Maatiusiup Aglangit 24
24
Jiisusiup Uqausiqarninga Tuksiarvigjuap Siqumitaujumaarninganik
Maakusi 13:1-2; Luukasi 21:5-6
1Jiisusi tuksiarvigjuarmit aningmat, ilinniaqtingita upaglugu uqautivaat takuqullugu tuksiarvigjuap sanasimatsiarningani. 2Jiisusiup uqautivait, “Tamakkualimaat takuminarningit takugaluaqtasi, sulijumik uqautivassi, tavvaniittut ujarait inimini qaliriiktuqarunniirumaaqput; iluunnalimaanga siqumitaujumaarmat.”
Kappianaqtut Akiraqtuqtauniillu
Maakusi 13:3-13; Luukasi 21:7-19
3Jiisusi ingimmat qaqqamut uqsuksaujunnaqtunik paurngarkasuunik napaaqtulingmut, ilinniaqtingita upakpaat taakkutuangullutik, apirillugu, “Uqautilauqtigut, tamakkua qanga nalliutijumaaqpat qanuq tikivviksait nalunaikkutaqarumaaqpa? nunarjuallu isulivviksanga?”
4Jiisusiup kiuvait, “Qaujisatsiaqattarissi, tammaqtitauqunasi nalliannut. 5Amisut uvannik pijjutiqarnirarlutik tikittumaarmata, uqarlutik, ‘Christuusiuvunga,’ unuqtuniglu tammaqtitsijumaaqput. 6Unataqtunik qanigijatsinni tusaajumaaqpusi, ungasigijassinnilu unataqtut uqausiuninginnik tusajumaaqpusi; kappiasuktailigissi; taimaittuqariaqarmat, kisiani tamakkua nalunaiqsinngilat silarjuap naggatiksanganik. 7Inuuqatigiigjuat unatarumaaqput inuuqatigiigjuanut asimingnut, angajuqqauvillu angajuqqauvingnut asimingnut unataqattautijumaarivut, kaangnaqturjuaqarumaaqpuq nanituinnaq nuna naukkutuinnaq sajukpiluqattarumaaqpuq. 8Tamakkuali arnaup irnisuliqtuup ikpingnialirningatut taimaituinnaqput.
9“Kinguningagut tigujaujumaaqpusi kappianaqtumiititaulusi, tuqutaulusilu; inuuqatigiigjualimaanut uumigijaujumaaqpusi pijjutigilunga. 10Taimaittumiiliqtillusi amisut ukpirnirmik sapilirumaaqput; immingnullu pijaukkaqattautijumaaqput, immingnut uumigiqattautilirlutik. 11Nalauttaijunnguaqtut sulinngittut saqqittumaaqpuq unuqtullu tammaqtittumaaqpait. 12Ajuqtuliniup pivallianinganut, inuit naglingningit niglivalliajumaaqput. 13Ukpirnimigli tigumianginnarluni isuanut tikittuq taanna piulijaujumaaqpuq. 14Uqausit tusaruminaqtut Guutiup Ataniuvinganik uqausilit ajuriqtuijjutaujumaaqput nunarjualimaami nanituinnaq, suliningalu saqqititauluni inuuqatigiigjuanut; tavva silarjuup naggataa nalliutijumaaqpuq.”
Tuksiarvigjuap Takuminaitturjuamik Ilisiviuninga
Maakusi 13:14-23; Luukasi 21:20-24
15“Takugussi tuksiarvigjuarmi takuminaitturjuamik ilisiviuninganik nalauttaijuup Taanialiup uqausirisimajanganik, ijjurnaittuvingmiittumik (atuaqsijuup tukisijariaqaqtanga), 16tavva Juutiamiittut qimaajariaqarumaaqput qaqqanut; 17igluup qaanganiittuq piqutiminik angirraminit aiktlirasuktailili; 18piruqsiivingmiittuq angirraminut uligjuaminik aiktlirasuktailili. 19Aksualuk kappianarumaaqpuq arnanut nutaraksaqaqtunut mikijulaaniglu qiturngalingnut! 20Guutimut tuksiarissi qimaaviksasi ukiumi nalliutiqunagu Sapatimiluunniit. 21Kappianaqtuq tamanna ajjiqarrumaanngimmat atuqsimajatsinnit, silarjuup pigiarninganit ullumimut tikillugu, ajjiqarnianngilaq tamatuma kingurngagut. 22Ulluit taikkua Guutiup naigligianngippagit, nalliannigluunniit inungmik annaktuqarajanngilaq; niruaqsimajanili pijjutigillugit Guutiup ulluit naigligiarumaaqpait.
23“Nalliannut uqaujaugussi, ‘Takugit una tavva Christuusi!’ Uvvalu ‘Avani taika!’ Taimailijut ukpiriniarasigik. 24Christuusiuniraqtut sulinngittut, nalauttaijuuniraqtullu sulinngittut saqqittumaarmata; angijunik kamanaqtuliqattarlutik nalunaikkutarniglu saqqijaaqtitsiqattarumaarmata, tammaqtitsinasuarlutik, aglaat niruaqtausimajut ajurnanngippata tammaqtinnasuarlugit. 25Takugit, tamakkuninga uqautivassi sivuningagut, suli atulauqtinnagit.
26“Uvvalu, uqaujjaugussi, ‘Takugit, inuqanngittumiippuq,’ tauvunngaqtailigissi; uqaqpata, ‘Takugit, uvani iglurusirmi ijiqsimavuq,’ ukpiriniarasigik. 27Suurlu qilangmi qaummaallak ikaasuungungmat siqiniup nuivianit nipivianut, taimaittumaarivuq Inuup Irninga tikiliqpat.
28“Nanilimaaq tuqungajuqaliraangat, tingmiarjuat niqitusuut timivinirmut katisuunguvut.”
Inuup Irningata Tikinniksanga
Maakusi 13:24-27; Luukasi 21:25-28
29“Ulluit kappianaqtut kingunitsiangagut, siqiniq taaqsijumaaqpuq, taqqirlu qaumajunniirumaaqpuq, ulluriallu qilangmit katagumaaqput, silaup pijunnarningit inigijamingni sajukpilugumaaqput. 30Tavva Inuup Irningata nalunaikkutanga qilangmit saqqittumaaqpuq; inuit iluunnatsiatik nunarjuarmiittut qialirumaaqput, takulirutik Inuup Irninganik tikiliqtumik qilaup nuvujangitigut pijunnaqturjuamik niqturnaqturjuarmiglu. 31Tavva tittulautirjuat nipingit nillirumaaqput, aingiliqutini tilijumaaqpait nunarjualimaamut nunaup anuraarvigisuunginnut sitamanut, taakkua katiqsijumaaqput taassuma niruaqsimajanginnik nunaup isuanit isuanut.”
Ilisautiksaq Napaaqtuq Pigilingnik Paurngalik
Maakusi 13:28-31; Luukasi 21:29-33
32“Ilissivigilauqsiuk napaaqtuq paurngalik; avalangajungit piruliraangata tungujuqsillutik uqaujaqtaaqpallialiraangata, qaujimaliqpakpusi aujallarinngusingmat. 33Taimaaktauq, tamakkualimaat takulirussigik, qaujimaniaqpusi silarjuup isua qanittuulirmat, pigiatuinnariaqalirluni. 34Sulijumik uqautivassi, tamakkua nalliuttuksalimaat nalliutijumaaqput maanna kinguvaanguqatigiit makua nungulauqtinnagit. 35Qilaglu nunalu nungujumaaqpuuk; uqausikkali nungujumaanngilat.”
Kinamigluunnik Qaujimajuqanngilaq Ullunganik Ikarranganiglu
Maakusi 13:32-37; Luukasi 17:26-30,34-36
36“Kinamigluunniit qaujimajuqanngilaq, silarjuup naggatiksangata ullunganik ikarranganigluunniit; aingilit aglaat qilangmiittut qaujimannginnivut, Irniulluunniit qaujimannginnivaa, Ataatama kisimi qaujimavaa. 37Inuup Irningata tikivviksanga ajjiqarumaaqpuq, Nua inuutillugu piusirijaulauqtutitut. 38Ulivigjuap sivuningagut inuit nirilauqput imirlutiglu, nulianikput uiniglutiglu, ulluq Nuap itirvia umiarjuamut tikillugu; 39qaujimalaunngilat ulivigjuarmut tikitauqqaaratik tamarmik nungutaulauqput, taimaittumaarivuq Inuup Irningata tikivviksangani. 40Tamanna nalliutikpat angutiik marruuk piruqsiivingmiittumaaqpuuk; aippaa aullarujjaujumaaqpuq aippaali qimaktauluni. 41Arnaak marruuk niaquujaksanik siqqallititsivingmiittumaaqpuuk; aippaa aullarujjaujumaaqpuq, aippaali qimaktauluni. 42Taimaimmat qaujisatsiarissi, Atanisi tikivviksanga ulluq qaujimannginnassiuk. 43Una tukisisiuk; igluqaqtuq qaujimaguni tigliktiup tigligiaqturvigigajaqtanganik, taanna pigaarajaqpuq tiglikti itiqunagu igluminut. 44Taimaimmat ilissittauq upalungaiqsimajuksauvusi; Inuup Irninga tikittumaarmat ikarrami niriugviginngitassinni.”
Piji Suqusijuittuq Sangusaraitturlu
Luukasi 12:41-48
45“Kina suqusijuittuulluni silatullunilu pijiuvaa? Taanna angajuqqaangata angajuqqaanguqtitanga pijiuqatinginnut, niqiksanginnik tunisiqattaqullugu tunisiviksanga nalliutijaraangat. 46Taanna angijumik saimaqtitaunaqtumiippuq, tikitauguni angajuqqaaminut taimailiutsiaqtillugu! 47Sulijumik uqautivassi, taanna angajuqqaangata angajuqqaannguqtinniaqpaa piqutilimaaminut. 48Pijitsiavaunngitturli isumaliruni, ‘Angajuqqaara suli akunialuk tikijjaanngilaq,’ 49pijiuqatini aanniqsiliqpagit, niriqatiqalirluni imiqatiqarlunilu aangajaaqtinik. 50Tavva pijiup angajuqqaanga tikikkajaqpuq ullungmi taassuma niriugviginngitangani ikarramilu qaujimanngitangani. 51Tavva angajuqqaangata sugiarlugu igikkajaqpaa, takkurmuuqtut sugiaqtauvigijanganut; tavvani qianiqarajaqput aglirulaarlutik.
Tällä hetkellä valittuna:
Maatiusiup Aglangit 24: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maatiusiup Aglangit 24
24
Jiisusiup Uqausiqarninga Tuksiarvigjuap Siqumitaujumaarninganik
Maakusi 13:1-2; Luukasi 21:5-6
1Jiisusi tuksiarvigjuarmit aningmat, ilinniaqtingita upaglugu uqautivaat takuqullugu tuksiarvigjuap sanasimatsiarningani. 2Jiisusiup uqautivait, “Tamakkualimaat takuminarningit takugaluaqtasi, sulijumik uqautivassi, tavvaniittut ujarait inimini qaliriiktuqarunniirumaaqput; iluunnalimaanga siqumitaujumaarmat.”
Kappianaqtut Akiraqtuqtauniillu
Maakusi 13:3-13; Luukasi 21:7-19
3Jiisusi ingimmat qaqqamut uqsuksaujunnaqtunik paurngarkasuunik napaaqtulingmut, ilinniaqtingita upakpaat taakkutuangullutik, apirillugu, “Uqautilauqtigut, tamakkua qanga nalliutijumaaqpat qanuq tikivviksait nalunaikkutaqarumaaqpa? nunarjuallu isulivviksanga?”
4Jiisusiup kiuvait, “Qaujisatsiaqattarissi, tammaqtitauqunasi nalliannut. 5Amisut uvannik pijjutiqarnirarlutik tikittumaarmata, uqarlutik, ‘Christuusiuvunga,’ unuqtuniglu tammaqtitsijumaaqput. 6Unataqtunik qanigijatsinni tusaajumaaqpusi, ungasigijassinnilu unataqtut uqausiuninginnik tusajumaaqpusi; kappiasuktailigissi; taimaittuqariaqarmat, kisiani tamakkua nalunaiqsinngilat silarjuap naggatiksanganik. 7Inuuqatigiigjuat unatarumaaqput inuuqatigiigjuanut asimingnut, angajuqqauvillu angajuqqauvingnut asimingnut unataqattautijumaarivut, kaangnaqturjuaqarumaaqpuq nanituinnaq nuna naukkutuinnaq sajukpiluqattarumaaqpuq. 8Tamakkuali arnaup irnisuliqtuup ikpingnialirningatut taimaituinnaqput.
9“Kinguningagut tigujaujumaaqpusi kappianaqtumiititaulusi, tuqutaulusilu; inuuqatigiigjualimaanut uumigijaujumaaqpusi pijjutigilunga. 10Taimaittumiiliqtillusi amisut ukpirnirmik sapilirumaaqput; immingnullu pijaukkaqattautijumaaqput, immingnut uumigiqattautilirlutik. 11Nalauttaijunnguaqtut sulinngittut saqqittumaaqpuq unuqtullu tammaqtittumaaqpait. 12Ajuqtuliniup pivallianinganut, inuit naglingningit niglivalliajumaaqput. 13Ukpirnimigli tigumianginnarluni isuanut tikittuq taanna piulijaujumaaqpuq. 14Uqausit tusaruminaqtut Guutiup Ataniuvinganik uqausilit ajuriqtuijjutaujumaaqput nunarjualimaami nanituinnaq, suliningalu saqqititauluni inuuqatigiigjuanut; tavva silarjuup naggataa nalliutijumaaqpuq.”
Tuksiarvigjuap Takuminaitturjuamik Ilisiviuninga
Maakusi 13:14-23; Luukasi 21:20-24
15“Takugussi tuksiarvigjuarmi takuminaitturjuamik ilisiviuninganik nalauttaijuup Taanialiup uqausirisimajanganik, ijjurnaittuvingmiittumik (atuaqsijuup tukisijariaqaqtanga), 16tavva Juutiamiittut qimaajariaqarumaaqput qaqqanut; 17igluup qaanganiittuq piqutiminik angirraminit aiktlirasuktailili; 18piruqsiivingmiittuq angirraminut uligjuaminik aiktlirasuktailili. 19Aksualuk kappianarumaaqpuq arnanut nutaraksaqaqtunut mikijulaaniglu qiturngalingnut! 20Guutimut tuksiarissi qimaaviksasi ukiumi nalliutiqunagu Sapatimiluunniit. 21Kappianaqtuq tamanna ajjiqarrumaanngimmat atuqsimajatsinnit, silarjuup pigiarninganit ullumimut tikillugu, ajjiqarnianngilaq tamatuma kingurngagut. 22Ulluit taikkua Guutiup naigligianngippagit, nalliannigluunniit inungmik annaktuqarajanngilaq; niruaqsimajanili pijjutigillugit Guutiup ulluit naigligiarumaaqpait.
23“Nalliannut uqaujaugussi, ‘Takugit una tavva Christuusi!’ Uvvalu ‘Avani taika!’ Taimailijut ukpiriniarasigik. 24Christuusiuniraqtut sulinngittut, nalauttaijuuniraqtullu sulinngittut saqqittumaarmata; angijunik kamanaqtuliqattarlutik nalunaikkutarniglu saqqijaaqtitsiqattarumaarmata, tammaqtitsinasuarlutik, aglaat niruaqtausimajut ajurnanngippata tammaqtinnasuarlugit. 25Takugit, tamakkuninga uqautivassi sivuningagut, suli atulauqtinnagit.
26“Uvvalu, uqaujjaugussi, ‘Takugit, inuqanngittumiippuq,’ tauvunngaqtailigissi; uqaqpata, ‘Takugit, uvani iglurusirmi ijiqsimavuq,’ ukpiriniarasigik. 27Suurlu qilangmi qaummaallak ikaasuungungmat siqiniup nuivianit nipivianut, taimaittumaarivuq Inuup Irninga tikiliqpat.
28“Nanilimaaq tuqungajuqaliraangat, tingmiarjuat niqitusuut timivinirmut katisuunguvut.”
Inuup Irningata Tikinniksanga
Maakusi 13:24-27; Luukasi 21:25-28
29“Ulluit kappianaqtut kingunitsiangagut, siqiniq taaqsijumaaqpuq, taqqirlu qaumajunniirumaaqpuq, ulluriallu qilangmit katagumaaqput, silaup pijunnarningit inigijamingni sajukpilugumaaqput. 30Tavva Inuup Irningata nalunaikkutanga qilangmit saqqittumaaqpuq; inuit iluunnatsiatik nunarjuarmiittut qialirumaaqput, takulirutik Inuup Irninganik tikiliqtumik qilaup nuvujangitigut pijunnaqturjuamik niqturnaqturjuarmiglu. 31Tavva tittulautirjuat nipingit nillirumaaqput, aingiliqutini tilijumaaqpait nunarjualimaamut nunaup anuraarvigisuunginnut sitamanut, taakkua katiqsijumaaqput taassuma niruaqsimajanginnik nunaup isuanit isuanut.”
Ilisautiksaq Napaaqtuq Pigilingnik Paurngalik
Maakusi 13:28-31; Luukasi 21:29-33
32“Ilissivigilauqsiuk napaaqtuq paurngalik; avalangajungit piruliraangata tungujuqsillutik uqaujaqtaaqpallialiraangata, qaujimaliqpakpusi aujallarinngusingmat. 33Taimaaktauq, tamakkualimaat takulirussigik, qaujimaniaqpusi silarjuup isua qanittuulirmat, pigiatuinnariaqalirluni. 34Sulijumik uqautivassi, tamakkua nalliuttuksalimaat nalliutijumaaqput maanna kinguvaanguqatigiit makua nungulauqtinnagit. 35Qilaglu nunalu nungujumaaqpuuk; uqausikkali nungujumaanngilat.”
Kinamigluunnik Qaujimajuqanngilaq Ullunganik Ikarranganiglu
Maakusi 13:32-37; Luukasi 17:26-30,34-36
36“Kinamigluunniit qaujimajuqanngilaq, silarjuup naggatiksangata ullunganik ikarranganigluunniit; aingilit aglaat qilangmiittut qaujimannginnivut, Irniulluunniit qaujimannginnivaa, Ataatama kisimi qaujimavaa. 37Inuup Irningata tikivviksanga ajjiqarumaaqpuq, Nua inuutillugu piusirijaulauqtutitut. 38Ulivigjuap sivuningagut inuit nirilauqput imirlutiglu, nulianikput uiniglutiglu, ulluq Nuap itirvia umiarjuamut tikillugu; 39qaujimalaunngilat ulivigjuarmut tikitauqqaaratik tamarmik nungutaulauqput, taimaittumaarivuq Inuup Irningata tikivviksangani. 40Tamanna nalliutikpat angutiik marruuk piruqsiivingmiittumaaqpuuk; aippaa aullarujjaujumaaqpuq aippaali qimaktauluni. 41Arnaak marruuk niaquujaksanik siqqallititsivingmiittumaaqpuuk; aippaa aullarujjaujumaaqpuq, aippaali qimaktauluni. 42Taimaimmat qaujisatsiarissi, Atanisi tikivviksanga ulluq qaujimannginnassiuk. 43Una tukisisiuk; igluqaqtuq qaujimaguni tigliktiup tigligiaqturvigigajaqtanganik, taanna pigaarajaqpuq tiglikti itiqunagu igluminut. 44Taimaimmat ilissittauq upalungaiqsimajuksauvusi; Inuup Irninga tikittumaarmat ikarrami niriugviginngitassinni.”
Piji Suqusijuittuq Sangusaraitturlu
Luukasi 12:41-48
45“Kina suqusijuittuulluni silatullunilu pijiuvaa? Taanna angajuqqaangata angajuqqaanguqtitanga pijiuqatinginnut, niqiksanginnik tunisiqattaqullugu tunisiviksanga nalliutijaraangat. 46Taanna angijumik saimaqtitaunaqtumiippuq, tikitauguni angajuqqaaminut taimailiutsiaqtillugu! 47Sulijumik uqautivassi, taanna angajuqqaangata angajuqqaannguqtinniaqpaa piqutilimaaminut. 48Pijitsiavaunngitturli isumaliruni, ‘Angajuqqaara suli akunialuk tikijjaanngilaq,’ 49pijiuqatini aanniqsiliqpagit, niriqatiqalirluni imiqatiqarlunilu aangajaaqtinik. 50Tavva pijiup angajuqqaanga tikikkajaqpuq ullungmi taassuma niriugviginngitangani ikarramilu qaujimanngitangani. 51Tavva angajuqqaangata sugiarlugu igikkajaqpaa, takkurmuuqtut sugiaqtauvigijanganut; tavvani qianiqarajaqput aglirulaarlutik.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.