मत्ती 8
8
कोळया गा बिमारी के उठाटे ससाजा
(मरकुस 1:40-45; लूका 5:12-16)
1मेटे यीशु डी टुक्कीटे आगुरुके, मेटे म्या खाट गर्दी दियागा टाऊटे ओले होय। 2मेटे म्या कोळ्यानी दिया सम्मान झुकातिंजटे नंगा साबटे एठा मंडीके, “हे प्रभु अगर आम मेन टासो इंज्के सजाकोम्बा#8:2 जुना नियम गेन मूसा गा नियम गा रोंगो कोळया बिमारी कुरकू के बिसोटो मेंबा डा। ।” 3यीशु नी टी डी कोरो लिंजेन डोके जो कोळया डा, एठा डीचके मंडीके, “इंज मेंबाकी आम सजायु।” एठा तुरुटो दियागा कोळया कोम्बोर सजाकोम्बा। 4मेटे यीशु नी डी कोरो के हुकूम जीटे मंडीके, “जेकाकेका बाकी गघाल कि इंज्नी आमके सजाकेमी, आराधना गा जगान सेने एठा परमेश्वर गा याजक के घाले कि साजाएन होय। एठा परमेश्वर गा घल्जी डी बलीके पेडेजे डेगा बारेन मूसा गा द्वारा ठहरातिंज्के घोनेच टेमो पेला दडा घाल्के ताकी दिकु घल्जी गवाही डायु।” #लैव्य. 14:2,32
मुख्या गा विश्वास लिंजेन यीशु गा बडाई
(लूका 7:1-10)
5जब यीशु नी कफरनहूम पुरान ओले मेटे म्या सेद्दी सैनिककु गा मुख्या दिया मेरान हेंडो दियाटे नम्र टे बिनती डाके एठा मंडीके। 6“हे प्रभु, इंजा भाग्य उरा गेन लखवा घैय्ये कोरो होय, एठा देटेन हलाई होलाई बाने।” 7यीशु नी दियाटे मंडीके, “इंज हेजेवा डो डीचके साजाएच्बा।” 8मुख्यानी#8:8 मुख्या यहूदी बाऊ डा पेनो हेज खुदके यहूदी कुरकू रोंगो समझातिंजे डा। जवाब जीके, “हे प्रभु, इंज एने लायको बाऊ, कि आम इंजा उरा तलान हेजे। पेनो बस चाभु टे मंडे मेटे इंजा भाग्य सजाऊबा।
9इंज खुद जेका इटान होय, एठा इंजा इटान सेना गा म्या भागो होय। इंज म्याखोम के सेने गा हुकूम जेबा होय, मेटे सेनेवा एठा दूसराके हेजे गा हुकूम जेबा होय डीच हेजेवा होय। एठा इंज इंजा भाग्यकु के हुकूम जेबा होय कि येटेन डाये, मेटे देटेन डेनोगोका दडावा होय।” 10इनी आजुमटे यीशु नी अचम्बो कामय डाके, एठा जो टाऊटे हेजे लक्के डा दिकुटे मंडीके, “इंज आपेटे साच्चो मंडीवा कि इंज्नी इस्राएल देशोन म्या भी येनोगो कोरो बान घाटाडुका, जो इनी अलग्गो जाटो कोरो गा रोंगो इंजा लिंजेन भारोसा दोडोवा होय।
11एठा इंज आपेटे सच्चो मंडीवा कि घोनेचकु का अलग्गो जाटो गा कुरकू पूर्व एठा पश्चिम दिशानौर टे हेजेवा डो अब्राहम एठा इसहाक एठा याकूब गा सेंग्गोन स्वर्ग गा राज्य गेन सुबनबा एठा आटा जोम्बा। 12पेनो परमेश्वर गा राज्य गा कोणकुटे यानेकी घोनेच्का यहूदी कुरकू बल्लान अंधरान येंडाकुबा। देटेन कासु वोजीटे जाम एठा तिळींज रिरीगिटबाका।” 13एठा यीशु नी मुख्या मंडीके, “उरान सेने, आपेगा घल्जी डेनोगोका डाऊवा येनेगोका आपेगा विश्वास होय।” दियागा भाग्य डीका टेमो साजाएन।
पतरस गा उरान चोटोका बिमारीकु गा सजाऊ
(मरकुस 1:29-34; लूका 4:38-41)
14जब यीशु पतरस गा उरान हेन, डीचनी पतरस गा कणकर टे राँवा गा वोजीटे गा बिंदीलेन गिटीच टेका डोकेनेच। 15यीशु नी दियागा टी उठाटे एठा राँवा आगोरोएन, एठा देटेन बिटजे डो दियागा सेवा दडा लज्जे। 16जब सिंगुरूप मेटे कुरकू भूतोकु मुके कुरकू के यीशु गा मेरान साकु लज्जे। यीशु नी बस हेजा शब्द टे हुकूम जीटे कुरकू के भूतोकुटे आराकेकु एठा घोनेच बिमारी मिंकूके साजाकेकु। 17ताकी यशायाह जो परमेश्वर गा कोनेटे मंडीमिठाच होय दियागा वचन पुरायु, “डीचनी हेज्का आलेगा लोकोमके हेजा लिंजेन सैय्ये एठा आलेगा बिमारीनौर के ठुल्जे होय।”
यीशु गा चेला आरु गा किमती
(लूका 9:57-62)
18यीशु नी आसो-पासोन खाट गर्दी धोटे हेजा चेलाकू टे मंडीके, हेजे आबु गलील गा समुद्र गा हुधेळेन बो सेने गा हुकूम जीके। 19डेनोगोका सेने घल्जी तैयार जे म्या मूसा गा नियम इथूमिठाच नी यीशु गा मेरान हेंडो मंडीके, “हे गुरु इंज आमगा चेला आरु घल्जी अमा टाऊटे हेजेवा।” 20यीशु नी डीचके मंडीके, “कोल्जाकु गा मेरान दिकुगा गुफानौर एठा बदळा गा भूरिकु गा मेरान दिकुगा बुदली थंदळवा होय, पेनो कोरो गा कोण होय, इंजा मेरान म्या उरा भी बाऊ देटेन इंज गिटीचबा।”
21म्या एठा चेलानी दियाटे बिनती डाके, “हे प्रभु, इंज्के पेला उरान सेंडाए, इंजा बाटे गा गुजू गा बादोन इंज डीचके गळातिंजेज्बा एठा डाबोलटे हेजेवा डो अमा चेला आरु घल्जी अमा टाऊटे हेजेवा।” 22लेकिन यीशु नी डीचके मंडीके, “इंजा चेला आरु घल्जी इंजा टाऊटे हेजे, एठा जो कुरकू आत्मा रुपोटे गोएन होय, दिकुके इकुके का म्हाळा गळातिंज डाए।”
धुंदळ एठा कोयो के शांती केनेच
(मरकुस 4:35-41; लूका 8:22-25)
23मेटे डीच डोंगा लिंजेन पेळेन मेटे दियागा चेलाकू दियागा टाऊटे हेन। 24आचनक समुद्रन येनोगो खाट कोयो धुंदळ बिटजे, कि डोंगा लपा टे ओखेंज लज्जे डी टेमो यीशु गिटीच लक्के डा। 25मेटे चेलाकूनी मेरान हेंडो डीचके बिटकेनेच। एठा मंडीके, “हे गुरु आलेके बचातिंजकोम चोयाकी आले नाशोऊ लक्के होय।”
26एठा यीशु नी चेलाकू टे मंडीके, “हे कम विश्वासीकु, आपे चोया हिघरावा होय?” मेटे डीचनी बिटजे डो कोयो धुंदळ डो डाके कल्लाके एठा सेबाईका कायोम जे होय। 27एठा चेलाकू हैरानजेडो मंडी लज्जे, “इनीच तुनी कोरो होय, कि कोयो धुंदळ डो डा भी दियागा हुकूम आजोम्बा होय।”
भूतोकुके सुकळीकु गोंजन कुलकेकु
(मरकुस 5:1-20; लूका 8:26-39)
28मेटे यीशु दियागा चेलाकू गेल्ला समुद्रा गा हुधेळेन गिरसेनीकु गा इलाकन आदिरजे, एठा जब यीशु डोंगा लिंजा टे आगोरोएन डो तुरुटो बरी कोरो किंज जो भूतोकु डा, गुफा जो मार्गोटो टे वोटजेडो दिएन घाटाएन। डी एटो भायनाक डा कि डी कोरा टे जेकाभी सेने बान डा। 29एठा डोगे दिकिंजनी चिल्लातिंजटे मंडीके, हे यीशु परमेश्वर गा कोण, आमेन आलेटे चोच कामय? चोच आम टेमो टे पेला आलेके कासु जिऊ येनेन हेन? 30डीचनी थोळासा लेक्कीन घोनेचका सुकळीकु गा म्या घोंजा चाचरा लक्केन डा।
31भूतोकुनी डीचके इनी मंडीके कि बिनती डाके यानेकी आम आलेके ओडकोम्बा होय मका सुकळीकु गा गोंजान कुलकोम। 32डीचनी दिकुके मंडीके, सेने एठा दिकु ओठजेन डो सुकळीकु तलान ओले एठा डोगे पूरा घोंजा सिलीमटे जल्दीका डा तलान ओले एठा नमोएन डो गोएन। 33दिकुगा चाचरा मिठाच सळुप जेडो पुरान एठा गाँवेन इनी सेबाई बातो एठा दिकुन भूतोकु डा दिकुगा पूरा हल येटेन घालके। 34एठा डोगे सेबाई पूरा गा कुरकू यीशु गा मेरान भार पेपेळेज गा घल्जी हेन एठा दिजेन भूतोकु डा सुबानटे धोटे दियाटे बिनती डावे आलेगा ईरिया टे बल्लान सेंजू।
Tällä hetkellä valittuna:
मत्ती 8: GOKNT
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.