Génesis 40
40
Ishkaq nunakuna suëñukuyanqanta José käyitsinqan
1Tsëpitanam vïnu ruraqkunapa y tanta ruraqkunapa mandakuqninkuna mana alli rurëninkunawan 2Egipto nacionpa reynin Faraónta alläpa piñatsiyarqan. 3Tsëmi prësu apatsirqan wardiakunapa capitanninpa wayinchö këkaq carcelman. Tsë carcelchömi Josépis llawirëkarqan. 4Wardiakunapa capitanninmi Josépa makinman pëkunata churarqan. Tsëchöqa unënam llawiräyarqan.
5Juk paqasnam vïnu ruraqkunapa y tanta ruraqkunapa mandakuqninqa suëñukïkuyarqan juknin jukninta imapis pasayänanpaq kaqta. 6Pëkunata qoyalla watukaq ëwarnam José tarirqan llakishqa këkäyaqta. 7Tsënam tapurqan: <<¿Imanirtaq mantsakashqa këkäyanki?>>
8Pëkunanam niyarqan: <<Mana allitam suëñukïkuyarqü. Manam pipis kantsu imapaq suëñuyanqäta käyitsiyämänanpaq>>.
Josénam nirqan: <<Tsë suëñuyanqëki imapaq kanqantapis Teyta Diosllam käyitsimäshun. Mä willarayämë imata suëñuyanqëkitapis>>.
9Tsënam vïnu ruraqkunapa mandakuqnin willarqan: <<Suëñïnïchömi rikarqü üvas montita. 10Tsë montiqa kima rämayuqmi kashqa. Tsë rämakunam tseqllimur wëtarqun. Wëtankunanam sarta sarta poqu üvaskuna tikrariyashqa. 11Tsë poqu üvastam Faraónpa väsunta aptarëkashqäman qapirir Faraónta makyëkarqü>>.
12Tsënö willaptinnam Joséqa nirqan: <<Suëñïnikichö kima rämakunata rikanqëkiqa kima junaqmi këkan. 13Kananpita kima junaqtam kë carcelpita Faraón jorqarishurniki punta uryanqëkiman kutitsishunki. Tsëchömi yapë väsuwan vïnun sirwinki. 14Ninqaqnölla pasakuptin uryanqëkiman kutïkur noqatapis yarparkallämanki. Teyta Faraónta rowakïkullanki këpita jorqëkamänanpaq. 15Hebreo nunakuna täräyanqanpitam mana munëkaqta kë markaman apayämashqa. Jutsannaq këkarmi këchö llawirëkä>>.
16Allipaq suëñunqanta willaptinmi tanta ruraqkunapa mandakuqninpis suëñïninta Joséta willarqan: <<Suëñïnïchömi kima taksha canastakunawan peqächö tantakunata purikätsirqü. 17Janan kaq canastachömi Faraón mikunanpaq tukïläya mishki tantakuna këkashqa. Tsë tantakunatam pishqukuna shamur peqä jananchö mikukurkuyashqa>>.
18Tsënam pëtapis José nirqan: <<Suëñïnikichö kima taksha canastakuna rikanqëkiqa kima junaqmi këkan. 19Kananpita kima junaqtam peqëkita roquratsir qeruman Faraón warkutsishuptiki ayëkita wiskurkuna mikuyanqa>>.
20Tsëpita kima junaqtanam Faraónpa cumpliäñun karqan. Tsëmi Faraón fiestata rurarqan tsëchö mandakur yanapaq nunakunawan mikuyänanpaq y upuyänanpaq. Tsë junaqmi carcelpita jorqatsimurqan tanta ruraqkunapa y vïnu ruraqkunapa mandakuqninkunata. 21Tsëpitam vïnu ruraqkunapa mandakuqninta puntata uryanqanman yapë kutitsirqan. Y puntata uryanqannöllam väsuwan vïnuta Faraónta yapë sirwirqan. 22Tanta ruraqkunapa mandakuqnintanam José willanqannölla wanuratsir ayanta qeruman warkurqan. 23Vïnu ruraqkunapa mandakuqninqa José rowakushqanta pasëpam qonqarirqan.
Tällä hetkellä valittuna:
Génesis 40: qwhB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.
Génesis 40
40
Ishkaq nunakuna suëñukuyanqanta José käyitsinqan
1Tsëpitanam vïnu ruraqkunapa y tanta ruraqkunapa mandakuqninkuna mana alli rurëninkunawan 2Egipto nacionpa reynin Faraónta alläpa piñatsiyarqan. 3Tsëmi prësu apatsirqan wardiakunapa capitanninpa wayinchö këkaq carcelman. Tsë carcelchömi Josépis llawirëkarqan. 4Wardiakunapa capitanninmi Josépa makinman pëkunata churarqan. Tsëchöqa unënam llawiräyarqan.
5Juk paqasnam vïnu ruraqkunapa y tanta ruraqkunapa mandakuqninqa suëñukïkuyarqan juknin jukninta imapis pasayänanpaq kaqta. 6Pëkunata qoyalla watukaq ëwarnam José tarirqan llakishqa këkäyaqta. 7Tsënam tapurqan: <<¿Imanirtaq mantsakashqa këkäyanki?>>
8Pëkunanam niyarqan: <<Mana allitam suëñukïkuyarqü. Manam pipis kantsu imapaq suëñuyanqäta käyitsiyämänanpaq>>.
Josénam nirqan: <<Tsë suëñuyanqëki imapaq kanqantapis Teyta Diosllam käyitsimäshun. Mä willarayämë imata suëñuyanqëkitapis>>.
9Tsënam vïnu ruraqkunapa mandakuqnin willarqan: <<Suëñïnïchömi rikarqü üvas montita. 10Tsë montiqa kima rämayuqmi kashqa. Tsë rämakunam tseqllimur wëtarqun. Wëtankunanam sarta sarta poqu üvaskuna tikrariyashqa. 11Tsë poqu üvastam Faraónpa väsunta aptarëkashqäman qapirir Faraónta makyëkarqü>>.
12Tsënö willaptinnam Joséqa nirqan: <<Suëñïnikichö kima rämakunata rikanqëkiqa kima junaqmi këkan. 13Kananpita kima junaqtam kë carcelpita Faraón jorqarishurniki punta uryanqëkiman kutitsishunki. Tsëchömi yapë väsuwan vïnun sirwinki. 14Ninqaqnölla pasakuptin uryanqëkiman kutïkur noqatapis yarparkallämanki. Teyta Faraónta rowakïkullanki këpita jorqëkamänanpaq. 15Hebreo nunakuna täräyanqanpitam mana munëkaqta kë markaman apayämashqa. Jutsannaq këkarmi këchö llawirëkä>>.
16Allipaq suëñunqanta willaptinmi tanta ruraqkunapa mandakuqninpis suëñïninta Joséta willarqan: <<Suëñïnïchömi kima taksha canastakunawan peqächö tantakunata purikätsirqü. 17Janan kaq canastachömi Faraón mikunanpaq tukïläya mishki tantakuna këkashqa. Tsë tantakunatam pishqukuna shamur peqä jananchö mikukurkuyashqa>>.
18Tsënam pëtapis José nirqan: <<Suëñïnikichö kima taksha canastakuna rikanqëkiqa kima junaqmi këkan. 19Kananpita kima junaqtam peqëkita roquratsir qeruman Faraón warkutsishuptiki ayëkita wiskurkuna mikuyanqa>>.
20Tsëpita kima junaqtanam Faraónpa cumpliäñun karqan. Tsëmi Faraón fiestata rurarqan tsëchö mandakur yanapaq nunakunawan mikuyänanpaq y upuyänanpaq. Tsë junaqmi carcelpita jorqatsimurqan tanta ruraqkunapa y vïnu ruraqkunapa mandakuqninkunata. 21Tsëpitam vïnu ruraqkunapa mandakuqninta puntata uryanqanman yapë kutitsirqan. Y puntata uryanqannöllam väsuwan vïnuta Faraónta yapë sirwirqan. 22Tanta ruraqkunapa mandakuqnintanam José willanqannölla wanuratsir ayanta qeruman warkurqan. 23Vïnu ruraqkunapa mandakuqninqa José rowakushqanta pasëpam qonqarirqan.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.