Aposolo 11
11
Pidame nipu para pisaya einu Diurusaleme anda ree Keriso wenaali para la alisaya ei
1Diudia andasu raayo para Yesuna angele ma-puao-aeme alinumi pange Keriso amenumi pange Isaraelimi na-mandu rangala pae wenaalinu Godena angele la alisimiya ei pangoma kone wisimiya.
2-3Pida mo Diurusaleme ree anda nane paisayanda go para aisimiya alinumi puri paloma mo Isaraelimi na-mandu rangala pae alinu yongale runguli au pi ma-painyaya nimumi Pida para dudu angelenu loma ape lala ara lalore, Yongale runguli au na-pi Isaraelimi na-mandu rangala pae alinu rapu pua paluma ara enda na-pua na-pele enda pa pua naena, lisimiya. 4Go eina Pidame ambala ririna pisaya einu raayo yokoluma nimu para la alisaya.
5Nipumi lalore, Ni mo Yopa ree anda para yainya pula ara upame pi nono pi rupa andawa, lisaya. Neme ale menda so yaa nane aoma yaa wape pa wi para aka rambuli eimi ande eina aka kuni malapu alolo pi eina ma-lopainyaripanda ni pirawa repara epa sia, lisaya. 6Go panda neme repara puma no rupara suna pia alenda alenda raayo keronu kimbu malapu ae ropasinu go alesinu raayosi epa pamba pa winya andawa, lisaya. 7Go papare angele komame ni para lalore, Pidao. Rekoma go alenu luma nae, la, lisaya.
8Go lapare neme lalore, Realio, ora diae, lawa, lisaya. Niri ora rudule koae endanuri na-noayo, lawa, lisaya.
9Gode Epeni naneyame angele komame lalore, Godeme nee para yaakopi aunu pi einu para koae alenu pi na-lape, lisaya. 10Go yaakopi au paa eiri rana repo papare wala Gode Aya para wala opasiaripa, lisaya. 11Go gole wangepu Koniliasi nipumi ali repo raparipayandare Sisaria ree anda naneyame ipuma ni aripu anda nane opapala epame, lisaya. 12Godena Sipiridimi ni para lalore, Kone menda na-wi, la, lisaya. Go alinu rapu puae, la, lisaya. Go ki mendane pereya ki mendanena komeapu amenu Yopa ree anda nane aoma ni rapu Sisaria ree anda nane popama, lisaya. Pupumare naa raayo Koniliasina anda para konda pambarima, lisaya.
13Koniliasi nipumi eindiolo menda nipuna anda para epa aripa ei naa para la gia, lisaya. Eindiolome nipu para lalore, Ali menda Yopa ree anda para puma ali menda nipuna biri Saimono Pida pua lamu ma-epape, lande, lisaya. 14Gore nipumi angele menda la gilia, lisaya. Go angelena reere Godeme nee pange nena wena nakinu nimi raayosi rambamuma endoaya ei gilia, la, lisaya. 15Gore neme angele kini pu lawandare Epe Yaakopi Sipiridi ipuma nimu para epande, lisaya. Naa para ambala ririna epande rupa epa, lisaya. 16Go peapare Realina ambalande angele niminyado, lisaya. Nipumi lalore, Dionimi wenaali andapu ipame baparaisi au paripande la. Go peapare Godeme nimi Epe Yaakopi Sipiridimi baparaisi au pilia, loma la ala, lisaya.
17Ambalande naa raayome Reali Yesu Keriso para kone rularimandare Godeme naa para wai ale giande, lisaya. Go einare Godeme Isaraelimi na-mandu rangala pae wenaali para gonde naa para giande wai ale alande, lisaya. Go eina neme Godena pora sese puluri ana na-pea, la lisaya.
18Go angele pangomare alinu menda parame pisimi einu andoma la la pi angelenu lisimiya einu giaoma, Godena bi minyasiaisimiya. Godeme Isaraelimi na-mandu rangala pae wenaali menda mendana kone lekeyao ma-siaisayandare nimu raayo para endoaya ei ala, lisimiya.
Keriso wenaalinumi Andioko nane ipuma pupudengi nisimiya ei
19Ande Sidipeni lumare Keriso wenaali pange duameya pisimiya dinare, anda minyapalaoma paisimiya wenaaliri mo Penisia andasu nane pange Saiparusi andasu nane pange Andioko ree anda nane pange pongola pula ara, Isaraelimi mandu rangala pae wenaali para komea Godena angele walala pisimiya.
20Gupisimiyapare alinu menda parame mo Saiparusi Sairini anda laapo para aisimiya alinumi Andioko ree anda para opapala ipumare mo Realina epe angele Isaraelimi na-mandu rangala pae wenaali para pange walala pisimiya. 21Gupuma Realimi mo alinu para wele kongapu alala-ainya wenaali waru andapumi Godena angele pangoma nimuna koae koae einu para yalame komoma Reali para perekeyaoma paisimiya.
22Mo Diurusaleme ree anda aeme Keriso wenaalimi ande angele pangomare so Andioko ree anda para Banabasi rapaisimiya. 23Banabasiri so anda opapala pumare Godeme ma-epeaisaya ei andomare raname waru komisaya. Gupuma wenaali raayo para lalore, Nimimi Reali para epelemendare kone menda na-wi kone komea suma Reali rapu raminyekepao ao-palualepape, loma la alisaya. 24Banabasi nipuri epe ali ara Godena angele waru pangoma kone waru suma riminya ara Epe Yaakopi Sipiridimi nipu rumbiao-aisaya. Go dinare wenaali waru andapumi Reali raminyekepaoma ripinya aisimiya.
25Go eina Banabasimi mo Dasasi ree anda nane Solo aisa pula paisaya. 26Gupuma pua andasumare mo Andioko anda para karu ipisaya. Kuni gipa komeana go para ara niipu laapome mo Keriso wenaali rapu mombeala puma Godena angelenu andapu walala pisipiya. Go Andioko anda para Realina angele pangisimiya wenaaliri Keriso wenaali loma bi go para kini pu misimiya.
27Go naarenare Godena poropedi alinu menda parare Diurusaleme ree anda aoma so Andioko anda para opapala ipisimiya. 28Gupuma ali mendare nipuna bi Akapasi mo Epe Yaakopi Sipiridimi la alala-ainya rekoma lalore, Rea gipa andaai su raayo nane epelea, loma walisaya. Go rea gipa ipisaya eiri Kolodiasiri kalu ali ainyaloma ora pisaya. 29Gupuma mo Realina angele pange alinumi kone suma lalore, Naana Diudia andasu nane aeme amenu rambamulame naa raayosimi komea komealo muni olemolenu ongepu meala andapu meala puma rapalimandare ana pea, lisimiya. 30Go einu pumare monde Keriso wenaalinuna rondopao piri alinu para Banabasi Solo laapome mo muni olemolenu ma-puainyayanda rapaisimiya.
Tällä hetkellä valittuna:
Aposolo 11: POLENT23
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 11
11
Pidame nipu para pisaya einu Diurusaleme anda ree Keriso wenaali para la alisaya ei
1Diudia andasu raayo para Yesuna angele ma-puao-aeme alinumi pange Keriso amenumi pange Isaraelimi na-mandu rangala pae wenaalinu Godena angele la alisimiya ei pangoma kone wisimiya.
2-3Pida mo Diurusaleme ree anda nane paisayanda go para aisimiya alinumi puri paloma mo Isaraelimi na-mandu rangala pae alinu yongale runguli au pi ma-painyaya nimumi Pida para dudu angelenu loma ape lala ara lalore, Yongale runguli au na-pi Isaraelimi na-mandu rangala pae alinu rapu pua paluma ara enda na-pua na-pele enda pa pua naena, lisimiya. 4Go eina Pidame ambala ririna pisaya einu raayo yokoluma nimu para la alisaya.
5Nipumi lalore, Ni mo Yopa ree anda para yainya pula ara upame pi nono pi rupa andawa, lisaya. Neme ale menda so yaa nane aoma yaa wape pa wi para aka rambuli eimi ande eina aka kuni malapu alolo pi eina ma-lopainyaripanda ni pirawa repara epa sia, lisaya. 6Go panda neme repara puma no rupara suna pia alenda alenda raayo keronu kimbu malapu ae ropasinu go alesinu raayosi epa pamba pa winya andawa, lisaya. 7Go papare angele komame ni para lalore, Pidao. Rekoma go alenu luma nae, la, lisaya.
8Go lapare neme lalore, Realio, ora diae, lawa, lisaya. Niri ora rudule koae endanuri na-noayo, lawa, lisaya.
9Gode Epeni naneyame angele komame lalore, Godeme nee para yaakopi aunu pi einu para koae alenu pi na-lape, lisaya. 10Go yaakopi au paa eiri rana repo papare wala Gode Aya para wala opasiaripa, lisaya. 11Go gole wangepu Koniliasi nipumi ali repo raparipayandare Sisaria ree anda naneyame ipuma ni aripu anda nane opapala epame, lisaya. 12Godena Sipiridimi ni para lalore, Kone menda na-wi, la, lisaya. Go alinu rapu puae, la, lisaya. Go ki mendane pereya ki mendanena komeapu amenu Yopa ree anda nane aoma ni rapu Sisaria ree anda nane popama, lisaya. Pupumare naa raayo Koniliasina anda para konda pambarima, lisaya.
13Koniliasi nipumi eindiolo menda nipuna anda para epa aripa ei naa para la gia, lisaya. Eindiolome nipu para lalore, Ali menda Yopa ree anda para puma ali menda nipuna biri Saimono Pida pua lamu ma-epape, lande, lisaya. 14Gore nipumi angele menda la gilia, lisaya. Go angelena reere Godeme nee pange nena wena nakinu nimi raayosi rambamuma endoaya ei gilia, la, lisaya. 15Gore neme angele kini pu lawandare Epe Yaakopi Sipiridi ipuma nimu para epande, lisaya. Naa para ambala ririna epande rupa epa, lisaya. 16Go peapare Realina ambalande angele niminyado, lisaya. Nipumi lalore, Dionimi wenaali andapu ipame baparaisi au paripande la. Go peapare Godeme nimi Epe Yaakopi Sipiridimi baparaisi au pilia, loma la ala, lisaya.
17Ambalande naa raayome Reali Yesu Keriso para kone rularimandare Godeme naa para wai ale giande, lisaya. Go einare Godeme Isaraelimi na-mandu rangala pae wenaali para gonde naa para giande wai ale alande, lisaya. Go eina neme Godena pora sese puluri ana na-pea, la lisaya.
18Go angele pangomare alinu menda parame pisimi einu andoma la la pi angelenu lisimiya einu giaoma, Godena bi minyasiaisimiya. Godeme Isaraelimi na-mandu rangala pae wenaali menda mendana kone lekeyao ma-siaisayandare nimu raayo para endoaya ei ala, lisimiya.
Keriso wenaalinumi Andioko nane ipuma pupudengi nisimiya ei
19Ande Sidipeni lumare Keriso wenaali pange duameya pisimiya dinare, anda minyapalaoma paisimiya wenaaliri mo Penisia andasu nane pange Saiparusi andasu nane pange Andioko ree anda nane pange pongola pula ara, Isaraelimi mandu rangala pae wenaali para komea Godena angele walala pisimiya.
20Gupisimiyapare alinu menda parame mo Saiparusi Sairini anda laapo para aisimiya alinumi Andioko ree anda para opapala ipumare mo Realina epe angele Isaraelimi na-mandu rangala pae wenaali para pange walala pisimiya. 21Gupuma Realimi mo alinu para wele kongapu alala-ainya wenaali waru andapumi Godena angele pangoma nimuna koae koae einu para yalame komoma Reali para perekeyaoma paisimiya.
22Mo Diurusaleme ree anda aeme Keriso wenaalimi ande angele pangomare so Andioko ree anda para Banabasi rapaisimiya. 23Banabasiri so anda opapala pumare Godeme ma-epeaisaya ei andomare raname waru komisaya. Gupuma wenaali raayo para lalore, Nimimi Reali para epelemendare kone menda na-wi kone komea suma Reali rapu raminyekepao ao-palualepape, loma la alisaya. 24Banabasi nipuri epe ali ara Godena angele waru pangoma kone waru suma riminya ara Epe Yaakopi Sipiridimi nipu rumbiao-aisaya. Go dinare wenaali waru andapumi Reali raminyekepaoma ripinya aisimiya.
25Go eina Banabasimi mo Dasasi ree anda nane Solo aisa pula paisaya. 26Gupuma pua andasumare mo Andioko anda para karu ipisaya. Kuni gipa komeana go para ara niipu laapome mo Keriso wenaali rapu mombeala puma Godena angelenu andapu walala pisipiya. Go Andioko anda para Realina angele pangisimiya wenaaliri Keriso wenaali loma bi go para kini pu misimiya.
27Go naarenare Godena poropedi alinu menda parare Diurusaleme ree anda aoma so Andioko anda para opapala ipisimiya. 28Gupuma ali mendare nipuna bi Akapasi mo Epe Yaakopi Sipiridimi la alala-ainya rekoma lalore, Rea gipa andaai su raayo nane epelea, loma walisaya. Go rea gipa ipisaya eiri Kolodiasiri kalu ali ainyaloma ora pisaya. 29Gupuma mo Realina angele pange alinumi kone suma lalore, Naana Diudia andasu nane aeme amenu rambamulame naa raayosimi komea komealo muni olemolenu ongepu meala andapu meala puma rapalimandare ana pea, lisimiya. 30Go einu pumare monde Keriso wenaalinuna rondopao piri alinu para Banabasi Solo laapome mo muni olemolenu ma-puainyayanda rapaisimiya.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.