Versets bibliques populaires de KEJADIAN 4

Partager

Kalu ho mo'e alekot, namneo of hom huma mo'e; mes kalu ho mo'e amle'ut, es nane te sanat anpao ko hen tam neu ho nekam nanan. Sanat hen kuas ho aom, mes of ho hem be'u mani.”

Nai Set napeni li'anmone mese ma nakanab in Nai Enos. Anbi eti ma tabu nane atoni anfatan luli-besa ma antek UISNENO In kanan.

UISNENO natan Nai Kain nak, “Ho olif, Nai Habel, esme ka?” Nai Kain natae nak, “Au ka uhin fa. Ai au he fani apaot neu au olif?”

Oke te UISNENO namolok nak, “Nansa' es ho mo'e lasi le neki amtaus nane? Ho olif in na' ansanane neu Kau na'ko afu in nanan, onle hanaf le ansakoi ma antoti seunbanin.

Mes UISNENO namolok nak, “Kahaf. Kalu sekau namate ko, anfani on in seunbanin, atoni sin ta'uf hitu nok atoni le namate ko nane, of mamate amsa.” Nalali te UISNENO antao nani takaf neu Nai Kain he nati' sekau am sekau le naeku nokan kaisa namate in.