Aposolo 12
12
Kini Erodimi Keriso wenaali duame pisaya ei
1Go naarena monde kini ali Erodimi Keriso wenaalinu menda para rono pangoma koae einu pakama pisaya. 2Go dinare Dionina ame Dieimusi Erodimi neae kepere andalu eimi kalu rungula poaisayanda Dieimusi komisaya. 3Go eimi Isaraelimi mandu rangala pae wenaalinuna kalu alinu rana ma-komaisayandare Erodimi andoma Pida pange pa ripinyisaya. Monde Palawa Rupara Ma-poyao-ae Danga Na-ma-piraya Ei Nisimiya Eiri go koro piri naarena pisaya. 4Endali ripinyi alimi Pida ripinyuma dipula rupara ma-lopaisaya. Dipula rupara endali ripinyi ali malapu malapu naarele menda pereyala pa dina, malapu ali menda parame Pida popa andere-ala pisimiya. Erodimi kone sialore, Werepe Pasopa lombae pupa pope enda naleme einu peredeandare, neme wenaali raayosi andere-ainya, Pida nipu rapu angele yokanali pia lena alipa, kone wisaya. 5Go eina Pidare dipula anda para pa pirinya lisayapare mo Keriso wenaalimi Gode para Pida para kone waru suma puri waru paloma yainya waru pala pisimiya.
Eindiolome dipula anda para pirinya Pida ma-rapaisaya ei
6Rimbalare Erodimi kone sialore, Pida nipu wenaali lee rona angele yokanali pia lena ma-aluame palumu karu pola, kone wisaya. Go rimbala Pida nipu seinipu laapome andio lapoma rupara palinyaloma endali ripinyi ali laapome au lapoma andere-aisipiya. Gupuma pora poma kama nane ara mo endali ripinyi alinumi dipula anda andere-ala puaisimiya. 7Gupuma Realina eindiolo komea wange wangepu penameyao ipumare mo dipula anda panda para paa waru andaai pisaya. Mo eindiolo ipuma Pidana paisana ki epa suma ma-rekada ara lalore, Ambe wangepu reka, lisaya. Gupi lisayandare nipu andibaisimiyande seinipunuri nipunale rungula pape pape puma suna lopangaisaya. 8Mo eindiolome Pida para lalore, Nena ako yamoma ange anda pange pambae, lisaya. Gupuma nipumi Pida para lalore, Nena maa aka yamoma anda puma ni raluma ipuae, lisaya. 9Go eina Pidame mo dipula anda rupara minyapaloma kama nane eindiolo kama raluma paisayapare nipumi mo eindiolome pisaya eiri kone na-wisaya. Nipumi kone sialore, Upame pi nono pi rupa pi, kone wisaya. 10Niipu laapo pumare ririna dipula alinu andere-aya lena wanduala puma go kou para ei pange wanduala pumare monde ree anda rupara puri waru pale andaa pora gape para opapala paisipiya. Gupuma monde pora gapere nipunale lombapa wisaya. Go dina niipu laapore lombae pupa pumare andaa porana opapala paisipiyapare mo eindiolomere Pida minyapalaoma wangepu paisaya.
11Pidame go pisaya ei andala ara kone sialore, Ora eiyana, kone wisaya. Realimi ni para nipuna eindiolo rapaoma mo Erodi nipuna puri pale einu pange mo Isaraelimi mandu rangala pae wenaalinumi ni para pula peme einu mone pa winya runguluma Realimi ni rambamuma karu epa, lisaya.
12Go kone sumare Dioniri nipuna bi menda Maka nipuna ama Mearina anda para paisaya. Go anda para wenaali raayo mombea piri yainya pu pirisimiya. 13Go dina Pidame mo kama pora gape para pua ara koro koro lomare kili kili laisaya. Gupisayandare pupudengi noaisaya nongo menda nipuna bi Rouda nipumi pora lombolame ipisaya. 14Pidana angele koma mumare raname waru komala ara pora ambe na-lombe anda runane alo puma wenaali para lalore, O, Pidare pora gape para epa aya, lisaya. 15Mo wenaalimi Rouda para lalore, Neere keada ara lale, lisimiyapare mo nongome puri paloma angele yango liada ara lalore, Dia. Ora lalo, lisayapare nimumi lalore, Nipuna eindiolo ali#12:15 Diu wenaali nimuna kone wisimiya ei mendare gore wenaali komea komealo nimu andere-ao-aya eindiolome komea komealo aeme kone wisimiya. epa ara pea, lisimiya.
16Go dina Pidame pora gape pa kili kili lada-ainya pora pua lomboma Pida andala ara rungula mealo pamboma waru andae wisimiya. 17Gupisimiyapare Pidame ki wangepula ara lalore, Angele na-dapape, lisaya. Anda para konda pamboma Realimi mo dipula anda rupara nipu karu ipisaya angele la alisaya. Gupuma Pidame lalore, Dieimusi para pange Keriso amenu para pange go angele la adapape, lisaya. Go loma go anda giala anda menda nane paisaya.
18Yapi kepelisayandare monde endali ripinyi alinumi Pida na-pirisayandare rungula mealo pamboma kone andapu wisimiya. 19Gupuma Erodimi Pidana paisaya pora kone suma nipuna endali ripinyi alinu para lalore, Nimimi Pida aisa pipape, lisaya. Go lisayapare na-andawisimiya. Go eina Erodimi mo Pida andere-aisimiya endali ripinyi alinu para lalore, Akipuma peapae, loma angele angaa angaa muma endali ripinyi alinu menda para nimimi mo alinu komena diiapape, lisaya. Go dina Erodimi Diudia andasu minyapaloma no Sisaria ree anda nane ala paisaya.
Kini Erodi komisaya ei
20Go naarenare Kini Erodimi Daya pange Saidoni ree anda laapo wenaali raayo para rono waru andaai pangisaya. Gupisayanda Daya Saidoni ree anda laapo wenaalinu menda parame Kini Erodi rapu angele doame popisimiya. Daya Saidoni ree anda laapo wenaalimi Kini Erodina anda pandanu raayo andere-aisaya ali Balasadasi para pua lalore, Naa epa rambameae, loma konge lisimiya. Mo Daya Saidoni ree anda laapo wenaali raayosimi Kini Erodina suna enda kambo noaisimiyanda nimumi Kini Erodi para puma lalore, Nena rono pangoale ei pereyape, loma konge lisimiya.
21Naare mendana Kini Erodimi nipuna kini alina kinina epe bi wi akanu maraoma piri nipuna kini alina epe sea mandaa piri mo Daya Saidoni ree anda laapo wenaali raayosi para amo angele loma yapipi andalu ei lisaya. 22Go eina mo wenaalinumi wi waru loma lalore, Go aliri su alina angele mandana na-dapare nipuri ora gode menda aya, lisimiya. 23Kini Erodimi mo wenaalimi wi lisimiya angele pangoma Godena bi na-minyasiaisaya. Gupisayanda goleme Realina eindiolome Kini Erodi para koae yainya alisayanda koae kolawimi nipuna pu romba para pua piri nisimiyanda, Erodi komisaya.
24Go dina Gode nipuna angeleme puri ma-palada-ainya nipuna angele su menda menda wenaali raayo para paisaya.
25Banabasi Solo niipu laapome Diurusaleme ree anda para niipuna pupudengi nisipiya ei pu pereyaoma, Diurusaleme ree anda minyapalaoma wala lekeya ipula ara Dioni Maka nipu pula ara karu paisipiya.
Tällä hetkellä valittuna:
Aposolo 12: POLENT23
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 12
12
Kini Erodimi Keriso wenaali duame pisaya ei
1Go naarena monde kini ali Erodimi Keriso wenaalinu menda para rono pangoma koae einu pakama pisaya. 2Go dinare Dionina ame Dieimusi Erodimi neae kepere andalu eimi kalu rungula poaisayanda Dieimusi komisaya. 3Go eimi Isaraelimi mandu rangala pae wenaalinuna kalu alinu rana ma-komaisayandare Erodimi andoma Pida pange pa ripinyisaya. Monde Palawa Rupara Ma-poyao-ae Danga Na-ma-piraya Ei Nisimiya Eiri go koro piri naarena pisaya. 4Endali ripinyi alimi Pida ripinyuma dipula rupara ma-lopaisaya. Dipula rupara endali ripinyi ali malapu malapu naarele menda pereyala pa dina, malapu ali menda parame Pida popa andere-ala pisimiya. Erodimi kone sialore, Werepe Pasopa lombae pupa pope enda naleme einu peredeandare, neme wenaali raayosi andere-ainya, Pida nipu rapu angele yokanali pia lena alipa, kone wisaya. 5Go eina Pidare dipula anda para pa pirinya lisayapare mo Keriso wenaalimi Gode para Pida para kone waru suma puri waru paloma yainya waru pala pisimiya.
Eindiolome dipula anda para pirinya Pida ma-rapaisaya ei
6Rimbalare Erodimi kone sialore, Pida nipu wenaali lee rona angele yokanali pia lena ma-aluame palumu karu pola, kone wisaya. Go rimbala Pida nipu seinipu laapome andio lapoma rupara palinyaloma endali ripinyi ali laapome au lapoma andere-aisipiya. Gupuma pora poma kama nane ara mo endali ripinyi alinumi dipula anda andere-ala puaisimiya. 7Gupuma Realina eindiolo komea wange wangepu penameyao ipumare mo dipula anda panda para paa waru andaai pisaya. Mo eindiolo ipuma Pidana paisana ki epa suma ma-rekada ara lalore, Ambe wangepu reka, lisaya. Gupi lisayandare nipu andibaisimiyande seinipunuri nipunale rungula pape pape puma suna lopangaisaya. 8Mo eindiolome Pida para lalore, Nena ako yamoma ange anda pange pambae, lisaya. Gupuma nipumi Pida para lalore, Nena maa aka yamoma anda puma ni raluma ipuae, lisaya. 9Go eina Pidame mo dipula anda rupara minyapaloma kama nane eindiolo kama raluma paisayapare nipumi mo eindiolome pisaya eiri kone na-wisaya. Nipumi kone sialore, Upame pi nono pi rupa pi, kone wisaya. 10Niipu laapo pumare ririna dipula alinu andere-aya lena wanduala puma go kou para ei pange wanduala pumare monde ree anda rupara puri waru pale andaa pora gape para opapala paisipiya. Gupuma monde pora gapere nipunale lombapa wisaya. Go dina niipu laapore lombae pupa pumare andaa porana opapala paisipiyapare mo eindiolomere Pida minyapalaoma wangepu paisaya.
11Pidame go pisaya ei andala ara kone sialore, Ora eiyana, kone wisaya. Realimi ni para nipuna eindiolo rapaoma mo Erodi nipuna puri pale einu pange mo Isaraelimi mandu rangala pae wenaalinumi ni para pula peme einu mone pa winya runguluma Realimi ni rambamuma karu epa, lisaya.
12Go kone sumare Dioniri nipuna bi menda Maka nipuna ama Mearina anda para paisaya. Go anda para wenaali raayo mombea piri yainya pu pirisimiya. 13Go dina Pidame mo kama pora gape para pua ara koro koro lomare kili kili laisaya. Gupisayandare pupudengi noaisaya nongo menda nipuna bi Rouda nipumi pora lombolame ipisaya. 14Pidana angele koma mumare raname waru komala ara pora ambe na-lombe anda runane alo puma wenaali para lalore, O, Pidare pora gape para epa aya, lisaya. 15Mo wenaalimi Rouda para lalore, Neere keada ara lale, lisimiyapare mo nongome puri paloma angele yango liada ara lalore, Dia. Ora lalo, lisayapare nimumi lalore, Nipuna eindiolo ali#12:15 Diu wenaali nimuna kone wisimiya ei mendare gore wenaali komea komealo nimu andere-ao-aya eindiolome komea komealo aeme kone wisimiya. epa ara pea, lisimiya.
16Go dina Pidame pora gape pa kili kili lada-ainya pora pua lomboma Pida andala ara rungula mealo pamboma waru andae wisimiya. 17Gupisimiyapare Pidame ki wangepula ara lalore, Angele na-dapape, lisaya. Anda para konda pamboma Realimi mo dipula anda rupara nipu karu ipisaya angele la alisaya. Gupuma Pidame lalore, Dieimusi para pange Keriso amenu para pange go angele la adapape, lisaya. Go loma go anda giala anda menda nane paisaya.
18Yapi kepelisayandare monde endali ripinyi alinumi Pida na-pirisayandare rungula mealo pamboma kone andapu wisimiya. 19Gupuma Erodimi Pidana paisaya pora kone suma nipuna endali ripinyi alinu para lalore, Nimimi Pida aisa pipape, lisaya. Go lisayapare na-andawisimiya. Go eina Erodimi mo Pida andere-aisimiya endali ripinyi alinu para lalore, Akipuma peapae, loma angele angaa angaa muma endali ripinyi alinu menda para nimimi mo alinu komena diiapape, lisaya. Go dina Erodimi Diudia andasu minyapaloma no Sisaria ree anda nane ala paisaya.
Kini Erodi komisaya ei
20Go naarenare Kini Erodimi Daya pange Saidoni ree anda laapo wenaali raayo para rono waru andaai pangisaya. Gupisayanda Daya Saidoni ree anda laapo wenaalinu menda parame Kini Erodi rapu angele doame popisimiya. Daya Saidoni ree anda laapo wenaalimi Kini Erodina anda pandanu raayo andere-aisaya ali Balasadasi para pua lalore, Naa epa rambameae, loma konge lisimiya. Mo Daya Saidoni ree anda laapo wenaali raayosimi Kini Erodina suna enda kambo noaisimiyanda nimumi Kini Erodi para puma lalore, Nena rono pangoale ei pereyape, loma konge lisimiya.
21Naare mendana Kini Erodimi nipuna kini alina kinina epe bi wi akanu maraoma piri nipuna kini alina epe sea mandaa piri mo Daya Saidoni ree anda laapo wenaali raayosi para amo angele loma yapipi andalu ei lisaya. 22Go eina mo wenaalinumi wi waru loma lalore, Go aliri su alina angele mandana na-dapare nipuri ora gode menda aya, lisimiya. 23Kini Erodimi mo wenaalimi wi lisimiya angele pangoma Godena bi na-minyasiaisaya. Gupisayanda goleme Realina eindiolome Kini Erodi para koae yainya alisayanda koae kolawimi nipuna pu romba para pua piri nisimiyanda, Erodi komisaya.
24Go dina Gode nipuna angeleme puri ma-palada-ainya nipuna angele su menda menda wenaali raayo para paisaya.
25Banabasi Solo niipu laapome Diurusaleme ree anda para niipuna pupudengi nisipiya ei pu pereyaoma, Diurusaleme ree anda minyapalaoma wala lekeya ipula ara Dioni Maka nipu pula ara karu paisipiya.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.