Génesis 48
48
Josépa tsurinkunata Jacob bendisinqan
1Tsëpita junaqkuna pasariptinnam Joséta willariyarqan tëtan qeshyëkanqanta. Tsënam tsurinkuna Manasésta y Efraínta pusharkur rikaqnin raslla ëwarqan. 2José chärinqanta willariyaptinnam jitarëkanqanpita imëkanöpis Israel tarkamurqan.
3Tsëchömi Joséta kënö willaparqan: <<Dios El-Shaddaimi#48.3 El-Shaddai ninanqa llapanpaqpis poderyuq Dios ninanmi. yuripumarqan Canaánchö këkaq Luz markachö. Y bendicionninta qomarmi 4kënö nimarqan: <Noqam permitishaq tsurikikuna atska kayänanpaq. Tsënöllam tsurikikunapis y willkëkikunapis y pëkunapita miraqkunapis mirayanqa atska nacionkuna kayänanpaq. Pëkunatam Canaánta qoykushaq imëyaqpis tsëchö täräyänanpaq> >>.#Gén. 28.13-14; 35.9-13.
5Tsënö willapärirnam Jacob nirqan: <<Kë Egiptuman manaraq chämuptï yurikuq tsurikikunataqa noqam legitimäkushaq. Tsëmi Rubén y Simeón tsurïkuna kayanqannö Efraínpis y Manaséspis tsurïnöna kayanqa. 6Pëkunapa qepanman yurikuqkunanam kikikipana kayanqa. Tsëmi Canaánman kutiyaptiki tsë qepa yurikuq tsurikikunata chakran rachiyanqa Efraín y Manasés herenciata chaskiyanqan kaqllachöna. 7Tsurikikunata tsënö legitimëkä mamëki Raquel Canaánchö wanushqa kaptinmi. Pë wanukïkurqan Padan-arampita kutimur Efrata markaman tsëraq chëkaptïmi. Tsëmi pëta pamparqä Efrataman ëwana näni kuchunllaman>>.#Gén. 35.16-20. (Efrataqa Belénmi këkan.)
8Tsënö nikarmi Josépa tsurinkunata rikëkur Israel tapurqan: <<¿Pitaq pëkunaqa kayan?>>
9Josénam nirqan: <<Kë Egiptuchö tëkaptï Teyta Dios qomanqan tsurïkunam kayan, tëtë>>.
Tsënam nirqan: <<Nöpäman wititsimï bendicionnïta qonäpaq>>.
10Alläpa awkinna karmi Israelqa alliq rikarqannatsu. Tsëmi Joséqa tëtanpa nöpanman tsurinkunata wititsirqan. Witïkuyaptinmi waqurkur pëkunata mutsarqan. 11Josétanam nirqan: <<Wanushqana kanqëkita yarparmi manana creyirqänatsu qamwan tinkurinätaqa. Tsënö yarpaptïpis Teyta Diosmi munashqa tsurikikunatapis rikärinätaraq>>.
12Josénam tsurinkunata tëtanpa qonqunpita witiratsir urkunpis patsaman chanqanyaq tëtanpa puntanman qonqurikïkurqan. 13Sharkurirnam tsurin Efraínta churarqan tëtan Israelpa itsuq kaq lädunman y Manaséstanam allawka kaq lädunman. 14Israelnam pëkunata bendisinanpaq peqankunaman makinta cruzëpa churarqan. Tsëmi tutu këkaptinpis allawka kaq makinta Efraínpa peqanman churarqan. Y wamaqshu këkaptinpis itsuq kaq makintanam Manaséspa peqanman churarqan. 15Tsëpitanam Joséta y ishkan willkanta bendisinanpaq Teyta Diosta kënö mañakurqan:
<<Awilü Abraham y tëtä Isaac creyikunqan Teyta Dios, qammi yurinqäpita patsa alli mitsikuqnö rikämarqunki.
16Qammi imëka desgraciapita tsapamaq Ángel kanki.
Kanan kë jövinkunata bendicionnikita qoykullë.
Pëkuna alli kawëkulläyätsun tsënöpa noqata, awilü Abrahamta y tëtä Isaacta nunakuna imëpis yarpäyämänanpaq.
Efraínpa y Manaséspa tsurinkunapis atska këkulläyätsun.
Y mirëninkunapis kë patsachö atska këkulläyätsun>>.
17Efraínpa peqanman allawka kaq makinta tëtan churanqanqa Josépaq manam allitsu karqan. Tsëmi Joséqa tëtanpa allawka kaq makinta tsarirkur Manaséspa peqanman churarqan. 18Y kënömi nirqan: <<Tëtë, ama tsënöqa rurëtsu. Kë kaqmi wamaqshu tsurïqa. Pëpa peqanman allawka kaq makikitaqa churëkullë>>.
19Tëtannam nirqan: <<Noqapis musyëkämi wamaqshu kaq mëqan kanqanta. Wamaqshu kaqpis atskaman mirarmi jatun nación kanqa. Tsënö kaptinpis tutu kaqmi mandakuqqa kanqa. Pëpita miraqkunam atska nacionkuna kayanqa>>.
20Tsënö nirmi ishkan willkankunata bendisirnin nirqan: <<Israel nunakunaqa pitapis bendisirnin kënömi niyanqa: <Efraínta y Manasésta yanapanqannölla Teyta Dios qamkunatapis yanapëkuyäshï> >>.
Tsënömi Efraínta churarqan wamaqshunö kananpaq y Manaséstanam tutunö kananpaq.#Heb. 11.21.
21Josétanam nirqan: <<Rikämanqëkinöpis wanukushaqnam. Wanukuptïpis Teyta Diosqa qamkunawanmi imëpis këkanqa. Tsënöllam pë kutitsiyäshunki awilïki Isaac y tëtan Abraham unë täräyanqanman. 22Qamtaqa wawqikikunapita mastam herenciäta qoykaq. Tsëmi Siquem chakrakunatapis qoykuq. Tsë chakrakunatam amorreo nunakunata espädäwan y flëchäwan vencir qochirqä>>.
Tällä hetkellä valittuna:
Génesis 48: qwhB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.
Génesis 48
48
Josépa tsurinkunata Jacob bendisinqan
1Tsëpita junaqkuna pasariptinnam Joséta willariyarqan tëtan qeshyëkanqanta. Tsënam tsurinkuna Manasésta y Efraínta pusharkur rikaqnin raslla ëwarqan. 2José chärinqanta willariyaptinnam jitarëkanqanpita imëkanöpis Israel tarkamurqan.
3Tsëchömi Joséta kënö willaparqan: <<Dios El-Shaddaimi#48.3 El-Shaddai ninanqa llapanpaqpis poderyuq Dios ninanmi. yuripumarqan Canaánchö këkaq Luz markachö. Y bendicionninta qomarmi 4kënö nimarqan: <Noqam permitishaq tsurikikuna atska kayänanpaq. Tsënöllam tsurikikunapis y willkëkikunapis y pëkunapita miraqkunapis mirayanqa atska nacionkuna kayänanpaq. Pëkunatam Canaánta qoykushaq imëyaqpis tsëchö täräyänanpaq> >>.#Gén. 28.13-14; 35.9-13.
5Tsënö willapärirnam Jacob nirqan: <<Kë Egiptuman manaraq chämuptï yurikuq tsurikikunataqa noqam legitimäkushaq. Tsëmi Rubén y Simeón tsurïkuna kayanqannö Efraínpis y Manaséspis tsurïnöna kayanqa. 6Pëkunapa qepanman yurikuqkunanam kikikipana kayanqa. Tsëmi Canaánman kutiyaptiki tsë qepa yurikuq tsurikikunata chakran rachiyanqa Efraín y Manasés herenciata chaskiyanqan kaqllachöna. 7Tsurikikunata tsënö legitimëkä mamëki Raquel Canaánchö wanushqa kaptinmi. Pë wanukïkurqan Padan-arampita kutimur Efrata markaman tsëraq chëkaptïmi. Tsëmi pëta pamparqä Efrataman ëwana näni kuchunllaman>>.#Gén. 35.16-20. (Efrataqa Belénmi këkan.)
8Tsënö nikarmi Josépa tsurinkunata rikëkur Israel tapurqan: <<¿Pitaq pëkunaqa kayan?>>
9Josénam nirqan: <<Kë Egiptuchö tëkaptï Teyta Dios qomanqan tsurïkunam kayan, tëtë>>.
Tsënam nirqan: <<Nöpäman wititsimï bendicionnïta qonäpaq>>.
10Alläpa awkinna karmi Israelqa alliq rikarqannatsu. Tsëmi Joséqa tëtanpa nöpanman tsurinkunata wititsirqan. Witïkuyaptinmi waqurkur pëkunata mutsarqan. 11Josétanam nirqan: <<Wanushqana kanqëkita yarparmi manana creyirqänatsu qamwan tinkurinätaqa. Tsënö yarpaptïpis Teyta Diosmi munashqa tsurikikunatapis rikärinätaraq>>.
12Josénam tsurinkunata tëtanpa qonqunpita witiratsir urkunpis patsaman chanqanyaq tëtanpa puntanman qonqurikïkurqan. 13Sharkurirnam tsurin Efraínta churarqan tëtan Israelpa itsuq kaq lädunman y Manaséstanam allawka kaq lädunman. 14Israelnam pëkunata bendisinanpaq peqankunaman makinta cruzëpa churarqan. Tsëmi tutu këkaptinpis allawka kaq makinta Efraínpa peqanman churarqan. Y wamaqshu këkaptinpis itsuq kaq makintanam Manaséspa peqanman churarqan. 15Tsëpitanam Joséta y ishkan willkanta bendisinanpaq Teyta Diosta kënö mañakurqan:
<<Awilü Abraham y tëtä Isaac creyikunqan Teyta Dios, qammi yurinqäpita patsa alli mitsikuqnö rikämarqunki.
16Qammi imëka desgraciapita tsapamaq Ángel kanki.
Kanan kë jövinkunata bendicionnikita qoykullë.
Pëkuna alli kawëkulläyätsun tsënöpa noqata, awilü Abrahamta y tëtä Isaacta nunakuna imëpis yarpäyämänanpaq.
Efraínpa y Manaséspa tsurinkunapis atska këkulläyätsun.
Y mirëninkunapis kë patsachö atska këkulläyätsun>>.
17Efraínpa peqanman allawka kaq makinta tëtan churanqanqa Josépaq manam allitsu karqan. Tsëmi Joséqa tëtanpa allawka kaq makinta tsarirkur Manaséspa peqanman churarqan. 18Y kënömi nirqan: <<Tëtë, ama tsënöqa rurëtsu. Kë kaqmi wamaqshu tsurïqa. Pëpa peqanman allawka kaq makikitaqa churëkullë>>.
19Tëtannam nirqan: <<Noqapis musyëkämi wamaqshu kaq mëqan kanqanta. Wamaqshu kaqpis atskaman mirarmi jatun nación kanqa. Tsënö kaptinpis tutu kaqmi mandakuqqa kanqa. Pëpita miraqkunam atska nacionkuna kayanqa>>.
20Tsënö nirmi ishkan willkankunata bendisirnin nirqan: <<Israel nunakunaqa pitapis bendisirnin kënömi niyanqa: <Efraínta y Manasésta yanapanqannölla Teyta Dios qamkunatapis yanapëkuyäshï> >>.
Tsënömi Efraínta churarqan wamaqshunö kananpaq y Manaséstanam tutunö kananpaq.#Heb. 11.21.
21Josétanam nirqan: <<Rikämanqëkinöpis wanukushaqnam. Wanukuptïpis Teyta Diosqa qamkunawanmi imëpis këkanqa. Tsënöllam pë kutitsiyäshunki awilïki Isaac y tëtan Abraham unë täräyanqanman. 22Qamtaqa wawqikikunapita mastam herenciäta qoykaq. Tsëmi Siquem chakrakunatapis qoykuq. Tsë chakrakunatam amorreo nunakunata espädäwan y flëchäwan vencir qochirqä>>.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.