Maakusiup Aglangit 14
14
Jiisusiup Tuqutaksaruqtitaunasuarninga
Maatiusi 26:1-5; Luukasi 22:1-2; Juanasi 11:45-53
1Ulluuk suli marruutillugik nalliunniqsiurvingita Qaangiqtauvingmik taijaujuup puvallaqqutiqanngittumiglu#14:1 Pujjusautiqanngittunik niaquujaqturvingita sivuningani. Tunirrusiqtitsijiit angajuqqaangit piqujaniglu ilisaijit pijjutiksaqsiuliqput Jiisusi qaujijaunngillutik tigujumallugu, tuquttumallugu; 2taakkua uqaqatigiikput, “Tavvani nalliunniqsiurvingmi pinasuariaqanngilavut, inuit uimajaaqtitauqunagit.”
Jiisusiup Kuvisiviuninga Pitanimi
Maatiusi 26:6-13; Juanasi 12:1-8
3Pitanimiitillugu Saimuuniup iglungani sivurngagut paqtilauqtumi kappiagijaujumik, tavvani niritillugu, arnamik itiqtuqaqpuq tipitsiariksaummik naksaqtumik akitujualungmik piruqsianit pisimajumik ilasimanngittumik imalingmik, arnaup tipitsiariksaut matuiramiuk Jiisusiup niaquanut kuvivaa. 4Inuit ilangit tavvaniittut akauksarunniiqput immingnut uqarlutik, “Sungmat tipitsiariksaut atuqtauva tamaungainnaq? 5Tipitsiariksaut niurrutauguni akiqarajaqpuq siulvirinik 300 ungataani, taakkua ikajuutaungaarlutik ajuqsaqtunut.” Arnaq tavvaniittunit naammagijaunngimmariliqpuq.
6Jiisusi uqaqpuq, “Arnaq kamaginasiuk; sungmat pagvisakpisiuk? Una uvannut piujualungmik pinasuaqtuq. 7Taimanngalimaaq ajuqsaqtunik ilaqainnarniaqpusi, qangatuinnalimaarlu ikajurumatuarussi ikajurunnarniaqpasi; uvannigli ilaqainnarnianngilasi. 8Arnaq pinasuaqpuq pijunnaqtamigut; tipitsiariksaummik kuvisivuq timinnut sivurngagut upalungaijailluni iluviqtauniksannut. 9Sulijumik uqautivassi, nanilimaaq uqausit tusaruminaqtut uqausiuliraangata silarjualimaami, taassuma arnaup piniarnirijanga uqausiuvangniaqpuq taanna iqqaumajauluni.”
Juutasiup Angirninga Jiisusimik Pijautitsijumalluni
Maatiusi 26:14-16; Luukasi 22:3-6
10Tavva Juutasi Iskariat, ilinniaqtingita 12 ilangat, anilluni tunirrusiqtitsijit angajuqqaanginnuaqpuq, Jiisusimik pijautitsijumalluni taakkununga. 11Taakkua upaktangit quviasummarikput Juutasiup uqausirijanganik, kiinaujanik tunisiniarnirarlutik Juutasimut angiqput. Juutasi qiniliqpuq piviksatsiarigajaqtaminik Jiisusi pijautittumallugu taakkununga.
Jiisusiup Ilinniaqtiminik Qaangiqtauvingmi Niriqatiqarninga
Maatiusi 26:17-25; Luukasi 22:7-14,21-23; Juanasi 13:21-30
12Nalliunniqsiurviup Niaquujanik Puvallaqqutiqanngittunik#14:12 Pujjusautiqanngittunik niriviup ullungita sivulliqpaangani, siipiup nurrangata tuqutauviani Qaangiqtauvik pijjutigillugu, ilinniaqtingita apirivaat, “Nani Qaangiqtauvingmik nalliunniqsiurutiksamik aaqqiksuijaqtuquvitigut niriniaqtarnik?”
13Tavva Jiisusi ilinniaqtiminik marruungnik tilisivuq, uqautillugik, “Iglugasangnuarissik, tavvungalu tikikkussik angummik imaqautimik agjaqsijumik takuniaqpusik; taanna maliksikkuk. 14Iglumut itirvigijanganut, igluup inuanut uqarissik: ‘Ajuriqtuiji uqarmat, nauk taima iniksavut ilinniaqtikkalu niriviginiaqtavut Qaangiqtauvingmik nalliunniqsiurluta?’ 15Tavva taassuma igluqaqtuup takutinniaqpaasik igluup qulaani nirutujumik aaqqiksuqsimajumik sunatuinnaqatsiaqtumik; tavvani atuinnaruiniaqpusik nirijaksattinnik.”
16Ilinniaqtiik anigamik iglugasangnuaqpuuk, tamainnitsiaq Jiisusiup uqausiriqqaujanginnik atuqpuuk; tavvani Qaangiqtauvik pijjutigillugu nirijaksamik atuinnaruillutik.
17Unnungmat Jiisusi tavvunngaqpuq ilinniaqtini 12 ilagillugit. 18Tavvani nirivingmi niriqatigiiktillugit, Jiisusiup uqautivait, “Sulijumik uqautivassi, ilassinnut pijautitauniaqpunga, tavvani niriqatigijannut.”
19Ilinniaqtit tamatumunga quviasugunniiqput, Jiisusi atunit apiriqattaliqpaat, “Uvangauvaa?”
20Jiisusiup uqautivait, “Ilassinnit 12-nit, niaquujaqtuqtaminik taanna misuksiqatigijara taannauniaqpuq. 21Inuup Irninga tuquniaqpuq Guutiup uqausinginni uqaqsimajut maliglugit, kappiannamiik angut taanna inuup irninganik pijautitsiniaqtuq! Piuniqsaugajalauqpuq inungmut taassumunga taanna irniangulauqsimanninngikkuni.”
Ataniup Unnugummitarninga
Maatiusi 26:26-30; Luukasi 22:14-20; 1 Kurinti 11:23-25
22Tavvani nirillutik, niaquujaq tiguvaa, qujalijariirami, avikpaa, ilinniaqtiminut tunillugu uqarluni, “Tigulugu nirisiuk, tavva timiga.”
23Imiutimik tigusigivuq, qujalijariirami taakkununga tunivaa, tavvanngat imiqtuinnauvut. 24Uqautillugit, “Tavva auga angirutausimajuq, kuvijaujuq amisut pillugit. 25Sulijumik uqautivassi, paurngait ittinganik imirniarunniiqpunga ulluq tainna nalliutiqqaaqtinnagu nutaamik imirumaarviksara Guutiup Ataniuvingani.”
26Pisirmut inngiriiramik, tavvannga anivut qaqqamuarlutik uqsuksaujunnaqtunik paurngaqasuunik napaaqtulingmut.
Jiisusiup Uqarninga Piitturuusiup Qaujimannginnirarniksanganik
Maatiusi 26:31-35; Luukasi 22:31-34; Juanasi 13:36-38
27Jiisusiup uqautivait, “Atangirlusi qimaaniaqpusi; Guutiup uqausingit uqaqsimangmata, ‘Paiqsiji tuqunniaqpara, siipiit avammuaglutik siammarniaqput.’ 28Makigumali, Galiliamualaaqpunga sivunitsinni.”
29Piitturuusiup uqautivaa, “Atangirlutik taakkua qimaigaluaqpata, uvanga qimangnianngilagit!”
30Jiisusiup uqautivaa, “Sulijumik uqautivagit, ullumi, aglaat unnumi tamatumani, angutiviaq#14:30 Angutiviat aqiggiujaq ullaakkut qaummagiasituarmat nijjaasiqattarmata, aglaat taissumaniutillugu siqingujarijauvaktuviniit marruiqsurluni nillilauqtinnagu, pingasuiqturlutit uvannik qaujimannginniraqattarniaqputit.”
31Piitturuusiup uqautivaa, suuliniqsaunasugluni, “Aglaat tuquqatigijariaqaraluarukkit, qaujimannginnirarnianngilagit.”
Ilinniaqtiuqatilimaangillu taimaak uqarivut.
Jiisusiup Tuksiarninga Gitsimanimi
Maatiusi 26:36-46; Luukasi 22:39-46
32Gitsimanimuaramik; ilinniaqtiminut uqaqpuq, “Tamaani iksivagissi tuksiariaqtuqtillunga.” 33Piitturuusi Jaimisilu, Juanasilu, taakkuatuaq maliktippait, Jiisusi uqamaiksarnirmut aksururnaqtumiiliqpuq.#14:33Kappiasungniq uqumaiksarnirlu sivuuranirlu taakkua katitsugit Jiisusiup atulauqpait tavvani 34Taakkununga uqaqtluni, “Aksualuk qiksaavigjuarnirmiilirama, aglaat tuqutuinnariaqaqtuujaalirama; tavvaniituinnarissi, iqqumalusi.”
35Jiisusi ungammut pisukkannirluni, nunamut paammagluni tuksiaqpuq, ajurnanngippat anniaqtitauniup nalliunninga aturumananiuk. 36Imaak tuksiaqpuq, “Aapa, Ataataak, sunalimaanik ilingnut ajurnaqtuqanngimmat; imiut una piiqtilauruk uvannit; pijumajaraunngitturli, pijumajailli pili.”
37Ilaminut utirami siniktut takuvait; Piitturuusimut uqaqpuq, “Saimuuni, sinikpit? Ikarrarmik atausirmik iqqumajunnanngilatit? 38Iqqumagissi tuksiarlusi piunngittumut pijumisaaqtaunirmut tikiqunasi; anirniq pijumatsiaraluaqpuq, timili sanngiippuq.”
39Jiisusi qimaruutikkannirivuq tuksiarluni, uqausit taakkuatsainnait aturlugit. 40Utirmigami upakpait siniktut, uirngarnirmut uisajunnaillivut; tamanna qanuq uqariaksanga naluvaat.
41Pingajungannik tuksiariaqtukannilaurluni utirmigami, uqautivait, “Suli sinikpisi taqaiqsirlusi?, Naammaksivuq! Ikarraq nalliutivuq; Inuup Irninga pijaukkaqtausivuq ajuqtulijut pijunnarninginnut. 42Makillusi, pisuliqta. Takugit, angut uvannik pijaukkaijuq tikiliqpuq.”
Jiisusiup Tigujauninga
Maatiusi 26:47-56; Luukasi 22:47-53; Juanasi 18:3-12
43Tavvainnaq, suli taimaak uqaqtillugu, Juutasi, ilinniaqtingita 12 ilangat, tikippuq; ilaqarluni inugasagjuanik savigjualijaqtunik anautalijaqtuniglu, tilijausimajunik tunirrusiqtitsijit angajuqqaanginnut, piqujanik ilisaijinut, Juutillu angajuqqaanginnut. 44Taassuma pijaukkainiaqtuup inugasagjuat nalunaikkutaksamik uqautisimavait imaak, “Taanna kuningniaqtara taannauniaqpuq pijumajasi; taanna tiguniaqpasi tavvanngallu aullarutilugu.”
45Juutasi tavvunga tikinnami, Jiisusimut upagutikautigivuq uqarluni, “Raapai!” Kunikpaa. 46Tavva taakkua Jiisusi upakpaat tigullugu. 47Tavvaniittulli ilangat savigjuaminik amusilluni tunirrusiqtitsijit angajuqqaammaringatta pijinga ulimarlugu siutinga nakappaa. 48Jiisusiup uqautivait, “Uvannik tigusijaqtuqpisi pirajaktiujaaqtillunga savigjualijarlusi anauttijaqtlusilu? 49Qautamaat ilagiqattalauqpassi ajuriqtuitillunga tuksiarvigjuarmi, tigulaunngilassinnga. Guutiulli uqausingit nalautsijariaqaqput.”
50Ilinniaqtilimaat qimaavut Jiisusimik qimaillutik.
51Inuusuktumut Jiisusi maliktaulauqpuq, qallunaaqtamik saattumik uliksimatuinnaqtumik. Taanna tiguqasiutinasuaqpaat, 52uligijani qallunaaqtaq saattuq qimagluniuk annuraaqarani qimaavuq.
Jiisusiup Iqqaqtuijirjuat Saanganiinninga
Maatiusi 26:57-68; Luukasi 22:54-55,63-71; Juanasi 18:13-14,19-24
53Jiisusi tunirrusiqtitsijit angajuqqaanganuarutivaat; tavvani katimangmata tunirrusiqtitsijit angajuqqaalimaangit, Juutillu angajuqqaangit, piqujaniglu ilisaijit. 54Piitturuusi malilauqpuq ungasigijaanilluni, tunirrusiqtitsijit angajuqqaangatta iglungata aniirvinganut tikilluni; tavvani iksivaaqatauliqpuq qaujisaqtinut, tavvani ikumaup saniani uqquunasuaqatauvuq. 55Tunirrusiqtitsijit angajuqqaangit Iqqaqtuijilimaangillu Jiisusiup tuqutaujjutiksanganik nalunaiqtautitsinasuaqput, kisiani tuqutaujjutiksamik nanisilaunngilat. 56Amisut saglullutik Jiisusimik uqausiqalauqput, kisianili unikkausirijangit angiqatigiilaunngilat.
57Angutit ilangit nikuvikput, saglullutik uqaqput, 58“Una uqaqtillugu tusalauqtavut, ‘Tuksiarvigjuaq siqumigumavara agganut sanajausimajuq, ulluit pingasut naakpata asianik sananiarivunga, agganut sanajausimanngittumik.’” 59Aglaat taakkununga uqausirijamingnut angiqatigiiktitsijunnanngilat.
60Tavva tunirrusiqtitsijit angajuqqaangat nikuvilluni taakkua saanginni Jiisusi apirivaa, “Kiggusiksaqanngilatit?#14:60 Kiujjutiksaqanngilatiit Ilingnik uqausiqarniginnut?”
61Jiisusi nillinngilaq kiunanilu. Suli tunirrusiqtitsijit angajuqqaangatta apirikkanniqpaa, “Christuusiuvit, Guutiup Niqturnaqtuup Irninga?”
62Jiisusiup kiuvaa, “Uvangauvunga; tamassi takujumaaqpusi Inuup Irninga ajugaqanngittuup taliqpiani iksivatillugu, qilangmillu aqqaliqtillugu#14:62 Tikiliqtillugu nuvujatigut!”
63Tavva tunirrusiqtitsijit angajuqqaangatta annuraani alikpait uqarluni, “Sungmat suli qaujinasugiaqaqpitaa? 64Tusarataaqpasi Guutimik uqarnirluutiqaqtillugu! Qanuq isumaqaliqpisi?” Taakkualimaat Jiisusimik pasijaksauniraivut tuqutaksauqullugu.
65Ilangita Jiisusi tivvulukpaat,#14:65 Sivvuaqpaat matuarlugu tigluqattaliqpaat, uqautillugu, “Nalautsinasulirit kinamut tigluktaungmangaaqpit!” Qaujisaqtit Jiisusi tigullugu tigluqattaliqpaat.
Piitturuusiup Jiisusimik Qaujimannginnirarninga
Maatiusi 26:69-75; Luukasi 22:56-62; Juanasi 18:15-18,25-27
66Piitturuusi suli igluup aniirvianiitillugu, arnaq tunirrusiqtitsijit angajuqqaangatta pijingita ilangat tamaunngaqpuq. 67Taassuma Piitturuusi takugamiuk ikumajuup saniani uqquusittiqtillugu, takunnaliramiuk uqaqpuq, “Ivvittauq Jiisusi Naasariitimiuq ilagilauqpat.”
68Piitturuusi saglulluni uqaqpuq, “Qaujimanngilara uqausirijatilluunniit tukisinngilakka,” tavvanngat aniliqtillugu, angutiviaq nilliqpuq.#14:68 Aglaksimajutuqarni ilanginni pitaqanngittuq “Angutiviaq nilliqpuq.”
69Pijiup arnaup, tavvani Piitturuusi takugamiuk, uqakkanniliqpuq tamaaniittunut, “Una angut taikkununga ilagijaungmijuq.” 70Piitturuusili suli saglukkannirivuq.
Akuniutinnagu suli tamaaniittunut Piitturuusi uqaujjauvuq, “Nalunarunniiqputit taakkununga ilagijaugavit; Galiliamiungugavit.”
71Tavva Piitturuusi uqarnirluliqpuq, uqaviglunilu angimmarikpuq, “Angut uqausirijasi taanna qaujimanngilara.”
72Tavvainnaq angutiviaq nilliqpuq aippanganik, Piitturuusi tavva iqqaivuq Jiisusiup uqautilaurmagu, “Angutiviaq marruiqturluni nilliqqaaqtinnagu, pingasuiqturlutit qaujimannginniralaaqparma.” Piitturuusi iluilligami qiavuq.
Tällä hetkellä valittuna:
Maakusiup Aglangit 14: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 14
14
Jiisusiup Tuqutaksaruqtitaunasuarninga
Maatiusi 26:1-5; Luukasi 22:1-2; Juanasi 11:45-53
1Ulluuk suli marruutillugik nalliunniqsiurvingita Qaangiqtauvingmik taijaujuup puvallaqqutiqanngittumiglu#14:1 Pujjusautiqanngittunik niaquujaqturvingita sivuningani. Tunirrusiqtitsijiit angajuqqaangit piqujaniglu ilisaijit pijjutiksaqsiuliqput Jiisusi qaujijaunngillutik tigujumallugu, tuquttumallugu; 2taakkua uqaqatigiikput, “Tavvani nalliunniqsiurvingmi pinasuariaqanngilavut, inuit uimajaaqtitauqunagit.”
Jiisusiup Kuvisiviuninga Pitanimi
Maatiusi 26:6-13; Juanasi 12:1-8
3Pitanimiitillugu Saimuuniup iglungani sivurngagut paqtilauqtumi kappiagijaujumik, tavvani niritillugu, arnamik itiqtuqaqpuq tipitsiariksaummik naksaqtumik akitujualungmik piruqsianit pisimajumik ilasimanngittumik imalingmik, arnaup tipitsiariksaut matuiramiuk Jiisusiup niaquanut kuvivaa. 4Inuit ilangit tavvaniittut akauksarunniiqput immingnut uqarlutik, “Sungmat tipitsiariksaut atuqtauva tamaungainnaq? 5Tipitsiariksaut niurrutauguni akiqarajaqpuq siulvirinik 300 ungataani, taakkua ikajuutaungaarlutik ajuqsaqtunut.” Arnaq tavvaniittunit naammagijaunngimmariliqpuq.
6Jiisusi uqaqpuq, “Arnaq kamaginasiuk; sungmat pagvisakpisiuk? Una uvannut piujualungmik pinasuaqtuq. 7Taimanngalimaaq ajuqsaqtunik ilaqainnarniaqpusi, qangatuinnalimaarlu ikajurumatuarussi ikajurunnarniaqpasi; uvannigli ilaqainnarnianngilasi. 8Arnaq pinasuaqpuq pijunnaqtamigut; tipitsiariksaummik kuvisivuq timinnut sivurngagut upalungaijailluni iluviqtauniksannut. 9Sulijumik uqautivassi, nanilimaaq uqausit tusaruminaqtut uqausiuliraangata silarjualimaami, taassuma arnaup piniarnirijanga uqausiuvangniaqpuq taanna iqqaumajauluni.”
Juutasiup Angirninga Jiisusimik Pijautitsijumalluni
Maatiusi 26:14-16; Luukasi 22:3-6
10Tavva Juutasi Iskariat, ilinniaqtingita 12 ilangat, anilluni tunirrusiqtitsijit angajuqqaanginnuaqpuq, Jiisusimik pijautitsijumalluni taakkununga. 11Taakkua upaktangit quviasummarikput Juutasiup uqausirijanganik, kiinaujanik tunisiniarnirarlutik Juutasimut angiqput. Juutasi qiniliqpuq piviksatsiarigajaqtaminik Jiisusi pijautittumallugu taakkununga.
Jiisusiup Ilinniaqtiminik Qaangiqtauvingmi Niriqatiqarninga
Maatiusi 26:17-25; Luukasi 22:7-14,21-23; Juanasi 13:21-30
12Nalliunniqsiurviup Niaquujanik Puvallaqqutiqanngittunik#14:12 Pujjusautiqanngittunik niriviup ullungita sivulliqpaangani, siipiup nurrangata tuqutauviani Qaangiqtauvik pijjutigillugu, ilinniaqtingita apirivaat, “Nani Qaangiqtauvingmik nalliunniqsiurutiksamik aaqqiksuijaqtuquvitigut niriniaqtarnik?”
13Tavva Jiisusi ilinniaqtiminik marruungnik tilisivuq, uqautillugik, “Iglugasangnuarissik, tavvungalu tikikkussik angummik imaqautimik agjaqsijumik takuniaqpusik; taanna maliksikkuk. 14Iglumut itirvigijanganut, igluup inuanut uqarissik: ‘Ajuriqtuiji uqarmat, nauk taima iniksavut ilinniaqtikkalu niriviginiaqtavut Qaangiqtauvingmik nalliunniqsiurluta?’ 15Tavva taassuma igluqaqtuup takutinniaqpaasik igluup qulaani nirutujumik aaqqiksuqsimajumik sunatuinnaqatsiaqtumik; tavvani atuinnaruiniaqpusik nirijaksattinnik.”
16Ilinniaqtiik anigamik iglugasangnuaqpuuk, tamainnitsiaq Jiisusiup uqausiriqqaujanginnik atuqpuuk; tavvani Qaangiqtauvik pijjutigillugu nirijaksamik atuinnaruillutik.
17Unnungmat Jiisusi tavvunngaqpuq ilinniaqtini 12 ilagillugit. 18Tavvani nirivingmi niriqatigiiktillugit, Jiisusiup uqautivait, “Sulijumik uqautivassi, ilassinnut pijautitauniaqpunga, tavvani niriqatigijannut.”
19Ilinniaqtit tamatumunga quviasugunniiqput, Jiisusi atunit apiriqattaliqpaat, “Uvangauvaa?”
20Jiisusiup uqautivait, “Ilassinnit 12-nit, niaquujaqtuqtaminik taanna misuksiqatigijara taannauniaqpuq. 21Inuup Irninga tuquniaqpuq Guutiup uqausinginni uqaqsimajut maliglugit, kappiannamiik angut taanna inuup irninganik pijautitsiniaqtuq! Piuniqsaugajalauqpuq inungmut taassumunga taanna irniangulauqsimanninngikkuni.”
Ataniup Unnugummitarninga
Maatiusi 26:26-30; Luukasi 22:14-20; 1 Kurinti 11:23-25
22Tavvani nirillutik, niaquujaq tiguvaa, qujalijariirami, avikpaa, ilinniaqtiminut tunillugu uqarluni, “Tigulugu nirisiuk, tavva timiga.”
23Imiutimik tigusigivuq, qujalijariirami taakkununga tunivaa, tavvanngat imiqtuinnauvut. 24Uqautillugit, “Tavva auga angirutausimajuq, kuvijaujuq amisut pillugit. 25Sulijumik uqautivassi, paurngait ittinganik imirniarunniiqpunga ulluq tainna nalliutiqqaaqtinnagu nutaamik imirumaarviksara Guutiup Ataniuvingani.”
26Pisirmut inngiriiramik, tavvannga anivut qaqqamuarlutik uqsuksaujunnaqtunik paurngaqasuunik napaaqtulingmut.
Jiisusiup Uqarninga Piitturuusiup Qaujimannginnirarniksanganik
Maatiusi 26:31-35; Luukasi 22:31-34; Juanasi 13:36-38
27Jiisusiup uqautivait, “Atangirlusi qimaaniaqpusi; Guutiup uqausingit uqaqsimangmata, ‘Paiqsiji tuqunniaqpara, siipiit avammuaglutik siammarniaqput.’ 28Makigumali, Galiliamualaaqpunga sivunitsinni.”
29Piitturuusiup uqautivaa, “Atangirlutik taakkua qimaigaluaqpata, uvanga qimangnianngilagit!”
30Jiisusiup uqautivaa, “Sulijumik uqautivagit, ullumi, aglaat unnumi tamatumani, angutiviaq#14:30 Angutiviat aqiggiujaq ullaakkut qaummagiasituarmat nijjaasiqattarmata, aglaat taissumaniutillugu siqingujarijauvaktuviniit marruiqsurluni nillilauqtinnagu, pingasuiqturlutit uvannik qaujimannginniraqattarniaqputit.”
31Piitturuusiup uqautivaa, suuliniqsaunasugluni, “Aglaat tuquqatigijariaqaraluarukkit, qaujimannginnirarnianngilagit.”
Ilinniaqtiuqatilimaangillu taimaak uqarivut.
Jiisusiup Tuksiarninga Gitsimanimi
Maatiusi 26:36-46; Luukasi 22:39-46
32Gitsimanimuaramik; ilinniaqtiminut uqaqpuq, “Tamaani iksivagissi tuksiariaqtuqtillunga.” 33Piitturuusi Jaimisilu, Juanasilu, taakkuatuaq maliktippait, Jiisusi uqamaiksarnirmut aksururnaqtumiiliqpuq.#14:33Kappiasungniq uqumaiksarnirlu sivuuranirlu taakkua katitsugit Jiisusiup atulauqpait tavvani 34Taakkununga uqaqtluni, “Aksualuk qiksaavigjuarnirmiilirama, aglaat tuqutuinnariaqaqtuujaalirama; tavvaniituinnarissi, iqqumalusi.”
35Jiisusi ungammut pisukkannirluni, nunamut paammagluni tuksiaqpuq, ajurnanngippat anniaqtitauniup nalliunninga aturumananiuk. 36Imaak tuksiaqpuq, “Aapa, Ataataak, sunalimaanik ilingnut ajurnaqtuqanngimmat; imiut una piiqtilauruk uvannit; pijumajaraunngitturli, pijumajailli pili.”
37Ilaminut utirami siniktut takuvait; Piitturuusimut uqaqpuq, “Saimuuni, sinikpit? Ikarrarmik atausirmik iqqumajunnanngilatit? 38Iqqumagissi tuksiarlusi piunngittumut pijumisaaqtaunirmut tikiqunasi; anirniq pijumatsiaraluaqpuq, timili sanngiippuq.”
39Jiisusi qimaruutikkannirivuq tuksiarluni, uqausit taakkuatsainnait aturlugit. 40Utirmigami upakpait siniktut, uirngarnirmut uisajunnaillivut; tamanna qanuq uqariaksanga naluvaat.
41Pingajungannik tuksiariaqtukannilaurluni utirmigami, uqautivait, “Suli sinikpisi taqaiqsirlusi?, Naammaksivuq! Ikarraq nalliutivuq; Inuup Irninga pijaukkaqtausivuq ajuqtulijut pijunnarninginnut. 42Makillusi, pisuliqta. Takugit, angut uvannik pijaukkaijuq tikiliqpuq.”
Jiisusiup Tigujauninga
Maatiusi 26:47-56; Luukasi 22:47-53; Juanasi 18:3-12
43Tavvainnaq, suli taimaak uqaqtillugu, Juutasi, ilinniaqtingita 12 ilangat, tikippuq; ilaqarluni inugasagjuanik savigjualijaqtunik anautalijaqtuniglu, tilijausimajunik tunirrusiqtitsijit angajuqqaanginnut, piqujanik ilisaijinut, Juutillu angajuqqaanginnut. 44Taassuma pijaukkainiaqtuup inugasagjuat nalunaikkutaksamik uqautisimavait imaak, “Taanna kuningniaqtara taannauniaqpuq pijumajasi; taanna tiguniaqpasi tavvanngallu aullarutilugu.”
45Juutasi tavvunga tikinnami, Jiisusimut upagutikautigivuq uqarluni, “Raapai!” Kunikpaa. 46Tavva taakkua Jiisusi upakpaat tigullugu. 47Tavvaniittulli ilangat savigjuaminik amusilluni tunirrusiqtitsijit angajuqqaammaringatta pijinga ulimarlugu siutinga nakappaa. 48Jiisusiup uqautivait, “Uvannik tigusijaqtuqpisi pirajaktiujaaqtillunga savigjualijarlusi anauttijaqtlusilu? 49Qautamaat ilagiqattalauqpassi ajuriqtuitillunga tuksiarvigjuarmi, tigulaunngilassinnga. Guutiulli uqausingit nalautsijariaqaqput.”
50Ilinniaqtilimaat qimaavut Jiisusimik qimaillutik.
51Inuusuktumut Jiisusi maliktaulauqpuq, qallunaaqtamik saattumik uliksimatuinnaqtumik. Taanna tiguqasiutinasuaqpaat, 52uligijani qallunaaqtaq saattuq qimagluniuk annuraaqarani qimaavuq.
Jiisusiup Iqqaqtuijirjuat Saanganiinninga
Maatiusi 26:57-68; Luukasi 22:54-55,63-71; Juanasi 18:13-14,19-24
53Jiisusi tunirrusiqtitsijit angajuqqaanganuarutivaat; tavvani katimangmata tunirrusiqtitsijit angajuqqaalimaangit, Juutillu angajuqqaangit, piqujaniglu ilisaijit. 54Piitturuusi malilauqpuq ungasigijaanilluni, tunirrusiqtitsijit angajuqqaangatta iglungata aniirvinganut tikilluni; tavvani iksivaaqatauliqpuq qaujisaqtinut, tavvani ikumaup saniani uqquunasuaqatauvuq. 55Tunirrusiqtitsijit angajuqqaangit Iqqaqtuijilimaangillu Jiisusiup tuqutaujjutiksanganik nalunaiqtautitsinasuaqput, kisiani tuqutaujjutiksamik nanisilaunngilat. 56Amisut saglullutik Jiisusimik uqausiqalauqput, kisianili unikkausirijangit angiqatigiilaunngilat.
57Angutit ilangit nikuvikput, saglullutik uqaqput, 58“Una uqaqtillugu tusalauqtavut, ‘Tuksiarvigjuaq siqumigumavara agganut sanajausimajuq, ulluit pingasut naakpata asianik sananiarivunga, agganut sanajausimanngittumik.’” 59Aglaat taakkununga uqausirijamingnut angiqatigiiktitsijunnanngilat.
60Tavva tunirrusiqtitsijit angajuqqaangat nikuvilluni taakkua saanginni Jiisusi apirivaa, “Kiggusiksaqanngilatit?#14:60 Kiujjutiksaqanngilatiit Ilingnik uqausiqarniginnut?”
61Jiisusi nillinngilaq kiunanilu. Suli tunirrusiqtitsijit angajuqqaangatta apirikkanniqpaa, “Christuusiuvit, Guutiup Niqturnaqtuup Irninga?”
62Jiisusiup kiuvaa, “Uvangauvunga; tamassi takujumaaqpusi Inuup Irninga ajugaqanngittuup taliqpiani iksivatillugu, qilangmillu aqqaliqtillugu#14:62 Tikiliqtillugu nuvujatigut!”
63Tavva tunirrusiqtitsijit angajuqqaangatta annuraani alikpait uqarluni, “Sungmat suli qaujinasugiaqaqpitaa? 64Tusarataaqpasi Guutimik uqarnirluutiqaqtillugu! Qanuq isumaqaliqpisi?” Taakkualimaat Jiisusimik pasijaksauniraivut tuqutaksauqullugu.
65Ilangita Jiisusi tivvulukpaat,#14:65 Sivvuaqpaat matuarlugu tigluqattaliqpaat, uqautillugu, “Nalautsinasulirit kinamut tigluktaungmangaaqpit!” Qaujisaqtit Jiisusi tigullugu tigluqattaliqpaat.
Piitturuusiup Jiisusimik Qaujimannginnirarninga
Maatiusi 26:69-75; Luukasi 22:56-62; Juanasi 18:15-18,25-27
66Piitturuusi suli igluup aniirvianiitillugu, arnaq tunirrusiqtitsijit angajuqqaangatta pijingita ilangat tamaunngaqpuq. 67Taassuma Piitturuusi takugamiuk ikumajuup saniani uqquusittiqtillugu, takunnaliramiuk uqaqpuq, “Ivvittauq Jiisusi Naasariitimiuq ilagilauqpat.”
68Piitturuusi saglulluni uqaqpuq, “Qaujimanngilara uqausirijatilluunniit tukisinngilakka,” tavvanngat aniliqtillugu, angutiviaq nilliqpuq.#14:68 Aglaksimajutuqarni ilanginni pitaqanngittuq “Angutiviaq nilliqpuq.”
69Pijiup arnaup, tavvani Piitturuusi takugamiuk, uqakkanniliqpuq tamaaniittunut, “Una angut taikkununga ilagijaungmijuq.” 70Piitturuusili suli saglukkannirivuq.
Akuniutinnagu suli tamaaniittunut Piitturuusi uqaujjauvuq, “Nalunarunniiqputit taakkununga ilagijaugavit; Galiliamiungugavit.”
71Tavva Piitturuusi uqarnirluliqpuq, uqaviglunilu angimmarikpuq, “Angut uqausirijasi taanna qaujimanngilara.”
72Tavvainnaq angutiviaq nilliqpuq aippanganik, Piitturuusi tavva iqqaivuq Jiisusiup uqautilaurmagu, “Angutiviaq marruiqturluni nilliqqaaqtinnagu, pingasuiqturlutit qaujimannginniralaaqparma.” Piitturuusi iluilligami qiavuq.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.