लूका 8
8
बिहन बुनेवालाके खिसा
(मत्ती १३:१-९; मर्कू ४:१-९)
1कुछु समयके बाद येशू सहर-सहर आर गाँव-गाँवमे परमेश्वरके राज्यके खुश-खबरी प्रचार कर्ते घुमे लाग्लै। बारह चेलासब भी ओकरसंगे रहै। 2ओकरसंगे कुछु जनानीसब रहै, जकरा येशू भूत आर बेमारीसे छुटकारा देल्कै रहे। ओकरसिके नाम यी छै: मरियम जे मग्देला सहरके रहै, जकरासे येशू सातटा भूत निकाल्लकै रहे। 3आर बाँकी जनानीसिमेसे एकटाके नाम योअन्ना रहै, जे हेरोद राजाके मुन्सी खुजासके पतनी रहै। सुसन्ना नामके जनानी भी आरहौ बहुते जनानीसिके साथमे रहै। ऊ जनानीसब आपन धन-दौलतसे येशू आर ओकर चेलासिके सेवा कर्ते रहै।
4गाँव-गाँवसे बहुते आदमीसब येशूके लगत ऐतहैं रहै। आदमीसब जमा भेलके बाद येशू ओकरासिके खिसासे बहुते बात सिखाबे लाग्लै, 5एकटा बिहन बुनेवाला आदमी बिहन बुनैले निकल्लै, आर बुनैबेरियाँ कुछु बिहन रस्ताके बगलमे गिर्लै, आर उटा बिहनके आदमीसब लात ल्याके खान्ही देल्कै आर आकाशके चिडियासब आबिके चुनिके खै लेल्कै। 6कुछु बिहन पत्थलवाला जमिनमे गिर्लै। ओत्ते गाछ उठैले ते उठ्लै मगर उटा जमिनमे हाल नैहुऐके कारणसे उटा गाछ झरकीके सुखी गेलै। 7कुछु बिहन काँटके झौंकीके बिच्चेमे गिर्लै आर ओकर संगमे काँटके झौंख भी बाढिके टुसाके झाँपी देल्कै आर गाछके बाढैले नैदेल्कै। 8कुछु बिहन बढियाँ जमिनमे पड्लै आर टुस्याके गाछ बाढ्लै आर एक स गुणा फल देल्कै, यी सभे बात कहेलके बाद, येशू जोरसे कहैल्कै, “जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”
खिसाके मतलब
(मत्ती १३:१०-२३; मर्कू ४:१०-२०)
9येशूके चेलासब ओकरा यी खिसाके मतलब कि छै कहिके पुछल्कै। 10येशू ओकरासिके कहैल्कै, “तोरासिके परमेश्वरके राज्यके विषयमे नुकैल सच्चाई बतैल छौ, मगर दोसरसिके यी बातसब खिसामे ही कहेल जैछै।
‘ऊसब देखैले ते देखैछै मगर ओकरासिके नैसुझैछै आर सुनैले ते सुनैछै मगर ऊसब बुझे नैसकैछै।’
11यी खिसाके मतलब छै, बिहन परमेश्वरके वचन छै। 12रस्तामे खस्ल बिहनके मतलब छै कि ऊसब परमेश्वरके वचन सुनैछै, मगर परमेश्वरके वचन सुनिके आपन मनमे नैराखे सकैछै, कारण ऊसब परमेश्वरमे विश्वास करिके उद्धार नैपाबे सकै कहिके शैतान तुरन्ते आबैछै आर ओकरासिके उटा सभे बात भूल्या दैछै जेटा ऊसब सुनल्कै रहे। 13पत्थलवाला जमिनमे पडेवाला बिहन ऊ आदमीसब छै, जेसब परमेश्वर वचन सुनिके खुशीके साथ तुरन्ते स्वीकार करैछै, मगर ऊसब परमेश्वरके वचनके आपन दिलके गहराईसे बढैले नैदियैके कारणसे कुछु दिनके लिए ऊसब विश्वास करैछै, मगर परीक्षाके समयमे ऊसब विश्वास करैले छोडी दैछै। 14काँटके झौंकीसिके बीचमे बुन्ल बिहन ऊ एरंको आदमी छै, जे परमेश्वरके वचन सुनिके भी यी संसारके चिन्ता-फिकिर करैछै आर धन-दौलतके मोह-मायामे फसैछै। आर ओकरसिके जीवनमे वचनके बढैसे रोकी दैछै। एरंको आदमी परमेश्वरके वचन मुताबिक नैजिये सकैछै। 15बढियाँ जमिनमे पडेवाला बिहन ऊ आदमीसब छै, जेसब वचन सुनैछै आर आज्ञाकारी भ्याके सुन्ल परमेश्वरके वचनके निष्कपट आर भला हृदयमे ओकरा जोग्याके राखैछै आर धीरजके साथ समयमे फल फराबैछै।”
उजेतके खिसा
(मर्कू ४:२१-२५)
16“कोय भी चिराग बारिके ओकरा ढाकी या चौकीके तरमे नैराखैछै, मगर घरके भितरमे आबेवालासिके उजेत है, कहिके लबनामे राखैछै। 17जे चीज झाँप्ल छै, उटा उघार्ल जैतै, आर हरेक गुपचुपवाला बात प्रकट कैल जैतै। 18सेल्याके होशियार र, कि तुहेंसब केरंके सुनैछैं? कहिनेकी जे हमर बात सुन्तै, जकर भितरमे सम्झैके इच्छा छै, परमेश्वर ओकरा आरहौ समझ देतै। मगर जे कोय भी यी सम्झैके इच्छा नैराखैछै, कि हमे कि सिखाबैछियै ते, ओकरलगत जे कनेजरा समझ छै, परमेश्वर उटा भी ओकरासे ल्यालेतै।”
येशूके मयाँ आर भ्यासब
(मत्ती १२:४६-५०; मर्कू ३:३१-३५)
19येशूके मयाँ आर छोटका भ्यासब येशूके भेट करैले ऐलै। मगर आदमीसिके भीडके कारणसे ऊसब येशूके भेट करैले नैसकल्कै। 20येशूके कोय जैके कहैल्कै “तोर मयाँ आर छोटका भ्यासब तोरसे भेट करैके इच्छासे बाहार खडा छौं।” 21येशू ओकरासिके जबाब देल्कै, “जेसब परमेश्वरके वचन सुनैछै आर पालन करैछै, उहे हमर मयाँ आर हमर छोटका भ्यासब छै।”
येशू अन्हर-तूफानके शान्त कैल्कै
(मत्ती ८:२३-२७; मर्कू ४:३५-४१)
22एक दिन येशू आपन चेलासिके संगे नावमे चढ्लै आर चेलासिके, “अपनासब गालील समुन्दरके उपार चल।” कहिके कहैल्कै तब ऊसब नावमे चढिके चल गेलै। 23नावमे जैबेरियाँ येशू निन पडी गेलै। गालील समुन्दरमे बडका अन्हर-तूफान चले लाग्लै, नावमे पानी भरे लाग्लै आर ऊसब बडका आफतमे पडी गेलै। 24तब चेलासब येशूके लगत आबिके एरं कहते उठैल्कै, “गुरुजी, गुरुजी अपनासब डुबे लाग्लियै।” यी बात सुनिके येशू उठ्लै आर अन्हर-तूफानके प्रचण्ड लहरके धोपल्कै। तब तखनिहैं अन्हर-तूफान थम्लै आर सभे शान्त भेलै। 25येशू चेलासिके कहैल्कै, “तोरसिके विश्वास कते गेलौ?” ऊसब आश्चर्य-चकित भ्यागेलै, ओकर शक्ति देखिके डरैते एक दोसरके कहे लाग्लै, “यी केरंको आदमी छै? ओकर धोप्लके बाद अन्हर-तूफान आर समुन्दर भी एकर हुकुम मानैछै।”
भूत लाग्ल आदमी ठीक भेलै
(मत्ती ८:२८-३४; मर्कू ५:१-२०)
26येशू आर ओकर चेलासब गालील जिलाके समुन्दरके उपार गेरासेनी आदमीसिके इलाकामे पुग्लै, 27जब ऊसब नावसे डङ्गामे उतर्लै तब उटा सहरके एकटा भूत लाग्ल आदमी येशूके मिल्लै। ऊ आदमी बहुते समयसे कपडा नैपिन्है आर घरमे भी नैरहै, मगर सारासिमे रहै। 28जब ऊ येशूके दुर्हैसे देखल्कै तब दौडिके ऐलै आर ओकरा घुटुवा पारिके गोड लागल्कै। आर बडका आवाजमे ऊ चिकरीके कहैल्कै, “हे येशू, परमप्रधान परमेश्वरके बेटा, तुहें हमरासिके कथिले परेशान करैछ? परमेश्वरके समनामे एकटा किरिया खा कि तुहें हमरासिके नैसतैभ।” 29ऊ आदमी एरंको सेल्याके कहैल्कै कहिनेकी येशू ओकरा पहलहै कहैल्कै रहे, “ऐ भूत, यी आदमीसे निक्ली जो।” ओकरा बहुतेबेर उटा भूत लाग्लै रहे, सिक्कड आर नेल ल्याके बान्हिके राख्ल पर भी ऊ आदमी भूतके शक्तिसे सिक्कड तोडीके सुनसान जगह महर भागिके चल जै। 30येशू ओकरा पुछल्कै, “तोर नाम कि छौ?” ऊ कहैल्कै, “फौज” कहिनेकी बहुते भूतसब ओकरामे ढुक्ल रहै। 31ऊ भूतसब हमरासिके अथाहा कुण्डमे नैभेज कहिके येशूसे बिन्ती करे लाग्लै। 32ओत्तेना नज्दिकमे पहाडपर सुग्गरके एकटा बथान चर्ते रहै। उटा भूतसब एरं कहिके येशूसे बिन्ती कैल्कै, “हमरासिके उटा सुग्गरसिमे जैले द्या, आर हमेसब ओकरसिके भित्तर ढुक्बै।” तब येशू ओकरासिके अनुमति देल्कै 33तब भूतसब उटा आदमीसे बाहार निकल्लै आर सुग्गरसिमे सम्या गेलै। तब उटा बथान ढलानवाला किनार महर दौडिके गालील समुन्दरमे जैके गिर्लै आर डुबिके मरि गेलै।
34एरंको घटना देखिके सुग्गर चराबेवालासब भाग्लै आर यी बात जैके सहर आर गाँवमे फैलैल्कै। 35तब ओत्ते जे घटना भेलै रहे से बात देखैले आदमीसब येशूके लगत ऐलै। आर जे आदमीसे येशू भूतसब निकाल्लकै रहे, उटा आदमी ठीक भ्याके कपडा पिन्हीके आपन पुरा होशमे येशूके चरणमे बैठ्ल देखल्कै। यी देखिके ओकरासिके बहुते डर भेलै। 36यी घटना देखेवाला आदमीसब भूत लाग्ल आदमी केरंके ठीक भेलै से बात ओकरासिके बत्या देल्कै। 37गेरासेनी आदमीसिके अगल-बगलके सभे गाँवके आदमीसब येशूके, “हमरसिके इलाकासे चल जा!” कहिके बिन्ती कैल्कै। कहिनेकी ऊसब डरैल रहै, सेल्याके येशू नावमे चढिके वापस ऐलै। 38मगर जे आदमीसे भूतसब निकल्लै रहे, ऊ आदमी येशूके, “हम्रहौ तोर संगमे जैले द्या।” कहिके बिन्ती करे लाग्लै। मगर येशू ओकरा एरं कहिके बिदा देल्कै। 39“तुहें आपन घरमे जो आर परमेश्वर तोर लिए कतनें बडका काम कैल्कौ छे, से बात दोसर आदमीसिके सुना।” तब ऊ गेलै आर येशू ओकर लिए कतनें बडका काम कैल्कै, से बात सारा सहरभर प्रचार करे लाग्लै।
याइरसके बेटी आर रोगी जनानी
(मत्ती ९:१८-२६; मर्कू ५:२१-४३)
40येशू गालील समुन्दरके उपारसे वापस ऐलके साथ आदमीसिके बडका भीड येशूके आशे रुक्ल रहै। ऊसब येशूके स्वागत कैल्कै। 41कुछु समयके बाद याइरस नामके एकटा आदमी यहूदी आदमीसिके सभाघरके मुखिया आबिके येशूके देखिके आदर दियैके लिए मुडा लिब्याके ओकरा घुटुवा पारिके गोड लाग्ते, “हमर घर चल” कहिके बिन्ती कैल्कै, 42कहिनेकी बारह सालके ओकर एकटा बेटी रहै, जे मर्हैवाला रहै। ओकर बिन्ती सुनिके येशू ओकरसंगे ज्या लाग्लै। येशूके जैते देखिके आदमीसब चारोमहरसे येशूके ठेल्ते रहै। 43उहे भीडमे बारह सालसे खून बहेवाला बेमारीसे पीडित एकटा जनानी रहै। ऊ आपन संगमे भेल सभे धन-दौलत आपन बेमारीके इलाजमे खर्चा करिके भी ओकरा कोय ठीक करे नैसकल्कै रहे। 44ऊ आदमीसिके भीडमे पाछु महरसे आबिके येशूके कपडाके कोन छुल्कै। येशूके कपडा छुलहैं साथ तुरन्ते ओकर खून बहेवाला बेमारी ठीक भ्यागेलै।
45येशू पुछल्कै, “हमरा के छुल्कै?” मगर सभेको “हमे ते नैछुलियै छे” कहिके इन्कार कैल्कै। तब पत्रुस आर ओकर साथीसब कहैल्कै, “गुरुजी, भीड तोरा घेरिके ठेलमठेल करैछै।” 46मगर येशू कहैल्कै, “कोय हमरा जानीके छुल्कै छे, कहिनेकी हमरासे ठीक करैके सामर्थ्य निक्लीके गेल हमे महसुस कैलियै।” 47आब अपने आपके नुक्याके राखे नैसक्बै कहिके ऊ जनानी डरसे काँप्ते ऐलै आर ओकर पैरीमे गोड लागल्कै। आर कहिने ऊ येशूके छुल्कै, आर केरंके तुरन्ते ऊ ठीक भ्यागेलै, से बात सभे आदमीसिके समनामे बतैल्कै। 48येशू ओकरा कहैल्कै, “हे बेटी हमे तोरा ठीक कैलियौ कहिनेकी तुहें हमरापर विश्वास कैल्हैं, कुशलसे जो।” 49जब येशू ओकरासे बोल्तहैं रहै, तखनिहैं यहूदी आदमीसिके सभाघरके मुखियाके घरसे एकटा आदमी आबिके याइरसके कहैल्कै, “तोर बेटी ते मरि गेल्हौं। आब गुरुजीके परेशान करैके जरुरत नैछै।” 50मगर यी बात सुनिके येशू याइरसके कहैल्कै, “नैडर, खाली हमरापर भरोसा राख् आर तोर बेटी ठीक भ्याजैतै।” 51याइरसके घर पहुँचीके येशू पत्रुस, याकूब, यूहन्ना आर लडकीके मयाँ-बाबुके सिवाय कक्रहौ भितर आबैले नैदेल्कै। 52ओत्ते जमा भेल सभे आदमीसब लडकी मरैके कारणसे जोर-जोरसे कानन-बाजन कर्ते रहै। येशू ओकरासिके कहैल्कै, “लडकी नैमर्लै छे, खाली सुत्ल छै। सेल्याके तोरासिके एरंके कानन-बाजन करैके जरुरत नैछै।” 53यी बात सुनिके ऊसब ओकर बात सुनिके हाँसे लाग्लै, कहिनेकी ओकरासिके लडकी मर्ल छै कहिके पक्का मालुम रहै। 54मगर येशू ऊ लडकीके हात पक्डीके एरं कहिके बोलैल्कै, “बेटी, उठ्।” 55तब लडकीके जान घुमिके वापस ऐलै आर ऊ तुरन्ते जिन्दा भ्याके उठ्लै आर येशू ओकरा कुछु खैले दहैं कहिके आज्ञा देल्कै। 56ओकर मयाँ आर बाबु आश्चर्य-चकित भ्यागेलै, मगर जे घटना भेलै रहे से बात कक्रहौ नैकहिहैं कहिके येशू ओकरासिके आज्ञा देल्कै।
Tällä hetkellä valittuna:
लूका 8: KYVNT
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.