Versets bibliques populaires de Lúkasɛ 14

Partager

«Ata ɛ́yánɛ́ ɔwá a ndɔ ndasá na mɛaŋɔ́á a ná hɔ́ánána ɔwámɛ uhikiə yáyɛ́ná yayɛ́á isə́, yayɛ́á inyə́, wayɛ́á muəndú na báyɛ́á baná, báyɛ́á bənísə́ ɔ balɛ́mɛndɔ́, na bəəndú, yáyɛ́ná bɔ́áyɛ́á buɔmɔ́ bɔ́ bɛ́múɛ́tɛ́. Yɛ́ sá báá nɔ́yɛ́, a sa ósó ɔbáá wamɛ́á mɔkɔ́nɛna.

Wɛ́ɛ́yɛ́ ɔwá a lɛ ndɔ wə́yíə́ ɔmbásá túána ɔkɛaka ɔwá a mɛaŋɔ́á ɔ́ŋgɔ́kɔ, a sa ósó ɔbáá wamɛ́á mɔkɔ́nɛna.»

Ɔ taká, ata ɛ́yánɛ́ mɔndɔ ɔwá a ndɔ bíbə́liə, bá ŋɔ wɛɛ́ya lolosoliə; wɛ́ɛ́yɛ́ ɔwá a ndɔ bílólosoliə, bá ŋɔ wɛɛ́ya bə́ləliə.»

Hɔ́ánánátɔ́, ata ɔmɔtɛ́ ɔ uwə́nú ətíə́ a sa ósó ɔbáá wamɛ́á mɔkɔ́nɛna ábá a sá sáŋɔ́na bikimə ɔbɛ́á a lɛ́á itíə́nə́tɔ.

«Ɔ taká, ɛ́yánɛ́ ɔ uwənú ətíə́ ɔwá a ndɔ siə ɔ miímə mɛŋɛ́ŋa ɔ ɔfalaba, a lɛ naŋɔ́ tuənə ɔ misí ɔkɛaka ɔwá, a masɛma fanáká mbá a manyá ábá a lɛa na məndunə́ má buolí ɔ ɔhɔ́nala əə́? Ábá a ná miímə tɛ́kɛ́ná a lɛ hɔ́nála ɔ ɔfalaba, bəkimə ɔbá bá ŋɔ nɔ́yɛ́ siəkinə, bá ŋɔ wɛɛ́ya ɔnɔkɔ.» Bá sɛ́á: «Wɔ́ɔwɔ mɔndɔ a ka botoliə ɔ miímə ɔfalaba, mba, a sa kafáma ɔ ɔhɔ́nala.»

Ɔ nifəŋə, ikúílí ɔ ndɔ nɛnɛ́á tíkə, ɛ́lɛ́ákɛ́ná tɔtɔyɔ́nɔ́, bɛáta, bɛkátá na bəndímə́ndímə. Ɔ ŋɔ bá na nɛhɔnɔ bɔkɔasɛ́á, bátáyɛ́ bá sɔ́ ŋɔ óso ɔ ɔwáwɔ uhíə́niniə yatɛ́ ɔyɛ́á ɔ ná bəə́bu kɛ́áka. Ɔ taká, Huɛlɛ́ a ŋɔ aŋɔ́á híə́niniə bɛ́táyɛ́ bikimə ɔ nɛhɔŋɔa nɛ́ bátaká.»

«Ibusə́ yɛ́ lɛa bɔɔ́la buɛsɛ; mba ɛ́bá yɛ́ ná sɔnɔ́á na yatɛ́ bá ŋɔ máyɛ́á matáma híə́niə əə́? Yɛ́ lɛ báá yɛɛsɛ ata ɔ misí mbá ata ɔ nianá: Bá yɛɛ́ta omboko ɔ niə́lətíə́. Wɛ́ɛ́yɛ́ ɔwá a lɛ́á na məlúə́ má ɔ́wɔ́kɔ́nɔ, á ɔ́kɔ́kɛ́na.»