Versets bibliques populaires de IOANE 3

Partager

“Badina be Dirava ese inai tanobada ia lalokau henia bada dainai, iena Natuna tamona sibona ia vara, ia henia vadaeni ita dekenai, do idia abidadama henia taudia ibounai be do idia mase lasi, to mauri hanaihanai do idia abia.

Badina be Dirava ese iena Natuna tanobada dekenai ia siaia mai, be tanobada ia kota henia totona ia mai lasi, to tanobada be ia dainai mauri do ia abia.

Iesu ia haere henia, ia gwau, “Momokani, momokani lau hamaoroa oi dekenai, bema taunimanima ta be ia vara lou lasi, ia be Dirava ena Basileia do ia itaia diba lasi.”

“Dirava ena Natuna ia abidadama henia tauna be do ia kota henia lasi, to ia abidadama henia lasi tauna be ia kota henia vadaeni, badina be ia ese Dirava ena Natuna tamona sibona ia vara, ena ladana ia abidadama henia lasi dainai.

Kota henia ena badina be inai, diari be tanobada dekenai ia mai vadaeni, to taunimanima ese dibura idia ura henia bada, diari be idia ura henia maragi, badina edia kara be ia dika.

Ia be do ia bada lao, lau be do lau maragi lao.”

Badina be kara dika taudia ibounai ese diari idia ura lasi, diari gabuna dekenai idia lao lasi, edia kara do idia hedinaraia garina.

Dirava ena Natuna ia abidadama henia tauna ese mauri hanaihanai do ia abia, to iena Natuna ia kamonai henia lasi tauna be mauri do ia itaia lasi, badina Dirava ena badu be iena latanai do ia noho.

“Mose ese taunimanima idia noho lasi tano dekenai gaigai ia abia isi bamona, Taunimanima ena Natuna danu unai bamona do idia abia isi.

Tamana ese iena Natuna ia lalokau henia, bona gau ibounai iena Natuna ena imana dekenai ia atoa vadaeni.