Maatiusiup Aglangit 23
23
Jiisusiup Iniqtirininga Maliqujinani Piqujanik Ilisaijinik Paarisiniglu
Maakusi 12:38-39; Luukasi 11:43,46; 20:45-46
1Tavva Jiisusi inugiakturjuanut ilinniaqtiminullu uqaqpuq, 2“Piqujanik ilisaijiit Paarisillu, pijunnaqsititausimavut tukisinaqsititsijiuqullugit Muusisiup piqujanginnik. 3Taimaimmat naalagiaqaqpasi maliglusiuglu uqausirijalimaanginnik ilissinnut; piniarningilli maligaksarinngilasi; ajuriqtuijjutigijamingnik aturunnanngimmata. 4Nangmagaksanik qilaksuivut uqumaittunik, inuit nangmangniaqtanginnik; nangminirli mikijumigluunniit aktuijumanatik. 5Sunatuinnarnik pinasuaqattaqput inungnut takujaujumatuinnarlutik; Guutiup uqausinginnik titirarvigisimajut qaurutingit talirmiutangillu, takulauqsiuk angijuutialuit! Uligjuangitalu nigjangit#23:5 Nivinngataat Guutiup uqausinginnit pisimajut titiraqsimallutik takijuutialuit! 6Nirivigjuaqtuqaqtillugu upigijaujut ininginni iniqarumavut, Juutillu ukpirnirmut katimavinginni initsiavauniqpaani kisiani iniqaqpaglutik; 7niuvirvingnilu ikpigijautsiarlutik nilliujjaujumavakput, inungnut Raappaimik taijaujumavaglutik. 8Raappaimik taijaujariaqanngilasi, iluunnasi qatanngutigiituinnarassi, atausituamigli Raappaiqaqpusi. 9Ataatamiglu taisijuksaunngilasi tamaani nunamiittumik, atausituamik Ataataqarassi qilangmiittumik. 10Angajuqqaamik taijaujuksaunngilasi, atausituaq angajuqqaarigassiuk Christuusi. 11Ilissinni angajuqqaanguniqpaujuq taanna pijigijaujuksauvuq. 12Imminik angijuruqtittuq taanna mikiglititauniaqpuq, imminiglu mikiglitiqtuq taanna angijuruqtitauniaqpuq.”
Jiisusiup Takkurmuuqtunik Piunngittualuuniraininga
Maakusi 12:40; Luukasi 11:39-44,52; 20:47
13“Ilissinnut kappiannamik, piqujanik ilisaijit Paarisillu, takkurmuuqtusi! Guutiup Ataniuvingata ukkuanga ukkuaqsimagassiuk inuit itiqunagit; nangminirlu itiqsimanasi, tavvungalu itirasuaqtut agviarasuaqpasi!
[ 14“Ilissinnut kappiannamik, piqujanik ilisaijit Paarisillu, takkurmuuqtusi! Uiggarniit sangiitturniagarillugit piqutinginnik aqsaarassiuk, takunnaqtaujumallusilu takijunik tuksiutiqattaqpasi! Tamanna pijjutigillugu sugiaqtaunisi anginiqsaujumaaqpuq!]#23:14 Ijjujutuqait ilanginni pitaqanngilluni ilanginni ilijausimalluni
15“Ilissinnut kappiannamik, piqujanik ilisaijit Paarisillu, takkurmuuqtusi! Nunakkut ingirravaktusi imakkullu umiaqturlusi ikaaqpaktusi atausikulungmik maliktitaariaqturlusi; maliktitaaraangassi, kappianaqtuvingmuaqtuksannguqtippasi ilissinnit marruaqtilluaqtumik piunnginniqsauliqtillugu!
16“Ilissinnut kappiannamik, tautunngittuullusi tasiuqtiujusi! Ajuriqtuiqattarassi, ‘Guutiup tuksiarvigjuaqutinga taiqasiutilugu uqaviktuqaqpat,#23:16 Pimmaringmik uqaqtuqaqpat taanna qilaktausimannginniraqpasi; Guutiup tuksiarvigjuaqutingata guulunga taiqasiutilugu uqaviktuqaqpat, taanna qilaksuqtauniraqpasi.’ 17Silaittualuuvusi tautunngittusi! Nalliat aturniqsauva guululuunniit, tuksiarvigjuarluunniit guulumik ijjurnaittunnguqtitsijuq? 18Amma ajuriqtuivakkivusi, ‘Tunirrusirvik altari tailugu uqaviktuqaqpat, angirutigijaminut qilaktausimannginniraqpasi; tunirrusirvingmulli tunijausimajuq taiqasiutilugu uqaviktuqaqpat, taanna qilaksuqtauniraqpasi.’ 19Takunnanngillariktusi! Nalliat aturniqsauva? Tunirrutilluunniit, tunirrusirvigluunniit tunirrutinik ijjurnaittunnguqtitsijuq? 20Taimaimmat, inuk uqavikkuni tunirrusirvik taiqasiutilugu, taanna tunirrusirvik taiqasiutillugu angiqpuq, tunirrutaujulimaallu piqasiutivait; 21tuksiarvigjuarlu taiqasiutilugu uqaviktuq, taanna tuksiarvigjuaq taiqasiutillugu angiqpuq, Guutilu taiqasiutivaa, Guuti tavvaniimmat; 22inugli qilangmik taiqasiujjiluni uqavikpat, taanna angiqpuq Guutiup iksivautarjuanga taiqasiutillugu, tavvanilu iksivajuq piqasiutigivaa.
23“Ilissinnut kappiannamik, piqujanik ilisaijit Paarisillu, takkurmuuqtusi! Tunisiqattaqtusi Guutimut aglaat niqiit mamaqsautingita tallimaujunginnik, makuninga mintit, tiullu, kuminiiniglu, piqujait ajuriqtuijjutingita pijariaqarniqpaangit naalagumanagit, makua ajjigiiktitsiniq, nikagusungnirlu, ukpirnirlu; tamakkua tamajja aturiaqaqtasi, asingit qujanaanngillugit. 24Tasiuqtiujusi tautunngittusi! Imirniaqtatsinnik saniijaijjutimut milugianik piijaivaktusi, kaamilialungmigli iisiqattaqpusi!
25“Ilissinnut kappiannamik piqujanik ilisaijit Paarisillu, takkurmuuqtusi! Imiutit paliallu silatingit salummaqsaqpakpasi, ilungilli tatapput sivuurasaarinirmik, isumagijatuujumanirmiglu. 26Tautunngittusi Paarisit! Imiutit paliallu ilungit salummaqsaqqaaqsiuk, tavva silataattauq salummatsiarniaqpuq! 27Ilissinnut kappiannamik piqujanik ilisaijit Paarisillu, takkurmuuqtusi! Iluviqtitut qakuqtamik silataagut amiarijutitut taimaippusi, silatingit takuminaqtualuuvut, ilungilli tatapput saunivinirnik mamaittualungniglu. 28Taimaatsainnattauq, silatitsigut Guutiup piqujanginnik malitsiaqtuujaaqpusi, ilutsigulli tatappusi takkurmuurnirmik ajurnirmiglu.”
Jiisusiup Nalunaiqsininga Sugiaqtaujumaarninginnik
Luukasi 11:47-51
29“Ilissinnut kappiannamik piqujanik ilisaijit Paarisillu, takkurmuuqtusi!#23:29 Takkurmuuqtuq; takunnaqtaulluni pitsiannguaqtuq, uvvalu piujuunnguaqtuq nalauttaijut iluvingit piusaqpasi, iqqaumajaujjutiksanginniglu titiraqsimajutigut inuusiqatsialauqtunik inuutillugit nalunaiqsisimajusi; 30uqaqpakpusi, ‘Taissumaniutillugu sivulivinitta inuuvigilauqtanginni inuugajarutta, piniarnirilauqtangititut taimaigajanngilagut, nalauttaijunik tuqutsiqattalauqtutitut.’ 31Kisianili nalunaiqsivusi taikkununga kinguvaarijaunissinnik, nalauttaijunik inualauqtunut. 32Atii, maanna sivulivinisi pigialauqtangat kajusitiliqsiuk pijariirlugu. 33Quglugiangujusi, irniujusilu quglugiarjuanut, qanuq ilissinnik saputijunnarasugivisi kappianaqtuvingmit? 34Taimaimmat nalauttaijunik tilisiviginiaqpassi, silatujuniglu, ajuriqtuijiniglu; ilangit tuqunniaqpasi, ilangillu sanningajulingmut kikiakturlusiuk, ilangit tiigaqturlugit Juutit ukpirnirmut katimavinginni, malikatangniaqpasilu akiraqturlugit nunalingnit nunalingnut. 35Tamanna pijjutigillugu sugiaqtaunirmut tikitaujumaaqpusi, pasijaksaunngittunik inuaqattarnitsinnut nunarjuarmi, Aipiliup pasijaksaunngittuup inuaqtauninganit, Sakaraiaup Parakaiaup irningata inuaqtauninga tikillugu, taanna inualauqtasi tuksiarvigjuarmi tunirrusirviup ijjurnaittuviullu akunningani. 36Sulijumik uqautivassi, sugiaqtauniq tamanna tikittumaaqpuq ullumi inuujunut.”
Jiisusiup Ugguarutiqarninga Jiruusalimmik
Luukasi 13:34-35
37“Uu Jiruusalim, Jiruusalim, nalauttaijunik tuqutsijutit, tilijaujuniglu ujaqqanut milluqtutit! Inuqutitit unuqtuiqsurlunga iqittumaqattalauraluaqpakka, arnaviap qiturngaminik isarurminut katititsivangningatitut, taimaitaujumalaunngittusili! 38Takugit, tuksiarvigjuaqutisi qimaktaujumaaqpuq inuqarunnairluni. 39Uqautivassi, takuniarunniiqpassinga uqalauqqaaqtinnasi, ‘Guutiup saimmarliuk Ataniup atingani tikittuq.’”
Tällä hetkellä valittuna:
Maatiusiup Aglangit 23: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maatiusiup Aglangit 23
23
Jiisusiup Iniqtirininga Maliqujinani Piqujanik Ilisaijinik Paarisiniglu
Maakusi 12:38-39; Luukasi 11:43,46; 20:45-46
1Tavva Jiisusi inugiakturjuanut ilinniaqtiminullu uqaqpuq, 2“Piqujanik ilisaijiit Paarisillu, pijunnaqsititausimavut tukisinaqsititsijiuqullugit Muusisiup piqujanginnik. 3Taimaimmat naalagiaqaqpasi maliglusiuglu uqausirijalimaanginnik ilissinnut; piniarningilli maligaksarinngilasi; ajuriqtuijjutigijamingnik aturunnanngimmata. 4Nangmagaksanik qilaksuivut uqumaittunik, inuit nangmangniaqtanginnik; nangminirli mikijumigluunniit aktuijumanatik. 5Sunatuinnarnik pinasuaqattaqput inungnut takujaujumatuinnarlutik; Guutiup uqausinginnik titirarvigisimajut qaurutingit talirmiutangillu, takulauqsiuk angijuutialuit! Uligjuangitalu nigjangit#23:5 Nivinngataat Guutiup uqausinginnit pisimajut titiraqsimallutik takijuutialuit! 6Nirivigjuaqtuqaqtillugu upigijaujut ininginni iniqarumavut, Juutillu ukpirnirmut katimavinginni initsiavauniqpaani kisiani iniqaqpaglutik; 7niuvirvingnilu ikpigijautsiarlutik nilliujjaujumavakput, inungnut Raappaimik taijaujumavaglutik. 8Raappaimik taijaujariaqanngilasi, iluunnasi qatanngutigiituinnarassi, atausituamigli Raappaiqaqpusi. 9Ataatamiglu taisijuksaunngilasi tamaani nunamiittumik, atausituamik Ataataqarassi qilangmiittumik. 10Angajuqqaamik taijaujuksaunngilasi, atausituaq angajuqqaarigassiuk Christuusi. 11Ilissinni angajuqqaanguniqpaujuq taanna pijigijaujuksauvuq. 12Imminik angijuruqtittuq taanna mikiglititauniaqpuq, imminiglu mikiglitiqtuq taanna angijuruqtitauniaqpuq.”
Jiisusiup Takkurmuuqtunik Piunngittualuuniraininga
Maakusi 12:40; Luukasi 11:39-44,52; 20:47
13“Ilissinnut kappiannamik, piqujanik ilisaijit Paarisillu, takkurmuuqtusi! Guutiup Ataniuvingata ukkuanga ukkuaqsimagassiuk inuit itiqunagit; nangminirlu itiqsimanasi, tavvungalu itirasuaqtut agviarasuaqpasi!
[ 14“Ilissinnut kappiannamik, piqujanik ilisaijit Paarisillu, takkurmuuqtusi! Uiggarniit sangiitturniagarillugit piqutinginnik aqsaarassiuk, takunnaqtaujumallusilu takijunik tuksiutiqattaqpasi! Tamanna pijjutigillugu sugiaqtaunisi anginiqsaujumaaqpuq!]#23:14 Ijjujutuqait ilanginni pitaqanngilluni ilanginni ilijausimalluni
15“Ilissinnut kappiannamik, piqujanik ilisaijit Paarisillu, takkurmuuqtusi! Nunakkut ingirravaktusi imakkullu umiaqturlusi ikaaqpaktusi atausikulungmik maliktitaariaqturlusi; maliktitaaraangassi, kappianaqtuvingmuaqtuksannguqtippasi ilissinnit marruaqtilluaqtumik piunnginniqsauliqtillugu!
16“Ilissinnut kappiannamik, tautunngittuullusi tasiuqtiujusi! Ajuriqtuiqattarassi, ‘Guutiup tuksiarvigjuaqutinga taiqasiutilugu uqaviktuqaqpat,#23:16 Pimmaringmik uqaqtuqaqpat taanna qilaktausimannginniraqpasi; Guutiup tuksiarvigjuaqutingata guulunga taiqasiutilugu uqaviktuqaqpat, taanna qilaksuqtauniraqpasi.’ 17Silaittualuuvusi tautunngittusi! Nalliat aturniqsauva guululuunniit, tuksiarvigjuarluunniit guulumik ijjurnaittunnguqtitsijuq? 18Amma ajuriqtuivakkivusi, ‘Tunirrusirvik altari tailugu uqaviktuqaqpat, angirutigijaminut qilaktausimannginniraqpasi; tunirrusirvingmulli tunijausimajuq taiqasiutilugu uqaviktuqaqpat, taanna qilaksuqtauniraqpasi.’ 19Takunnanngillariktusi! Nalliat aturniqsauva? Tunirrutilluunniit, tunirrusirvigluunniit tunirrutinik ijjurnaittunnguqtitsijuq? 20Taimaimmat, inuk uqavikkuni tunirrusirvik taiqasiutilugu, taanna tunirrusirvik taiqasiutillugu angiqpuq, tunirrutaujulimaallu piqasiutivait; 21tuksiarvigjuarlu taiqasiutilugu uqaviktuq, taanna tuksiarvigjuaq taiqasiutillugu angiqpuq, Guutilu taiqasiutivaa, Guuti tavvaniimmat; 22inugli qilangmik taiqasiujjiluni uqavikpat, taanna angiqpuq Guutiup iksivautarjuanga taiqasiutillugu, tavvanilu iksivajuq piqasiutigivaa.
23“Ilissinnut kappiannamik, piqujanik ilisaijit Paarisillu, takkurmuuqtusi! Tunisiqattaqtusi Guutimut aglaat niqiit mamaqsautingita tallimaujunginnik, makuninga mintit, tiullu, kuminiiniglu, piqujait ajuriqtuijjutingita pijariaqarniqpaangit naalagumanagit, makua ajjigiiktitsiniq, nikagusungnirlu, ukpirnirlu; tamakkua tamajja aturiaqaqtasi, asingit qujanaanngillugit. 24Tasiuqtiujusi tautunngittusi! Imirniaqtatsinnik saniijaijjutimut milugianik piijaivaktusi, kaamilialungmigli iisiqattaqpusi!
25“Ilissinnut kappiannamik piqujanik ilisaijit Paarisillu, takkurmuuqtusi! Imiutit paliallu silatingit salummaqsaqpakpasi, ilungilli tatapput sivuurasaarinirmik, isumagijatuujumanirmiglu. 26Tautunngittusi Paarisit! Imiutit paliallu ilungit salummaqsaqqaaqsiuk, tavva silataattauq salummatsiarniaqpuq! 27Ilissinnut kappiannamik piqujanik ilisaijit Paarisillu, takkurmuuqtusi! Iluviqtitut qakuqtamik silataagut amiarijutitut taimaippusi, silatingit takuminaqtualuuvut, ilungilli tatapput saunivinirnik mamaittualungniglu. 28Taimaatsainnattauq, silatitsigut Guutiup piqujanginnik malitsiaqtuujaaqpusi, ilutsigulli tatappusi takkurmuurnirmik ajurnirmiglu.”
Jiisusiup Nalunaiqsininga Sugiaqtaujumaarninginnik
Luukasi 11:47-51
29“Ilissinnut kappiannamik piqujanik ilisaijit Paarisillu, takkurmuuqtusi!#23:29 Takkurmuuqtuq; takunnaqtaulluni pitsiannguaqtuq, uvvalu piujuunnguaqtuq nalauttaijut iluvingit piusaqpasi, iqqaumajaujjutiksanginniglu titiraqsimajutigut inuusiqatsialauqtunik inuutillugit nalunaiqsisimajusi; 30uqaqpakpusi, ‘Taissumaniutillugu sivulivinitta inuuvigilauqtanginni inuugajarutta, piniarnirilauqtangititut taimaigajanngilagut, nalauttaijunik tuqutsiqattalauqtutitut.’ 31Kisianili nalunaiqsivusi taikkununga kinguvaarijaunissinnik, nalauttaijunik inualauqtunut. 32Atii, maanna sivulivinisi pigialauqtangat kajusitiliqsiuk pijariirlugu. 33Quglugiangujusi, irniujusilu quglugiarjuanut, qanuq ilissinnik saputijunnarasugivisi kappianaqtuvingmit? 34Taimaimmat nalauttaijunik tilisiviginiaqpassi, silatujuniglu, ajuriqtuijiniglu; ilangit tuqunniaqpasi, ilangillu sanningajulingmut kikiakturlusiuk, ilangit tiigaqturlugit Juutit ukpirnirmut katimavinginni, malikatangniaqpasilu akiraqturlugit nunalingnit nunalingnut. 35Tamanna pijjutigillugu sugiaqtaunirmut tikitaujumaaqpusi, pasijaksaunngittunik inuaqattarnitsinnut nunarjuarmi, Aipiliup pasijaksaunngittuup inuaqtauninganit, Sakaraiaup Parakaiaup irningata inuaqtauninga tikillugu, taanna inualauqtasi tuksiarvigjuarmi tunirrusirviup ijjurnaittuviullu akunningani. 36Sulijumik uqautivassi, sugiaqtauniq tamanna tikittumaaqpuq ullumi inuujunut.”
Jiisusiup Ugguarutiqarninga Jiruusalimmik
Luukasi 13:34-35
37“Uu Jiruusalim, Jiruusalim, nalauttaijunik tuqutsijutit, tilijaujuniglu ujaqqanut milluqtutit! Inuqutitit unuqtuiqsurlunga iqittumaqattalauraluaqpakka, arnaviap qiturngaminik isarurminut katititsivangningatitut, taimaitaujumalaunngittusili! 38Takugit, tuksiarvigjuaqutisi qimaktaujumaaqpuq inuqarunnairluni. 39Uqautivassi, takuniarunniiqpassinga uqalauqqaaqtinnasi, ‘Guutiup saimmarliuk Ataniup atingani tikittuq.’”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.