Jenesis 40
40
Josef hemi talemaot mining blong tufala drim
1Nao bihaen lelebet, tufala wakaman blong king i mekem king ya hemi kros tumas long tufala. Tufala ya, wanfala hemi bos long olketa man fo lukaftarem waen blong king, an narafala hemi bos long olketa man fo mekem bred blong hem. 2King hemi kros tumas long tufala ya, 3so hemi putum tufala go insaet long prisin ya wea Potifa hemi bos long hem. Hem nao sem prisin ya wea Josef hemi stap long hem. 4Nao Potifa hemi putum tufala ya long han blong Josef, mekem hemi lukaftarem tufala, an tufala stap longtaem lelebet insaet long prisin ya.
5Wanfala naet, taem tufala stap yet long prisin, tufala drim, wea mining blong tufala drim ya hemi narakaen nao. 6Nao long moning, taem Josef hemi kam fo lukim tufala, hemi lukim dat tufala ya i gohed fo wari tumas. 7Nao hemi askem tufala olsem, “Mi lukim dat yutufala wari tumas long wanfala samting. ?Watkaen samting nao ya?” 8An tufala tok olsem, “Yu save, lasnaet, mitufala drim, bat no eni man long ples ya hemi save talemaot mining blong tufala drim ya long mitufala.” Nao hemi tok olsem long tufala ya, “God seleva nomoa hemi garem paoa fo talemaot mining blong drim. Bat yutufala traem fo talem kam tufala drim ya long mi.”
9So man ya wea bifoa hemi bos long olketa man fo lukaftarem waen blong king, hemi tok olsem, “Mi drim dat mi lukim wanfala grep tri. 10Grep tri ya hemi garem trifala brans long hem, nao taem olketa brans ya i garem lif, seknomoa tri ya hemi garem flaoa nao, an hemi garem olketa frut long hem an olketa raep finis nao. 11Mi holem kap ya blong king, nao mi tekem olketa frut blong grep tri ya, an mi skuisimaot wata blong olketa insaet long kap ya. Bihaen, mi givim go kap ya long king.”
12Nao Josef hemi tok olsem, “Mining blong drim ya hemi olsem. Trifala brans blong grep tri ya, hem nao trifala de ya. 13Bae taem hemi no kasem trifala de yet, bae king hemi tekem yu aot from prisin ya, an bae hemi putum yu gobaek moa long waka ya wea yu bin gohed fo du-duim bifoa. Bae yu save gohed fo givim moa kap blong king long hem, olsem wea yu bin gohed fo du-duim bifoa, long taem ya wea yu bin bos long olketa man fo lukaftarem waen blong hem. 14!An taem wea yu goaot from prisin ya, plis yu no fogetem mi! Plis yu kaen long mi, an talem king abaotem mi mekem hemi save tekem mi aot from prisin ya tu. 15!Yu lukim! Mi wanfala Hibru,#Jona 1:9. bat fastaem olketa man i stilim mi aot from ples blong mifala, an olketa tekem mi kam long hia. Nao taem mi stap long hia, mi no duim enisamting wea hemi fitim fo olketa torowem mi long prisin.”
16Nao taem narafala man ya hemi herem dat mining blong drim ya wea Josef hemi talemaot hemi stret, hemi tok olsem, “Mi tu mi lukim wanfala drim. Mi drim dat trifala basket fo karim bred hemi stap antap long hed blong mi. 17Insaet long las basket ya antap, olketa enikaen kek nomoa hemi stap long hem an mi tekem go fo king. Bat olketa bed i gohed fo kaikaim olketa kek ya.” 18Nao Josef hemi tok olsem, “Mining blong drim ya hemi olsem. Trifala basket ya, hem nao trifala de ya long prisin. 19Hemi no kasem trifala de yet, bae olketa katemaot hed blong yu, an bae olketa hangem bodi blong yu long wanfala pos. An olketa bed bae i kam an kaikaim mit long bodi blong yu.”
20Long mektri de blong hem long prisin, king ya hemi mekem wanfala fist fo makem taem wea hemi bon. Hemi mekem wanfala bikfala kaikai, an hemi kolem olketa bikman blong hem fo kam. An long ae blong olketa narafala bikman blong hem, hemi aotem kam tufala man blong hem ya moa, wea tufala stap long prisin. 21Man ya wea fastaem hemi bos long olketa man fo lukaftarem waen blong hem, hemi putum hem baek moa long waka blong hem. 22Bat man ya wea fastaem hemi bos long olketa man fo mekem bred blong hem, olketa kilim hem dae, an hangem bodi blong hem long wanfala pos. Evrisamting ya i kamap barava olsem wea Josef hemi bin talem fastaem. 23Bat man ya wea hemi bos long olketa man fo lukaftarem waen blong king, hemi no tingim Josef nao, hemi fogetem hem finis.
Tällä hetkellä valittuna:
Jenesis 40: SIPB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Pijin Catholic Bible © Bible Society of the South Pacific, 2008.
Jenesis 40
40
Josef hemi talemaot mining blong tufala drim
1Nao bihaen lelebet, tufala wakaman blong king i mekem king ya hemi kros tumas long tufala. Tufala ya, wanfala hemi bos long olketa man fo lukaftarem waen blong king, an narafala hemi bos long olketa man fo mekem bred blong hem. 2King hemi kros tumas long tufala ya, 3so hemi putum tufala go insaet long prisin ya wea Potifa hemi bos long hem. Hem nao sem prisin ya wea Josef hemi stap long hem. 4Nao Potifa hemi putum tufala ya long han blong Josef, mekem hemi lukaftarem tufala, an tufala stap longtaem lelebet insaet long prisin ya.
5Wanfala naet, taem tufala stap yet long prisin, tufala drim, wea mining blong tufala drim ya hemi narakaen nao. 6Nao long moning, taem Josef hemi kam fo lukim tufala, hemi lukim dat tufala ya i gohed fo wari tumas. 7Nao hemi askem tufala olsem, “Mi lukim dat yutufala wari tumas long wanfala samting. ?Watkaen samting nao ya?” 8An tufala tok olsem, “Yu save, lasnaet, mitufala drim, bat no eni man long ples ya hemi save talemaot mining blong tufala drim ya long mitufala.” Nao hemi tok olsem long tufala ya, “God seleva nomoa hemi garem paoa fo talemaot mining blong drim. Bat yutufala traem fo talem kam tufala drim ya long mi.”
9So man ya wea bifoa hemi bos long olketa man fo lukaftarem waen blong king, hemi tok olsem, “Mi drim dat mi lukim wanfala grep tri. 10Grep tri ya hemi garem trifala brans long hem, nao taem olketa brans ya i garem lif, seknomoa tri ya hemi garem flaoa nao, an hemi garem olketa frut long hem an olketa raep finis nao. 11Mi holem kap ya blong king, nao mi tekem olketa frut blong grep tri ya, an mi skuisimaot wata blong olketa insaet long kap ya. Bihaen, mi givim go kap ya long king.”
12Nao Josef hemi tok olsem, “Mining blong drim ya hemi olsem. Trifala brans blong grep tri ya, hem nao trifala de ya. 13Bae taem hemi no kasem trifala de yet, bae king hemi tekem yu aot from prisin ya, an bae hemi putum yu gobaek moa long waka ya wea yu bin gohed fo du-duim bifoa. Bae yu save gohed fo givim moa kap blong king long hem, olsem wea yu bin gohed fo du-duim bifoa, long taem ya wea yu bin bos long olketa man fo lukaftarem waen blong hem. 14!An taem wea yu goaot from prisin ya, plis yu no fogetem mi! Plis yu kaen long mi, an talem king abaotem mi mekem hemi save tekem mi aot from prisin ya tu. 15!Yu lukim! Mi wanfala Hibru,#Jona 1:9. bat fastaem olketa man i stilim mi aot from ples blong mifala, an olketa tekem mi kam long hia. Nao taem mi stap long hia, mi no duim enisamting wea hemi fitim fo olketa torowem mi long prisin.”
16Nao taem narafala man ya hemi herem dat mining blong drim ya wea Josef hemi talemaot hemi stret, hemi tok olsem, “Mi tu mi lukim wanfala drim. Mi drim dat trifala basket fo karim bred hemi stap antap long hed blong mi. 17Insaet long las basket ya antap, olketa enikaen kek nomoa hemi stap long hem an mi tekem go fo king. Bat olketa bed i gohed fo kaikaim olketa kek ya.” 18Nao Josef hemi tok olsem, “Mining blong drim ya hemi olsem. Trifala basket ya, hem nao trifala de ya long prisin. 19Hemi no kasem trifala de yet, bae olketa katemaot hed blong yu, an bae olketa hangem bodi blong yu long wanfala pos. An olketa bed bae i kam an kaikaim mit long bodi blong yu.”
20Long mektri de blong hem long prisin, king ya hemi mekem wanfala fist fo makem taem wea hemi bon. Hemi mekem wanfala bikfala kaikai, an hemi kolem olketa bikman blong hem fo kam. An long ae blong olketa narafala bikman blong hem, hemi aotem kam tufala man blong hem ya moa, wea tufala stap long prisin. 21Man ya wea fastaem hemi bos long olketa man fo lukaftarem waen blong hem, hemi putum hem baek moa long waka blong hem. 22Bat man ya wea fastaem hemi bos long olketa man fo mekem bred blong hem, olketa kilim hem dae, an hangem bodi blong hem long wanfala pos. Evrisamting ya i kamap barava olsem wea Josef hemi bin talem fastaem. 23Bat man ya wea hemi bos long olketa man fo lukaftarem waen blong king, hemi no tingim Josef nao, hemi fogetem hem finis.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Pijin Catholic Bible © Bible Society of the South Pacific, 2008.