Aposolo 9
9
Solome kone perekeyo suma Keriso para kone rulaisaya ei
(Aposolo 22:6-16; 26:12-18)
1-2Pilipi nipumi go au palainya Solome angele andaai loma rono pangala ara monde Realina angele pange wenaalinu lu komaluame ralu liia eiri pamisaya. Go au pua eiri mo Gode repara alinau puaisimiya alinuna kalu alinuna andaa ali para pua lalore, Mo Damasikasi ree anda nane Isaraelimi mandu rangala pae wenaalina Godena angele kuruaeme andanu para gonde Realina Porana pamuaisimiya wenanu pange alinu pange dipula mea, Diurusaleme ree anda nane ma-epolame lawale ramayo menda giae, loma pua konge lisaya.
3Gupuma Solore Damasikasi ree anda nane polame repara porana pula-ainya so yaa nane paa andaai ipuma mo ali ma-kopalio paa pu kopaliaisaya. 4Gupuma mo ali suna lopoma suna piri angele koma pangisayapare gupi lisaya. Solo o, Solo o, akepeanda ni para rendaa gialepae, lisaya.
5Go eina Solome lalore, Realio, neere apiyapae, lisaya. Monde angele komame lalore, Niri Yesu. Neeme ni lapo yanda liialenda laloae, lisaya. 6Go peale Yesumi lalore, Rekoma no anda nane neeme pula pele einu doale puae, lisaya.
7Gupuma mo Solo rapu ipisimiya alinuri mo lisaya angele koma pangoma pangisimiyapare ali menda ora na-andoma nimu pa epa yoloma aisimiya pange angele na-lisimiya. 8Gupuma Solo wala rekomare nipuna leere kilisayapare alenda alenda waru na-andisayandare alinu mendane ala, mendane ala puma liminyuma karu, mo Damasikasi ree anda para paisimiya. 9Solore ipa enda pange na-ne, alenda alenda pange na-ande, koro repo mo Damasikasi anda para wisaya.
10Go dina mo Damasikasi ree anda ae Kerisona angele pange ali menda nipuna biri Ananayasi aisaya. Realimi upame pi nono pi rupa lalore, Ananayasio, lisaya. Ananayasimi lalore, Realio, niri go piae, lisaya.
11Go einare Realimi lalore, Rekoma mo para menda para nipuna biri Rendepole porana pumare Diudasi nipuna anda para pumare Dasasi ree anda ali Solore a para piapae, loma lora pape, lisaya. Nipuri yainya go pula pianda, lisaya. 12Solo nipumi upame pi nono pi rupa kone sialore, Ali menda nipuna bi Ananayasi ipuma nipuna ki nina kaluna epa wiliandare nina lee ora kidea, loma ambala andea, lisaya.
13Ananayasimi Realina angele yango liada ara lalore, Realio, go alimiri Diurusaleme ree anda para nena wenaali para ora koae rendaa rendaa aloaya ali, loma wenaali andapumi epa lala puaemenda pangoayo, lisaya. 14Gupuma Solome mo Gode repara alinau puaisimiya alinuna kalu alinu para ramayo wape muma sia ara Damasikasi ree anda para ipuma nena bina angele meame wenaali para nipumi ipuma epa pa ripinyuma dipula ma ma-pirao-aya ali ae, lisaya. 15Go lisayapare Realimi lalore, Puae, lisaya. Go aliri na ambala meawa alimi na pupudengi nainyaya pi, lisaya. Na biri Isaraelimi na-mandu rangala pae wenaali pange kini alinu pange Isaraelimi mandu rangala pae wenaalimi pange pangenaya pawale puae, lisaya. 16Go eina neme na auna rendaa pi ei minyaya wadoa, loma lawale puae, lisaya.
17Go eina Ananayasi nipu Solo pirisaya anda para opopala paisaya. Gupuma nipuna ki Solona kaluna pua siala ara lalore, Solo, nina ameo, Realimi monde porana ipula-ainya epa pande eina ni raparipanda epawa, lisaya. Gupuma nee para Epe Yaakopi Sipiridimi rumbidiandare neme nena lee wala kiyoma epe rupa andele, lisaya. 18Gupuma nipuna leere repali kindumi ande aleme rambuluma wi ei leemare wala kunaomare nipuna lee wala kilisaya. Gupuma goleme rekomare nipumi baparaisi au pisaya. 19Gupuma Solome enda pena ma-rambamu nisaya dinare nipuna puri wala misaya.
Solome Damasikasi ree anda para Realina angele walisaya ei
Solore mo Damasikasi ree anda Kerisona angele pange wenaalinu rapu ongesinda aisaya.
20Gupuma puri mumare go gole mo Isaraelimi mandu rangala pae wenaalinuna Godena angele kuruaeme andanu para Yesu Kerisona angele walala ara lalore, Yesuri Godena Naki ae, lisaya.
21Mo angele pangisimiya alinuri lee waru opoma rungula mealo pambisimiya. Go eina nimumi lalore, Go aliri monde Diurusaleme ree anda para pange go Yesuna angele pangamende wenaali ma-koyaripande aliri go aliyapae, lisimiya. Ee, nipuri gonde aliyara. Ambia naa para go epeale wenaali menda para muma mo dipula anda para ma-lopaluameya pange mo Gode para alinau puaisimiya alinuna kalu ali para karu polame epea, lisimiya.
22Go lisimiyapare Solomere nipuna Realina angele walisaya ei puri waru palisaya. Gupisayandare kone rondo repana yokala ara mo Isaraelimi mandu rangala pae alinu pange Damasikasi ree anda aisimiya alinu rapu angele lala ara Solome lalore, Yesuri ora Keriso ae, loaisaya.
Mo Isaraelimi mandu rangala pae alinumi rono pangisimiyanda Solo pongola paisaya ei
23-24Naarele andapu aomare mo alinumi Solo duameya mombea ara yanda rombisimiyapare Solome mo lisimiya angelere ambala pangisaya. Mo alinumi rimbala pange naarena pange ree anda pora gape para nipu duameya andere-ala pisimiya. 25Gupisimiyapare rimbala mendame Kerisona angele pange alinumi mo kana pape ma-anguloma Solore mandali nu rupara pirinyaloma ma-lopainyaisimiya.
Solore mo Diurusaleme ree anda para aisaya ei
26Mo Diurusaleme ree anda nane opapala pumare Solore mo Kerisona angele pange alinu rapu mendaa para aluameya pisayapare mo Keriso alinumiri Solore Kerisona angele pange ali diia kone siala ara paalame komisimiya. 27Gupuma Banabasimi Solo mo Yesuna angele ma-puao-aeme alinu para karu puma mo Realimi porana Solo para walisaya ei pange angele lisaya ei pange la alisaya. Gupuma mo Damasikasi ree anda para ara Solome Yesuna bina kundiripu na-le, angele walisaya ei pange mo alinu para la alisaya.
28-29Go eina mo alinu rapu ara Diurusaleme ree anda para konda pambala wala opalumbala paisaya. Solomere mo wenaali paalame na-komea Yesuna bi lomare angele walala arare angele angele lala puma mo Giriki angele loaisimiya Isaraelimi mandu rangala pae wenaali rapu angele da da pamisimiyapare mo wenaalimiri Solo duameya kone wisimiya. 30Werepe nane mo Keriso amenumi go ei pangomare Solo Sisaria ree anda nane karu puma Dasasi ree anda nane penaya rapaisimiya.
31Go dinare Diudia andasu nane pange Galili andasu nane pange Sameria andasu nane pange Keriso wenaali raayome kenda pi ei menda na-ande, yandanu pange na-pi, epe rupa aisimiya. Epe Yaakopi Sipiridimi Keriso wenaali rambameala ara puri ma-palada-ainya Gode para panda punyaoma aisimiya. Go dina wenaali andapumi Kerisona angele pena pangoma Keriso wenaali rapu raminyeke puma aisimiya.
Pida nipuri Lida ree anda pange Yopa ree anda laapo para aisaya ei
32Pidame su raayo para pamulopisaya. Gupuma rana menda kana rumuna minyapalaoma Lida ree anda para kolopinyaoma mo Godena alinu rapu aisimiya.
33Gupuma go anda para ali menda nipuna bi Iniasi andisayapare nipuna ki ange do raayore lupapepe winyaloma lewa na-pi, kambe kelena palu pirinyaloma kuni gipa mendane ki pereyoma mendana repo perelisaya. 34Pidame nipu para lalore, Iniasio, ambia go Yesu Kerisome nee ma-epeada. Nee rekoma nena rambode yaparanu wamopape, lisaya. Goleme nipu wangepu rekisaya. 35Go ei andoma Lida ree anda pange Sarone ree anda laapo para aisimiya wenaali raayome nimuna koae koae einu kepema Reali para aluame kone pena wisimiya.
Pidame Rapida ma-rekaisaya ei
36Yopa ree anda para Kerisona kou nane raluaisaya wena menda aisaya. Nipuna biri Rapida. Giriki angeleme lalore, Dokasi loaisimiya. Nipuri naare raayo epe au komea puaisaya. Gupula ara mo alenda alenda diale narali wenaali rambameala ara olemolenu aloma rambamuaisaya wena ae. 37Gupisaya wenare yainya aoma ora komisaya dinare nipuna do yongale randepemare so mandaa anda panda menda para wisimiya. 38Lida ree anda pange Yopa ree anda repara ma-rilao-aisaya. Go eina mo Kerisona kou nane raluaisimiya alinumi angele pangisimiyapare Pidare mo Lida ree anda para aya lisimiyanda ali laapo nipu para rapaisimiya. Gupuma angele loma lalore, Nee pa na-ae, ora wange wangepu ambe ipuae, lisipiya. 39Pidame go angelenu pangoma nipuna olemolenu wangepu muma niipusi paisimiya. Pida nipu opapala paisayandare nimumi Pida so mandaa anda panda para karu paisimiya. Pua pirinyare mo waisa wenanumi ree lala ara riri arare pula ara Pida para Dokasi nipumi pa ara rambulala pisaya mandaa ma-rae akanu pange akanu menda paranu pua walisimiya. 40Pidame monde wenaalinu raayo Kama nane pulupae, lomare nipuna rumu yaruaoma yainya pisaya. Gupuma monde wena ro wisaya nane lekeyoma lalore, Rapida, rekae, lisaya. Go lisayandare mo wena nipuna lee kiyoma Pida andoma rekoma pirisaya.
41Pida nipumi mengeao monema mo wenana ki muma ma-rekaisayandare Rapida nipu rekoma aisaya. Gupumare Pidame monde waisa wenanu pange mo Keriso wenaali raayo pange wi loma, Ipulupa, lisaya. Go lomare Pidame mo wena Rapida ma-endaoma nimu para wala alisaya. 42Go pisaya ei andomare monde wenaali raayome Yopa ree anda raayo para go angele kende ruma pamisimiya. Go eina wenaali andapumi Reali para kone rulaisimiya. 43Gore Pida nipu Yopa andasu para yapi andapumi aisaya. Mo gawa iri yongale waruaisaya ali Saimono rapu paluma ao-aisaya.
Tällä hetkellä valittuna:
Aposolo 9: POLENT23
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 9
9
Solome kone perekeyo suma Keriso para kone rulaisaya ei
(Aposolo 22:6-16; 26:12-18)
1-2Pilipi nipumi go au palainya Solome angele andaai loma rono pangala ara monde Realina angele pange wenaalinu lu komaluame ralu liia eiri pamisaya. Go au pua eiri mo Gode repara alinau puaisimiya alinuna kalu alinuna andaa ali para pua lalore, Mo Damasikasi ree anda nane Isaraelimi mandu rangala pae wenaalina Godena angele kuruaeme andanu para gonde Realina Porana pamuaisimiya wenanu pange alinu pange dipula mea, Diurusaleme ree anda nane ma-epolame lawale ramayo menda giae, loma pua konge lisaya.
3Gupuma Solore Damasikasi ree anda nane polame repara porana pula-ainya so yaa nane paa andaai ipuma mo ali ma-kopalio paa pu kopaliaisaya. 4Gupuma mo ali suna lopoma suna piri angele koma pangisayapare gupi lisaya. Solo o, Solo o, akepeanda ni para rendaa gialepae, lisaya.
5Go eina Solome lalore, Realio, neere apiyapae, lisaya. Monde angele komame lalore, Niri Yesu. Neeme ni lapo yanda liialenda laloae, lisaya. 6Go peale Yesumi lalore, Rekoma no anda nane neeme pula pele einu doale puae, lisaya.
7Gupuma mo Solo rapu ipisimiya alinuri mo lisaya angele koma pangoma pangisimiyapare ali menda ora na-andoma nimu pa epa yoloma aisimiya pange angele na-lisimiya. 8Gupuma Solo wala rekomare nipuna leere kilisayapare alenda alenda waru na-andisayandare alinu mendane ala, mendane ala puma liminyuma karu, mo Damasikasi ree anda para paisimiya. 9Solore ipa enda pange na-ne, alenda alenda pange na-ande, koro repo mo Damasikasi anda para wisaya.
10Go dina mo Damasikasi ree anda ae Kerisona angele pange ali menda nipuna biri Ananayasi aisaya. Realimi upame pi nono pi rupa lalore, Ananayasio, lisaya. Ananayasimi lalore, Realio, niri go piae, lisaya.
11Go einare Realimi lalore, Rekoma mo para menda para nipuna biri Rendepole porana pumare Diudasi nipuna anda para pumare Dasasi ree anda ali Solore a para piapae, loma lora pape, lisaya. Nipuri yainya go pula pianda, lisaya. 12Solo nipumi upame pi nono pi rupa kone sialore, Ali menda nipuna bi Ananayasi ipuma nipuna ki nina kaluna epa wiliandare nina lee ora kidea, loma ambala andea, lisaya.
13Ananayasimi Realina angele yango liada ara lalore, Realio, go alimiri Diurusaleme ree anda para nena wenaali para ora koae rendaa rendaa aloaya ali, loma wenaali andapumi epa lala puaemenda pangoayo, lisaya. 14Gupuma Solome mo Gode repara alinau puaisimiya alinuna kalu alinu para ramayo wape muma sia ara Damasikasi ree anda para ipuma nena bina angele meame wenaali para nipumi ipuma epa pa ripinyuma dipula ma ma-pirao-aya ali ae, lisaya. 15Go lisayapare Realimi lalore, Puae, lisaya. Go aliri na ambala meawa alimi na pupudengi nainyaya pi, lisaya. Na biri Isaraelimi na-mandu rangala pae wenaali pange kini alinu pange Isaraelimi mandu rangala pae wenaalimi pange pangenaya pawale puae, lisaya. 16Go eina neme na auna rendaa pi ei minyaya wadoa, loma lawale puae, lisaya.
17Go eina Ananayasi nipu Solo pirisaya anda para opopala paisaya. Gupuma nipuna ki Solona kaluna pua siala ara lalore, Solo, nina ameo, Realimi monde porana ipula-ainya epa pande eina ni raparipanda epawa, lisaya. Gupuma nee para Epe Yaakopi Sipiridimi rumbidiandare neme nena lee wala kiyoma epe rupa andele, lisaya. 18Gupuma nipuna leere repali kindumi ande aleme rambuluma wi ei leemare wala kunaomare nipuna lee wala kilisaya. Gupuma goleme rekomare nipumi baparaisi au pisaya. 19Gupuma Solome enda pena ma-rambamu nisaya dinare nipuna puri wala misaya.
Solome Damasikasi ree anda para Realina angele walisaya ei
Solore mo Damasikasi ree anda Kerisona angele pange wenaalinu rapu ongesinda aisaya.
20Gupuma puri mumare go gole mo Isaraelimi mandu rangala pae wenaalinuna Godena angele kuruaeme andanu para Yesu Kerisona angele walala ara lalore, Yesuri Godena Naki ae, lisaya.
21Mo angele pangisimiya alinuri lee waru opoma rungula mealo pambisimiya. Go eina nimumi lalore, Go aliri monde Diurusaleme ree anda para pange go Yesuna angele pangamende wenaali ma-koyaripande aliri go aliyapae, lisimiya. Ee, nipuri gonde aliyara. Ambia naa para go epeale wenaali menda para muma mo dipula anda para ma-lopaluameya pange mo Gode para alinau puaisimiya alinuna kalu ali para karu polame epea, lisimiya.
22Go lisimiyapare Solomere nipuna Realina angele walisaya ei puri waru palisaya. Gupisayandare kone rondo repana yokala ara mo Isaraelimi mandu rangala pae alinu pange Damasikasi ree anda aisimiya alinu rapu angele lala ara Solome lalore, Yesuri ora Keriso ae, loaisaya.
Mo Isaraelimi mandu rangala pae alinumi rono pangisimiyanda Solo pongola paisaya ei
23-24Naarele andapu aomare mo alinumi Solo duameya mombea ara yanda rombisimiyapare Solome mo lisimiya angelere ambala pangisaya. Mo alinumi rimbala pange naarena pange ree anda pora gape para nipu duameya andere-ala pisimiya. 25Gupisimiyapare rimbala mendame Kerisona angele pange alinumi mo kana pape ma-anguloma Solore mandali nu rupara pirinyaloma ma-lopainyaisimiya.
Solore mo Diurusaleme ree anda para aisaya ei
26Mo Diurusaleme ree anda nane opapala pumare Solore mo Kerisona angele pange alinu rapu mendaa para aluameya pisayapare mo Keriso alinumiri Solore Kerisona angele pange ali diia kone siala ara paalame komisimiya. 27Gupuma Banabasimi Solo mo Yesuna angele ma-puao-aeme alinu para karu puma mo Realimi porana Solo para walisaya ei pange angele lisaya ei pange la alisaya. Gupuma mo Damasikasi ree anda para ara Solome Yesuna bina kundiripu na-le, angele walisaya ei pange mo alinu para la alisaya.
28-29Go eina mo alinu rapu ara Diurusaleme ree anda para konda pambala wala opalumbala paisaya. Solomere mo wenaali paalame na-komea Yesuna bi lomare angele walala arare angele angele lala puma mo Giriki angele loaisimiya Isaraelimi mandu rangala pae wenaali rapu angele da da pamisimiyapare mo wenaalimiri Solo duameya kone wisimiya. 30Werepe nane mo Keriso amenumi go ei pangomare Solo Sisaria ree anda nane karu puma Dasasi ree anda nane penaya rapaisimiya.
31Go dinare Diudia andasu nane pange Galili andasu nane pange Sameria andasu nane pange Keriso wenaali raayome kenda pi ei menda na-ande, yandanu pange na-pi, epe rupa aisimiya. Epe Yaakopi Sipiridimi Keriso wenaali rambameala ara puri ma-palada-ainya Gode para panda punyaoma aisimiya. Go dina wenaali andapumi Kerisona angele pena pangoma Keriso wenaali rapu raminyeke puma aisimiya.
Pida nipuri Lida ree anda pange Yopa ree anda laapo para aisaya ei
32Pidame su raayo para pamulopisaya. Gupuma rana menda kana rumuna minyapalaoma Lida ree anda para kolopinyaoma mo Godena alinu rapu aisimiya.
33Gupuma go anda para ali menda nipuna bi Iniasi andisayapare nipuna ki ange do raayore lupapepe winyaloma lewa na-pi, kambe kelena palu pirinyaloma kuni gipa mendane ki pereyoma mendana repo perelisaya. 34Pidame nipu para lalore, Iniasio, ambia go Yesu Kerisome nee ma-epeada. Nee rekoma nena rambode yaparanu wamopape, lisaya. Goleme nipu wangepu rekisaya. 35Go ei andoma Lida ree anda pange Sarone ree anda laapo para aisimiya wenaali raayome nimuna koae koae einu kepema Reali para aluame kone pena wisimiya.
Pidame Rapida ma-rekaisaya ei
36Yopa ree anda para Kerisona kou nane raluaisaya wena menda aisaya. Nipuna biri Rapida. Giriki angeleme lalore, Dokasi loaisimiya. Nipuri naare raayo epe au komea puaisaya. Gupula ara mo alenda alenda diale narali wenaali rambameala ara olemolenu aloma rambamuaisaya wena ae. 37Gupisaya wenare yainya aoma ora komisaya dinare nipuna do yongale randepemare so mandaa anda panda menda para wisimiya. 38Lida ree anda pange Yopa ree anda repara ma-rilao-aisaya. Go eina mo Kerisona kou nane raluaisimiya alinumi angele pangisimiyapare Pidare mo Lida ree anda para aya lisimiyanda ali laapo nipu para rapaisimiya. Gupuma angele loma lalore, Nee pa na-ae, ora wange wangepu ambe ipuae, lisipiya. 39Pidame go angelenu pangoma nipuna olemolenu wangepu muma niipusi paisimiya. Pida nipu opapala paisayandare nimumi Pida so mandaa anda panda para karu paisimiya. Pua pirinyare mo waisa wenanumi ree lala ara riri arare pula ara Pida para Dokasi nipumi pa ara rambulala pisaya mandaa ma-rae akanu pange akanu menda paranu pua walisimiya. 40Pidame monde wenaalinu raayo Kama nane pulupae, lomare nipuna rumu yaruaoma yainya pisaya. Gupuma monde wena ro wisaya nane lekeyoma lalore, Rapida, rekae, lisaya. Go lisayandare mo wena nipuna lee kiyoma Pida andoma rekoma pirisaya.
41Pida nipumi mengeao monema mo wenana ki muma ma-rekaisayandare Rapida nipu rekoma aisaya. Gupumare Pidame monde waisa wenanu pange mo Keriso wenaali raayo pange wi loma, Ipulupa, lisaya. Go lomare Pidame mo wena Rapida ma-endaoma nimu para wala alisaya. 42Go pisaya ei andomare monde wenaali raayome Yopa ree anda raayo para go angele kende ruma pamisimiya. Go eina wenaali andapumi Reali para kone rulaisimiya. 43Gore Pida nipu Yopa andasu para yapi andapumi aisaya. Mo gawa iri yongale waruaisaya ali Saimono rapu paluma ao-aisaya.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.