संत.मरकुस जान-चिनहार
जान-चिनहार
मरकुस लिखा लअः बेस खभाईर नावाँ कनहुन रेनअः होना चाईर पुथी मेसे मियांड हेके, जे ख्रीस्त ईसु आला जिनगी चाईल-चकर रेनअः बखानेआय। होना मेसे जामा मियांड बेस खभाईर कहलाआ, जेकर माने हुयाआ, बेस खभाईर। होना के ईसु आला मराईन तरअः तयोम मत्ती, मरकुस, लुकास आउर जोहन पखा तरअः लिखा लअः थिना। बिद्दवान काकु पाड़ीआ ची मरकुस लिखा लअः बेस खभाईर असल रे ओका तारिक के लिखा लअः थिना, बकिर अन्दाजा नोःआँ के ख्रीस्त आला जनम रेनअः लगभग पैंसठ सत्तर साल रेनअः ताला रे लिखा लअः मनाआकु। ढेर बिद्दवान मनाआकु ची नोःआँ के रोमी ख्रीस्तीयकु के डिढ़ एमोअ रेनअः मतलोब रे रोम रे लिखा लअः थिना।
मरकुस जे जोहन मरकुस होअः बेताई केनाकु, प्रेरित पौलुस आउर बरनाबस आली गाती ताही नेनाय। बकिर हुनी आला मरजाईद के होना बेरा धका सोदोर नेना, जब हुनी हुंकिन आला गाती-गाती मिसनरी होरा डिंडोअ के ताला रिगी बाई केदाय (प्रे.कामी 13:13)। तयोम मरकुस आउर मि-खेप बरनाबस लोः होरा डिडोअ नेनाय (प्रे.कामी 15:37–39)। मरकुस के पतरस आली मियांड हेनाःड गाती रेनअः भेस रे होअः पाड़ीआकु (1 पत 5:13)। सेरे होअः मरकुस ईसु आला जिनगी रेनअः सफा गोवाही नलागे, बिद्दवान मनाआकु ची मरकुस पतरस आला गोवाह तरअः ढेर बात ईदी यअते तेकर होना के अधार मनाव केते मरकुस लिखा लअः बेस खभाईर के लिखा तदाय। नोःआँ बेस खभाईर रे मरकुस चेला हुयाअः रे आउर आखरी दिन बेरा रअः बारे ईसु आला सिकछा रे आबु आला धेयान एमोअ ची नमाय।
रुपरेखा
1. मरकुस पुथी रेनअः जान-चिनहार एमेआय (1:1–13)
2. होना तयोम मरकुस गलील परदेस रे ईसु आला सेवकाई रेनअः बखानेआय (1:14—8:21)
3. फिन हुनी ईसु आला जिरोसलेम सेनोः रेनअः बखानेआय (8:22—10:52)
4. मरकुस ईसु दोवासते जिरोसलेम रे बिताव लअः बेरा, जेकर रे हुनी मराईन आउर जिवीःड बिरिडोअ रेनअः बखान होअः मेसा एदनाआ, रेनअः चरचा यअते अपन लि-लिखा के आखरीयाय (11:1—16:8)
Tällä hetkellä valittuna:
संत.मरकुस जान-चिनहार: ASR
Korostus
Jaa
Vertaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 NLCI CC BY-NC-ND 4.0