Versets bibliques populaires de Lucas 23

Partager

*Ndá ti ó kjuixin kjuákꞌenkáni chꞌan ntacruz, la ndáchro chꞌan: ―Itꞌéni, tónínkákuénhña sin kixin noehña sin nkehe ti ichꞌe sin. Ndá ti sin soldado la kꞌóxika̱ye̱he sin ti iké chꞌin Jesús, kjuíchꞌexín sin suerte kixin tso̱nohe sin nkexro tsákja.

Ndá kjuáte̱he chꞌin Jesús, ndáchro: ―Chaxín ndáxrja̱n kixin ndesi ijie jaí tsꞌejóko kíchóni nkaya nka̱jní.

Ndá ndáchro chꞌan: ―Jesús, xráxinkaoan ti janhan ti ó tsꞌayéhé kjuachaxin tséto̱an.

*Ndá chꞌin Jesús itsen ndáchro: ―Itꞌéni, tꞌayéhé ti a̱séni. Xi̱kaha ichro chꞌan ndá ikꞌuén chꞌan.

Ndá ti ó kjuíji sin ti ijna̱ itꞌin Hueso Ikja Chojni, la ntiha kjuákꞌenkáni sin chꞌin Jesús ti ntacruz la ko kja̱xin ti yaá chojni chónta ijie̱, ijnko la itja chꞌan chjina la íjnko la itja chꞌan ikjon.

*Ndá ó chjina chonkíxin la kꞌuixitie kuenté chjasintajni hasta las tres kójín. Ikꞌuén ña̱o, la ti ika tjenkákuèxín nkaxehen ni̱nko la kꞌuichje nko̱siñe.

Ndá ti ó kꞌuíkon ti capitán romano kaín tíha la chjéhe chꞌan kjuasáya Díos, ndáchro chꞌan: ―Chaxín, ti nkexro í la ninkehó ijie̱ chóntahya.