Aposolo 10
10
Eindiolome Koniliasi para angele da ipisaya ei
1Mo Sisaria ree anda nane endali ripinyi ali komea aisaya. Nipuna biri Koniliasi. Nipumiri ali ria supu endali ripinyi alinu andere-aisaya. Go repaare Idali anda ruru alinu. 2Nipuri Gode para kone waru suma nipuna wena nongo nakinu pange Gode para panda punyaoma puaisimiya. Gupuma Isaraelimi mandu rangala pae narali wenaalinu para muni alala pumare Gode para yainya pala puaisaya. 3Rana menda naare pambola pula-ainya gaepame nane Gode nipuna eindiolo komea ipisaya eiri upame ora penameyao ande nono pisaya. Mo eindiolome nipu para lalore, Koniliasio, lisaya.
4Mo eindiolo para paala waru komoma andae siala ara lalore, Realio, aleyapae, lisaya. Gupuma mo eindiolome nipuna angele yango liada ara lalore, Nena yainya puale ei pange nena muni aloale ei pange, so Epeni nane pua pange Godeme nena pele einu kone suma nena yainya puale eina yango nipumi pangoma palia, lisaya. 5Gupuma ambia go mo Yopa anda para ali menda nipuna bi Saimono bi menda Pida epena lamu mula pena ali mendanu rapae, lisaya. 6Mo Pidare ali mendana anda para kimisu pua pia. Mo anda reali Saimonore gawa iri yongaleme alenda olemole waruaya aliae. Nipuna andare ipa andaai repaa lena alia, lisaya. 7Gupuma monde Koniliasi para angele lisaya eindiolo paisayandare Koniliasimi nipuna pupudengi nao-aisipiya ali laapo pange nipu rambamuaisaya ali komea pange wi lisaya. Mo ali komeare endali ripinyi ali ara Gode para paalame komoaisaya. 8Gupuma Koniliasimi monde ali repo para ande eindiolome lisaya angele la aloma pereyaomare Yopa anda nane rapaisaya.
Pidame upame pi nono pi rupa ale menda andisaya ei
9Gupuma naare mendana nimu mo porana ipula-ainya, mo Yopa ree anda reparale ara Pidame naare kalu rikirana ainyaloma mo anda kuluna opasiaoma puma yainya pua pisaya. 10Gupuma Pida rea waru andaai pisayandare, enda menda nawe kone wisayanda alinu menda parame enda wamo pada-ainya Pidame upame pi nono pi rupa ale menda andisaya. 11Go dina upame pi nono pi rupa so yaa wape pa wi para aka andaai rambuli eimi ande ei kuni malapu ripinyalolo puma mea lopainyaisaya. 12Go aka ruparare ange malapu ae suna pia alesinu raayo pange yaasinu raayo pange keronu pange mu pamboma epa ma-lopainyaisaya. 13Gupuma angele komame lalore, Pidao, nee rekoma go alenu lu nae, lisaya.
14Go lisayapare, Pidame lalore, Realio, diae, lisaya. Niri gurupa rudule angele wi rango endanu na-noayo, lisaya.
15Ande angele rana laapopao wala lalore, Godeme rana pea lea alere neeme koae ale pi na-lape, lisaya.
16Go eiri rana repopao monde alere so yaa nane wala ma-opasiaisaya.
17Pidame monde upame pi nono pi ei andoma aki pula pea eina peapae, loma kone siala-ainya, Koniliasimi rapaisaya alinumiri Saimonona andare a parayapae, da paisimiya. Monde alinu pora gape para epa andoaisimiya. 18Gupuma nimumi wi loma lalore, Saimono nipuna bi menda Pidare go para ayapae, loma lora pisimiya.
19Go eina Pidame monde upame pi nono pisaya ei kone suma niminyada pirinya mo Epe Yaakopi Sipiridimi lalore, Pangae, lisaya. Ali repome nee no epa aisa pimili pua andae, lisaya. 20Go eina neeme kone menda na-wi rekoma no alinu rapu pope, lisaya. Go alinuri neme rapaoma pawa, lisaya. 21Gupuma Pidame kolopinyaoma puma mo ali repo para lalore, Niri nimimi go aisa pimi aliyale akepeanda epamepae, lisaya.
22Mo alinumi lalore, Koniliasi ali ria supu endali ripinyi alinu kalu ali epe ali ara Gode para paalame komoaya alimi naa raparipa, lisimiya. Isaraelimi mandu rangala pae wenaalinumi lalore, Nipuri epe angelenu lo epe aunu puaya ali loaeme, lo lisimiya. Godena eindiolome nipu para landa, Nena angelenu rongona pangolameya, nee lamu mula pulupae, landa, ipuluma, lisimiya. 23Gupuma Pidame anda para epenaya wi loma enda pange paliape anda pange walisaya. Gupuma yapi lisayandare Pida wangepu rekoma mo ali repo pange Yopa ree anda Keriso alinu menda para rapu mendaa paisimiya.
Pidame Koniliasina anda para paisaya ei
24Gupuma yapi menda lisayandare Sisaria ree anda nane opapala paisimiya. Mo alinu Koniliasimi andere-ara nipuna anda repaa wenaali pange nipuna amenu pange wi la mipi pisayanda raayo mombea aisimiya. 25Pida nipu anda para konda pambolame palainya Koniliasimi epa mandaoma Pidana ange para panda punyao pirisaya. 26Gupisayapare Pidame mo ali para lalore, Ni pange su aliyale rekae, lisaya.
27Gupuma Pidame mo ali para angele angele la eiri anda runane pumare monde mombelisimiya wenaali andapu andisipiya. 28Pidame mo wenaali para lalore, Niminale kone wimi, lisaya. Mo Isaraelimi mandu rangala pae wenaali rapu andasu menda wenaali rapu na-raminyekepao na-alepape lee rudule angele wia, lisaya. Go einare neme ali menda para koae ali pi na-lape lo, Godeme ni para wala, lisaya. 29Go eina mo alinumi ni lamu mula epamenda niri kone menda na-wi epawa, lisaya. Niri akepea lamu mula epena laepae, lisaya.
30Gupuma Koniliasimi Pida para lalore, Naare malapu ambala pereyaoma-ainya nemere na anda para ara gaepame nane yainya pula ano kake pi aka pambae ali ni repara wangepu epa aripa, lisaya. 31Gupuma monde kake pi aka pambae alimi lalore, Koniliasio, nena yainya puale ei pange mo narali wenaali para nena muni aloale ei pange Godeme kone wia, la lisaya.
32Go eina mo Yopa ree anda para mo ali Saimono bi menda Pida lamu mula pena ali menda rapa, lisaya. Mo aliri mena yongaleme aka waruaya ali Saimonona anda para kimisu ipuma go epa ayandae, lisaya. Mo andare ipa reepa lena aya, lisaya. 33Go eina wangepu nee lamu mula epenaya alinu menda para raparipuae, lisaya. Go eina mo Yopa ree anda para mo ali Saimono bi menda Pida alimi nee para gurupa lape la angelenu raayo pangolameya, Gode para go epa mombea aemanda, loma gurupa la alisaya.
Pidame Koniliasi nipuna anda para angele walisaya ei
34Gupuma Pidame angele kini pula ara lalore, Godeme wenaalina binu para pange anda ruru andapu para pange go wenaali raayo para kone rando rando na-wi, ambiare kone suma ora angele laloae, lisaya. Kone komea wia, lisaya. 35Su raayona aya ali menda apimi Gode para paalame komala ara, nipuna epe au pualiandare Godeme go ali milia, lisaya. 36Nimi kone wimi gurupa Godeme mo Isaraelimi mandu rangala pae wenaali para angele rapaisaya. Nipumi nimu para lalore, Yesu Kerisomere wenaali alenda alenda raayo para andere-ao-aya, lea. Godeme mo Isaraelimi mandu rangala pae wenaali para go nipuna epe angeleme lalore, Yesu Kerisome naame Gode nipu para epe rupa pumi komoma alolo pape eina angele rapaisaya.
37Monde Diudia andasu nane raayo para ambia go ambanende pamende eiri neme nimi para na-doa. Nimimi pangamende Dionimi baparaisi au painyaloma werepe nane mo Galili andasu nane kini pu mea, lisaya.
38Ande Nasarere ree anda ali Yesu nipuri Godeme puri ma-palaisaya pange mo Epe Yaakopi Sipiridi nipu para rapaisaya eiri pangamenae, lisaya. Gupuma nipumi Gode lapo ara epe au pula ara andasu menda menda para Sadanimi rongaoma ma-koyae wenaali ma-enda ari pamua, lisaya. 39Gupuma mo Isaraelimi mandu rangala pae wenaalina su nane pange mo Diurusaleme ree anda para pange Yesu nipumi pi ei raayo naame andoma wenaali raayo para la alama, lisaya. Mo alinumi nipu mumare repanana komena lame ei, lisaya. 40Go papare koro repona winyalomare Godeme wala ma-rekaoma penameyao wala, lisaya. 41Wenaali raayome ambe na-andisimiyapare mo Godeme ambala yarepe mea wenaalimi komea andena lande, lisaya. Nipu komoma wala rekoma ara naa nipusi ara enda ipa nama, lisaya. 42Gupuma Yesumi naa para mana angele lala ara lalore gurupa la. Wenaali para na epe angele wademendare Godeme niri komeme wenaali pange pa aeme wenaali pange nimuna Angele Yokanali Palape Ali ma-aya, dapape, loma la, lisaya. 43Monde Godena poropedi alinu raayome nipu para gurupa lisimiya, lisaya. Ali apimi Yesu para kone rulaliandare Yesuna bina nipuna koae au pi ei kunalia, lame, lisaya.
Isaraelimi na-mandu rangala pae alinumi Epe Yaakopi Sipiridi misimiya ei
44Pidame go angelenu lala-ainya mo Epe Yaakopi Sipiridimi monde angele pangisimiya wenaali raayo para ipisaya. 45Mo Pida rapu Yopa ree anda nane aoma epa aisimiya Keriso alinu Isaraelimi mandu rangala pae alinumiri Godeme mo Isaraelimi na-mandu rangala pae wenaalinu para ala alere Epe Yaakopi Sipiridi ala ei andameyandare lee opo waru andae wisimiya. 46Mo wenaalimi anda menda menda angele lomare Godena bi minyasiada ara angele laisimiya ei pangisimiya.
47Gupuma Pidame lalore, Go wenaali para baparaisi au palimindare ali apimi sese piliapae, lisaya. Naame Epe Yaakopi Sipiridi meama rupa apo meamenda, lisaya.
48Gupuma Pidame mo wenaali para mana angele lalore, Yesu Kerisona bina baparaisi au palepae, lisaya. Gupuma nimumi Pida para lalore, Naare mendane alinu go para aminyae, loma konge lisimiya.
Tällä hetkellä valittuna:
Aposolo 10: POLENT23
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 10
10
Eindiolome Koniliasi para angele da ipisaya ei
1Mo Sisaria ree anda nane endali ripinyi ali komea aisaya. Nipuna biri Koniliasi. Nipumiri ali ria supu endali ripinyi alinu andere-aisaya. Go repaare Idali anda ruru alinu. 2Nipuri Gode para kone waru suma nipuna wena nongo nakinu pange Gode para panda punyaoma puaisimiya. Gupuma Isaraelimi mandu rangala pae narali wenaalinu para muni alala pumare Gode para yainya pala puaisaya. 3Rana menda naare pambola pula-ainya gaepame nane Gode nipuna eindiolo komea ipisaya eiri upame ora penameyao ande nono pisaya. Mo eindiolome nipu para lalore, Koniliasio, lisaya.
4Mo eindiolo para paala waru komoma andae siala ara lalore, Realio, aleyapae, lisaya. Gupuma mo eindiolome nipuna angele yango liada ara lalore, Nena yainya puale ei pange nena muni aloale ei pange, so Epeni nane pua pange Godeme nena pele einu kone suma nena yainya puale eina yango nipumi pangoma palia, lisaya. 5Gupuma ambia go mo Yopa anda para ali menda nipuna bi Saimono bi menda Pida epena lamu mula pena ali mendanu rapae, lisaya. 6Mo Pidare ali mendana anda para kimisu pua pia. Mo anda reali Saimonore gawa iri yongaleme alenda olemole waruaya aliae. Nipuna andare ipa andaai repaa lena alia, lisaya. 7Gupuma monde Koniliasi para angele lisaya eindiolo paisayandare Koniliasimi nipuna pupudengi nao-aisipiya ali laapo pange nipu rambamuaisaya ali komea pange wi lisaya. Mo ali komeare endali ripinyi ali ara Gode para paalame komoaisaya. 8Gupuma Koniliasimi monde ali repo para ande eindiolome lisaya angele la aloma pereyaomare Yopa anda nane rapaisaya.
Pidame upame pi nono pi rupa ale menda andisaya ei
9Gupuma naare mendana nimu mo porana ipula-ainya, mo Yopa ree anda reparale ara Pidame naare kalu rikirana ainyaloma mo anda kuluna opasiaoma puma yainya pua pisaya. 10Gupuma Pida rea waru andaai pisayandare, enda menda nawe kone wisayanda alinu menda parame enda wamo pada-ainya Pidame upame pi nono pi rupa ale menda andisaya. 11Go dina upame pi nono pi rupa so yaa wape pa wi para aka andaai rambuli eimi ande ei kuni malapu ripinyalolo puma mea lopainyaisaya. 12Go aka ruparare ange malapu ae suna pia alesinu raayo pange yaasinu raayo pange keronu pange mu pamboma epa ma-lopainyaisaya. 13Gupuma angele komame lalore, Pidao, nee rekoma go alenu lu nae, lisaya.
14Go lisayapare, Pidame lalore, Realio, diae, lisaya. Niri gurupa rudule angele wi rango endanu na-noayo, lisaya.
15Ande angele rana laapopao wala lalore, Godeme rana pea lea alere neeme koae ale pi na-lape, lisaya.
16Go eiri rana repopao monde alere so yaa nane wala ma-opasiaisaya.
17Pidame monde upame pi nono pi ei andoma aki pula pea eina peapae, loma kone siala-ainya, Koniliasimi rapaisaya alinumiri Saimonona andare a parayapae, da paisimiya. Monde alinu pora gape para epa andoaisimiya. 18Gupuma nimumi wi loma lalore, Saimono nipuna bi menda Pidare go para ayapae, loma lora pisimiya.
19Go eina Pidame monde upame pi nono pisaya ei kone suma niminyada pirinya mo Epe Yaakopi Sipiridimi lalore, Pangae, lisaya. Ali repome nee no epa aisa pimili pua andae, lisaya. 20Go eina neeme kone menda na-wi rekoma no alinu rapu pope, lisaya. Go alinuri neme rapaoma pawa, lisaya. 21Gupuma Pidame kolopinyaoma puma mo ali repo para lalore, Niri nimimi go aisa pimi aliyale akepeanda epamepae, lisaya.
22Mo alinumi lalore, Koniliasi ali ria supu endali ripinyi alinu kalu ali epe ali ara Gode para paalame komoaya alimi naa raparipa, lisimiya. Isaraelimi mandu rangala pae wenaalinumi lalore, Nipuri epe angelenu lo epe aunu puaya ali loaeme, lo lisimiya. Godena eindiolome nipu para landa, Nena angelenu rongona pangolameya, nee lamu mula pulupae, landa, ipuluma, lisimiya. 23Gupuma Pidame anda para epenaya wi loma enda pange paliape anda pange walisaya. Gupuma yapi lisayandare Pida wangepu rekoma mo ali repo pange Yopa ree anda Keriso alinu menda para rapu mendaa paisimiya.
Pidame Koniliasina anda para paisaya ei
24Gupuma yapi menda lisayandare Sisaria ree anda nane opapala paisimiya. Mo alinu Koniliasimi andere-ara nipuna anda repaa wenaali pange nipuna amenu pange wi la mipi pisayanda raayo mombea aisimiya. 25Pida nipu anda para konda pambolame palainya Koniliasimi epa mandaoma Pidana ange para panda punyao pirisaya. 26Gupisayapare Pidame mo ali para lalore, Ni pange su aliyale rekae, lisaya.
27Gupuma Pidame mo ali para angele angele la eiri anda runane pumare monde mombelisimiya wenaali andapu andisipiya. 28Pidame mo wenaali para lalore, Niminale kone wimi, lisaya. Mo Isaraelimi mandu rangala pae wenaali rapu andasu menda wenaali rapu na-raminyekepao na-alepape lee rudule angele wia, lisaya. Go einare neme ali menda para koae ali pi na-lape lo, Godeme ni para wala, lisaya. 29Go eina mo alinumi ni lamu mula epamenda niri kone menda na-wi epawa, lisaya. Niri akepea lamu mula epena laepae, lisaya.
30Gupuma Koniliasimi Pida para lalore, Naare malapu ambala pereyaoma-ainya nemere na anda para ara gaepame nane yainya pula ano kake pi aka pambae ali ni repara wangepu epa aripa, lisaya. 31Gupuma monde kake pi aka pambae alimi lalore, Koniliasio, nena yainya puale ei pange mo narali wenaali para nena muni aloale ei pange Godeme kone wia, la lisaya.
32Go eina mo Yopa ree anda para mo ali Saimono bi menda Pida lamu mula pena ali menda rapa, lisaya. Mo aliri mena yongaleme aka waruaya ali Saimonona anda para kimisu ipuma go epa ayandae, lisaya. Mo andare ipa reepa lena aya, lisaya. 33Go eina wangepu nee lamu mula epenaya alinu menda para raparipuae, lisaya. Go eina mo Yopa ree anda para mo ali Saimono bi menda Pida alimi nee para gurupa lape la angelenu raayo pangolameya, Gode para go epa mombea aemanda, loma gurupa la alisaya.
Pidame Koniliasi nipuna anda para angele walisaya ei
34Gupuma Pidame angele kini pula ara lalore, Godeme wenaalina binu para pange anda ruru andapu para pange go wenaali raayo para kone rando rando na-wi, ambiare kone suma ora angele laloae, lisaya. Kone komea wia, lisaya. 35Su raayona aya ali menda apimi Gode para paalame komala ara, nipuna epe au pualiandare Godeme go ali milia, lisaya. 36Nimi kone wimi gurupa Godeme mo Isaraelimi mandu rangala pae wenaali para angele rapaisaya. Nipumi nimu para lalore, Yesu Kerisomere wenaali alenda alenda raayo para andere-ao-aya, lea. Godeme mo Isaraelimi mandu rangala pae wenaali para go nipuna epe angeleme lalore, Yesu Kerisome naame Gode nipu para epe rupa pumi komoma alolo pape eina angele rapaisaya.
37Monde Diudia andasu nane raayo para ambia go ambanende pamende eiri neme nimi para na-doa. Nimimi pangamende Dionimi baparaisi au painyaloma werepe nane mo Galili andasu nane kini pu mea, lisaya.
38Ande Nasarere ree anda ali Yesu nipuri Godeme puri ma-palaisaya pange mo Epe Yaakopi Sipiridi nipu para rapaisaya eiri pangamenae, lisaya. Gupuma nipumi Gode lapo ara epe au pula ara andasu menda menda para Sadanimi rongaoma ma-koyae wenaali ma-enda ari pamua, lisaya. 39Gupuma mo Isaraelimi mandu rangala pae wenaalina su nane pange mo Diurusaleme ree anda para pange Yesu nipumi pi ei raayo naame andoma wenaali raayo para la alama, lisaya. Mo alinumi nipu mumare repanana komena lame ei, lisaya. 40Go papare koro repona winyalomare Godeme wala ma-rekaoma penameyao wala, lisaya. 41Wenaali raayome ambe na-andisimiyapare mo Godeme ambala yarepe mea wenaalimi komea andena lande, lisaya. Nipu komoma wala rekoma ara naa nipusi ara enda ipa nama, lisaya. 42Gupuma Yesumi naa para mana angele lala ara lalore gurupa la. Wenaali para na epe angele wademendare Godeme niri komeme wenaali pange pa aeme wenaali pange nimuna Angele Yokanali Palape Ali ma-aya, dapape, loma la, lisaya. 43Monde Godena poropedi alinu raayome nipu para gurupa lisimiya, lisaya. Ali apimi Yesu para kone rulaliandare Yesuna bina nipuna koae au pi ei kunalia, lame, lisaya.
Isaraelimi na-mandu rangala pae alinumi Epe Yaakopi Sipiridi misimiya ei
44Pidame go angelenu lala-ainya mo Epe Yaakopi Sipiridimi monde angele pangisimiya wenaali raayo para ipisaya. 45Mo Pida rapu Yopa ree anda nane aoma epa aisimiya Keriso alinu Isaraelimi mandu rangala pae alinumiri Godeme mo Isaraelimi na-mandu rangala pae wenaalinu para ala alere Epe Yaakopi Sipiridi ala ei andameyandare lee opo waru andae wisimiya. 46Mo wenaalimi anda menda menda angele lomare Godena bi minyasiada ara angele laisimiya ei pangisimiya.
47Gupuma Pidame lalore, Go wenaali para baparaisi au palimindare ali apimi sese piliapae, lisaya. Naame Epe Yaakopi Sipiridi meama rupa apo meamenda, lisaya.
48Gupuma Pidame mo wenaali para mana angele lalore, Yesu Kerisona bina baparaisi au palepae, lisaya. Gupuma nimumi Pida para lalore, Naare mendane alinu go para aminyae, loma konge lisimiya.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.