Versets bibliques populaires de Chivkeeb 2

Partager

Tub yog vim le nuav tug quasyawg txhaj tso nwg nam nwg txiv tseg, hab moog nrug nwg tug quaspuj nyob, hab obtug yuav koom ua ib lub cev.

Ces tug TSWV kws yog Vaajtswv has tas, “Tsi tsimnyog ca tug txivneej nuav nyob tuab leeg. Kuv yuav tsim dlua ib tug lug nrug nwg nyob ua txwj nkawm paab nwg.”

Tug TSWV kws yog Vaajtswv muab aav lug puab tau ib tug txivneej, hab tshuab sav tshuab paa rua tug txivneej ntawd lub qhovntswg, ces tug txivneej ntawd txawm caj sa.

Ces tug txivneej ntawd has tas, “Nwgnuav, muaj ib tug zoo le peb lawm hab lauj, tug nuav tej txhaa yog kuv txhaa, hab tej nqaj yog kuv nqaj. Nwg lub npe hu ua ‘quaspuj’, rua qhov yog rhu nwg tawm ntawm txivneej lug.”

Vaajtswv foom koob moov rua nub xyaa hab teem nub ntawd ua nub tseemceeb, rua qhov ib puas tsaav yaam kws nwg tsim tub tav taag rua nub ntawd lawm, nwg txhaj su tsi ua num dlaabtsi.

Tug txivneej hab tug quaspuj, obtug ob leeg puavleej labqaab, tabsis obtug ib leeg tsi paub txaajmuag rua ib leeg.