Maatiusiup Aglangit 26
26
Jiisusiup Tuqutaksanguqtitauninga
Maakusi 14:1-2; Luukasi 22:1-2; Juanasi 11:45-53
1Jiisusili tamakkuninga ajuriqtuijjutigijaminik pijariirami, ilinniaqtiminut uqaqpuq, 2“Qaujimavusi ulluuk marruuk aniguqpatik Qaangiqtauvingmik nalliunniqsiurviunialirmat, Inuup Irninga tunijaulaaqpuq kikiaktuqtauqullugu.”
3Taissumani tunirrusiqtitsijit angajuqqaangit Juutillu angajuqqangit katinngaliqput, Kaiapaasiup iglurjuangani tunirrusiqtitsijit angajuqqaammaringatta, 4Jiisusimik tigusijumallutik isumaqatigiikput qaujijauttailillutik tuqutautittumallugu. 5Imaak uqaqatigiikput, “Nalliunniqsiurnautillugu tigujariaqanngilavut, inuit uimajaaluaqunagit.”
Jiisusiup Nunami Pitanimi Uqsuqtiqtauninga Tipitsiariktumut
Maakusi 14:3-9; Juanasi 12:1-8
6Jiisusili Pitanimiitillugu Saimuuniup iglungani, kappiagijaujumik paqtilauqtumi. 7Arnamit upaktauvuq pullaujarmik akitujumik tipitsiariksaummik naksaqtumit, taassuma Jiisusiup niaquanut kuvivaa nirivingmiitillugu. 8Ilinniaqtingitali tamanna takugamijjuk, angijumik akauksarunniiqput uqarlutik, “Sungmat atunngittumut atuqtauvaa? 9Taanna tipitsiariksaut niurrutaugajaruni kiinaujaqtaarutaugajaqpuq unuqtualungnik, tunijaungaarlutik ajuqsaqtunut!”
10Jiisusiulli qaujimagamigit, uqautivait, “Sungmat arnaq agviarasuaqpisiuk? Taassuma piujumik naammatsiaqtumiglu piniarvigivaanga. 11Taimanngalimaaq ajuqsaqtunik najuqtiqainnarniaqpusi, kisianili uvannik najuqtiqainnarnianngilasi. 12Taassuma arnaup timinnut tipitsiariksaummik kuvisinirminut upalungaijaqpaanga iluviqtauniksannut. 13Sulijumik uqautivassi, nanituinnalimaaq nunarjuarmi uqausit tusaruminaqtut uqausiuliraangata, taassuma arnaup piniarnirijanga uqausiuqattarumaaqpuq iqqaumajaujjutigilugu.”
Juutasiup Angirninga Jiisusimik Pijautitsijumalluni
Maakusi 14:10-11; Luukasi 22:3-6
14Tavva ilinniaqtit 12 ilangat, Juutasi Iskariatimik atilik, tunirrusiqtitsijit angajuqqaanginnuaqpuq 15apirilluni, “Sunamik uvannut tunisigajaqpisi Jiisusi ilissinnut pijautikukku?” Taakkua 30-nik siulvirinik tunisivut Juutasimut. 16Tavvanngat pigiarluni Juutasi piviksaqsiuliqpuq Jiisusimik pijauktitsiviksaminik tunirrusiqtitsijinut.
Jiisusiup Ilinniaqtiminik Niriqatiqarninga Qaangiqtauvikksiutimik
Maakusi 14:12-21; Luukasi 22:7-14,21-23; Juanasi 13:21-30
17Puvallaqqutiqanngittunik niaquujaqturviup ullungita sivulliqpaangani ilinniaqtingit Jiisusimuarlutik apirivaat, “Nani atuinnaruiquvitiguut Qaangiqtauvingmik niriqatigiigviksattinnik?”
18Jiisusiup uqautivait, “Iglugasangnut ailirissi, angummut tavvaniittumut uqarlusi: ‘Ajuriqtuiji uqarmat, piviksara nalliutingmat; iglungni Qaangiqtauvingmik niriqatigiingniaqpugut ilinniaqtikka ilagilugit.’”
19Ilinniaqtingit taimailiuqput Jiisusiup uqausirijangatut, aaqqiksuillutik Qaangiqtauvingmik niriqatigiigviksamik.
20Unnungmat, Jiisusi ilinniaqtini 12 niriqatigiglutik iksivaliqput; 21nirilutik, Jiisusiup uqautivait, “Sulijumik uqautivassi, ilassinnut pijautitauniaqpunga.”
22Ilinniaqtingilli qiksaammarilirlutik Jiisusimut atunit apiriqattaliqput, “Ataniq, uvannik pinngikkaluaqpit?”
23Jiisusiup kiuvait, “Niaquujamik puugutarmut misuksiqatigijama, taassuma pijauktinniaqpaanga. 24Inuup Irninga pinasuarviuniaqpuq Guutiup uqausinginni uqausiusimaninga maliglugu, kappiannamigli Inuup Irninganik pijautitsiniaqtuq! Akauniqsaugajalauqpuq taanna irniangulaungikkuni!” 25Juutasilu pijaukkainiaqtuq uqaqpuq, “Raappai#26:25 Raappai ajjilik ajuriqtuiji uvannik pinngikkaluaqpit?” Jiisusiup uqautivaa, “Tavva uqariiqputit.”
Ataniup Unnugummitarninga
Maakusi 14:22-26; Luukasi 22:14-20; 1 Kurinti 11:23-25
26Suli niriqatigiiglutik, Jiisusi niaquujamik tigusivuq, qujalilluni tuksiutigamiuk, niaquujaq avikpaa, ilinniaqtiminut tunillugu uqaqpuq, “Tigulugu nirisiuk, tavva timiga.”
27Amma imiut tiguvaa, qujalijjutigijariiramiuk ilinniaqtiminut tunivaa, uqarluni, “Tamassi tavvanngat imirissi; 28tavva auga angirutiup nalunaikkutanga, kuvijaujuq amisut ajurningita isumagijaujunnaiqtaujjutiksanginnut. 29Uqauppassi uainimik imikkannirniarunniiqpunga ulluq nalliutiqqaaqtinnagu nutaamik imiqatigiigviksavut Ataatama Ataniuvingani.”
30Pisirmik inngiriiramik, tavvanngat anivut qaqqamut napaaqtulingmut uqsuksaujunnaqtunik paurngaqasuumut.
Jiisusiup Uqausiqarninga Piitturuusimut Saglujjutauniarnirminik
Maakusi 14:27-31; Luukasi 22:31-34; Juanasi 13:36-38
31Tavva Jiisusiup uqautivait, “Maanna unnuk tamassi qimaaniaqpusi qimaglusinnga; aglangni uqaqsimangmat, ‘Paiqsiji tuqunniaqpara, siipiqutingillu namutuinnaq siammangniaqput.’ 32Tuqungajunilli makisimaliruma, sivunissinni Galiliamualaaqpunga.”
33Piitturuusiup uqautivaa, “Ukualimaat ilingnik qimaigaluaqpata, uvanga qimalauqsimanianngilagit!”
34Jiisusiup uqautivaa, “Sulijumik uqautivagit, maanna unnuk, angutiviaq nilliqqaaqtinnagu, pingasuiqturlutit qaujimannginnirarniaqparma.”
35Piitturuusiup kiuvaa, “Tuquqatiginiaraluarukkit aglaat qaujimannginnirarnianngilagit.”
Ilinniaqtittauq taimailiqataugivut.
Jiisusiup Tuksiarninga Gitsimanimi
Maakusi 14:32-42; Luukasi 22:39-46
36Tavva Jiisusiup ilinniaqtini ilagillugit Gitsimanimuaqput, ilinniaqtini uqautivait, “Tavvani iksivagissi, avunga qanittumut tuksiariaqturniarama.” 37Ukua ilagilauqpait Piitturuusi Sipitiullu irningik marruuk, tavva Jiisusi qiksaangnirmut angijurjuamut uqumaiksarnirmullu tikitauvuq. 38Ilagijani uqautivait, “Tarnikkut angijumik uqumaiksarnirmut tikitaugama, aglaat tuqutuinnariaqaqtuujaalirama; tavvaniigissi qaujisaqatigilunga.”
39Tauvunngakkannituinnaqtluni maniqqamut paammagluni tuksiaqpuq, “Ataataak, ajurnanngippat, una imiut uvannit piilauruk! Pijumajaraunngitturli, pijumajailli aturli.”
40Ilinniaqtiminut pingasunut utirami; siniktut upakpait; Piitturuusi uqautivaa, “Qaujisaqatigijunnanngilassinngaa ikarramik atausirmingunnit? 41Qaujisarisi tuksiarlusilu piunngittumut pijumisaaqtaunirmut tikiqunasi; anirniq pijumatsiaraluaqpuq, timili sanngiippuq.”
42Suli aippanganik, Jiisusi tuksiariaqtukkanniqpuq uqarluni, “Ataataak, una imiut uvannit piirunnanngippat imirlugu kisianiukpat, pijumajait aturli.” 43Ilaminut utirmigami; siniktut upakpait; aglaat uisajunnaillilaurmata uirngarnirmut.
44Tavva qimakkillugit, pingajungannik tuksiariaqturivuq, uqausirnik taakkuningatsainnaq aturluni. 45Tavva kinguningagut ilinniaqtiminut utirami uqautivait, “Suli sinikpisi taqaiqsirlusilu? Takugit, ikarraq nalliutivuq; Inuup Irningata pijaukkaqtauvinga inungnut ajuqtulijunut tigujauluni. 46Makillusi, pisuliqta; takugit, angut uvannik pijautitsijuq tikiliqpuq.”
Jiisusiup Tigujauninga
Maakusi 14:43-50; Luukasi 22:47-53; Juanasi 18:3-12
47Jiisusi suli uqallaktillugu, Juutasi ilinniaqtit 12 ilangat, tikippuq, ilaqarluni inugasagjuanik sugiusijaqtunik savigjuanik anautaniglu, tilijausimajunik tunirrusiqtitsijit angajuqqaanginnut, Juutillu angajuqqaanginnut. 48Pijautitsijuuq inugasagjuat qaujijjutiksanginnik uqautisimavait, “Angut kuniktara, taannauniaqpuq pijumajasi; taanna tiguniaqpasi!”
49Juutasi Jiisusimut upagutilluni#26:49 Aitsuni uqautivaa, “Raappai, saimmaqtitaugit!” Iqillugulu kunikpaa.
50Jiisusiup kiuvaa, “Ilannarijaak,#26:50 “Ilannarijaak, tukiqarunnarmijuq sungmat tamaunngaqpit?” pijariaqaqtarnik pilirit.” Tavva angutit upagutillutik Jiisusi tiguvaat, atsungirlugu. 51Jiisusiulli ilagijangita ilangat savigjuarmik amusilluni, tunirrusiqtitsijit angajuqqaammaringatta pijinga siutingagut ulimaqpaa, siutinga nakallugu. 52Tavva Jiisusiup uqautivaa, “Savigjuat puunganut utiqtiliruk; savigjuarmik atuqtulimaat savigjuarmut tuqujurmaaqput. 53Qaujimanngilatiit Ataataga ikajuqtaujumalunga uqautigukku, tavvainnaq tilisijunnarmat aingilinik 12-liqangajunik Lijjannik#26:53 Lijjan tukiqaqpallaingmijuq 6,000-nik unataqtuksagasangnik immiguunaaqtirlutik aviktuqsimajunik 12-nik unurniqsaujunik? 54Taimaititsigumali, qanuq Guutiup uqausingit nalautsigajaqpaat, tamanna piniarnirijaujuq taimaitsariaqarnirarlugu uqaqsimajut?”
55Tavva Jiisusi uqaqpuq inugasagjuanut, “Savigjualijarlusi anautalijarlusilu uvannut qaijariaqaqpisi tigujauqullunga, pirajaksimajutitut? Qautamaat tuksiarvigjuarmi iksivaarlunga ajuriqtuiqaqtalauqpunga, tiguqattalaunngilassinnga. 56Tamakkualimaat piniarniuvut, nalauttaijuup uqausirilauqtangit nalautsititauqullugit.” Ilinniaqtilimaangittali Jiisusi qimappaat qimaallutik.
Katimajirjuat Saanganiititauninga Jiisusiup
Maakusi 14:53-65; Luukasi 22:54-55,63-71; Juanasi 18:13-14,19-24
57Tavva Jiisusimik tigusijut Kaiapaasiup iglunganuarutivaat, tunirrusiqtitsijit angajuqqaammaringanut, tavvani piqujanik ilisaijit, Juutinullu angajuqqaujut katinngaqatigiingmata. 58Piitturuusili ungasigijaaniilluni malikpuq, tunirrusiqtitsijit angajuqqaammaringata iglungata avaluata iluanut tikilluni, tavvunngalu tikinnami kamajinut iksivaqatauliqpuq, qaujisarasuarluni Jiisusi qanuiliuqtauniarmangaat. 59Tunirrusiqtitsijilli angajuqqaangit katimajirjualimaallu saglullutik pijjutiksaqsiurasuaqput Jiisusimik tuqutautitsijumallutik; 60nanisijunnanngilalli pijjutiksamingnik, amisut saglullutik uqarasuqattaraluaqput, nanisijunnaratigli pijjutiksallaringmik. Kingulliqpaamigli inuuk marruuk tamaunngarivuuk 61uqarlutik, “Una angut uqalauqtuq, ‘Guutiup tuksiarvigjuaqutinga siqumittunnaqpara, ulluilli pingajuanni utiqtillugu nappaqtittunnarivara.’”
62Tunirrusiqtitsijit angajuqqaammaringa nikuvilluni Jiisusimut uqaqpuq, “Tamakkununga pasijaujjutigijarnut kiujjutiksaqanngilatit?” 63Jiisusili nillinngilaq. Tavva tunirrusiqtitsijit angajuqqaammaringatta uqarvigikkanniqpaa, “Guutiup tuqusuittuup atingani uqaqullariliqpagit, uqautilauqtigut Christuusiungmangaaqpit, Guutiup Irninga.”
64Jiisusiup kiuvaa, “Tavva uqaqputit. Tamassili uqautivassi, tamatuma kingurngani Inuup Irninga takujumaaqpasi pijunnarniup taliqpiani iksivajuq, qilaullu nuvujangitigut tikiliqtillugu.”
65Tavva tunirrusiqtitsijit angajuqqaammaringa tamatuminga tusarami annuraani alikpait uqarluni, “Guutimik uqarnirluutiqaqpuq! Qaujisimajumik tusakkanniriaqarunniiqpugut, tavva tusaaqpasi Guutimik uqarnirluutiqaqtillugu. 66Qanurli isumavisi?”
Taakkua kiuvaat, “Pasijaksaunirmut tuqutaksauvuq.”
67Tavva Jiisusi kiinangagut tivvulukpaat, tigluglugulu; ilangitali kiinangagut patikpaat, 68uqautillugu, “Nalauttaliqtigut Christuusi! Kinamuut tigluktauvit!”
Piitturuusiup Jiisusimik Qaujimannginnirarninga
Maakusi 14:66-72; Luukasi 22:56-62; Juanasi 18:15-18,25-27
69Piitturuusi iksivalauqpuq tunirrusiqtitsijit angajuqqaammaringatta iglungata avaluata iluani. Tunirrusiqtitsijillu angajuqqaammaringata pijingata arnaup upagluniuk uqautivaa, “Ivvittauq Jiisusi Galiliamiuq ilagilauqpat.”
70Taakkua tavvaniittulimaat tusaatillugit, Piitturuusi qaujimannginniraqpuq, uqarluni, “Qaujimanngilanga uqausirijarnik.” 71Tavvanngat aniliqtillugu, pijikataattauq arnaup uqaqqaujuup asiata takugamiuk, qanigijaminiittunut uqaqpuq, “Una Jiisusimik Naasariitimiumik ilaqalauqtuq.”
72Piitturuusi qaujimannginnirarluni uqarivuq, “Sulitsiaqpunga angut taanna qaujimanngimmarikpara!”
73Akuniuluaqtinnagu nangiqtut ilangatta Piitturuusi upaglugu, uqautivaa, “Taakkunangat ilagijauvutit, uqallausiqpit nalunailingmatit!”
74Tavva Piitturuusi uqaqpuq, uqavigasuarluni, “Sulillarikpunga Guutiup sugiarniaqpaanga sulinngikkuma! Una angut qaujimanngitsiaqtara!”
Tavvainnaq angutiviaq nilliqpuq, 75Piitturuusi iqqailiqpuq Jiisusiup uqautilaurmagu, “Angutiviaq nilliqqaaqtinnagu, pingasuiqturlutit qaujimannginniralaaqparma.” Piitturuusi tavvanngat anilluni, qiavigjualiqpuq ugguarnirmut.#26:75 Ilaniunngittuuqsuni
Tällä hetkellä valittuna:
Maatiusiup Aglangit 26: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maatiusiup Aglangit 26
26
Jiisusiup Tuqutaksanguqtitauninga
Maakusi 14:1-2; Luukasi 22:1-2; Juanasi 11:45-53
1Jiisusili tamakkuninga ajuriqtuijjutigijaminik pijariirami, ilinniaqtiminut uqaqpuq, 2“Qaujimavusi ulluuk marruuk aniguqpatik Qaangiqtauvingmik nalliunniqsiurviunialirmat, Inuup Irninga tunijaulaaqpuq kikiaktuqtauqullugu.”
3Taissumani tunirrusiqtitsijit angajuqqaangit Juutillu angajuqqangit katinngaliqput, Kaiapaasiup iglurjuangani tunirrusiqtitsijit angajuqqaammaringatta, 4Jiisusimik tigusijumallutik isumaqatigiikput qaujijauttailillutik tuqutautittumallugu. 5Imaak uqaqatigiikput, “Nalliunniqsiurnautillugu tigujariaqanngilavut, inuit uimajaaluaqunagit.”
Jiisusiup Nunami Pitanimi Uqsuqtiqtauninga Tipitsiariktumut
Maakusi 14:3-9; Juanasi 12:1-8
6Jiisusili Pitanimiitillugu Saimuuniup iglungani, kappiagijaujumik paqtilauqtumi. 7Arnamit upaktauvuq pullaujarmik akitujumik tipitsiariksaummik naksaqtumit, taassuma Jiisusiup niaquanut kuvivaa nirivingmiitillugu. 8Ilinniaqtingitali tamanna takugamijjuk, angijumik akauksarunniiqput uqarlutik, “Sungmat atunngittumut atuqtauvaa? 9Taanna tipitsiariksaut niurrutaugajaruni kiinaujaqtaarutaugajaqpuq unuqtualungnik, tunijaungaarlutik ajuqsaqtunut!”
10Jiisusiulli qaujimagamigit, uqautivait, “Sungmat arnaq agviarasuaqpisiuk? Taassuma piujumik naammatsiaqtumiglu piniarvigivaanga. 11Taimanngalimaaq ajuqsaqtunik najuqtiqainnarniaqpusi, kisianili uvannik najuqtiqainnarnianngilasi. 12Taassuma arnaup timinnut tipitsiariksaummik kuvisinirminut upalungaijaqpaanga iluviqtauniksannut. 13Sulijumik uqautivassi, nanituinnalimaaq nunarjuarmi uqausit tusaruminaqtut uqausiuliraangata, taassuma arnaup piniarnirijanga uqausiuqattarumaaqpuq iqqaumajaujjutigilugu.”
Juutasiup Angirninga Jiisusimik Pijautitsijumalluni
Maakusi 14:10-11; Luukasi 22:3-6
14Tavva ilinniaqtit 12 ilangat, Juutasi Iskariatimik atilik, tunirrusiqtitsijit angajuqqaanginnuaqpuq 15apirilluni, “Sunamik uvannut tunisigajaqpisi Jiisusi ilissinnut pijautikukku?” Taakkua 30-nik siulvirinik tunisivut Juutasimut. 16Tavvanngat pigiarluni Juutasi piviksaqsiuliqpuq Jiisusimik pijauktitsiviksaminik tunirrusiqtitsijinut.
Jiisusiup Ilinniaqtiminik Niriqatiqarninga Qaangiqtauvikksiutimik
Maakusi 14:12-21; Luukasi 22:7-14,21-23; Juanasi 13:21-30
17Puvallaqqutiqanngittunik niaquujaqturviup ullungita sivulliqpaangani ilinniaqtingit Jiisusimuarlutik apirivaat, “Nani atuinnaruiquvitiguut Qaangiqtauvingmik niriqatigiigviksattinnik?”
18Jiisusiup uqautivait, “Iglugasangnut ailirissi, angummut tavvaniittumut uqarlusi: ‘Ajuriqtuiji uqarmat, piviksara nalliutingmat; iglungni Qaangiqtauvingmik niriqatigiingniaqpugut ilinniaqtikka ilagilugit.’”
19Ilinniaqtingit taimailiuqput Jiisusiup uqausirijangatut, aaqqiksuillutik Qaangiqtauvingmik niriqatigiigviksamik.
20Unnungmat, Jiisusi ilinniaqtini 12 niriqatigiglutik iksivaliqput; 21nirilutik, Jiisusiup uqautivait, “Sulijumik uqautivassi, ilassinnut pijautitauniaqpunga.”
22Ilinniaqtingilli qiksaammarilirlutik Jiisusimut atunit apiriqattaliqput, “Ataniq, uvannik pinngikkaluaqpit?”
23Jiisusiup kiuvait, “Niaquujamik puugutarmut misuksiqatigijama, taassuma pijauktinniaqpaanga. 24Inuup Irninga pinasuarviuniaqpuq Guutiup uqausinginni uqausiusimaninga maliglugu, kappiannamigli Inuup Irninganik pijautitsiniaqtuq! Akauniqsaugajalauqpuq taanna irniangulaungikkuni!” 25Juutasilu pijaukkainiaqtuq uqaqpuq, “Raappai#26:25 Raappai ajjilik ajuriqtuiji uvannik pinngikkaluaqpit?” Jiisusiup uqautivaa, “Tavva uqariiqputit.”
Ataniup Unnugummitarninga
Maakusi 14:22-26; Luukasi 22:14-20; 1 Kurinti 11:23-25
26Suli niriqatigiiglutik, Jiisusi niaquujamik tigusivuq, qujalilluni tuksiutigamiuk, niaquujaq avikpaa, ilinniaqtiminut tunillugu uqaqpuq, “Tigulugu nirisiuk, tavva timiga.”
27Amma imiut tiguvaa, qujalijjutigijariiramiuk ilinniaqtiminut tunivaa, uqarluni, “Tamassi tavvanngat imirissi; 28tavva auga angirutiup nalunaikkutanga, kuvijaujuq amisut ajurningita isumagijaujunnaiqtaujjutiksanginnut. 29Uqauppassi uainimik imikkannirniarunniiqpunga ulluq nalliutiqqaaqtinnagu nutaamik imiqatigiigviksavut Ataatama Ataniuvingani.”
30Pisirmik inngiriiramik, tavvanngat anivut qaqqamut napaaqtulingmut uqsuksaujunnaqtunik paurngaqasuumut.
Jiisusiup Uqausiqarninga Piitturuusimut Saglujjutauniarnirminik
Maakusi 14:27-31; Luukasi 22:31-34; Juanasi 13:36-38
31Tavva Jiisusiup uqautivait, “Maanna unnuk tamassi qimaaniaqpusi qimaglusinnga; aglangni uqaqsimangmat, ‘Paiqsiji tuqunniaqpara, siipiqutingillu namutuinnaq siammangniaqput.’ 32Tuqungajunilli makisimaliruma, sivunissinni Galiliamualaaqpunga.”
33Piitturuusiup uqautivaa, “Ukualimaat ilingnik qimaigaluaqpata, uvanga qimalauqsimanianngilagit!”
34Jiisusiup uqautivaa, “Sulijumik uqautivagit, maanna unnuk, angutiviaq nilliqqaaqtinnagu, pingasuiqturlutit qaujimannginnirarniaqparma.”
35Piitturuusiup kiuvaa, “Tuquqatiginiaraluarukkit aglaat qaujimannginnirarnianngilagit.”
Ilinniaqtittauq taimailiqataugivut.
Jiisusiup Tuksiarninga Gitsimanimi
Maakusi 14:32-42; Luukasi 22:39-46
36Tavva Jiisusiup ilinniaqtini ilagillugit Gitsimanimuaqput, ilinniaqtini uqautivait, “Tavvani iksivagissi, avunga qanittumut tuksiariaqturniarama.” 37Ukua ilagilauqpait Piitturuusi Sipitiullu irningik marruuk, tavva Jiisusi qiksaangnirmut angijurjuamut uqumaiksarnirmullu tikitauvuq. 38Ilagijani uqautivait, “Tarnikkut angijumik uqumaiksarnirmut tikitaugama, aglaat tuqutuinnariaqaqtuujaalirama; tavvaniigissi qaujisaqatigilunga.”
39Tauvunngakkannituinnaqtluni maniqqamut paammagluni tuksiaqpuq, “Ataataak, ajurnanngippat, una imiut uvannit piilauruk! Pijumajaraunngitturli, pijumajailli aturli.”
40Ilinniaqtiminut pingasunut utirami; siniktut upakpait; Piitturuusi uqautivaa, “Qaujisaqatigijunnanngilassinngaa ikarramik atausirmingunnit? 41Qaujisarisi tuksiarlusilu piunngittumut pijumisaaqtaunirmut tikiqunasi; anirniq pijumatsiaraluaqpuq, timili sanngiippuq.”
42Suli aippanganik, Jiisusi tuksiariaqtukkanniqpuq uqarluni, “Ataataak, una imiut uvannit piirunnanngippat imirlugu kisianiukpat, pijumajait aturli.” 43Ilaminut utirmigami; siniktut upakpait; aglaat uisajunnaillilaurmata uirngarnirmut.
44Tavva qimakkillugit, pingajungannik tuksiariaqturivuq, uqausirnik taakkuningatsainnaq aturluni. 45Tavva kinguningagut ilinniaqtiminut utirami uqautivait, “Suli sinikpisi taqaiqsirlusilu? Takugit, ikarraq nalliutivuq; Inuup Irningata pijaukkaqtauvinga inungnut ajuqtulijunut tigujauluni. 46Makillusi, pisuliqta; takugit, angut uvannik pijautitsijuq tikiliqpuq.”
Jiisusiup Tigujauninga
Maakusi 14:43-50; Luukasi 22:47-53; Juanasi 18:3-12
47Jiisusi suli uqallaktillugu, Juutasi ilinniaqtit 12 ilangat, tikippuq, ilaqarluni inugasagjuanik sugiusijaqtunik savigjuanik anautaniglu, tilijausimajunik tunirrusiqtitsijit angajuqqaanginnut, Juutillu angajuqqaanginnut. 48Pijautitsijuuq inugasagjuat qaujijjutiksanginnik uqautisimavait, “Angut kuniktara, taannauniaqpuq pijumajasi; taanna tiguniaqpasi!”
49Juutasi Jiisusimut upagutilluni#26:49 Aitsuni uqautivaa, “Raappai, saimmaqtitaugit!” Iqillugulu kunikpaa.
50Jiisusiup kiuvaa, “Ilannarijaak,#26:50 “Ilannarijaak, tukiqarunnarmijuq sungmat tamaunngaqpit?” pijariaqaqtarnik pilirit.” Tavva angutit upagutillutik Jiisusi tiguvaat, atsungirlugu. 51Jiisusiulli ilagijangita ilangat savigjuarmik amusilluni, tunirrusiqtitsijit angajuqqaammaringatta pijinga siutingagut ulimaqpaa, siutinga nakallugu. 52Tavva Jiisusiup uqautivaa, “Savigjuat puunganut utiqtiliruk; savigjuarmik atuqtulimaat savigjuarmut tuqujurmaaqput. 53Qaujimanngilatiit Ataataga ikajuqtaujumalunga uqautigukku, tavvainnaq tilisijunnarmat aingilinik 12-liqangajunik Lijjannik#26:53 Lijjan tukiqaqpallaingmijuq 6,000-nik unataqtuksagasangnik immiguunaaqtirlutik aviktuqsimajunik 12-nik unurniqsaujunik? 54Taimaititsigumali, qanuq Guutiup uqausingit nalautsigajaqpaat, tamanna piniarnirijaujuq taimaitsariaqarnirarlugu uqaqsimajut?”
55Tavva Jiisusi uqaqpuq inugasagjuanut, “Savigjualijarlusi anautalijarlusilu uvannut qaijariaqaqpisi tigujauqullunga, pirajaksimajutitut? Qautamaat tuksiarvigjuarmi iksivaarlunga ajuriqtuiqaqtalauqpunga, tiguqattalaunngilassinnga. 56Tamakkualimaat piniarniuvut, nalauttaijuup uqausirilauqtangit nalautsititauqullugit.” Ilinniaqtilimaangittali Jiisusi qimappaat qimaallutik.
Katimajirjuat Saanganiititauninga Jiisusiup
Maakusi 14:53-65; Luukasi 22:54-55,63-71; Juanasi 18:13-14,19-24
57Tavva Jiisusimik tigusijut Kaiapaasiup iglunganuarutivaat, tunirrusiqtitsijit angajuqqaammaringanut, tavvani piqujanik ilisaijit, Juutinullu angajuqqaujut katinngaqatigiingmata. 58Piitturuusili ungasigijaaniilluni malikpuq, tunirrusiqtitsijit angajuqqaammaringata iglungata avaluata iluanut tikilluni, tavvunngalu tikinnami kamajinut iksivaqatauliqpuq, qaujisarasuarluni Jiisusi qanuiliuqtauniarmangaat. 59Tunirrusiqtitsijilli angajuqqaangit katimajirjualimaallu saglullutik pijjutiksaqsiurasuaqput Jiisusimik tuqutautitsijumallutik; 60nanisijunnanngilalli pijjutiksamingnik, amisut saglullutik uqarasuqattaraluaqput, nanisijunnaratigli pijjutiksallaringmik. Kingulliqpaamigli inuuk marruuk tamaunngarivuuk 61uqarlutik, “Una angut uqalauqtuq, ‘Guutiup tuksiarvigjuaqutinga siqumittunnaqpara, ulluilli pingajuanni utiqtillugu nappaqtittunnarivara.’”
62Tunirrusiqtitsijit angajuqqaammaringa nikuvilluni Jiisusimut uqaqpuq, “Tamakkununga pasijaujjutigijarnut kiujjutiksaqanngilatit?” 63Jiisusili nillinngilaq. Tavva tunirrusiqtitsijit angajuqqaammaringatta uqarvigikkanniqpaa, “Guutiup tuqusuittuup atingani uqaqullariliqpagit, uqautilauqtigut Christuusiungmangaaqpit, Guutiup Irninga.”
64Jiisusiup kiuvaa, “Tavva uqaqputit. Tamassili uqautivassi, tamatuma kingurngani Inuup Irninga takujumaaqpasi pijunnarniup taliqpiani iksivajuq, qilaullu nuvujangitigut tikiliqtillugu.”
65Tavva tunirrusiqtitsijit angajuqqaammaringa tamatuminga tusarami annuraani alikpait uqarluni, “Guutimik uqarnirluutiqaqpuq! Qaujisimajumik tusakkanniriaqarunniiqpugut, tavva tusaaqpasi Guutimik uqarnirluutiqaqtillugu. 66Qanurli isumavisi?”
Taakkua kiuvaat, “Pasijaksaunirmut tuqutaksauvuq.”
67Tavva Jiisusi kiinangagut tivvulukpaat, tigluglugulu; ilangitali kiinangagut patikpaat, 68uqautillugu, “Nalauttaliqtigut Christuusi! Kinamuut tigluktauvit!”
Piitturuusiup Jiisusimik Qaujimannginnirarninga
Maakusi 14:66-72; Luukasi 22:56-62; Juanasi 18:15-18,25-27
69Piitturuusi iksivalauqpuq tunirrusiqtitsijit angajuqqaammaringatta iglungata avaluata iluani. Tunirrusiqtitsijillu angajuqqaammaringata pijingata arnaup upagluniuk uqautivaa, “Ivvittauq Jiisusi Galiliamiuq ilagilauqpat.”
70Taakkua tavvaniittulimaat tusaatillugit, Piitturuusi qaujimannginniraqpuq, uqarluni, “Qaujimanngilanga uqausirijarnik.” 71Tavvanngat aniliqtillugu, pijikataattauq arnaup uqaqqaujuup asiata takugamiuk, qanigijaminiittunut uqaqpuq, “Una Jiisusimik Naasariitimiumik ilaqalauqtuq.”
72Piitturuusi qaujimannginnirarluni uqarivuq, “Sulitsiaqpunga angut taanna qaujimanngimmarikpara!”
73Akuniuluaqtinnagu nangiqtut ilangatta Piitturuusi upaglugu, uqautivaa, “Taakkunangat ilagijauvutit, uqallausiqpit nalunailingmatit!”
74Tavva Piitturuusi uqaqpuq, uqavigasuarluni, “Sulillarikpunga Guutiup sugiarniaqpaanga sulinngikkuma! Una angut qaujimanngitsiaqtara!”
Tavvainnaq angutiviaq nilliqpuq, 75Piitturuusi iqqailiqpuq Jiisusiup uqautilaurmagu, “Angutiviaq nilliqqaaqtinnagu, pingasuiqturlutit qaujimannginniralaaqparma.” Piitturuusi tavvanngat anilluni, qiavigjualiqpuq ugguarnirmut.#26:75 Ilaniunngittuuqsuni
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.