Maatiusiup Aglangit 25
25
Arnait Qulit Silatujut Silaittullu
1“Guutiup Ataniuvinga ajjiqarunnaqpuq arnanik qulinik naniruamingnik naksarlutik uiksamik parriaqtunik. 2Taakkua tallimat silaittuuvut, tallimallu silatullutik. 3Silaittut naniruamingnik naksaqput, uqsuksaggiratik, 4silatujulli naniruamingnik uqsuksamingniglu naksaqput. 5Uiksaq tikinnasaalirmat, arnait najangaqattaliqput sinilirlutik.
6“Unnuaq qitiraliqtillugu nipiqaqtuqaliqpuq, ‘Takugit uiksaq tikiliqpuq! Qailirissi parriarlugu.’ 7Arnalimaat tupakkamik naniruamingnik ikitsivut. 8Silaittut silatujunut uqaqput, ‘Uqsuksassinnit tunisivigitigut, naniruavut palilirmata.’ 9Silatujulli kiuvut, ‘Uqsuksavut amigatuinnariaqarmata avigasukkutigu; niuvirvingnut uqsuksassinniq nangminiq niuvirialirissi.’ 10Arnait silaittut niuviriaqsimaliqtillugit; uiksaq tikippuq, arnait tallimat upalungaiqsimajut katititaujut nirivigjuarvinganut itiqatigivaat; ukkuangat tavva ukkuaqtauvuq.
11“Kinguningagulli arnait ilangit tikipput, uqarlutik, ‘Ataniq! Ataniq! Ukkuirutitigut.’ 12Uiksaulli kiuvait, ‘Sulijumik uqautivassi, kinakkuungmangaassi ilitarinngilassi!’
13“Taimaimmat qaujisarissi, ulluq ikarrarlu qaujimannginnassiuk.”
Ajjiujut Pijiit Pingasut
Luukasi 19:11-27
14“Guutiup Ataniuvinga ajjiqarunnarivuq angummik angirraminik qimainialiqtumik ungasiktumut aullarniaqtumik; pijini qaiquvait piqutilimaaminut kamajiuqullugit angajuqqaannguqtippait; 15atuni pijunnaqtanginnik pijaksaqtaaqtippait; ilangat kiinaujanik 5,000-nik tunisivigivaa, ilangallu 2,000-nik, ilangallu 1,000-nik tunisivigivaa. Tavva ungasiktumut aullaqpuq. 16Piji kiinaujaqtaaqtitaujuq 5,000-nik tavvainnaq atuqtuaqtautippait; kinguningagullu kiinaujaqtaakkanniqpuq asinginnik 5,000-nik. 17Taimaatsainnaq piji kiinaujaqtaalauqtuq 2,000-nik kiinaujaqtaakkannirivuq asinginni 2,000-nik. 18Pijili kiinaujaqtaaqtitaulauqtuq 1,000-nik, nunamik itiqsaliurilluni angajuqqaangata kiinaujangit ijiqpait.
19“Tamatuma kinguningagut akuni nipamalaurluni pijit angajuqqaangat utiqpuq, kiinaujanginnik qaujisaqatigiliqpait. 205,000-nik kiinaujaqtaalauqtuq qaivuq, asinginnik 5,000-kannirnik tunisivuq, uqarluni, ‘Angajuqqaak, kiinaujanik 5,000-nik tunisivigilauravinga, takugit, 5,000-nik ilakkannilauqpakka.’ 21Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit; qailutit angajuqqaat quviasuqatigiliruk.’ 22Tavva piji kiinaujanik 2,000-nik tunisiviusimajuq qaigivuq uqarluni, ‘Angajuqqaak, kiinaujanik 2,000-nik tunisivigilauravinga; takugit 2,000-kannirnik ilakkannilauqpakka.’ 23Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit. Qailutit angajuqqaat quviasuqatigiliruk.’ 24Tavva piji kiinaujaqtaalauqtuq 1,000-nik qaigivuq, uqarluni; ‘Angajuqqaak, qaujimagakkit iliranaqtutit; piruqtunik katiqsuivakkavit kanngaqsulaunngitarnik, niaquujaksaniglu katiqsuivaglutit kanngaqsuutigilaunngitarnik. 25Sivuuralirama, kiinaujait ijiriaqtulauqpara nunamut. Takugit, tavva piqutitit pilikkit.’ 26Angajuqqaangata uqautivaa, ‘Pijitsiavaunngittutit iqiasuktutit! Qaujigavinga piruqtunik katiqsuivakkama kanngaqsulaunngitannik, niaquujaksaniglu katiqsuigama kanngaqsuutigilaunngitannik? 27Taimali kiinaujaqutikka kiinaujakkuvingmut iligajalauraluaqpatit qiturngiuqtuksaliarilugit, tikikkumalu nangminikka tigulirajaqpakka ilaqaliqtillugit. 28Taimaimmat kiinaujait pisimajangit tigujaulirlit, tunijaulutit 10,000-nik kiinaujaqaqtumut. 29Piqaqtut tunisiviukkannirniaqput, piqalualiqullugit; piqanngittulli, aqsaaqtauniaqput mikijumik pisimagaluaqpata. 30Taanna piji atuutiksaqanngittuq igitaulirli silamut taaqturjuarmut; tavvani qianiqarumaaqput aglirulaarlutiglu.’”
Iqqaqtuqtauniq Kingulliqpaaq
31“Inuup Irninga angajuqqaarjuanguluni tikikkuni, aingililimaat ilagilugit, iksivautarjuarminut pinnarnaqturjuarmut ingittumaaqpuq. 32Inuuqatigiigjuanit tamainnit pisimajut saanganut katiqsuqtaujumaaqput, tavvani avitittumaaqpait marruililugit suurlu siipiliriji avititsivangmat siipinik guutsiniglu. 33Siipit taliqpingminuarumaaqpait, guutsilli saumingminuaqtillugit. 34Tavva angajuqqaarjuaq taliqpingminiittunut uqarumaaqpuq, ‘Qaigissi, Ataatama nagliktangit, Ataniuvik kingurngutiliqsiuk upalungaijaqtausimajuq ilissinnut nunarjuap pinnguqtitaulirninganit; 35kaaktillunga niritilaurassinnga, imiruktillunga imiqtilaurassinnga, niurruangutillunga tunngasuktilaurassinnga. 36Annuraaqanngitillunga annuraaqtilaurassinnga, qanimatillunga pulaarialaurassinnga, tigujausimavingmiitillunga upalaurassinnga.’ 37Tavva iluaqtut kiujumaaqpaat, ‘Ataniq, qanga kaaktillutit niritilauqpattigit qangalu imiruktillutit imiqtilauqpattigit? 38Qangalu niurruangutillutit tunngasuktilauqpattigit, qangalu annuraaqaqtinnak annuraaqtilauqpattigit? 39Qangaluunniit qanimatillutit tigujausimavingmiitillutilluunniit takulauqpattigit pulaalauqpattigillu?’ 40Tavva angajuqqaarjuap kiujumaaqpait, ‘Sulijumik uqautivassi, qatanngutima mikinniqpaarijanginnut pinasuarviqaraangassi, tamatuminga pinasuarvigilauqpassinnga!’
41“Tavva saumingminiittunut uqarumaarivuq, ‘Tamaaniinngilaurissi Guutimut narrunaqtusi, ikumarjuarmut nungusuittumuarissi upalungairutausimajumut Saataanasimut aingiliqutinginnullu; 42kaaktillunga niritilaunnginnassinnga, imiruktillunga imiqtilaunginnassinnga; 43niurruangutillunga tunngasuktilaunnginnassinnga, annuraaqaqtinnanga annuraaqtilaunnginnassinnga; qanimatillunga tigujausimavingmiitillunga pulaarialaunnginnassinnga.’ 44Tavva taakkua kiujumaarivaat, ‘Ataniq, qanga takulauqpattigit kaaktillutit imiruktillutillu niurruangutillutit annuraaqanngitillutillu qanimatillutit tigujausimavingmiitillutilluunniit, ikajulaunngilattigit?’ 45Tavva kiujumaaqpait, ‘Sulijumik uqautivassi, mikinniqpaujut pinasuarviginnginnassiuk, tavva uvannik pinasuarviqalaunngilasi.’ 46Taakkua sugiaqtauvingmut nungusuittumut pititaujumaaqput, iluaqtulli inuusirmut nungusuittumut pititauliqtillugit.”
Tällä hetkellä valittuna:
Maatiusiup Aglangit 25: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maatiusiup Aglangit 25
25
Arnait Qulit Silatujut Silaittullu
1“Guutiup Ataniuvinga ajjiqarunnaqpuq arnanik qulinik naniruamingnik naksarlutik uiksamik parriaqtunik. 2Taakkua tallimat silaittuuvut, tallimallu silatullutik. 3Silaittut naniruamingnik naksaqput, uqsuksaggiratik, 4silatujulli naniruamingnik uqsuksamingniglu naksaqput. 5Uiksaq tikinnasaalirmat, arnait najangaqattaliqput sinilirlutik.
6“Unnuaq qitiraliqtillugu nipiqaqtuqaliqpuq, ‘Takugit uiksaq tikiliqpuq! Qailirissi parriarlugu.’ 7Arnalimaat tupakkamik naniruamingnik ikitsivut. 8Silaittut silatujunut uqaqput, ‘Uqsuksassinnit tunisivigitigut, naniruavut palilirmata.’ 9Silatujulli kiuvut, ‘Uqsuksavut amigatuinnariaqarmata avigasukkutigu; niuvirvingnut uqsuksassinniq nangminiq niuvirialirissi.’ 10Arnait silaittut niuviriaqsimaliqtillugit; uiksaq tikippuq, arnait tallimat upalungaiqsimajut katititaujut nirivigjuarvinganut itiqatigivaat; ukkuangat tavva ukkuaqtauvuq.
11“Kinguningagulli arnait ilangit tikipput, uqarlutik, ‘Ataniq! Ataniq! Ukkuirutitigut.’ 12Uiksaulli kiuvait, ‘Sulijumik uqautivassi, kinakkuungmangaassi ilitarinngilassi!’
13“Taimaimmat qaujisarissi, ulluq ikarrarlu qaujimannginnassiuk.”
Ajjiujut Pijiit Pingasut
Luukasi 19:11-27
14“Guutiup Ataniuvinga ajjiqarunnarivuq angummik angirraminik qimainialiqtumik ungasiktumut aullarniaqtumik; pijini qaiquvait piqutilimaaminut kamajiuqullugit angajuqqaannguqtippait; 15atuni pijunnaqtanginnik pijaksaqtaaqtippait; ilangat kiinaujanik 5,000-nik tunisivigivaa, ilangallu 2,000-nik, ilangallu 1,000-nik tunisivigivaa. Tavva ungasiktumut aullaqpuq. 16Piji kiinaujaqtaaqtitaujuq 5,000-nik tavvainnaq atuqtuaqtautippait; kinguningagullu kiinaujaqtaakkanniqpuq asinginnik 5,000-nik. 17Taimaatsainnaq piji kiinaujaqtaalauqtuq 2,000-nik kiinaujaqtaakkannirivuq asinginni 2,000-nik. 18Pijili kiinaujaqtaaqtitaulauqtuq 1,000-nik, nunamik itiqsaliurilluni angajuqqaangata kiinaujangit ijiqpait.
19“Tamatuma kinguningagut akuni nipamalaurluni pijit angajuqqaangat utiqpuq, kiinaujanginnik qaujisaqatigiliqpait. 205,000-nik kiinaujaqtaalauqtuq qaivuq, asinginnik 5,000-kannirnik tunisivuq, uqarluni, ‘Angajuqqaak, kiinaujanik 5,000-nik tunisivigilauravinga, takugit, 5,000-nik ilakkannilauqpakka.’ 21Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit; qailutit angajuqqaat quviasuqatigiliruk.’ 22Tavva piji kiinaujanik 2,000-nik tunisiviusimajuq qaigivuq uqarluni, ‘Angajuqqaak, kiinaujanik 2,000-nik tunisivigilauravinga; takugit 2,000-kannirnik ilakkannilauqpakka.’ 23Angajuqqaangata uqautivaa, ‘Naammagivagit pijiullutit pinasuatsiaqtutit suqusijuittuugavit; kiinaujanik mikijunik suqusijuittuullutit kamatsialauravit, maanna kiinaujanik anginiqsanik kamajinnguqtinniaqpagit. Qailutit angajuqqaat quviasuqatigiliruk.’ 24Tavva piji kiinaujaqtaalauqtuq 1,000-nik qaigivuq, uqarluni; ‘Angajuqqaak, qaujimagakkit iliranaqtutit; piruqtunik katiqsuivakkavit kanngaqsulaunngitarnik, niaquujaksaniglu katiqsuivaglutit kanngaqsuutigilaunngitarnik. 25Sivuuralirama, kiinaujait ijiriaqtulauqpara nunamut. Takugit, tavva piqutitit pilikkit.’ 26Angajuqqaangata uqautivaa, ‘Pijitsiavaunngittutit iqiasuktutit! Qaujigavinga piruqtunik katiqsuivakkama kanngaqsulaunngitannik, niaquujaksaniglu katiqsuigama kanngaqsuutigilaunngitannik? 27Taimali kiinaujaqutikka kiinaujakkuvingmut iligajalauraluaqpatit qiturngiuqtuksaliarilugit, tikikkumalu nangminikka tigulirajaqpakka ilaqaliqtillugit. 28Taimaimmat kiinaujait pisimajangit tigujaulirlit, tunijaulutit 10,000-nik kiinaujaqaqtumut. 29Piqaqtut tunisiviukkannirniaqput, piqalualiqullugit; piqanngittulli, aqsaaqtauniaqput mikijumik pisimagaluaqpata. 30Taanna piji atuutiksaqanngittuq igitaulirli silamut taaqturjuarmut; tavvani qianiqarumaaqput aglirulaarlutiglu.’”
Iqqaqtuqtauniq Kingulliqpaaq
31“Inuup Irninga angajuqqaarjuanguluni tikikkuni, aingililimaat ilagilugit, iksivautarjuarminut pinnarnaqturjuarmut ingittumaaqpuq. 32Inuuqatigiigjuanit tamainnit pisimajut saanganut katiqsuqtaujumaaqput, tavvani avitittumaaqpait marruililugit suurlu siipiliriji avititsivangmat siipinik guutsiniglu. 33Siipit taliqpingminuarumaaqpait, guutsilli saumingminuaqtillugit. 34Tavva angajuqqaarjuaq taliqpingminiittunut uqarumaaqpuq, ‘Qaigissi, Ataatama nagliktangit, Ataniuvik kingurngutiliqsiuk upalungaijaqtausimajuq ilissinnut nunarjuap pinnguqtitaulirninganit; 35kaaktillunga niritilaurassinnga, imiruktillunga imiqtilaurassinnga, niurruangutillunga tunngasuktilaurassinnga. 36Annuraaqanngitillunga annuraaqtilaurassinnga, qanimatillunga pulaarialaurassinnga, tigujausimavingmiitillunga upalaurassinnga.’ 37Tavva iluaqtut kiujumaaqpaat, ‘Ataniq, qanga kaaktillutit niritilauqpattigit qangalu imiruktillutit imiqtilauqpattigit? 38Qangalu niurruangutillutit tunngasuktilauqpattigit, qangalu annuraaqaqtinnak annuraaqtilauqpattigit? 39Qangaluunniit qanimatillutit tigujausimavingmiitillutilluunniit takulauqpattigit pulaalauqpattigillu?’ 40Tavva angajuqqaarjuap kiujumaaqpait, ‘Sulijumik uqautivassi, qatanngutima mikinniqpaarijanginnut pinasuarviqaraangassi, tamatuminga pinasuarvigilauqpassinnga!’
41“Tavva saumingminiittunut uqarumaarivuq, ‘Tamaaniinngilaurissi Guutimut narrunaqtusi, ikumarjuarmut nungusuittumuarissi upalungairutausimajumut Saataanasimut aingiliqutinginnullu; 42kaaktillunga niritilaunnginnassinnga, imiruktillunga imiqtilaunginnassinnga; 43niurruangutillunga tunngasuktilaunnginnassinnga, annuraaqaqtinnanga annuraaqtilaunnginnassinnga; qanimatillunga tigujausimavingmiitillunga pulaarialaunnginnassinnga.’ 44Tavva taakkua kiujumaarivaat, ‘Ataniq, qanga takulauqpattigit kaaktillutit imiruktillutillu niurruangutillutit annuraaqanngitillutillu qanimatillutit tigujausimavingmiitillutilluunniit, ikajulaunngilattigit?’ 45Tavva kiujumaaqpait, ‘Sulijumik uqautivassi, mikinniqpaujut pinasuarviginnginnassiuk, tavva uvannik pinasuarviqalaunngilasi.’ 46Taakkua sugiaqtauvingmut nungusuittumut pititaujumaaqput, iluaqtulli inuusirmut nungusuittumut pititauliqtillugit.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.