Génesis 35
35
Bet-elchö Jacobta Teyta Dios bendisinqan
1Tsëpitanam Jacobta Teyta Dios nirqan: <<Imëkitapis aparkur Bet-elman ewkï. Wawqiki Esaúpita safar ewkuptiki yuripunqaq#Gén. 28.10-22. Bet-elman chëkur altarta perqanki tsëchö adoramänëkipaq>>.
2Teyta Dios tsënö niptinnam Jacob tsurinkunata, warminkunata y sirwiqninkunata kënö nirqan: <<Ima ïdulukunatapis tsarararqa llapanta jitariyë. Tsënölla purificäkur armakuyë#35.2 Wakin nunakunaqa bañakuyë niyanmi. y ratashnikikunata trocakuyë. 3Kananqa Bet-elmanmi ewkushun. Tsëchönam altarta perqashaq imëpis yanapamaq Teyta Diosta adoranäpaq. Pëmi alläpa jipar mëpa puriptïpis yanapamashqa>>.
4Tsënö niptinnam tsararäyanqan ïdulukunatapis arëtinkunatapis#35.4 Tsë arëtikunaqa suertita qatitsikuyänanpaqmi y ïdulukunata adorayänanpaqmi karqan. Tsëmi Jacob munarqantsu pipis tsararänanta. jorqurir Jacobta qoykuyarqan. Tsëkunatam Siquem amänuchö këkaq encina monti chakinman pampëkurqan.
5Tëkäyanqanpita ewkuyaptinnam tsë partichö täraq nunakunapa shonqunkunaman Teyta Dios mantsakïta churëkurqan mana qatipayänanpaq. 6Tsëmi Jacobwan ëwaq kaqqa llapanpis chäyarqan Canaánchö këkaq Luz markaman. Tsë markapa juk kaq shutinmi këkan Bet-el. 7Tsëchö altarta Jacob perqarirmi shutin churarqan El-Bet-el#35.7 El-Bet-el ninanqa Bet-elchö yuripunqan Dios ninanmi. nir. Tsënö shutin churarqan wawqinpita safar ewkïkaptin Teyta Dios tsëchö yuripunqanpitam.
8Bet-elchö Jacob këkaptinnam Débora wanukurqan. Déboraqa karqan Rebecata pishinpita wätaq warmim. Wanukuptinnam pampayarqan Bet-el marka nöpanchö këkaq encina monti chakinman. Tsë partipa shutinmi churarqan Alón-bacut#35.8 Alón-bacut ninanqa waqë encina ninanmi. nir.
9Padan-arampita kutikämuptinmi Jacobta Teyta Dios yapë yuripurnin bendisir nirqan: 10<<Kananpitaqa mananam Jacobnatsu shutiki kanqa, sinöqa Israelnam>>.#Gén. 32.28. Tsënö nirmi tsëchö shutinta trocapurqan.
11Kënöpis Teyta Dios nirqanmi: <<Noqam kä El-Shaddai.#35.11 El-Shaddai ninanqa llapanpaqpis poderyuq Dios ninanmi. Mirënikikuna atskaman mirayätsun. Pëkunatam yanapashaq atskaman mirar atska nacionkuna kayänanpaq. Pëkunapitam reykunapis kayanqa. 12Qamtam qoykushqëki Abrahamtawan Isaacta rikätsinqä jirkakunatawan urankunata. Wanuptikipis mirënikikunatam qoykushaq>>.#Gén. 17.4-8.
13Jacobwan tsënö parlarirnam Teyta Dios ewkurqan.
14Tsënam Teyta Dioswan parlanqan kaqchö wanka rumita Jacob jawirqan. Tsëpitanam Teyta Diosta adorar tsë wanka jananman vïnutawan aceitita jicharqan. 15Teyta Dioswan parlanqanpitam tsë partipa shutinta Jacob churarqan Bet-el#35.15 Bet-el ninanqa Diospa wayin ninanmi. nir.#Gén. 28.19.
Raquel wanunqan
16Bet-elchö täranqanpitanam Efrataman Jacob ewkurqan. Efrataman manaraq chäyaptinmi killan tinkushqana kaptin Raquel qeshpikurqan. Tsëchömi qeshpikïta mana puëdir alläpa jiparqan.
17Tsënö jipaptinmi Raquelta partëra nirqan: <<Valorta tsarï. Kanan yurikuq wawëkipis ollqum>>.
18Paqwë wanukïkarnam Raquel nirqan: <<Benoni#35.18a Benoni ninanqa jiparninraq qeshpikunqä wawä ninanmi. katsun kë wawäpa shutin>> nir. Tëtannam tsë tsurinpa shutin churarqan Benjamín#35.18b Benjamín ninanqa kuyë tsurin ninanmi. nir. 19Alläpa nakar qeshpikurirmi Raquelqa wanukïkurqan. Wanukïkuptinnam Efrataman ëwaq näni lädunman pampëkuyarqan. Tsë partitam kananqa Belén niyan. 20Raquelta pampayanqan jananmanmi Jacobqa wanka rumita jawirqan señalpaq. Tsë wankam kananyaqpis musyatsimantsik Raquel mëchö pamparanqanta.
Jutsata Rubén ruranqan
21Raquelta pampanqan kaqpita ewkurmi Israel#35.21 Israelqa Jacobpa juk kaq shutinmi karqan. quedakurqan Edar törri washaninman. 22Tsëchö tëkäyaptinmi Jacobpa tsurin Rubén tëtanpa concubïnan Bilhawan punukïkurqan. Tsurin tsënö ruranqanta musyëkurmi Israel alläpa piñarqan.
Jacobpa tsurinkuna
1 Crónicas 2.1-2
Israelpa ollqu tsurinkunaqa chunka ishkëmi kayarqan.
23Leapa mayor wawanmi karqan Rubén.
Pëpa qepanman yurikuqkunanam Simeón, Leví, Judá, Isacar y Zabulón.
24Raquelpa wawankunanam kayarqan Joséwan Benjamín.
25Raquelpa sirwiqnin Bilhapa wawankunanam kayarqan Danwan Neftalí.
26Leapa sirwiqnin Zilpapa wawankunanam kayarqan Gadwan Aser.
Jacobpa tsë tsurinkuna llapanpis yurikuyarqan Padan-aramchömi.
Isaac wanunqan
27Tsëpitanam Jacob ëwarqan Mamre partiman tëtan Isaacta watukaq. Mamriqa karqan Quiriat-arba nöpanchömi. Quiriat-arbapa juk kaq shutinmi këkan Hebrón. Tsëchömi Abrahampis unë tärarqan.#Gén. 13.18. 28Juk pachak puwaq chunka (180) watam Isaac kawarqan. 29Paqwë awkinyashqa wanukurnam unë castankuna kaqman ewkurqan. Ayantanam Esaúwan Jacob pampayarqan.
Tällä hetkellä valittuna:
Génesis 35: qwhB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.