Luukasi 20:20-26
15Tavva Paarisit asianuarlutik isumaksaqsiuqatigiiliqput Jiisusimik apiqsurlugu piviksairujjinasuarumallutik. 16Tavva tilisivut ilinniaqtimingnik, Iruutasiullu ikajuqtingita ilanginnik, uqaqullugit, “Ajuriqtuiji, qaujimavugut sulitsiaqtumik uqaujjiqattaravit, ajuriqtuiqattaravillu Guutiup inungnut piniaqtauqujanganik sulitsiaqtumik, inuit qanuq isumaqarmangaata isumaginagit, qanuittuuninginnik kamanginnavit. 17Uqautilauqtigut, qanuq isumavit? Piqujavut taaksiijarutinik akiliiqujivaat Siisarimut, uvvalu akiliiqujinngilat?”
18Jiisusi ikpigusukkami piunngittumik isumaqatigiiksimaninginnik, uqautivait, “Sungmat uuktuqpisinnga? Takkurmuuqtusi!#22:18 Tautuktaullutik piujuunnguaqtut 19kiinaujaq akiliutigisuusi takulaurlagu!” Tavva kiinaujaq Jiisusimut tunivaat. 20Jiisusiup apirivait, “Kia una kiinannguanga, kialu atinga?”
21Taakkua kiuvaat, “Siisariup,” tavva Jiisusiup uqautivait, “Taimaimmat, Siisarimut tunisiuk pigingmagu, Guutilu tunilugu pinginnik.” 22Tamatumingali tusaramik, angijumik kamaniaqput; Jiisusi qimakpaat tavvanngallu qimaruutillutik.
Jiisusiup Apiqsuqtauninga Tuqungajut Makittumaarninginnik
Maakusi 12:18-27; Luukasi 20:27-40
23Ullumi tavvanitsainnaq Saajjusit Jiisusimuaqput, ukpirijaqaqtut tuqungajunit makittuqalaanginninganik; 24uqarlutik, “Ajuriqtuiji, Muusisi uqalauqpuq, ‘Angut qiturngaqtaalaurani tuqukpat, nukangata arnaq uiggaqsimajuq nuliaqtaarijaksarivaa, qiturngaqtaarunnaqullugik angajunganut qiturngarijauniraqtauqullugit.’ 25Taissumani ilattinnik nukariiktaqalauqpuq 7-nik; angajugliqpaangat nulianiqpuq, qiturngilauranilu tuqungmat, nuliani qimakpaa nukarminut. 26Amma tungalinga taimaatsainnaaulaurivuq, amma pingajungat, kingulliqpaanganut tikillugit. 27Kingulliqpaullunili, arnaq tuqulaurivuq. 28Tuqungajulli makippata, nalliannut 7-nut arnaq taanna nuliarijaulaaqpaa? Taakkualimaat nuliarilaurmajjuk.”
29Jiisusiup kiuvait, “Tammaqsimajumik tukisiumavusi! Guutiup uqausinginnik qaujimannginnassi, Guutiullu pijunnarninga qaujimanagu. 30Tuqungajunit makittut nulianigiaqarumaanngilat aippaqtaaqattanngillutiglu, aingilititut qilangmiutatitut taimaittumaaqput. 31Tuqungajut makivviksanginni: atuaqsilauqsimanngilasi Guutiup uqausirijanginnik ilissinnut? Imaak uqalauqpuq; 32‘Uvanga Aiprahaam Guutinga, Aisakiullu Guutinga, Jaikuullu Guutinga,’ tuqungajulli Guutiginngilaat, inuujulli kisimi.”
33Inugasagjuat tamatuminga tusaramik, Jiisusiup ajuriqtuusinginnik angijumik kamaniaqput.
Piqujaq Pillariuniqpaaq
Maakusi 12:28-34; Luukasi 10:25-28
34Paarisit tusaramik Jiisusiup Saajjusit uqausiksairutingmagit, immingnut kativut, 35piqujanik ilisaijit ilangatta, uukturlugu apirivaa, 36uqarluni, “Ajuriqtuiji, nalliat piqujani pillariuniqpauva?”
37Jiisusiup kiuvaa, “Ataniq Guutisi nagligijaksarivasi uummatissinnut tamainnut, tarnissinnullu tamainnut, isumassinnullu tamainnut. 38Taanna tavva piqujaq pillariuniqpaaq sivulliqpaullunilu piqujalimaanit. 39Aippangali imailingavuq, ‘Inuuqatisi nagligijaksarivasi nangminiq nagliginissitut.’ 40Taakkungnunga piqujaangnut marruungnut piqujalimaat, nalauttaijullu ajuriqtuijjutingit tunngaviqaqput.”
Christuusiup-Misaiasiup Miksaanut Apiqsurniq
Maakusi 12:35-37; Luukasi 20:41-44
41Paarisit ilangit katinngaqatigiiktillugit, Jiisusiup apirivait, 42uqarluni, “Qanurli Christuusi isumagivisiuk? Kinamut kinguvaarijauva?”
Taakkua kiuvaat, “Taivitiup kinguvaarivaa.”
43Jiisusiup uqautivait, “Sungmalli taima, Anirniup Taiviti uqaqtilluniuk, Atanirminik tailauqpauk? Uqarmat,
44‘Ataniq Ataninnut uqaqpuq, “Uvani taliqpinni iksivagit, akiraqtuqtingnik ilisiqqaaqtinnanga itigavit ataanut.”’
45“Taivitiup ‘Atanirminik’ taiguniuk, qanurli Taivitiup kinguvaarijunnaqpauk?”
46Taakkuali kiujjutiksaqarunniilauqput, ullumit tavvanngat pigiarlutik apirikkannirumajuqarunniilauqpuq taassumunga.
Tällä hetkellä valittuna:
Maatiusiup Aglangit 22: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maatiusiup Aglangit 22
22
Ajjiujuq Katititaujuqaqtillugu Nirivigjuaqatigiiktut
Luukasi 14:15-24
1Jiisusi amma ajjiujunik aturluni uqausiqakkanniqpuq inungnut. 2“Guutiup Ataniuvinga ajjiqarunnaqpuq, angajuqqaarjuamik nirivigjuaksaliuqtumik irninga katititaunialirmat. 3Pijini uqautivait qaiqujausimajut nirijaqtuquliqtlugit nirivigjuaqtauniaqtut atuinnaulirmata; taakkuali qaijumanngilat.
4“Tavva pijimi asinginnik tilisikkanniqpuq, imaak uqaqullugit: ‘Qaiqujausimajut uqautilauqsiuk, takugit, nirivigjuaqtaujuksat pijariirmata; angusalluqutikka nurraillu quinijut tuqutaullutik uutaujariirmata, tamarmitsiaq atuinnauliqput; atii qailirissi katititaujuqsiummut nirivigjuarnialiratta!’ 5Qaiqujausimajulli tusaqtuujanngilat pinasuaqtamingnik kajusituinnarlutik, ilangat piruqsiiviqutiminuaqpuq, ilangallu niuvirviqutiminuarluni, 6ilangitali taakkua pijit uqariaqtuqsimajut tiguvait, kanngunaqtumiitittlugit aanniqsiqpait, tuqullugillu. 7Tavva angajuqqaarjuaq ninngaktualuuvuq; unataqtuksaqutini tilivait taikkua inuaqtut tuqutauqullugit iglugasangillu ikuallaktaulutik. 8Tavva pijini uqautivait, ‘Katititaujunut nirivigjuaksaqutikka atuinnauliqput, qaiqusimajakkali tavvunngaqtuksaunngilat. 9Taimaimmat aqqutinut ailirissi, takujalimaassinnik qaiqujilirissi katititaujunut nirivigjuaqatauqullugit.’ 10Tavva pijit aqqutinuaqput takujalimaamingnik inungnik katittivut, piujunik piunngittuniglu qanuittutuinnarnik; taannalu katititauvingmi nirivigjuarvik tatatsiaqpuq inungnik.
11“Angajuqqaarjuap takujaqturami inungnik nirijatuqtunik, takuvuq angummik katititaujuqaqtillugu annuraarijauvaktutitut annuraaqsimanngittumik. 12Angajuqqaarjuap apirivaa, ‘Ilannaak, qanuq tavvunngaqpit katititaujuqsiutinik anuraaqsimanatit?’ Taannali nillinngilaq. 13Tavva angajuqqaarjuaq pijiminut uqaqpuq, ‘Aggangit itigangillu qilaksurlugit, igisiuk silamut taaqturjuamut; tavvani qianiqarumaaqpuq aglirularlunilu.’
14“Qaiqujausimajut unuqput, ununngittulli niruaqtauvut.”
Jiisusiup Apiqsuqtauninga Taaksiirutimik Akiliiqattariaqarnirmik
Maakusi 12:13-17; Luukasi 20:20-26
15Tavva Paarisit asianuarlutik isumaksaqsiuqatigiiliqput Jiisusimik apiqsurlugu piviksairujjinasuarumallutik. 16Tavva tilisivut ilinniaqtimingnik, Iruutasiullu ikajuqtingita ilanginnik, uqaqullugit, “Ajuriqtuiji, qaujimavugut sulitsiaqtumik uqaujjiqattaravit, ajuriqtuiqattaravillu Guutiup inungnut piniaqtauqujanganik sulitsiaqtumik, inuit qanuq isumaqarmangaata isumaginagit, qanuittuuninginnik kamanginnavit. 17Uqautilauqtigut, qanuq isumavit? Piqujavut taaksiijarutinik akiliiqujivaat Siisarimut, uvvalu akiliiqujinngilat?”
18Jiisusi ikpigusukkami piunngittumik isumaqatigiiksimaninginnik, uqautivait, “Sungmat uuktuqpisinnga? Takkurmuuqtusi!#22:18 Tautuktaullutik piujuunnguaqtut 19kiinaujaq akiliutigisuusi takulaurlagu!” Tavva kiinaujaq Jiisusimut tunivaat. 20Jiisusiup apirivait, “Kia una kiinannguanga, kialu atinga?”
21Taakkua kiuvaat, “Siisariup,” tavva Jiisusiup uqautivait, “Taimaimmat, Siisarimut tunisiuk pigingmagu, Guutilu tunilugu pinginnik.” 22Tamatumingali tusaramik, angijumik kamaniaqput; Jiisusi qimakpaat tavvanngallu qimaruutillutik.
Jiisusiup Apiqsuqtauninga Tuqungajut Makittumaarninginnik
Maakusi 12:18-27; Luukasi 20:27-40
23Ullumi tavvanitsainnaq Saajjusit Jiisusimuaqput, ukpirijaqaqtut tuqungajunit makittuqalaanginninganik; 24uqarlutik, “Ajuriqtuiji, Muusisi uqalauqpuq, ‘Angut qiturngaqtaalaurani tuqukpat, nukangata arnaq uiggaqsimajuq nuliaqtaarijaksarivaa, qiturngaqtaarunnaqullugik angajunganut qiturngarijauniraqtauqullugit.’ 25Taissumani ilattinnik nukariiktaqalauqpuq 7-nik; angajugliqpaangat nulianiqpuq, qiturngilauranilu tuqungmat, nuliani qimakpaa nukarminut. 26Amma tungalinga taimaatsainnaaulaurivuq, amma pingajungat, kingulliqpaanganut tikillugit. 27Kingulliqpaullunili, arnaq tuqulaurivuq. 28Tuqungajulli makippata, nalliannut 7-nut arnaq taanna nuliarijaulaaqpaa? Taakkualimaat nuliarilaurmajjuk.”
29Jiisusiup kiuvait, “Tammaqsimajumik tukisiumavusi! Guutiup uqausinginnik qaujimannginnassi, Guutiullu pijunnarninga qaujimanagu. 30Tuqungajunit makittut nulianigiaqarumaanngilat aippaqtaaqattanngillutiglu, aingilititut qilangmiutatitut taimaittumaaqput. 31Tuqungajut makivviksanginni: atuaqsilauqsimanngilasi Guutiup uqausirijanginnik ilissinnut? Imaak uqalauqpuq; 32‘Uvanga Aiprahaam Guutinga, Aisakiullu Guutinga, Jaikuullu Guutinga,’ tuqungajulli Guutiginngilaat, inuujulli kisimi.”
33Inugasagjuat tamatuminga tusaramik, Jiisusiup ajuriqtuusinginnik angijumik kamaniaqput.
Piqujaq Pillariuniqpaaq
Maakusi 12:28-34; Luukasi 10:25-28
34Paarisit tusaramik Jiisusiup Saajjusit uqausiksairutingmagit, immingnut kativut, 35piqujanik ilisaijit ilangatta, uukturlugu apirivaa, 36uqarluni, “Ajuriqtuiji, nalliat piqujani pillariuniqpauva?”
37Jiisusiup kiuvaa, “Ataniq Guutisi nagligijaksarivasi uummatissinnut tamainnut, tarnissinnullu tamainnut, isumassinnullu tamainnut. 38Taanna tavva piqujaq pillariuniqpaaq sivulliqpaullunilu piqujalimaanit. 39Aippangali imailingavuq, ‘Inuuqatisi nagligijaksarivasi nangminiq nagliginissitut.’ 40Taakkungnunga piqujaangnut marruungnut piqujalimaat, nalauttaijullu ajuriqtuijjutingit tunngaviqaqput.”
Christuusiup-Misaiasiup Miksaanut Apiqsurniq
Maakusi 12:35-37; Luukasi 20:41-44
41Paarisit ilangit katinngaqatigiiktillugit, Jiisusiup apirivait, 42uqarluni, “Qanurli Christuusi isumagivisiuk? Kinamut kinguvaarijauva?”
Taakkua kiuvaat, “Taivitiup kinguvaarivaa.”
43Jiisusiup uqautivait, “Sungmalli taima, Anirniup Taiviti uqaqtilluniuk, Atanirminik tailauqpauk? Uqarmat,
44‘Ataniq Ataninnut uqaqpuq, “Uvani taliqpinni iksivagit, akiraqtuqtingnik ilisiqqaaqtinnanga itigavit ataanut.”’
45“Taivitiup ‘Atanirminik’ taiguniuk, qanurli Taivitiup kinguvaarijunnaqpauk?”
46Taakkuali kiujjutiksaqarunniilauqput, ullumit tavvanngat pigiarlutik apirikkannirumajuqarunniilauqpuq taassumunga.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.