संत.मत्ती 7
7
एटाअकु एड़े दोस कोवान ललगाव चाही।
(संत.लुकास 6:37,38,41–42)
1“दोस आलपे लगाव के, जेकर से ची आपे रे होः दोस आलकु लगाव के। 2#सं.मर 4:24एता लःअय ची जे लकान आपे दोस लगायापे, हिना लकान आपे तेंग रे होः दोस लगाव केआकु, आउर जे नाप रे आपे सोंगेआपे, हिना नाप रेगी आपे लःअय होः सोंगओपे केआकु।
3-4“आपे बोको-बोयहा आला छोटे गलती के दो, झट के सबेआपे बकिर अपन बड़े गलती के कापे सोंचाया? आम आला मेःड रेनअः काँड़ आम के का सुझाआ, दो आम अपन बोको के एता लकान कंहड़ी दाड़ी कियाम, ची ‘ईङ आम आला मेःड तरअः खादर के उडुंग चिङमे?’ 5ए ढोंगी पहिल रे अपन मेःड रेनअः काँड़ के उडुंग केमे, तब होले बोको ताम आला मेःड रे, जे खादर एदनाअ होना के बेस केन नेल केते उडुंग दाड़ी केआम।
6“सेता के पबितर जिनीस के आलपे एमा किकु, आउर सुकरी मड़ांग रे अपन मोती के आलपे गिड़ी के, नोकान आलु हुयाव कोअ, ची सुकरी होना के जांगा ताकु रे आलकु खांदाव के, आउर उलटाव चुवेर केते आम के सेता चिरा-फाड़ा केमेआकु।
को-याम दो एमा केमेआकु
(संत.लुकास 11:9–13)
7“कोयपे, दो आपे के एमा केपेआकु, दंड़ायापे दो आपे के भेटाव कोआ, ठोक-ठोकायापे दो आपे लःअय जिःग केआकु। 8एता लःअय ची जे कोय एका-याकु हुंकू के एमा कुआकु, जे दंड़ायाकु हुंकू के भेटाव कोआ, आउर जे ठोक-ठोकायाकु हुंकू लःअय जिःग-ऊ-किकुआकु 9जदि आम आली होपोन आम तरअः लाःड कोयाय, दो आपे मेसे ओके होड़ नोकानाय जे हुनी के टुकू एमा कियाय? 10चाहे हाकु कोईयाय, दो हुनी के बिंङ एमा कियाय? 11बुराई ताहिनोअ रे होः जदि आपे अपन चेंगा के बेस जिनीस एमा कुआपे, दो आपे आली सिरमा रिनी बाबा को-कोय कु के बेस जिनीस एता लःअय एरे एमा कुआ।
12 #
सं.लुका 6:31
“एटाअकु लोः अपन लःअय जाईसन बे-बेबेवहार चहाःपे, आपे होः हुंकू लोः हिकानेपे, निआँ मुसा आला कनहुन आउर आगमजानीकु आला सिकछा हेके।
साकुड़ आउर फेलवार होरा
(संत.लुकास 13:24)
13“सुंड़कू दुवार तरअः बोलपे, होना सिनिङ जे फेलवारा, आउर होना होरा ढेर बड़ेआ, जे नानास पखी इईदी आय, होना रे डिड़ोगोअकु ढे-राकु। 14बकिर होना दुवार सुड़कुआ आउर छोटेआ। नोःआँ होरा जे जिनगी पखी ईइदी आय। जे होना के नामेआकु हुंकू थोड़हे आकु।
जाईसन सिङ हिंकान जोअ
(संत.लुकास 6:43,44)
15“झुठा आगमजानीकु तरअः चौंचित ताहिनोः पे, हुंकू भेंड़ा रअः भेस रे आपे दुबाःड़े हिजोआकु, हुंकू भीतीर तरअः चिरा फफाड़ाई हुंर्ड़रा लकान हेके। 16होना के जोअ ते-तरअ चिनहा केआपे, होड़कु जानुम झुंड़ तरअः अंगुर जोअ गोडेआकु एतान? आउर ना दो मोरोबी तरअः अंजीर। 17नोःआँ लकान जामा बेस सिङ बेस जोअ जोयोआ, आउर का बेस सिङ काबेस जोअ जोयोआ। 18बेस सिङ का बेस एरे जोयोआ, आउर ना काबेस सिङ बेस जो कोआ। 19#सं.मत्ती 3:10; सं.लुका 3:9जे सिङ बेस का जोयोआ होना के मांअ केते, सेंगेल रे तियांग केआकु। 20#सं.मत्ती 12:33निआँ लकान होना रअः जोअ तरअः आपे होना के चिनहा केआपे।
21“जे होड़ ईङ के ‘ए परभु, ए परभु’ कंहड़ी केते गुलेआकु, हुंकू मेसे जामाकु सिरमा राईज रे इरकु बोल दड़ीआ, जे ईङ आली बाबा आला मरजी के पुरायाकु हिंकु सिरमा राईज रे बोलो दाड़ी कोआकु। 22हेन हिला ढेर होड़कु ईङ के कंहड़ी केआकु, ‘ए परभु, ए परभु, आले आम आला नुमू रे आगमजानी काले लअः एतान? आम आला नुमू तरअः मुवाँ आतमाकु के काले उडुंग लिकुआ एतान? आम आला नुमू तरअः ढेर समरथ काम काले देखाव लअः एतान?’ 23#सिरिंग 6:8तब ईङ हुंकू के सफा-सफा बेता किकुईंग, ‘ईङ आपे के कहियो काईंग पड़ीआ। गादुस कामीकु ईङ तरअः लंका ओचोः पे।’
सेरेंग आउर बितिल रअः नेव
(संत.लुकास 6:47–49)
24“जे ईङ आला नोःआँ बात के आयुमेआय आउर होना बात रे चलाआय हुनी, हुनी बुधीमन होड़ लकानाय जे सेरेंग रे ओड़ाअ बनाव ची थिलाआय। 25दाअः गमा लःअय नाई रे बाईढ़ हीःग नेना, गर्ड़रा हीःग नेना, आउर होना ओड़ाअ रे बजड़ाव नेना। सेरे होः होना ओड़ाअ का उयुअ नेना, एता लःअय ची होना रअः नेव गड़हा सेरेंग रे ला लअः थिना।
26“जे ईङ आला कंहड़ी के काकु आयुमेआ आउर होना रे काकु चलाआ, हुनी, हुनी बोको लकानाय जे अपन ओड़ाअ बितिल रे बनाव ची थिलाआय। 27दाअः गमा लःअय नाई रे बाईढ़ हीःग नेना, आउर गर्ड़रा हीःग नेना, आउर होना ओड़ाअ रे बजड़ाव नेना। होना ओड़ाअ नुर ना, आउर होना धसाव चबाअः ना।”
28 #
सं.मर 1:22; सं.लुका 4:32 जब ईसु नोःआँ उपदेस के चबा लःअय दो होड़ हुनी आला उपदेस रे छकित नाकु। 29एता लःअय ची हुनी, हुंकू धरम पुथी सि-सिखावकु लकान कोवान, बकिर हक लोः सिकछा एमाकु केनाय।
Tällä hetkellä valittuna:
संत.मत्ती 7: ASR
Korostus
Jaa
Vertaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 NLCI CC BY-NC-ND 4.0