Maakusiup Aglangit 15
15
Jiisusiup Saanngajauninga Pailaatuusiup Saangani
Maatiusi 27:1-2,11-14; Luukasi 23:1-5; Juanasi 18:28-38
1Ullaangulirmat, tunirrusiqtitsijit angajuqqaangit katimaqatiqaliqput Juutit angajuqqaanginnik piqujaniglu ilisaijinik, iqqaqtuijilimaaniglu. Jiisusi qilaksuqpaat, aullarutillugu, Pailaatuusimut aittuutigivaat. 2Pailaatuusiup Jiisusi apirivaa, “Juutit angajuqqaarjuarivaatit?”
Jiisusiup kiuvaa, “Tavva uqariiqputit.”
3Tunirrusiqtitsijit angajuqqaangita Jiisusi pasinasuaqpaat sunatuinnarnut ajjigiinngittunut. 4Pailaatuusiup tavva apirikkanniqpaa, “Kiujjutiksaqanngilatit qanutuinnaq amisunik pasijaunasungnirnut?”
5Jiisusi suli kiunngilaq, tavva Pailaatuusi angijumik kamaniaqpuq.
Jiisusiup Tuqutaksannguqtitauninga
Maatiusi 27:15-26; Luukasi 23:13-25; Juanasi 18:39—19:16
6Qaangiqtauvik nalliutijaraangat, Pailaatuusi piusiqaqpakpuq tigujausimajut ilangannik anititsivagluni, inuit anititaukujangannik. 7Taissumani tigujausimajuqalauqpuq Parapaasimik atilingmik taanna tigujaulauqtuq inungmik tuqutsilaurmat pijaarillutik pirajaktualuutillugit. 8Inugasagjualli Pailaatuusimuarlutik apirilauqput pijumajamingnik piusirisuunganik atuqtitaujumallutik. 9Tavva Pailaatuusiup uqautivait, “Juutit angajuqqaarjuangannik aullaqtitsiquvisinnga?” 10Qaujimatsiaraluarluni tunirrusiqtitsijit angajuqqaangit Pailaatuusimuarujjilaurmata Jiisusimik saanngajatuujumanirmut.
11Tunirrusiqtitsijit angajuqqaangit inugasagjuanik isummiqtuilauqput Parapaasimik pijumangaaqullugit taanna anititaungaaqullugu. 12Pailaatuusi inungnut uqakkannirivuq, “Qanurli uvannut piniarviuquvisiuk Juutit angajuqqaarjuangannik taijasi?”
13Inuit qaigalaarliqput, “Kikiaktuqtauli!”
14Pailaatuusiup apirivait, “Sungmat, qanuq piunngittumik pisimangmat?”
Inuit nipiqquqtusigiakkannirlutik qaigalaaliqput, “Kikiaktuqtauli!”
15Pailaatuusi, inugasagjuanik naammagijaujumagami, Parapaasi anitippaa tigujausimavingmit; Jiisusi tiigaqtuqtauqulaurlugu, aittuutigivaa kikiaktuqtauqullugu.
Unataqtuksait Jiisusi Mitautigivaat
Maatiusi 27:27-31; Juanasi 19:2-3
16Tavva unataqtuksait Jiisusi aulatsijiup iglurjuangata aniirvinganuarutivaat, unataqtuksalimaallu ilagijatik tavvunga qaiquvait. 17Jiisusi uligjuamik aupallariktumik atitippaat; niaquutiksanganiglu kakillautilingnik pirraivut, Jiisusiup niaquanut ilivaat. 18Nilliutiqattaliqpaat: “Niqtuqtauli Juutit angajuqqaarjuangat!”
19Niaquagut qijungmut sullulingmut anauqattapaat, tivvuluglugu, saanganut siiqquqput, ukuvigillugu. 20Mitautigijariiramijjuk, uligjuaq aupallariktuq piiqpaat annuraanginnik nangmininginnik atitikkivaat. Tasiuqpaat tavvanngat kikiakturiaqtulirlugu.
Jiisusiup Kikiaktuqtauninga
Maatiusi 27:32-44; Luukasi 23:26-43; Juanasi 19:17-27
21Aqqutaani katisivut, nunalingnut tikiliqtumik, unataqtuksaillu isumasiunngitsiarlugu agjaqsitippaat Jiisusiup sanningajuliksanganik; taanna Saimuunimik atiqaqpuq Sairinimiutaq, Aliksaanturiup Ruupasiullu ataatanga. 22Jiisusi qaqqamuarutivaat Guulgaatamut, taassuma qaqqaup atinga tukilik, “Niaquviniq.” 23Tavvani imiqtitaunasuaqpuq uainimik ilaqaqtumik muuramik;#15:23 Muura tukilik aannialuariikkutimik ilalik Jiisusiulli imirumanngilaa. 24Kikiakturiiramijjuk, annuraangit, nalausaarutimut pinnguarutigillugit pitaaqtugarivait. 25Ullaakut 9-muaqtillugu, Jiisusi kikiaktuqtaulauqpuq. 26Pasiksirutimingnik nalunaiqsinasuarlutik titiraqsimajuqalauqpuq imaak: “Juutit angajuqqaarjuangat.” 27Unataqtuksait kikiaktuilaurivut angutiingnik marruungnik pirajaangnik, aippaa taliqpianut aippaalu saumianut. [ 28Taimailiuqtillugit Guutiup uqausingit nalautsilauqput imailijut, “Piunngittulijunut ilaliujjauvuq.”]#15:28 Ijjujutuqait ilanginni pitaqangilluni ilanginni ilijausimalluni. Takulugu Luukasi 22:27
29Inuit sanningajuliup saniaguuqtut, niaqurmingnik iliqitamaarlutik uqaqput, “Takugit! Tuksiarvigjuarmik siqumitsinialauqtutit sanangmilugu ullunik pingasunik, 30atii ilingnik piulilirit, sanningajulingmit aqqarlutit!”
31Tunirrusiqtitsijittauq angajuqqaangit piqujaniglu ilisaijit Jiisusimik mitautiqarivut immingnut uqaqatautillutik, “Asiminik piuliksilauqpuq; imminigli piulijunnanngilaq. 32Atii Misaia, Isarialimiut angajuqqaarjuangat, maanna sanningajulingmit aqqarli, takuluta ukpilirniaratta.” Kikiaktuqtauqatigisimajanngiktattauq Jiisusi mitautigigivaak.
Jiisusiup Tuquninga
Maatiusi 27:45-56; Luukasi 23:44-49; Juanasi 19:28-30
33Ulluq qitiraliqtillugu, nunalimaaq taaqturjuarmut tikitaulauqpuq ikarrat pingasut naallugit. 34Siqinngujaq 3-muaqtillugu Jiisusi nipiquqtulluni qaigalaaqpuq, “Ilui, Ilui, laama sapaqtaani? (Eloi, Eloi, lema sabachthani?)” Imaak tukilik, “Guutiga, Guutiga, suuq qimakpinga?”
35Inuit ilangit tavvaniittut tusaramijjuk uqaqput, “Takugit, Ilaijjamik qaiqujiliqpuq.” 36Ilangat tavvaniittuq ullaksivuq, Jiisusiup saanganuarluni puvaujarmik uainimik itsaktiqsimajumik tigusivuq, qijukutaamut sullulingmut ililluniuk Jiisusiup qaninganuaqpaa uqarluni, “Atii, takunnaliqta Ilaijja qainiarmangaat taassuminga aqqaqtitsigiaqturluni.”
37Jiisusi nipiqquqtulluni nilliqpuq, anirnangirluni.
38Tuksiarvigjuarmiittuq taalutarjuaq alikpuq marruulilluni, qulaanit ataanut tikillugu. 39Unataqtuksait angajuqqaangat sanningajuliup saangani nangiqtuq, takugami Jiisusiup tuqulirluni#15:39 Tuqulirluni, ilanginnit aglatuqarni uqaqsimajuq “Nipiqquqtulluni nillirluni anirnangiqpuq.” qanuinninganik. Uqaqpuq, “Sulijumik angut taanna Guutiup Irnirivaa!”
40Arnait tavvaniilaurivut sanningajuliup ungasigijangani takunnaaqtut, ukua, Miari Maaktaliini, Miari Jaimisiup nukaqsiup Juusiullu anaananga, Salumilu. 41Taakkua Jiisusimik malilauqtut Galiliamiitillugu suli pijitsiraqpaglugu; arnaillu asingit amisut Jiisusimik malilaurmijut Jiruusalimmuaqtillugu tavvaniilaurivut.
Jiisusiup Iluviqtauninga
Maatiusi 27:57-61; Luukasi 23:50-56; Juanasi 19:38-42
42Unnuliqtillugu ulluq taanna upalungaijarviungmat, qaukpat Sapatiunialirmat, 43Juusipi Arimatiamiuq tikippuq, taanna pijunnatsiarninganut upigijautsiaqtuq ilagijaujuq iqqaqtuijiuvaktunut, taanna niriungniqarivuq Guutiup Ataniuvinganik, taanna sivuuranani Pailaatuusimualauqpuq, qinuvigillugu Jiisusiup timinganik. 44Pailaatuusi tusarami Jiisusiup tuqujariirninganik quaqsaaqpuq; unataqtuksait angajuqqaangannik qaiqujilluni apirillugu, Jiisusi tuqujariirmangaat. 45Unataqtuksait angajuqqaangatta uqausirijanginnik tusarami tuqunirarmagu, Pailaatuusiup Jiisusiup timinga Juusipimut pijauquliqpaa. 46Juusipi qallunaaqtamik immutiksamik naksarami, Jiisusiup timinga sanningajulingmit aqqaqtillugu immusiqpaa, iluviksamuarlugu taanna iluviksa qaiqtukut iluliuqtausimajuq; iluviup paanga ujaragjuarmik aksakaatitsilluni matuvaa. 47Miari Maaktaliinili, Miarilu Juusiup anaananga takunnaaqpuuk Jiisusiup timinga namut ilijaungmangaat.
Tällä hetkellä valittuna:
Maakusiup Aglangit 15: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 15
15
Jiisusiup Saanngajauninga Pailaatuusiup Saangani
Maatiusi 27:1-2,11-14; Luukasi 23:1-5; Juanasi 18:28-38
1Ullaangulirmat, tunirrusiqtitsijit angajuqqaangit katimaqatiqaliqput Juutit angajuqqaanginnik piqujaniglu ilisaijinik, iqqaqtuijilimaaniglu. Jiisusi qilaksuqpaat, aullarutillugu, Pailaatuusimut aittuutigivaat. 2Pailaatuusiup Jiisusi apirivaa, “Juutit angajuqqaarjuarivaatit?”
Jiisusiup kiuvaa, “Tavva uqariiqputit.”
3Tunirrusiqtitsijit angajuqqaangita Jiisusi pasinasuaqpaat sunatuinnarnut ajjigiinngittunut. 4Pailaatuusiup tavva apirikkanniqpaa, “Kiujjutiksaqanngilatit qanutuinnaq amisunik pasijaunasungnirnut?”
5Jiisusi suli kiunngilaq, tavva Pailaatuusi angijumik kamaniaqpuq.
Jiisusiup Tuqutaksannguqtitauninga
Maatiusi 27:15-26; Luukasi 23:13-25; Juanasi 18:39—19:16
6Qaangiqtauvik nalliutijaraangat, Pailaatuusi piusiqaqpakpuq tigujausimajut ilangannik anititsivagluni, inuit anititaukujangannik. 7Taissumani tigujausimajuqalauqpuq Parapaasimik atilingmik taanna tigujaulauqtuq inungmik tuqutsilaurmat pijaarillutik pirajaktualuutillugit. 8Inugasagjualli Pailaatuusimuarlutik apirilauqput pijumajamingnik piusirisuunganik atuqtitaujumallutik. 9Tavva Pailaatuusiup uqautivait, “Juutit angajuqqaarjuangannik aullaqtitsiquvisinnga?” 10Qaujimatsiaraluarluni tunirrusiqtitsijit angajuqqaangit Pailaatuusimuarujjilaurmata Jiisusimik saanngajatuujumanirmut.
11Tunirrusiqtitsijit angajuqqaangit inugasagjuanik isummiqtuilauqput Parapaasimik pijumangaaqullugit taanna anititaungaaqullugu. 12Pailaatuusi inungnut uqakkannirivuq, “Qanurli uvannut piniarviuquvisiuk Juutit angajuqqaarjuangannik taijasi?”
13Inuit qaigalaarliqput, “Kikiaktuqtauli!”
14Pailaatuusiup apirivait, “Sungmat, qanuq piunngittumik pisimangmat?”
Inuit nipiqquqtusigiakkannirlutik qaigalaaliqput, “Kikiaktuqtauli!”
15Pailaatuusi, inugasagjuanik naammagijaujumagami, Parapaasi anitippaa tigujausimavingmit; Jiisusi tiigaqtuqtauqulaurlugu, aittuutigivaa kikiaktuqtauqullugu.
Unataqtuksait Jiisusi Mitautigivaat
Maatiusi 27:27-31; Juanasi 19:2-3
16Tavva unataqtuksait Jiisusi aulatsijiup iglurjuangata aniirvinganuarutivaat, unataqtuksalimaallu ilagijatik tavvunga qaiquvait. 17Jiisusi uligjuamik aupallariktumik atitippaat; niaquutiksanganiglu kakillautilingnik pirraivut, Jiisusiup niaquanut ilivaat. 18Nilliutiqattaliqpaat: “Niqtuqtauli Juutit angajuqqaarjuangat!”
19Niaquagut qijungmut sullulingmut anauqattapaat, tivvuluglugu, saanganut siiqquqput, ukuvigillugu. 20Mitautigijariiramijjuk, uligjuaq aupallariktuq piiqpaat annuraanginnik nangmininginnik atitikkivaat. Tasiuqpaat tavvanngat kikiakturiaqtulirlugu.
Jiisusiup Kikiaktuqtauninga
Maatiusi 27:32-44; Luukasi 23:26-43; Juanasi 19:17-27
21Aqqutaani katisivut, nunalingnut tikiliqtumik, unataqtuksaillu isumasiunngitsiarlugu agjaqsitippaat Jiisusiup sanningajuliksanganik; taanna Saimuunimik atiqaqpuq Sairinimiutaq, Aliksaanturiup Ruupasiullu ataatanga. 22Jiisusi qaqqamuarutivaat Guulgaatamut, taassuma qaqqaup atinga tukilik, “Niaquviniq.” 23Tavvani imiqtitaunasuaqpuq uainimik ilaqaqtumik muuramik;#15:23 Muura tukilik aannialuariikkutimik ilalik Jiisusiulli imirumanngilaa. 24Kikiakturiiramijjuk, annuraangit, nalausaarutimut pinnguarutigillugit pitaaqtugarivait. 25Ullaakut 9-muaqtillugu, Jiisusi kikiaktuqtaulauqpuq. 26Pasiksirutimingnik nalunaiqsinasuarlutik titiraqsimajuqalauqpuq imaak: “Juutit angajuqqaarjuangat.” 27Unataqtuksait kikiaktuilaurivut angutiingnik marruungnik pirajaangnik, aippaa taliqpianut aippaalu saumianut. [ 28Taimailiuqtillugit Guutiup uqausingit nalautsilauqput imailijut, “Piunngittulijunut ilaliujjauvuq.”]#15:28 Ijjujutuqait ilanginni pitaqangilluni ilanginni ilijausimalluni. Takulugu Luukasi 22:27
29Inuit sanningajuliup saniaguuqtut, niaqurmingnik iliqitamaarlutik uqaqput, “Takugit! Tuksiarvigjuarmik siqumitsinialauqtutit sanangmilugu ullunik pingasunik, 30atii ilingnik piulilirit, sanningajulingmit aqqarlutit!”
31Tunirrusiqtitsijittauq angajuqqaangit piqujaniglu ilisaijit Jiisusimik mitautiqarivut immingnut uqaqatautillutik, “Asiminik piuliksilauqpuq; imminigli piulijunnanngilaq. 32Atii Misaia, Isarialimiut angajuqqaarjuangat, maanna sanningajulingmit aqqarli, takuluta ukpilirniaratta.” Kikiaktuqtauqatigisimajanngiktattauq Jiisusi mitautigigivaak.
Jiisusiup Tuquninga
Maatiusi 27:45-56; Luukasi 23:44-49; Juanasi 19:28-30
33Ulluq qitiraliqtillugu, nunalimaaq taaqturjuarmut tikitaulauqpuq ikarrat pingasut naallugit. 34Siqinngujaq 3-muaqtillugu Jiisusi nipiquqtulluni qaigalaaqpuq, “Ilui, Ilui, laama sapaqtaani? (Eloi, Eloi, lema sabachthani?)” Imaak tukilik, “Guutiga, Guutiga, suuq qimakpinga?”
35Inuit ilangit tavvaniittut tusaramijjuk uqaqput, “Takugit, Ilaijjamik qaiqujiliqpuq.” 36Ilangat tavvaniittuq ullaksivuq, Jiisusiup saanganuarluni puvaujarmik uainimik itsaktiqsimajumik tigusivuq, qijukutaamut sullulingmut ililluniuk Jiisusiup qaninganuaqpaa uqarluni, “Atii, takunnaliqta Ilaijja qainiarmangaat taassuminga aqqaqtitsigiaqturluni.”
37Jiisusi nipiqquqtulluni nilliqpuq, anirnangirluni.
38Tuksiarvigjuarmiittuq taalutarjuaq alikpuq marruulilluni, qulaanit ataanut tikillugu. 39Unataqtuksait angajuqqaangat sanningajuliup saangani nangiqtuq, takugami Jiisusiup tuqulirluni#15:39 Tuqulirluni, ilanginnit aglatuqarni uqaqsimajuq “Nipiqquqtulluni nillirluni anirnangiqpuq.” qanuinninganik. Uqaqpuq, “Sulijumik angut taanna Guutiup Irnirivaa!”
40Arnait tavvaniilaurivut sanningajuliup ungasigijangani takunnaaqtut, ukua, Miari Maaktaliini, Miari Jaimisiup nukaqsiup Juusiullu anaananga, Salumilu. 41Taakkua Jiisusimik malilauqtut Galiliamiitillugu suli pijitsiraqpaglugu; arnaillu asingit amisut Jiisusimik malilaurmijut Jiruusalimmuaqtillugu tavvaniilaurivut.
Jiisusiup Iluviqtauninga
Maatiusi 27:57-61; Luukasi 23:50-56; Juanasi 19:38-42
42Unnuliqtillugu ulluq taanna upalungaijarviungmat, qaukpat Sapatiunialirmat, 43Juusipi Arimatiamiuq tikippuq, taanna pijunnatsiarninganut upigijautsiaqtuq ilagijaujuq iqqaqtuijiuvaktunut, taanna niriungniqarivuq Guutiup Ataniuvinganik, taanna sivuuranani Pailaatuusimualauqpuq, qinuvigillugu Jiisusiup timinganik. 44Pailaatuusi tusarami Jiisusiup tuqujariirninganik quaqsaaqpuq; unataqtuksait angajuqqaangannik qaiqujilluni apirillugu, Jiisusi tuqujariirmangaat. 45Unataqtuksait angajuqqaangatta uqausirijanginnik tusarami tuqunirarmagu, Pailaatuusiup Jiisusiup timinga Juusipimut pijauquliqpaa. 46Juusipi qallunaaqtamik immutiksamik naksarami, Jiisusiup timinga sanningajulingmit aqqaqtillugu immusiqpaa, iluviksamuarlugu taanna iluviksa qaiqtukut iluliuqtausimajuq; iluviup paanga ujaragjuarmik aksakaatitsilluni matuvaa. 47Miari Maaktaliinili, Miarilu Juusiup anaananga takunnaaqpuuk Jiisusiup timinga namut ilijaungmangaat.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.