Versets bibliques populaires de Mateo 10

Partager

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Sikan is egkenug̵unan din is untung din dini te kelibutan, nasì egkeawà diyà te kandin is untung din. Iyan, sikan is edtumanen din is menge sug̵ù ku, minsan ke iyan ibpatey zin, ebeg̵ayan sikandin te untung he wazà din pidtemanan.

Kenè kew mahandek te menge etew zà duen su iyan dà egkepatey zan is lawa niw; ne kenè dan egkepatey is gimukud niw. Iyan ikehandek niw is Megbevayà su egkepatey zin is lawa wey minsan is gimukud niw pinaag̵i te Impirnu.

Minsan hentei he kenà edsundan kedì ne kenè din edtiangen is krus din, he ke và dà egkeg̵iya, kenè din edtumanen is menge sug̵ù ku su kela ke iyan ibpatey zin, kenà dait sikandin he egngezanan he sumusundan ku.

Sikan is egkag̵i ziyà te menge etew he iyan a egalen din, ed-engkenen ku zaan sikandin diyà te etuvangan te Amey ku he ziyà te langit. Iyan, sikan is egkag̵i ziyà te menge etew he kenà a iyan egalen din, kenè ku zaan sikandin ed-engkenen diyà te etuvangan te Amey ku he ziyà te langit.

Bewii niw is egkengezeruwan, benhawa niw is ebpatey, bewii niw is menge it-iten wey is ebpenlelungen te mezaat he mulin-ulin. Sikan is nezawat niw he ziyà ebpuun te Megbevayà ne wazè din peveyazi keniyu, ne kenè niw zaan peveyazi zuen te edtevangan niw.

Umba kenè kew mahandek su lavew kew pa he mahal ziyà te kandin, kenà te utew mezakel he menge tagbis.

Kenè niw isipa he midhendini a te kelibutan su wey wazè en kesamuk te menusiyà. Wazà a medhendini wey zuen kelinew su tenged te kedhendini ku ebpekunkuntedahà is menusiyà.