Versets bibliques populaires de LUKASE 6

Partager

Le fe ba bangwe, gomme Modimo le yena o tla le fa. Le tla fiwa ka kelo ya mmapaale ye e katetšwego ya ba ya ntšhwa mohlopha. Gape kelo ye le elelago ba bangwe ka yona, ke yona ye Modimo a tlago le elela ka yona.”

Motho wa go loka o nagana tše di lokilego ka pelong ya gagwe, ka gona o bolela tše di lokilego; yo mobe le yena o nagana tše mpe, ka fao o bolela tše mpe. Ga ke re se motho a se bolelago ke se se tšwago ka pelong ya gagwe?”

Sa lena a e be go rata manaba a lena le go ba hola, le go adima batho le sa lebelele go bušetšwa. Ke mo Modimo a tlago le putsa kudu, le gona la ba bana ba Modimo yoo Yogodimodimo. Gobane bahlokatebogo le bakgopo le bona o ba loketše.

Le gaugele bjalo ka ge Tatagolena le yena a gaugela.”

“Le se ke la bona ba bangwe diphošo, gomme le lena Modimo a ka se tlo le bona diphošo; le se ke la tšwa motho, gomme le lena Modimo a ka se tlo le tšwa; le swarele ba ba le fošeditšego, gomme Modimo o tla le swarela.

“Lena ba le nkwago, ke a le botša ke re: Le rate manaba a lena, ba ba le hloilego le ba direle tše di lokilego, ba ba le rogago le ba šegofatše, gomme ba ba le swerego gampe le ba rapelele.

Le direle batho tše le lena le ratago gore ba le direle tšona.

Ge motho a ka go betha thama, o mo retollele le ye nngwe. Ge motho a ka go amoga seaparo sa ka ntle, o mo lese a tšee le sa ka gare. Ge motho a ka go kgopela selo, o mo fe sona, le ge motho a ka tšea selo sa gago, o se ke wa re a se buše.

“Mohlare wo mobotse ga o enywe dikenywa tše e sego tše dibotse, le wo e sego wo mobotse ga o enywe dikenywa tše dibotse.

Mohlare wo mongwe le wo mongwe o tsebja ka dikenywa tša wona. Motho ga a fule mago mehlareng ya meetlwa, le diterebe ga a di fule monganeng.